谛分别经

mn141:1.1

Evaṁ me sutaṁ—

如是我闻。

mn141:1.2

ekaṁ samayaṁ bhagavā bārāṇasiyaṁ viharati isipatane migadāye.

一时，世尊住在波罗奈仙人堕处的鹿野苑。

mn141:1.3

Tatra kho bhagavā bhikkhū āmantesi:

在那里，世尊对比丘们说：

mn141:1.4

“bhikkhavo”ti.

“比丘们！”

mn141:1.5

“Bhadante”ti te bhikkhū bhagavato paccassosuṁ.

那些比丘回答世尊：“尊者！”

mn141:1.6

Bhagavā etadavoca:

世尊这样说：

mn141:2.1

“Tathāgatena, bhikkhave, arahatā sammāsambuddhena bārāṇasiyaṁ isipatane migadāye anuttaraṁ dhammacakkaṁ pavattitaṁ appaṭivattiyaṁ samaṇena vā brāhmaṇena vā devena vā mārena vā brahmunā vā kenaci vā lokasmiṁ, yadidaṁ—

比丘们，如来、阿罗汉、正等觉者已在波罗奈仙人堕处的鹿野苑转起无上的法轮，世间任何沙门、婆罗门、天、魔、梵或任何人，都不能逆转，也就是：

mn141:2.2

catunnaṁ ariyasaccānaṁ ācikkhanā desanā paññāpanā paṭṭhapanā vivaraṇā vibhajanā uttānīkammaṁ.

四圣谛的告知、教说、施设、建立、开显、分别、阐明。

mn141:2.3

Katamesaṁ catunnaṁ?

哪四种？

mn141:3.1

Dukkhassa ariyasaccassa ācikkhanā desanā paññāpanā paṭṭhapanā vivaraṇā vibhajanā uttānīkammaṁ, dukkhasamudayassa ariyasaccassa ācikkhanā desanā paññāpanā paṭṭhapanā vivaraṇā vibhajanā uttānīkammaṁ, dukkhanirodhassa ariyasaccassa ācikkhanā desanā paññāpanā paṭṭhapanā vivaraṇā vibhajanā uttānīkammaṁ, dukkhanirodhagāminiyā paṭipadāya ariyasaccassa ācikkhanā desanā paññāpanā paṭṭhapanā vivaraṇā vibhajanā uttānīkammaṁ.

苦圣谛的告知、教说、施设、建立、开显、分别、阐明。苦集圣谛的告知、教说、施设、建立、开显、分别、阐明。苦灭圣谛的告知、教说、施设、建立、开显、分别、阐明。导向苦灭的行道圣谛的告知、教说、施设、建立、开显、分别、阐明。

mn141:4.1

Tathāgatena, bhikkhave, arahatā sammāsambuddhena bārāṇasiyaṁ isipatane migadāye anuttaraṁ dhammacakkaṁ pavattitaṁ appaṭivattiyaṁ samaṇena vā brāhmaṇena vā devena vā mārena vā brahmunā vā kenaci vā lokasmiṁ, yadidaṁ—

比丘们，如来、阿罗汉、正等觉者已在波罗奈仙人堕处的鹿野苑转起无上的法轮，世间任何沙门、婆罗门、天、魔、梵或任何人，都不能逆转，也就是：

mn141:4.2

imesaṁ catunnaṁ ariyasaccānaṁ ācikkhanā desanā paññāpanā paṭṭhapanā vivaraṇā vibhajanā uttānīkammaṁ.

这四圣谛的告知、教说、施设、建立、开显、分别、阐明。

mn141:5.1

Sevatha, bhikkhave, sāriputtamoggallāne;

比丘们，你们应亲近舍利弗、目犍连。

mn141:5.2

bhajatha, bhikkhave, sāriputtamoggallāne.

比丘们，你们应与舍利弗、目犍连交往。

mn141:5.3

Paṇḍitā bhikkhū anuggāhakā sabrahmacārīnaṁ.

他们是有智慧的比丘，扶助同梵行者。

mn141:5.4

Seyyathāpi, bhikkhave, janetā, evaṁ sāriputto;

比丘们，舍利弗犹如生育者；

mn141:5.5

seyyathāpi jātassa āpādetā, evaṁ moggallāno.

目犍连犹如养育已生者的人。

mn141:5.6

Sāriputto, bhikkhave, sotāpattiphale vineti, moggallāno uttamatthe.

比丘们，舍利弗引导至入流果（初果，即入流果），目犍连引导至最高义（四果，即阿罗汉果）。

mn141:5.7

Sāriputto, bhikkhave, pahoti cattāri ariyasaccāni vitthārena ācikkhituṁ desetuṁ paññāpetuṁ paṭṭhapetuṁ vivarituṁ vibhajituṁ uttānīkātun”ti.

比丘们，舍利弗能广说四圣谛，告知、教说、施设、建立、开显、分别、阐明。”

mn141:6.1

Idamavoca bhagavā.

世尊这样说。

mn141:6.2

Idaṁ vatvāna sugato uṭṭhāyāsanā vihāraṁ pāvisi.

善逝说了这话，从座而起，进入住处。

mn141:7.1

Tatra kho āyasmā sāriputto acirapakkantassa bhagavato bhikkhū āmantesi:

世尊离开不久，舍利弗尊者对比丘们说：

mn141:7.2

“āvuso bhikkhave”ti.

“比丘朋友们！”

mn141:7.3

“Āvuso”ti kho te bhikkhū āyasmato sāriputtassa paccassosuṁ.

那些比丘回答舍利弗尊者：“朋友！”

mn141:7.4

Āyasmā sāriputto etadavoca:

舍利弗尊者这样说：

mn141:8.1

“Tathāgatena, āvuso, arahatā sammāsambuddhena bārāṇasiyaṁ isipatane migadāye anuttaraṁ dhammacakkaṁ pavattitaṁ appaṭivattiyaṁ samaṇena vā brāhmaṇena vā devena vā mārena vā brahmunā vā kenaci vā lokasmiṁ, yadidaṁ—

朋友们，如来、阿罗汉、正等觉者已在波罗奈仙人堕处的鹿野苑转起无上的法轮，世间任何沙门、婆罗门、天、魔、梵或任何人，都不能逆转，也就是：

mn141:8.2

catunnaṁ ariyasaccānaṁ ācikkhanā desanā paññāpanā paṭṭhapanā vivaraṇā vibhajanā uttānīkammaṁ.

四圣谛的告知、教说、施设、建立、开显、分别、阐明。

mn141:8.3

Katamesaṁ catunnaṁ?

哪四种？

mn141:9.1

Dukkhassa ariyasaccassa ācikkhanā desanā paññāpanā paṭṭhapanā vivaraṇā vibhajanā uttānīkammaṁ, dukkhasamudayassa ariyasaccassa ācikkhanā desanā paññāpanā paṭṭhapanā vivaraṇā vibhajanā uttānīkammaṁ, dukkhanirodhassa ariyasaccassa ācikkhanā desanā paññāpanā paṭṭhapanā vivaraṇā vibhajanā uttānīkammaṁ, dukkhanirodhagāminiyā paṭipadāya ariyasaccassa ācikkhanā desanā paññāpanā paṭṭhapanā vivaraṇā vibhajanā uttānīkammaṁ.

苦圣谛的告知、教说、施设、建立、开显、分别、阐明。苦集圣谛的告知、教说、施设、建立、开显、分别、阐明。苦灭圣谛的告知、教说、施设、建立、开显、分别、阐明。导向苦灭的行道圣谛的告知、教说、施设、建立、开显、分别、阐明。

mn141:10.1

Katamañcāvuso, dukkhaṁ ariyasaccaṁ?

朋友们，什么是苦圣谛？

mn141:10.2

Jātipi dukkhā, jarāpi dukkhā, maraṇampi dukkhaṁ, sokaparidevadukkhadomanassupāyāsāpi dukkhā, yampicchaṁ na labhati tampi dukkhaṁ; saṅkhittena pañcupādānakkhandhā dukkhā.

生是苦，老是苦，死是苦，愁、悲、苦、忧、恼是苦，所欲不得也是苦；简言之，五取蕴是苦。

mn141:11.1

Katamā cāvuso, jāti?

朋友们，什么是生？

mn141:11.2

Yā tesaṁ tesaṁ sattānaṁ tamhi tamhi sattanikāye jāti sañjāti okkanti abhinibbatti khandhānaṁ pātubhāvo āyatanānaṁ paṭilābho,

各各众生在各各众生类中的出生、产生、降入、出现、诸蕴的显现、诸处的获得，

mn141:11.3

ayaṁ vuccatāvuso: ‘jāti’.

朋友们，这称为“生”。

mn141:12.1

Katamā cāvuso, jarā?

朋友们，什么是老？

mn141:12.2

Yā tesaṁ tesaṁ sattānaṁ tamhi tamhi sattanikāye jarā jīraṇatā khaṇḍiccaṁ pāliccaṁ valittacatā āyuno saṁhāni indriyānaṁ paripāko,

各各众生在各各众生类中的衰老、老化、牙齿损坏、头发变白、皮肤起皱、寿命损减、诸根衰熟，

mn141:12.3

ayaṁ vuccatāvuso: ‘jarā’.

朋友们，这称为“老”。

mn141:13.1

Katamañcāvuso, maraṇaṁ?

朋友们，什么是死？

mn141:13.2

Yā tesaṁ tesaṁ sattānaṁ tamhā tamhā sattanikāyā cuti cavanatā bhedo antaradhānaṁ maccu maraṇaṁ kālaṅkiriyā khandhānaṁ bhedo kaḷevarassa nikkhepo jīvitindriyassupacchedo,

各各众生从各各众生类中的死没、迁没、破坏、消失、死亡、命终、时至、诸蕴的破坏、遗体的舍置、命根的断绝，

mn141:13.3

idaṁ vuccatāvuso: ‘maraṇaṁ’.

朋友们，这称为“死”。

mn141:14.1

Katamo cāvuso, soko?

朋友们，什么是愁？

mn141:14.2

Yo kho, āvuso, aññataraññatarena byasanena samannāgatassa aññataraññatarena dukkhadhammena phuṭṭhassa soko socanā socitattaṁ antosoko antoparisoko,

朋友们，遭遇某种灾难、被某种苦法触及者的忧愁、悲伤、悲伤状态、内心忧愁、内心忧伤，

mn141:14.3

ayaṁ vuccatāvuso: ‘soko’.

朋友们，这称为“愁”。

mn141:15.1

Katamo cāvuso, paridevo?

朋友们，什么是悲？

mn141:15.2

Yo kho, āvuso, aññataraññatarena byasanena samannāgatassa aññataraññatarena dukkhadhammena phuṭṭhassa ādevo paridevo ādevanā paridevanā ādevitattaṁ paridevitattaṁ,

朋友们，遭遇某种灾难、被某种苦法触及者的哀号、悲泣、哀号之举、悲泣之举、哀号状态、悲泣状态，

mn141:15.3

ayaṁ vuccatāvuso: ‘paridevo’.

朋友们，这称为“悲”。

mn141:16.1

Katamañcāvuso, dukkhaṁ?

朋友们，什么是苦？

mn141:16.2

Yaṁ kho, āvuso, kāyikaṁ dukkhaṁ kāyikaṁ asātaṁ kāyasamphassajaṁ dukkhaṁ asātaṁ vedayitaṁ,

朋友们，身体的苦、身体的不适，由身触所生的苦、不适的感受，

mn141:16.3

idaṁ vuccatāvuso: ‘dukkhaṁ’.

朋友们，这称为“苦”。

mn141:17.1

Katamañcāvuso, domanassaṁ?

朋友们，什么是忧？

mn141:17.2

Yaṁ kho, āvuso, cetasikaṁ dukkhaṁ cetasikaṁ asātaṁ manosamphassajaṁ dukkhaṁ asātaṁ vedayitaṁ,

朋友们，心的苦、心的不适，由意触所生的苦、不适的感受，

mn141:17.3

idaṁ vuccatāvuso: ‘domanassaṁ’.

朋友们，这称为“忧”。

mn141:18.1

Katamo cāvuso, upāyāso?

朋友们，什么是恼？

mn141:18.2

Yo kho, āvuso, aññataraññatarena byasanena samannāgatassa aññataraññatarena dukkhadhammena phuṭṭhassa āyāso upāyāso āyāsitattaṁ upāyāsitattaṁ,

朋友们，遭遇某种灾难、被某种苦法触及者的困厄、绝望、困厄状态、绝望状态，

mn141:18.3

ayaṁ vuccatāvuso: ‘upāyāso’.

朋友们，这称为“恼”。

mn141:19.1

Katamañcāvuso, yampicchaṁ na labhati tampi dukkhaṁ?

朋友们，什么是所欲不得也是苦？

mn141:19.2

Jātidhammānaṁ, āvuso, sattānaṁ evaṁ icchā uppajjati:

朋友们，有生法的众生会生起这样的欲望：

mn141:19.3

‘aho vata mayaṁ na jātidhammā assāma; na ca vata no jāti āgaccheyyā’ti.

“愿我们没有生法，愿生不来到我们这里。”

mn141:19.4

Na kho panetaṁ icchāya pattabbaṁ.

但这不能凭欲望获得。

mn141:19.5

Idampi: ‘yampicchaṁ na labhati tampi dukkhaṁ’.

这也是所欲不得也是苦。

mn141:19.6

Jarādhammānaṁ, āvuso, sattānaṁ …pe…

朋友们，有老法的众生……〔中略〕

mn141:19.7

byādhidhammānaṁ, āvuso, sattānaṁ …

有病法的众生……〔略〕

mn141:19.8

maraṇadhammānaṁ, āvuso, sattānaṁ …

有死法的众生……〔略〕

mn141:19.9

sokaparidevadukkhadomanassupāyāsadhammānaṁ, āvuso, sattānaṁ evaṁ icchā uppajjati:

朋友们，有愁悲苦忧恼法的众生会生起这样的欲望：

mn141:19.10

‘aho vata mayaṁ na sokaparidevadukkhadomanassupāyāsadhammā assāma; na ca vata no sokaparidevadukkhadomanassupāyāsā āgaccheyyun’ti.

“愿我们没有愁悲苦忧恼法，愿愁悲苦忧恼不来到我们这里。”

mn141:19.11

Na kho panetaṁ icchāya pattabbaṁ.

但这不能凭欲望获得。

mn141:19.12

Idampi: ‘yampicchaṁ na labhati tampi dukkhaṁ’.

这也是所欲不得也是苦。

mn141:20.1

Katame cāvuso, saṅkhittena pañcupādānakkhandhā dukkhā?

朋友们，什么是简言之五取蕴是苦？

mn141:20.2

Seyyathidaṁ—rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho.

也就是色取蕴、受取蕴、想取蕴、行取蕴、识取蕴。

mn141:20.3

Ime vuccantāvuso: ‘saṅkhittena pañcupādānakkhandhā dukkhā’.

朋友们，这称为简言之五取蕴是苦。

mn141:20.4

Idaṁ vuccatāvuso: ‘dukkhaṁ ariyasaccaṁ’.

朋友们，这称为苦圣谛。

mn141:21.1

Katamañcāvuso, dukkhasamudayaṁ ariyasaccaṁ?

朋友们，什么是苦集圣谛？

mn141:21.2

Yāyaṁ taṇhā ponobbhavikā nandīrāgasahagatā tatratatrābhinandinī, seyyathidaṁ—

就是这导致再有、伴随喜贪、于处处欢喜的渴爱，也就是：

mn141:21.3

kāmataṇhā bhavataṇhā vibhavataṇhā,

欲爱、有爱、无有爱。

mn141:21.4

idaṁ vuccatāvuso: ‘dukkhasamudayaṁ ariyasaccaṁ’.

朋友们，这称为苦集圣谛。

mn141:22.1

Katamañcāvuso, dukkhanirodhaṁ ariyasaccaṁ?

朋友们，什么是苦灭圣谛？

mn141:22.2

Yo tassāyeva taṇhāya asesavirāganirodho cāgo paṭinissaggo mutti anālayo,

就是那同一渴爱的无余离染、止灭、舍离、放舍、解脱、无所依著。

mn141:22.3

idaṁ vuccatāvuso: ‘dukkhanirodhaṁ ariyasaccaṁ’.

朋友们，这称为苦灭圣谛。

mn141:23.1

Katamañcāvuso, dukkhanirodhagāminī paṭipadā ariyasaccaṁ?

朋友们，什么是导向苦灭的行道圣谛？

mn141:23.2

Ayameva ariyo aṭṭhaṅgiko maggo, seyyathidaṁ—

正是这八支圣道，也就是：

mn141:23.3

sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi.

正见、正志、正语、正业、正命、正精进、正念、正定。

mn141:24.1

Katamā cāvuso, sammādiṭṭhi?

朋友们，什么是正见？

mn141:24.2

Yaṁ kho, āvuso, dukkhe ñāṇaṁ, dukkhasamudaye ñāṇaṁ, dukkhanirodhe ñāṇaṁ, dukkhanirodhagāminiyā paṭipadāya ñāṇaṁ,

朋友们，对苦的智、对苦集的智、对苦灭的智、对导向苦灭行道的智，

mn141:24.3

ayaṁ vuccatāvuso: ‘sammādiṭṭhi’.

朋友们，这称为“正见”。

mn141:25.1

Katamo cāvuso, sammāsaṅkappo?

朋友们，什么是正志？

mn141:25.2

Nekkhammasaṅkappo, abyāpādasaṅkappo, avihiṁsāsaṅkappo,

出离志、无瞋志、无害志，

mn141:25.3

ayaṁ vuccatāvuso: ‘sammāsaṅkappo’.

朋友们，这称为“正志”。

mn141:26.1

Katamā cāvuso, sammāvācā?

朋友们，什么是正语？

mn141:26.2

Musāvādā veramaṇī, pisuṇāya vācāya veramaṇī, pharusāya vācāya veramaṇī, samphappalāpā veramaṇī,

离妄语、离两舌、离粗恶语、离绮语，

mn141:26.3

ayaṁ vuccatāvuso: ‘sammāvācā’.

朋友们，这称为“正语”。

mn141:27.1

Katamo cāvuso, sammākammanto?

朋友们，什么是正业？

mn141:27.2

Pāṇātipātā veramaṇī, adinnādānā veramaṇī, kāmesumicchācārā veramaṇī,

离杀生、离不与取、离欲邪行，

mn141:27.3

ayaṁ vuccatāvuso: ‘sammākammanto’.

朋友们，这称为“正业”。

mn141:28.1

Katamo cāvuso, sammāājīvo?

朋友们，什么是正命？

mn141:28.2

Idhāvuso, ariyasāvako micchāājīvaṁ pahāya sammāājīvena jīvikaṁ kappeti,

朋友们，这里，圣弟子舍断邪命，以正命维持生活，

mn141:28.3

ayaṁ vuccatāvuso: ‘sammāājīvo’.

朋友们，这称为“正命”。

mn141:29.1

Katamo cāvuso, sammāvāyāmo?

朋友们，什么是正精进？

mn141:29.2

Idhāvuso, bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati,

朋友们，这里，比丘为未生的恶不善法不生，生起欲、努力、发起精进、策励心、勤奋；

mn141:29.3

uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati,

为已生的恶不善法舍断，生起欲、努力、发起精进、策励心、勤奋；

mn141:29.4

anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati,

为未生的善法生起，生起欲、努力、发起精进、策励心、勤奋；

mn141:29.5

uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati,

为已生的善法住立、不忘失、增长、广大、修习、圆满，生起欲、努力、发起精进、策励心、勤奋；

mn141:29.6

ayaṁ vuccatāvuso: ‘sammāvāyāmo’.

朋友们，这称为“正精进”。

mn141:30.1

Katamā cāvuso, sammāsati?

朋友们，什么是正念？

mn141:30.2

Idhāvuso, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṁ.

朋友们，这里，比丘于身随观身而住，热诚、正知、具念，调伏世间的贪与忧。

mn141:30.3

Vedanāsu vedanānupassī viharati …pe…

于受随观受而住……〔中略〕

mn141:30.4

citte cittānupassī viharati …

于心随观心而住……〔略〕

mn141:30.5

dhammesu dhammānupassī viharati ātāpī sampajāno satimā vineyya loke abhijjhādomanassaṁ,

于法随观法而住，热诚、正知、具念，调伏世间的贪与忧；

mn141:30.6

ayaṁ vuccatāvuso: ‘sammāsati’.

朋友们，这称为“正念”。

mn141:31.1

Katamo cāvuso, sammāsamādhi?

朋友们，什么是正定？

mn141:31.2

Idhāvuso, bhikkhu vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati,

朋友们，这里，比丘离诸欲、离不善法，具寻、具伺，具离生喜乐，进入初禅而住；

mn141:31.3

vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati,

寻伺平息，内在澄净，心一境，无寻无伺，具定生喜乐，进入第二禅而住；

mn141:31.4

pītiyā ca virāgā upekkhako ca viharati …pe… tatiyaṁ jhānaṁ …pe…

由喜的离染，住于舍……〔中略〕第三禅……〔中略〕

mn141:31.5

catutthaṁ jhānaṁ upasampajja viharati,

进入第四禅而住；

mn141:31.6

ayaṁ vuccatāvuso: ‘sammāsamādhi’.

朋友们，这称为“正定”。

mn141:31.7

Idaṁ vuccatāvuso: ‘dukkhanirodhagāminī paṭipadā ariyasaccaṁ’.

朋友们，这称为“导向苦灭的行道圣谛”。

mn141:32.1

Tathāgatenāvuso, arahatā sammāsambuddhena bārāṇasiyaṁ isipatane migadāye anuttaraṁ dhammacakkaṁ pavattitaṁ appaṭivattiyaṁ samaṇena vā brāhmaṇena vā devena vā mārena vā brahmunā vā kenaci vā lokasmiṁ, yadidaṁ—

朋友们，如来、阿罗汉、正等觉者已在波罗奈仙人堕处的鹿野苑转起无上的法轮，世间任何沙门、婆罗门、天、魔、梵或任何人，都不能逆转，也就是：

mn141:32.2

imesaṁ catunnaṁ ariyasaccānaṁ ācikkhanā desanā paññāpanā paṭṭhapanā vivaraṇā vibhajanā uttānīkamman”ti.

这四圣谛的告知、教说、施设、建立、开显、分别、阐明。”

mn141:32.3

Idamavoca āyasmā sāriputto.

舍利弗尊者这样说。

mn141:32.4

Attamanā te bhikkhū āyasmato sāriputtassa bhāsitaṁ abhinandunti.

那些比丘心满意足，欢喜舍利弗尊者所说。