解析经

sn12.2:1.1

Sāvatthiyaṁ viharati.

住在舍卫城。

sn12.2:1.2

“Paṭiccasamuppādaṁ vo, bhikkhave, desessāmi vibhajissāmi.

“比丘们，我将为你们说缘起，分别缘起。

sn12.2:1.3

Taṁ suṇātha, sādhukaṁ manasi karotha, bhāsissāmī”ti.

你们听，善作意，我将说。”

sn12.2:1.4

“Evaṁ, bhante”ti kho te bhikkhū bhagavato paccassosuṁ.

那些比丘回答世尊：“是，尊者。”

sn12.2:1.5

Bhagavā etadavoca:

世尊这样说：

sn12.2:2.1

“Katamo ca, bhikkhave, paṭiccasamuppādo?

“比丘们，什么是缘起？

sn12.2:2.2

Avijjāpaccayā, bhikkhave, saṅkhārā;

比丘们，以无明为缘而有行；

sn12.2:2.3

saṅkhārapaccayā viññāṇaṁ;

以行为缘而有识；

sn12.2:2.4

viññāṇapaccayā nāmarūpaṁ;

以识为缘而有名色；

sn12.2:2.5

nāmarūpapaccayā saḷāyatanaṁ;

以名色为缘而有六处；

sn12.2:2.6

saḷāyatanapaccayā phasso;

以六处为缘而有触；

sn12.2:2.7

phassapaccayā vedanā;

以触为缘而有受；

sn12.2:2.8

vedanāpaccayā taṇhā;

以受为缘而有渴爱；

sn12.2:2.9

taṇhāpaccayā upādānaṁ;

以渴爱为缘而有取；

sn12.2:2.10

upādānapaccayā bhavo;

以取为缘而有有；

sn12.2:2.11

bhavapaccayā jāti;

以有为缘而有生；

sn12.2:2.12

jātipaccayā jarāmaraṇaṁ sokaparidevadukkhadomanassupāyāsā sambhavanti.

以生为缘，老死、愁、悲、苦、忧、恼生起。

sn12.2:2.13

Evametassa kevalassa dukkhakkhandhassa samudayo hoti.

这整个苦蕴如此集起。

sn12.2:3.1

Katamañca, bhikkhave, jarāmaraṇaṁ?

比丘们，什么是老死？

sn12.2:3.2

Yā tesaṁ tesaṁ sattānaṁ tamhi tamhi sattanikāye jarā jīraṇatā khaṇḍiccaṁ pāliccaṁ valittacatā āyuno saṁhāni indriyānaṁ paripāko;

各各众生在各各众生类中的衰老、老化、牙齿损坏、头发变白、皮肤起皱、寿命损减、诸根衰熟，

sn12.2:3.3

ayaṁ vuccati jarā.

这称为老。

sn12.2:3.4

Yā tesaṁ tesaṁ sattānaṁ tamhā tamhā sattanikāyā cuti cavanatā bhedo antaradhānaṁ maccu maraṇaṁ kālakiriyā khandhānaṁ bhedo kaḷevarassa nikkhepo (…),

各各众生从各各众生类中的死没、迁没、破坏、消失、死亡、命终、时至、诸蕴的破坏、遗体的舍置〔底本此处有省略标记〕，

sn12.2:3.5

idaṁ vuccati maraṇaṁ.

这称为死。

sn12.2:3.6

Iti ayañca jarā, idañca maraṇaṁ.

如此，这老与这死，

sn12.2:3.7

Idaṁ vuccati, bhikkhave, jarāmaraṇaṁ.

比丘们，这称为老死。

sn12.2:4.1

Katamā ca, bhikkhave, jāti?

比丘们，什么是生？

sn12.2:4.2

Yā tesaṁ tesaṁ sattānaṁ tamhi tamhi sattanikāye jāti sañjāti okkanti abhinibbatti khandhānaṁ pātubhāvo āyatanānaṁ paṭilābho.

各各众生在各各众生类中的出生、产生、降入、出现、诸蕴的显现、诸处的获得，

sn12.2:4.3

Ayaṁ vuccati, bhikkhave, jāti.

比丘们，这称为生。

sn12.2:5.1

Katamo ca, bhikkhave, bhavo?

比丘们，什么是有？

sn12.2:5.2

Tayome, bhikkhave, bhavā—

比丘们，有这三种有：

sn12.2:5.3

kāmabhavo, rūpabhavo, arūpabhavo.

欲有、色有、无色有。

sn12.2:5.4

Ayaṁ vuccati, bhikkhave, bhavo.

比丘们，这称为有。

sn12.2:6.1

Katamañca, bhikkhave, upādānaṁ?

比丘们，什么是取？

sn12.2:6.2

Cattārimāni, bhikkhave, upādānāni—

比丘们，有这四种取：

sn12.2:6.3

kāmupādānaṁ, diṭṭhupādānaṁ, sīlabbatupādānaṁ, attavādupādānaṁ.

欲取、见取、戒禁取、我语取。

sn12.2:6.4

Idaṁ vuccati, bhikkhave, upādānaṁ.

比丘们，这称为取。

sn12.2:7.1

Katamā ca, bhikkhave, taṇhā?

比丘们，什么是渴爱？

sn12.2:7.2

Chayime, bhikkhave, taṇhākāyā—

比丘们，有这六类渴爱：

sn12.2:7.3

rūpataṇhā, saddataṇhā, gandhataṇhā, rasataṇhā, phoṭṭhabbataṇhā, dhammataṇhā.

色爱、声爱、香爱、味爱、触爱、法爱。

sn12.2:7.4

Ayaṁ vuccati, bhikkhave, taṇhā.

比丘们，这称为渴爱。

sn12.2:8.1

Katamā ca, bhikkhave, vedanā?

比丘们，什么是受？

sn12.2:8.2

Chayime, bhikkhave, vedanākāyā—

比丘们，有这六类受：

sn12.2:8.3

cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā.

眼触所生受、耳触所生受、鼻触所生受、舌触所生受、身触所生受、意触所生受。

sn12.2:8.4

Ayaṁ vuccati, bhikkhave, vedanā.

比丘们，这称为受。

sn12.2:9.1

Katamo ca, bhikkhave, phasso?

比丘们，什么是触？

sn12.2:9.2

Chayime, bhikkhave, phassakāyā—

比丘们，有这六类触：

sn12.2:9.3

cakkhusamphasso, sotasamphasso, ghānasamphasso, jivhāsamphasso, kāyasamphasso, manosamphasso.

眼触、耳触、鼻触、舌触、身触、意触。

sn12.2:9.4

Ayaṁ vuccati, bhikkhave, phasso.

比丘们，这称为触。

sn12.2:10.1

Katamañca, bhikkhave, saḷāyatanaṁ?

比丘们，什么是六处？

sn12.2:10.2

Cakkhāyatanaṁ, sotāyatanaṁ, ghānāyatanaṁ, jivhāyatanaṁ, kāyāyatanaṁ, manāyatanaṁ—

眼处、耳处、鼻处、舌处、身处、意处，

sn12.2:10.3

idaṁ vuccati, bhikkhave, saḷāyatanaṁ.

比丘们，这称为六处。

sn12.2:11.1

Katamañca, bhikkhave, nāmarūpaṁ?

比丘们，什么是名色？

sn12.2:11.2

Vedanā, saññā, cetanā, phasso, manasikāro—

受、想、思、触、作意，

sn12.2:11.3

idaṁ vuccati nāmaṁ.

这称为名。

sn12.2:11.4

Cattāro ca mahābhūtā, catunnañca mahābhūtānaṁ upādāyarūpaṁ.

四大与依四大而有的色，

sn12.2:11.5

Idaṁ vuccati rūpaṁ.

这称为色。

sn12.2:11.6

Iti idañca nāmaṁ, idañca rūpaṁ.

如此，这名与这色，

sn12.2:11.7

Idaṁ vuccati, bhikkhave, nāmarūpaṁ.

比丘们，这称为名色。

sn12.2:12.1

Katamañca, bhikkhave, viññāṇaṁ?

比丘们，什么是识？

sn12.2:12.2

Chayime, bhikkhave, viññāṇakāyā—

比丘们，有这六类识：

sn12.2:12.3

cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ, manoviññāṇaṁ.

眼识、耳识、鼻识、舌识、身识、意识。

sn12.2:12.4

Idaṁ vuccati, bhikkhave, viññāṇaṁ.

比丘们，这称为识。

sn12.2:13.1

Katame ca, bhikkhave, saṅkhārā?

比丘们，什么是行？

sn12.2:13.2

Tayome, bhikkhave, saṅkhārā—

比丘们，有这三种行：

sn12.2:13.3

kāyasaṅkhāro, vacīsaṅkhāro, cittasaṅkhāro.

身行、语行、心行。

sn12.2:13.4

Ime vuccanti, bhikkhave, saṅkhārā.

比丘们，这些称为行。

sn12.2:14.1

Katamā ca, bhikkhave, avijjā?

比丘们，什么是无明？

sn12.2:14.2

Yaṁ kho, bhikkhave, dukkhe aññāṇaṁ, dukkhasamudaye aññāṇaṁ, dukkhanirodhe aññāṇaṁ, dukkhanirodhagāminiyā paṭipadāya aññāṇaṁ.

比丘们，对苦无知，对苦集无知，对苦灭无知，对导向苦灭的行道无知，

sn12.2:14.3

Ayaṁ vuccati, bhikkhave, avijjā.

比丘们，这称为无明。

sn12.2:15.1

Iti kho, bhikkhave, avijjāpaccayā saṅkhārā;

如此，比丘们，以无明为缘而有行；

sn12.2:15.2

saṅkhārapaccayā viññāṇaṁ …pe…

以行为缘而有识……〔中略〕

sn12.2:15.3

evametassa kevalassa dukkhakkhandhassa samudayo hoti.

这整个苦蕴如此集起。

sn12.2:15.4

Avijjāya tveva asesavirāganirodhā saṅkhāranirodho;

但从那无明的无余离染、止灭，有行的止灭；

sn12.2:15.5

saṅkhāranirodhā viññāṇanirodho …pe…

从行的止灭，有识的止灭……〔中略〕

sn12.2:15.6

evametassa kevalassa dukkhakkhandhassa nirodho hotī”ti.

这整个苦蕴如此止灭。”