三明婆蹉种经

mn71:1.1

Evaṁ me sutaṁ—

如是我闻。

mn71:1.2

ekaṁ samayaṁ bhagavā vesāliyaṁ viharati mahāvane kūṭāgārasālāyaṁ.

一时，世尊住在毗舍离大林重阁讲堂。

mn71:2.1

Tena kho pana samayena vacchagotto paribbājako ekapuṇḍarīke paribbājakārāme paṭivasati.

当时，游行者婆蹉种住在一白莲游行者园。

mn71:3.1

Atha kho bhagavā pubbaṇhasamayaṁ nivāsetvā pattacīvaramādāya vesāliṁ piṇḍāya pāvisi.

于是，世尊在上午穿好衣服，拿着钵与衣，进入毗舍离乞食。

mn71:3.2

Atha kho bhagavato etadahosi:

世尊心想：

mn71:3.3

“atippago kho tāva vesāliyaṁ piṇḍāya carituṁ;

“现在到毗舍离行乞，尚且太早；

mn71:3.4

yannūnāhaṁ yena ekapuṇḍarīko paribbājakārāmo yena vacchagotto paribbājako tenupasaṅkameyyan”ti.

我何不去一白莲游行者园，拜访游行者婆蹉种？”

mn71:3.5

Atha kho bhagavā yena ekapuṇḍarīko paribbājakārāmo yena vacchagotto paribbājako tenupasaṅkami.

于是，世尊前往一白莲游行者园，来到游行者婆蹉种那里。

mn71:4.1

Addasā kho vacchagotto paribbājako bhagavantaṁ dūratova āgacchantaṁ.

游行者婆蹉种远远看见世尊走来。

mn71:4.2

Disvāna bhagavantaṁ etadavoca:

看见后，他对世尊说：

mn71:4.3

“Etu kho, bhante, bhagavā.

“尊者，请世尊来。

mn71:4.4

Svāgataṁ, bhante, bhagavato.

尊者，欢迎世尊。

mn71:4.5

Cirassaṁ kho, bhante, bhagavā imaṁ pariyāyamakāsi yadidaṁ idhāgamanāya.

尊者，世尊很久才有这次机会到这里来。

mn71:4.6

Nisīdatu, bhante, bhagavā idamāsanaṁ paññattan”ti.

尊者，请世尊坐，这是备好的座位。”

mn71:4.7

Nisīdi bhagavā paññatte āsane.

世尊在备好的座位上坐下。

mn71:4.8

Vacchagottopi kho paribbājako aññataraṁ nīcaṁ āsanaṁ gahetvā ekamantaṁ nisīdi.

游行者婆蹉种也取了一个低座，在一旁坐下。

mn71:4.9

Ekamantaṁ nisinno kho vacchagotto paribbājako bhagavantaṁ etadavoca:

坐在一旁的游行者婆蹉种对世尊说：

mn71:5.1

“sutaṁ metaṁ, bhante:

尊者，我听说过这样的说法：

mn71:5.2

‘samaṇo gotamo sabbaññū sabbadassāvī, aparisesaṁ ñāṇadassanaṁ paṭijānāti,

“沙门乔达摩是全知者、全见者，自称具有无余的知与见：

mn71:5.3

carato ca me tiṭṭhato ca suttassa ca jāgarassa ca satataṁ samitaṁ ñāṇadassanaṁ paccupaṭṭhitan’ti.

‘无论我行走、站立、睡眠或清醒，知与见都恒常、连续地现前。’”

mn71:5.4

Ye te, bhante, evamāhaṁsu: ‘samaṇo gotamo sabbaññū sabbadassāvī, aparisesaṁ ñāṇadassanaṁ paṭijānāti, carato ca me tiṭṭhato ca suttassa ca jāgarassa ca satataṁ samitaṁ ñāṇadassanaṁ paccupaṭṭhitan’ti, kacci te, bhante, bhagavato vuttavādino, na ca bhagavantaṁ abhūtena abbhācikkhanti, dhammassa cānudhammaṁ byākaronti, na ca koci sahadhammiko vādānuvādo gārayhaṁ ṭhānaṁ āgacchatī”ti?

尊者，那些说“沙门乔达摩是全知者、全见者，自称具有无余的知与见；无论行走、站立、睡眠或清醒，知与见都恒常、连续地现前”的人，是否说了世尊所说的话，没有以不实之事毁谤世尊，依循法而解说，使任何合乎法的推论都不至于有可责备之处？

mn71:5.5

“Ye te, vaccha, evamāhaṁsu: ‘samaṇo gotamo sabbaññū sabbadassāvī, aparisesaṁ ñāṇadassanaṁ paṭijānāti, carato ca me tiṭṭhato ca suttassa ca jāgarassa ca satataṁ samitaṁ ñāṇadassanaṁ paccupaṭṭhitan’ti, na me te vuttavādino, abbhācikkhanti ca pana maṁ asatā abhūtenā”ti.

“婆蹉，那些说“沙门乔达摩是全知者、全见者，自称具有无余的知与见；无论行走、站立、睡眠或清醒，知与见都恒常、连续地现前”的人，没有说我所说的话，而是以虚妄、不实之事毁谤我。”

mn71:6.1

“Kathaṁ byākaramānā pana mayaṁ, bhante, vuttavādino ceva bhagavato assāma, na ca bhagavantaṁ abhūtena abbhācikkheyyāma, dhammassa cānudhammaṁ byākareyyāma, na ca koci sahadhammiko vādānuvādo gārayhaṁ ṭhānaṁ āgaccheyyā”ti?

“尊者，我们应当怎样解说，才能说世尊所说的话，不以不实之事毁谤世尊，依循法而解说，使任何合乎法的推论都不至于有可责备之处？”

mn71:6.2

“‘Tevijjo samaṇo gotamo’ti kho, vaccha, byākaramāno vuttavādī ceva me assa, na ca maṁ abhūtena abbhācikkheyya, dhammassa cānudhammaṁ byākareyya, na ca koci sahadhammiko vādānuvādo gārayhaṁ ṭhānaṁ āgaccheyya.

“婆蹉，若你解说：‘沙门乔达摩具有三明。’你就说了我所说的话，没有以不实之事毁谤我，依循法而解说，使任何合乎法的推论都不至于有可责备之处。

mn71:7.1

Ahañhi, vaccha, yāvadeva ākaṅkhāmi anekavihitaṁ pubbenivāsaṁ anussarāmi,

婆蹉，只要我愿意，我就忆起种种宿住，

mn71:7.2

seyyathidaṁ—ekampi jātiṁ dvepi jātiyo …pe… iti sākāraṁ sauddesaṁ anekavihitaṁ pubbenivāsaṁ anussarāmi.

即：一生、两生……〔中略〕如此，我忆起种种宿住的情状与细节。

mn71:8.1

Ahañhi, vaccha, yāvadeva ākaṅkhāmi dibbena cakkhunā visuddhena atikkantamānusakena satte passāmi cavamāne upapajjamāne hīne paṇīte suvaṇṇe dubbaṇṇe sugate duggate …pe… yathākammūpage satte pajānāmi.

婆蹉，只要我愿意，我就以清净、超越常人的天眼，看见众生死去和受生，低下或优胜、美好或丑陋、往善趣或恶趣……〔中略〕我了知众生随业而往。

mn71:9.1

Ahañhi, vaccha, āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharāmi.

婆蹉，由于诸漏灭尽，我在现法中亲自证知、作证，进入并安住于无漏的心解脱、慧解脱。

mn71:10.1

‘Tevijjo samaṇo gotamo’ti kho, vaccha, byākaramāno vuttavādī ceva me assa, na ca maṁ abhūtena abbhācikkheyya, dhammassa cānudhammaṁ byākareyya, na ca koci sahadhammiko vādānuvādo gārayhaṁ ṭhānaṁ āgaccheyyā”ti.

婆蹉，若你解说：‘沙门乔达摩具有三明。’你就说了我所说的话，没有以不实之事毁谤我，依循法而解说，使任何合乎法的推论都不至于有可责备之处。”

mn71:11.1

Evaṁ vutte, vacchagotto paribbājako bhagavantaṁ etadavoca:

说到这里，游行者婆蹉种对世尊说：

mn71:11.2

“atthi nu kho, bho gotama, koci gihī gihisaṁyojanaṁ appahāya kāyassa bhedā dukkhassantakaro”ti?

“乔达摩先生，有没有任何在家人，未舍弃在家之结，却在身坏后成为终尽苦者？”

mn71:11.3

“Natthi kho, vaccha, koci gihī gihisaṁyojanaṁ appahāya kāyassa bhedā dukkhassantakaro”ti.

“婆蹉，没有任何在家人，未舍弃在家之结，却在身坏后成为终尽苦者。”

mn71:12.1

“Atthi pana, bho gotama, koci gihī gihisaṁyojanaṁ appahāya kāyassa bhedā saggūpago”ti?

“乔达摩先生，那么，有没有任何在家人，未舍弃在家之结，却在身坏后生天？”

mn71:12.2

“Na kho, vaccha, ekaṁyeva sataṁ na dve satāni na tīṇi satāni na cattāri satāni na pañca satāni, atha kho bhiyyova ye gihī gihisaṁyojanaṁ appahāya kāyassa bhedā saggūpagā”ti.

“婆蹉，不只一百、两百、三百、四百、五百，而是更多在家人，未舍弃在家之结，却在身坏后生天。”

mn71:13.1

“Atthi nu kho, bho gotama, koci ājīvako kāyassa bhedā dukkhassantakaro”ti?

“乔达摩先生，有没有任何活命者，在身坏后成为终尽苦者？”

mn71:13.2

“Natthi kho, vaccha, koci ājīvako kāyassa bhedā dukkhassantakaro”ti.

“婆蹉，没有任何活命者，在身坏后成为终尽苦者。”

mn71:14.1

“Atthi pana, bho gotama, koci ājīvako kāyassa bhedā saggūpago”ti?

“乔达摩先生，那么，有没有任何活命者，在身坏后生天？”

mn71:14.2

“Ito kho so, vaccha, ekanavuto kappo yamahaṁ anussarāmi, nābhijānāmi kañci ājīvakaṁ saggūpagaṁ aññatra ekena;

“婆蹉，回忆从今往昔的九十一劫，除一人外，我不记得有任何活命者生天；

mn71:14.3

sopāsi kammavādī kiriyavādī”ti.

而那一人主张业有效，行为有效。”

mn71:15.1

“Evaṁ sante, bho gotama, suññaṁ aduṁ titthāyatanaṁ antamaso saggūpagenapī”ti?

“若是这样，乔达摩先生，那个外道教派，就连生天者也没有了？”

mn71:15.2

“Evaṁ, vaccha, suññaṁ aduṁ titthāyatanaṁ antamaso saggūpagenapī”ti.

“正是如此，婆蹉，那个外道教派，就连生天者也没有了。”

mn71:15.3

Idamavoca bhagavā.

世尊这样说。

mn71:15.4

Attamano vacchagotto paribbājako bhagavato bhāsitaṁ abhinandīti.

游行者婆蹉种欢喜，欣然接受世尊所说。