洞察经

an6.63:1.1

“Nibbedhikapariyāyaṁ vo, bhikkhave, dhammapariyāyaṁ desessāmi.

“比丘们，我要为你们说导向通达的法门。

an6.63:1.2

Taṁ suṇātha, sādhukaṁ manasi karotha, bhāsissāmī”ti.

你们要听，善加作意，我要说了。”

an6.63:1.3

“Evaṁ, bhante”ti kho te bhikkhū bhagavato paccassosuṁ.

那些比丘回答世尊：“是，尊者。”

an6.63:1.4

Bhagavā etadavoca:

世尊这样说：

an6.63:2.1

“Katamo ca so, bhikkhave, nibbedhikapariyāyo dhammapariyāyo?

比丘们，什么是这导向通达的法门？

an6.63:2.2

Kāmā, bhikkhave, veditabbā, kāmānaṁ nidānasambhavo veditabbo, kāmānaṁ vemattatā veditabbā, kāmānaṁ vipāko veditabbo, kāmanirodho veditabbo, kāmanirodhagāminī paṭipadā veditabbā.

比丘们，应知欲，应知欲的生起根源，应知欲的差别，应知欲的异熟，应知欲的止灭，应知趣向欲止灭的行道。

an6.63:3.1

Vedanā, bhikkhave, veditabbā, vedanānaṁ nidānasambhavo veditabbo, vedanānaṁ vemattatā veditabbā, vedanānaṁ vipāko veditabbo, vedanānirodho veditabbo, vedanānirodhagāminī paṭipadā veditabbā.

比丘们，应知受，应知受的生起根源，应知受的差别，应知受的异熟，应知受的止灭，应知趣向受止灭的行道。

an6.63:4.1

Saññā, bhikkhave, veditabbā, saññānaṁ nidānasambhavo veditabbo, saññānaṁ vemattatā veditabbā, saññānaṁ vipāko veditabbo, saññānirodho veditabbo, saññānirodhagāminī paṭipadā veditabbā.

比丘们，应知想，应知想的生起根源，应知想的差别，应知想的异熟，应知想的止灭，应知趣向想止灭的行道。

an6.63:5.1

Āsavā, bhikkhave, veditabbā, āsavānaṁ nidānasambhavo veditabbo, āsavānaṁ vemattatā veditabbā, āsavānaṁ vipāko veditabbo, āsavanirodho veditabbo, āsavanirodhagāminī paṭipadā veditabbā.

比丘们，应知漏，应知漏的生起根源，应知漏的差别，应知漏的异熟，应知漏的止灭，应知趣向漏止灭的行道。

an6.63:6.1

Kammaṁ, bhikkhave, veditabbaṁ, kammānaṁ nidānasambhavo veditabbo, kammānaṁ vemattatā veditabbā, kammānaṁ vipāko veditabbo, kammanirodho veditabbo, kammanirodhagāminī paṭipadā veditabbā.

比丘们，应知业，应知业的生起根源，应知业的差别，应知业的异熟，应知业的止灭，应知趣向业止灭的行道。

an6.63:7.1

Dukkhaṁ, bhikkhave, veditabbaṁ, dukkhassa nidānasambhavo veditabbo, dukkhassa vemattatā veditabbā, dukkhassa vipāko veditabbo, dukkhanirodho veditabbo, dukkhanirodhagāminī paṭipadā veditabbā.

比丘们，应知苦，应知苦的生起根源，应知苦的差别，应知苦的异熟，应知苦的止灭，应知趣向苦止灭的行道。

an6.63:8.1

‘Kāmā, bhikkhave, veditabbā, kāmānaṁ nidānasambhavo veditabbo, kāmānaṁ vemattatā veditabbā, kāmānaṁ vipāko veditabbo, kāmanirodho veditabbo, kāmanirodhagāminī paṭipadā veditabbā’ti, iti kho panetaṁ vuttaṁ.

“比丘们，应知欲，应知欲的生起根源，应知欲的差别，应知欲的异熟，应知欲的止灭，应知趣向欲止灭的行道。”这是这样说的。

an6.63:8.2

Kiñcetaṁ paṭicca vuttaṁ?

这是依据什么而说？

an6.63:8.3

Pañcime, bhikkhave, kāmaguṇā—

比丘们，有这五欲功德：

an6.63:8.4

cakkhuviññeyyā rūpā iṭṭhā kantā manāpā piyarūpā kāmūpasaṁhitā rajanīyā,

眼所识的色，可意、可爱、适意、可喜、与欲相应、引起贪染。

an6.63:8.5

sotaviññeyyā saddā …

耳所识的声……

an6.63:8.6

ghānaviññeyyā gandhā …

鼻所识的香……

an6.63:8.7

jivhāviññeyyā rasā …

舌所识的味……

an6.63:8.8

kāyaviññeyyā phoṭṭhabbā iṭṭhā kantā manāpā piyarūpā kāmūpasaṁhitā rajanīyā.

身所识的触，可意、可爱、适意、可喜、与欲相应、引起贪染。

an6.63:8.9

Api ca kho, bhikkhave, nete kāmā kāmaguṇā nāmete ariyassa vinaye vuccanti—

然而，比丘们，这些不是欲；在圣者的律中，它们称为欲功德：

an6.63:8.10

Saṅkapparāgo purisassa kāmo,

人的欲，是意向中的贪染，

an6.63:8.11

Nete kāmā yāni citrāni loke;

不是世间种种美妙事物；

an6.63:8.12

Saṅkapparāgo purisassa kāmo,

人的欲，是意向中的贪染，

an6.63:8.13

Tiṭṭhanti citrāni tatheva loke;

种种美妙事物仍在世间，

an6.63:8.14

Athettha dhīrā vinayanti chandanti.

而贤智者调伏对它们的意欲。

an6.63:9.1

Katamo ca, bhikkhave, kāmānaṁ nidānasambhavo?

比丘们，什么是欲的生起根源？

an6.63:10.2

Phasso, bhikkhave, kāmānaṁ nidānasambhavo.

比丘们，触是欲的生起根源。

an6.63:11.1

Katamā ca, bhikkhave, kāmānaṁ vemattatā?

比丘们，什么是欲的差别？

an6.63:11.2

Añño, bhikkhave, kāmo rūpesu, añño kāmo saddesu, añño kāmo gandhesu, añño kāmo rasesu, añño kāmo phoṭṭhabbesu.

比丘们，对色的欲不同，对声的欲不同，对香的欲不同，对味的欲不同，对触的欲不同。

an6.63:11.3

Ayaṁ vuccati, bhikkhave, kāmānaṁ vemattatā.

比丘们，这称为欲的差别。

an6.63:12.1

Katamo ca, bhikkhave, kāmānaṁ vipāko?

比丘们，什么是欲的异熟？

an6.63:12.2

Yaṁ kho, bhikkhave, kāmayamāno tajjaṁ tajjaṁ attabhāvaṁ abhinibbatteti puññabhāgiyaṁ vā apuññabhāgiyaṁ vā, ayaṁ vuccati, bhikkhave, kāmānaṁ vipāko.

比丘们，有欲求的人，生起与之相应的自身存在，或属于福报，或属于非福报；这称为欲的异熟。

an6.63:13.1

Katamo ca, bhikkhave, kāmanirodho?

比丘们，什么是欲的止灭？

an6.63:13.2

Phassanirodho, bhikkhave, kāmanirodho.

比丘们，触止灭，就是欲止灭。

an6.63:13.3

Ayameva ariyo aṭṭhaṅgiko maggo kāmanirodhagāminī paṭipadā, seyyathidaṁ—

趣向欲止灭的行道，就是这八支圣道，即：

an6.63:13.4

sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi.

正见、正思惟、正语、正业、正命、正精进、正念、正定。

an6.63:14.1

Yato kho, bhikkhave, ariyasāvako evaṁ kāme pajānāti, evaṁ kāmānaṁ nidānasambhavaṁ pajānāti, evaṁ kāmānaṁ vemattataṁ pajānāti, evaṁ kāmānaṁ vipākaṁ pajānāti, evaṁ kāmanirodhaṁ pajānāti, evaṁ kāmanirodhagāminiṁ paṭipadaṁ pajānāti, so imaṁ nibbedhikaṁ brahmacariyaṁ pajānāti kāmanirodhaṁ.

比丘们，当圣弟子如此了知欲，如此了知欲的生起根源、差别、异熟、止灭及趣向止灭的行道，他就了知这导向通达、止灭欲的梵行。

an6.63:14.2

Kāmā, bhikkhave, veditabbā …pe… kāmanirodhagāminī paṭipadā veditabbāti,

“比丘们，应知欲……应知趣向欲止灭的行道。”

an6.63:14.3

iti yaṁ taṁ vuttaṁ idametaṁ paṭicca vuttaṁ.

所说的这句话，就是依据这个而说。

an6.63:15.1

Vedanā, bhikkhave, veditabbā …pe… vedanānirodhagāminī paṭipadā veditabbāti,

“比丘们，应知受……应知趣向受止灭的行道。”

an6.63:15.2

iti kho panetaṁ vuttaṁ. Kiñcetaṁ paṭicca vuttaṁ?

这是这样说的。这是依据什么而说？

an6.63:15.3

Tisso imā, bhikkhave, vedanā—

比丘们，有这三种受：

an6.63:15.4

sukhā vedanā, dukkhā vedanā, adukkhamasukhā vedanā.

乐受、苦受、不苦不乐受。

an6.63:16.1

Katamo ca, bhikkhave, vedanānaṁ nidānasambhavo?

比丘们，什么是受的生起根源？

an6.63:16.2

Phasso, bhikkhave, vedanānaṁ nidānasambhavo.

比丘们，触是受的生起根源。

an6.63:17.1

Katamā ca, bhikkhave, vedanānaṁ vemattatā?

比丘们，什么是受的差别？

an6.63:17.2

Atthi, bhikkhave, sāmisā sukhā vedanā, atthi nirāmisā sukhā vedanā, atthi sāmisā dukkhā vedanā, atthi nirāmisā dukkhā vedanā, atthi sāmisā adukkhamasukhā vedanā, atthi nirāmisā adukkhamasukhā vedanā.

比丘们，有有物染的乐受，有无物染的乐受；有有物染的苦受，有无物染的苦受；有有物染的不苦不乐受，有无物染的不苦不乐受。

an6.63:17.3

Ayaṁ vuccati, bhikkhave, vedanānaṁ vemattatā.

比丘们，这称为受的差别。

an6.63:18.1

Katamo ca, bhikkhave, vedanānaṁ vipāko?

比丘们，什么是受的异熟？

an6.63:18.2

Yaṁ kho, bhikkhave, vediyamāno tajjaṁ tajjaṁ attabhāvaṁ abhinibbatteti puññabhāgiyaṁ vā apuññabhāgiyaṁ vā,

比丘们，有所感受的人，生起与之相应的自身存在，或属于福报，或属于非福报；

an6.63:18.3

ayaṁ vuccati, bhikkhave, vedanānaṁ vipāko.

比丘们，这称为受的异熟。

an6.63:19.1

Katamo ca, bhikkhave, vedanānirodho?

比丘们，什么是受的止灭？

an6.63:19.2

Phassanirodho, bhikkhave, vedanānirodho.

比丘们，触止灭，就是受止灭。

an6.63:19.3

Ayameva ariyo aṭṭhaṅgiko maggo vedanānirodhagāminī paṭipadā, seyyathidaṁ—

趣向受止灭的行道，就是这八支圣道，即：

an6.63:19.4

sammādiṭṭhi …pe… sammāsamādhi.

正见……正定。

an6.63:20.1

Yato kho, bhikkhave, ariyasāvako evaṁ vedanaṁ pajānāti, evaṁ vedanānaṁ nidānasambhavaṁ pajānāti, evaṁ vedanānaṁ vemattataṁ pajānāti, evaṁ vedanānaṁ vipākaṁ pajānāti, evaṁ vedanānirodhaṁ pajānāti, evaṁ vedanānirodhagāminiṁ paṭipadaṁ pajānāti. So imaṁ nibbedhikaṁ brahmacariyaṁ pajānāti vedanānirodhaṁ.

比丘们，当圣弟子如此了知受，如此了知受的生起根源、差别、异熟、止灭及趣向止灭的行道，他就了知这导向通达、止灭受的梵行。

an6.63:20.2

Vedanā, bhikkhave, veditabbā …pe… vedanānirodhagāminī paṭipadā veditabbāti,

“比丘们，应知受……应知趣向受止灭的行道。”

an6.63:20.3

iti yaṁ taṁ vuttaṁ idametaṁ paṭicca vuttaṁ.

所说的这句话，就是依据这个而说。

an6.63:21.1

Saññā, bhikkhave, veditabbā …pe… saññānirodhagāminī paṭipadā veditabbāti,

“比丘们，应知想……应知趣向想止灭的行道。”

an6.63:21.2

iti kho panetaṁ vuttaṁ. Kiñcetaṁ paṭicca vuttaṁ?

这是这样说的。这是依据什么而说？

an6.63:21.3

Chayimā, bhikkhave, saññā—

比丘们，有这六种想：

an6.63:21.4

rūpasaññā, saddasaññā, gandhasaññā, rasasaññā, phoṭṭhabbasaññā, dhammasaññā.

色想、声想、香想、味想、触想、法想。

an6.63:22.1

Katamo ca, bhikkhave, saññānaṁ nidānasambhavo?

比丘们，什么是想的生起根源？

an6.63:22.2

Phasso, bhikkhave, saññānaṁ nidānasambhavo.

比丘们，触是想的生起根源。

an6.63:23.1

Katamā ca, bhikkhave, saññānaṁ vemattatā?

比丘们，什么是想的差别？

an6.63:23.2

Aññā, bhikkhave, saññā rūpesu, aññā saññā saddesu, aññā saññā gandhesu, aññā saññā rasesu, aññā saññā phoṭṭhabbesu, aññā saññā dhammesu.

比丘们，对色的想不同，对声的想不同，对香的想不同，对味的想不同，对触的想不同，对法的想不同。

an6.63:23.3

Ayaṁ vuccati, bhikkhave, saññānaṁ vemattatā.

比丘们，这称为想的差别。

an6.63:24.1

Katamo ca, bhikkhave, saññānaṁ vipāko?

比丘们，什么是想的异熟？

an6.63:24.2

Vohāravepakkaṁ, bhikkhave, saññaṁ vadāmi.

比丘们，我说想以言说为异熟。

an6.63:24.3

Yathā yathā naṁ sañjānāti tathā tathā voharati, evaṁ saññī ahosinti.

怎样认知它，就怎样言说：‘我是这样认知的。’

an6.63:24.4

Ayaṁ vuccati, bhikkhave, saññānaṁ vipāko.

比丘们，这称为想的异熟。

an6.63:25.1

Katamo ca, bhikkhave, saññānirodho?

比丘们，什么是想的止灭？

an6.63:25.2

Phassanirodho, bhikkhave, saññānirodho.

比丘们，触止灭，就是想止灭。

an6.63:25.3

Ayameva ariyo aṭṭhaṅgiko maggo saññānirodhagāminī paṭipadā, seyyathidaṁ—

趣向想止灭的行道，就是这八支圣道，即：

an6.63:25.4

sammādiṭṭhi …pe… sammāsamādhi.

正见……正定。

an6.63:26.1

Yato kho, bhikkhave, ariyasāvako evaṁ saññaṁ pajānāti, evaṁ saññānaṁ nidānasambhavaṁ pajānāti, evaṁ saññānaṁ vemattataṁ pajānāti, evaṁ saññānaṁ vipākaṁ pajānāti, evaṁ saññānirodhaṁ pajānāti, evaṁ saññānirodhagāminiṁ paṭipadaṁ pajānāti, so imaṁ nibbedhikaṁ brahmacariyaṁ pajānāti saññānirodhaṁ.

比丘们，当圣弟子如此了知想，如此了知想的生起根源、差别、异熟、止灭及趣向止灭的行道，他就了知这导向通达、止灭想的梵行。

an6.63:26.2

Saññā, bhikkhave, veditabbā …pe… saññānirodhagāminī paṭipadā veditabbāti.

“比丘们，应知想……应知趣向想止灭的行道。”

an6.63:26.3

Iti yaṁ taṁ vuttaṁ idametaṁ paṭicca vuttaṁ.

所说的这句话，就是依据这个而说。

an6.63:27.1

Āsavā, bhikkhave, veditabbā …pe… āsavanirodhagāminī paṭipadā veditabbāti,

“比丘们，应知漏……应知趣向漏止灭的行道。”

an6.63:27.2

iti kho panetaṁ vuttaṁ. Kiñcetaṁ paṭicca vuttaṁ?

这是这样说的。这是依据什么而说？

an6.63:27.3

Tayome, bhikkhave, āsavā—

比丘们，有这三种漏：

an6.63:27.4

kāmāsavo, bhavāsavo, avijjāsavo.

欲漏、有漏、无明漏。

an6.63:28.1

Katamo ca, bhikkhave, āsavānaṁ nidānasambhavo?

比丘们，什么是漏的生起根源？

an6.63:28.2

Avijjā, bhikkhave, āsavānaṁ nidānasambhavo.

比丘们，无明是漏的生起根源。

an6.63:29.1

Katamā ca, bhikkhave, āsavānaṁ vemattatā?

比丘们，什么是漏的差别？

an6.63:29.2

Atthi, bhikkhave, āsavā nirayagamanīyā, atthi āsavā tiracchānayonigamanīyā, atthi āsavā pettivisayagamanīyā, atthi āsavā manussalokagamanīyā, atthi āsavā devalokagamanīyā.

比丘们，有导向地狱的漏，有导向畜生胎生处的漏，有导向饿鬼境域的漏，有导向人间的漏，有导向天界的漏。

an6.63:29.3

Ayaṁ vuccati, bhikkhave, āsavānaṁ vemattatā.

比丘们，这称为漏的差别。

an6.63:30.1

Katamo ca, bhikkhave, āsavānaṁ vipāko?

比丘们，什么是漏的异熟？

an6.63:30.2

Yaṁ kho, bhikkhave, avijjāgato tajjaṁ tajjaṁ attabhāvaṁ abhinibbatteti puññabhāgiyaṁ vā apuññabhāgiyaṁ vā, ayaṁ vuccati, bhikkhave, āsavānaṁ vipāko.

比丘们，落入无明的人，生起与之相应的自身存在，或属于福报，或属于非福报；这称为漏的异熟。

an6.63:31.1

Katamo ca, bhikkhave, āsavanirodho?

比丘们，什么是漏的止灭？

an6.63:31.2

Avijjānirodho, bhikkhave, āsavanirodho.

比丘们，无明止灭，就是漏止灭。

an6.63:31.3

Ayameva ariyo aṭṭhaṅgiko maggo āsavanirodhagāminī paṭipadā, seyyathidaṁ—

趣向漏止灭的行道，就是这八支圣道，即：

an6.63:31.4

sammādiṭṭhi …pe… sammāsamādhi.

正见……正定。

an6.63:32.1

Yato kho, bhikkhave, ariyasāvako evaṁ āsave pajānāti, evaṁ āsavānaṁ nidānasambhavaṁ pajānāti, evaṁ āsavānaṁ vemattataṁ pajānāti, evaṁ āsavānaṁ vipākaṁ pajānāti, evaṁ āsavānaṁ nirodhaṁ pajānāti, evaṁ āsavānaṁ nirodhagāminiṁ paṭipadaṁ pajānāti, so imaṁ nibbedhikaṁ brahmacariyaṁ pajānāti āsavanirodhaṁ.

比丘们，当圣弟子如此了知漏，如此了知漏的生起根源、差别、异熟、止灭及趣向止灭的行道，他就了知这导向通达、止灭漏的梵行。

an6.63:32.2

Āsavā, bhikkhave, veditabbā …pe… āsavanirodhagāminī paṭipadā veditabbāti.

“比丘们，应知漏……应知趣向漏止灭的行道。”

an6.63:32.3

Iti yaṁ taṁ vuttaṁ idametaṁ paṭicca vuttaṁ.

所说的这句话，就是依据这个而说。

an6.63:33.1

Kammaṁ, bhikkhave, veditabbaṁ …pe… kammanirodhagāminī paṭipadā veditabbāti, iti kho panetaṁ vuttaṁ.

“比丘们，应知业……应知趣向业止灭的行道。”这是这样说的。

an6.63:33.2

Kiñcetaṁ paṭicca vuttaṁ?

这是依据什么而说？

an6.63:33.3

Cetanāhaṁ, bhikkhave, kammaṁ vadāmi.

比丘们，我说思就是业。

an6.63:33.4

Cetayitvā kammaṁ karoti—

有思后，造作业，

an6.63:33.5

kāyena vācāya manasā.

以身、以语、以意。

an6.63:34.1

Katamo ca, bhikkhave, kammānaṁ nidānasambhavo?

比丘们，什么是业的生起根源？

an6.63:34.2

Phasso, bhikkhave, kammānaṁ nidānasambhavo.

比丘们，触是业的生起根源。

an6.63:35.1

Katamā ca, bhikkhave, kammānaṁ vemattatā?

比丘们，什么是业的差别？

an6.63:35.2

Atthi, bhikkhave, kammaṁ nirayavedanīyaṁ, atthi kammaṁ tiracchānayonivedanīyaṁ, atthi kammaṁ pettivisayavedanīyaṁ, atthi kammaṁ manussalokavedanīyaṁ, atthi kammaṁ devalokavedanīyaṁ.

比丘们，有应在地狱感受的业，有应在畜生胎生处感受的业，有应在饿鬼境域感受的业，有应在人间感受的业，有应在天界感受的业。

an6.63:35.3

Ayaṁ vuccati, bhikkhave, kammānaṁ vemattatā.

比丘们，这称为业的差别。

an6.63:36.1

Katamo ca, bhikkhave, kammānaṁ vipāko?

比丘们，什么是业的异熟？

an6.63:36.2

Tividhāhaṁ, bhikkhave, kammānaṁ vipākaṁ vadāmi—

比丘们，我说业的异熟有三种：

an6.63:36.3

diṭṭheva dhamme, upapajje vā, apare vā pariyāye.

就在现法，或在下次受生，或在此后的时机。

an6.63:36.4

Ayaṁ vuccati, bhikkhave, kammānaṁ vipāko.

比丘们，这称为业的异熟。

an6.63:37.1

Katamo ca, bhikkhave, kammanirodho?

比丘们，什么是业的止灭？

an6.63:37.2

Phassanirodho, bhikkhave, kammanirodho.

比丘们，触止灭，就是业止灭。

an6.63:37.3

Ayameva ariyo aṭṭhaṅgiko maggo kammanirodhagāminī paṭipadā, seyyathidaṁ—

趣向业止灭的行道，就是这八支圣道，即：

an6.63:37.4

sammādiṭṭhi …pe… sammāsamādhi.

正见……正定。

an6.63:38.1

Yato kho, bhikkhave, ariyasāvako evaṁ kammaṁ pajānāti, evaṁ kammānaṁ nidānasambhavaṁ pajānāti, evaṁ kammānaṁ vemattataṁ pajānāti, evaṁ kammānaṁ vipākaṁ pajānāti, evaṁ kammanirodhaṁ pajānāti, evaṁ kammanirodhagāminiṁ paṭipadaṁ pajānāti, so imaṁ nibbedhikaṁ brahmacariyaṁ pajānāti kammanirodhaṁ.

比丘们，当圣弟子如此了知业，如此了知业的生起根源、差别、异熟、止灭及趣向止灭的行道，他就了知这导向通达、止灭业的梵行。

an6.63:38.2

Kammaṁ, bhikkhave, veditabbaṁ …pe… kammanirodhagāminī paṭipadā veditabbāti,

“比丘们，应知业……应知趣向业止灭的行道。”

an6.63:38.3

iti yaṁ taṁ vuttaṁ idametaṁ paṭicca vuttaṁ.

所说的这句话，就是依据这个而说。

an6.63:39.1

Dukkhaṁ, bhikkhave, veditabbaṁ, dukkhassa nidānasambhavo veditabbo, dukkhassa vemattatā veditabbā, dukkhassa vipāko veditabbo, dukkhanirodho veditabbo, dukkhanirodhagāminī paṭipadā veditabbāti.

比丘们，应知苦，应知苦的生起根源，应知苦的差别，应知苦的异熟，应知苦的止灭，应知趣向苦止灭的行道。

an6.63:39.2

Iti kho panetaṁ vuttaṁ, kiñcetaṁ paṭicca vuttaṁ?

这是这样说的。这是依据什么而说？

an6.63:39.3

Jātipi dukkhā, jarāpi dukkhā, byādhipi dukkho, maraṇampi dukkhaṁ, sokaparidevadukkhadomanassupāyāsāpi dukkhā, yampicchaṁ na labhati tampi dukkhaṁ, saṅkhittena pañcupādānakkhandhā dukkhā.

生是苦，老是苦，病是苦，死是苦，愁、悲、苦、忧、恼是苦，所愿求而不得也是苦；简言之，五取蕴是苦。

an6.63:40.1

Katamo ca, bhikkhave, dukkhassa nidānasambhavo?

比丘们，什么是苦的生起根源？

an6.63:40.2

Taṇhā, bhikkhave, dukkhassa nidānasambhavo.

比丘们，渴爱是苦的生起根源。

an6.63:41.1

Katamā ca, bhikkhave, dukkhassa vemattatā?

比丘们，什么是苦的差别？

an6.63:41.2

Atthi, bhikkhave, dukkhaṁ adhimattaṁ, atthi parittaṁ, atthi dandhavirāgi, atthi khippavirāgi.

比丘们，有强烈的苦，有微小的苦，有缓慢消退的苦，有迅速消退的苦。

an6.63:41.3

Ayaṁ vuccati, bhikkhave, dukkhassa vemattatā.

比丘们，这称为苦的差别。

an6.63:42.1

Katamo ca, bhikkhave, dukkhassa vipāko?

比丘们，什么是苦的异熟？

an6.63:42.2

Idha, bhikkhave, ekacco yena dukkhena abhibhūto pariyādinnacitto socati kilamati paridevati, urattāḷiṁ kandati, sammohaṁ āpajjati, yena vā pana dukkhena abhibhūto pariyādinnacitto bahiddhā pariyeṭṭhiṁ āpajjati:

比丘们，这里，有人被苦压倒、心被占据，忧愁、疲惫、悲泣，捶胸哭号，陷入迷乱；或被苦压倒、心被占据，向外寻求：

an6.63:42.3

‘ko ekapadaṁ dvipadaṁ jānāti imassa dukkhassa nirodhāyā’ti?

‘谁知道止灭这种苦的一句、两句话？’

an6.63:42.4

Sammohavepakkaṁ vāhaṁ, bhikkhave, dukkhaṁ vadāmi pariyeṭṭhivepakkaṁ vā.

比丘们，我说苦以迷乱为异熟，或以寻求为异熟。

an6.63:42.5

Ayaṁ vuccati, bhikkhave, dukkhassa vipāko.

比丘们，这称为苦的异熟。

an6.63:43.1

Katamo ca, bhikkhave, dukkhanirodho?

比丘们，什么是苦的止灭？

an6.63:43.2

Taṇhānirodho, bhikkhave, dukkhanirodho.

比丘们，渴爱止灭，就是苦止灭。

an6.63:43.3

Ayameva ariyo aṭṭhaṅgiko maggo dukkhassa nirodhagāminī paṭipadā, seyyathidaṁ—

趣向苦止灭的行道，就是这八支圣道，即：

an6.63:43.4

sammādiṭṭhi …pe… sammāsamādhi.

正见……正定。

an6.63:44.1

Yato kho, bhikkhave, ariyasāvako evaṁ dukkhaṁ pajānāti, evaṁ dukkhassa nidānasambhavaṁ pajānāti, evaṁ dukkhassa vemattataṁ pajānāti, evaṁ dukkhassa vipākaṁ pajānāti, evaṁ dukkhanirodhaṁ pajānāti, evaṁ dukkhanirodhagāminiṁ paṭipadaṁ pajānāti, so imaṁ nibbedhikaṁ brahmacariyaṁ pajānāti dukkhanirodhaṁ.

比丘们，当圣弟子如此了知苦，如此了知苦的生起根源、差别、异熟、止灭及趣向止灭的行道，他就了知这导向通达、止灭苦的梵行。

an6.63:44.2

Dukkhaṁ, bhikkhave, veditabbaṁ, dukkhassa nidānasambhavo veditabbo, dukkhassa vemattatā veditabbā, dukkhassa vipāko veditabbo, dukkhanirodho veditabbo, dukkhanirodhagāminī paṭipadā veditabbāti.

比丘们，应知苦，应知苦的生起根源，应知苦的差别，应知苦的异熟，应知苦的止灭，应知趣向苦止灭的行道。

an6.63:44.3

Iti yaṁ taṁ vuttaṁ idametaṁ paṭicca vuttaṁ.

所说的这句话，就是依据这个而说。

an6.63:45.1

Ayaṁ kho so, bhikkhave, nibbedhikapariyāyo dhammapariyāyo”ti.

比丘们，这就是导向通达的法门。”