小有明经

mn44:1.1

Evaṁ me sutaṁ—

如是我闻。

mn44:1.2

ekaṁ samayaṁ bhagavā rājagahe viharati veḷuvane kalandakanivāpe.

一时，世尊住在王舍城竹林迦兰陀园。

mn44:1.3

Atha kho visākho upāsako yena dhammadinnā bhikkhunī tenupasaṅkami; upasaṅkamitvā dhammadinnaṁ bhikkhuniṁ abhivādetvā ekamantaṁ nisīdi. Ekamantaṁ nisinno kho visākho upāsako dhammadinnaṁ bhikkhuniṁ etadavoca:

那时，优婆塞毗舍佉来到法授比丘尼处；来到后，礼敬法授比丘尼，坐在一旁。坐在一旁的优婆塞毗舍佉对法授比丘尼说：

mn44:2.1

“‘sakkāyo sakkāyo’ti, ayye, vuccati.

“尊姊，人们说‘有身、有身’。

mn44:2.2

Katamo nu kho, ayye, sakkāyo vutto bhagavatā”ti?

尊姊，世尊所说的有身是什么？”

mn44:2.3

“Pañca kho ime, āvuso visākha, upādānakkhandhā sakkāyo vutto bhagavatā,

“毗舍佉友，世尊把这五取蕴说为有身，

mn44:2.4

seyyathidaṁ—rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho.

即色取蕴、受取蕴、想取蕴、行取蕴、识取蕴。

mn44:2.5

Ime kho, āvuso visākha, pañcupādānakkhandhā sakkāyo vutto bhagavatā”ti.

毗舍佉友，世尊把这五取蕴说为有身。”

mn44:2.6

“Sādhayye”ti kho visākho upāsako dhammadinnāya bhikkhuniyā bhāsitaṁ abhinanditvā anumoditvā dhammadinnaṁ bhikkhuniṁ uttariṁ pañhaṁ apucchi:

优婆塞毗舍佉说：“善哉，尊姊！”他欢喜、随喜法授比丘尼所说，又向法授比丘尼问道：

mn44:3.1

“‘sakkāyasamudayo sakkāyasamudayo’ti, ayye, vuccati.

“尊姊，人们说‘有身集、有身集’。

mn44:3.2

Katamo nu kho, ayye, sakkāyasamudayo vutto bhagavatā”ti?

尊姊，世尊所说的有身集是什么？”

mn44:3.3

“Yāyaṁ, āvuso visākha, taṇhā ponobbhavikā nandīrāgasahagatā tatratatrābhinandinī, seyyathidaṁ—

“毗舍佉友，就是这导致再有、伴随喜与贪、于处处欢喜的渴爱，即：

mn44:3.4

kāmataṇhā bhavataṇhā vibhavataṇhā;

欲爱、有爱、无有爱。

mn44:3.5

ayaṁ kho, āvuso visākha, sakkāyasamudayo vutto bhagavatā”ti.

毗舍佉友，这就是世尊所说的有身集。”

mn44:4.1

“‘Sakkāyanirodho sakkāyanirodho’ti, ayye, vuccati.

“尊姊，人们说‘有身灭、有身灭’。

mn44:4.2

Katamo nu kho, ayye, sakkāyanirodho vutto bhagavatā”ti?

尊姊，世尊所说的有身灭是什么？”

mn44:4.3

“Yo kho, āvuso visākha, tassāyeva taṇhāya asesavirāganirodho cāgo paṭinissaggo mutti anālayo;

“毗舍佉友，就是那同一渴爱的无余离染、止灭、舍弃、舍遣、解脱、无依著。

mn44:4.4

ayaṁ kho, āvuso visākha, sakkāyanirodho vutto bhagavatā”ti.

毗舍佉友，这就是世尊所说的有身灭。”

mn44:5.1

“‘Sakkāyanirodhagāminī paṭipadā sakkāyanirodhagāminī paṭipadā’ti, ayye, vuccati.

“尊姊，人们说‘趣向有身灭的行道、趣向有身灭的行道’。

mn44:5.2

Katamā nu kho, ayye, sakkāyanirodhagāminī paṭipadā vuttā bhagavatā”ti?

尊姊，世尊所说的趣向有身灭的行道是什么？”

mn44:5.3

“Ayameva kho, āvuso visākha, ariyo aṭṭhaṅgiko maggo sakkāyanirodhagāminī paṭipadā vuttā bhagavatā, seyyathidaṁ—

“毗舍佉友，世尊所说的趣向有身灭的行道，正是这八支圣道，即：

mn44:5.4

sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhī”ti.

正见、正思惟、正语、正业、正命、正精进、正念、正定。”

mn44:6.1

“Taññeva nu kho, ayye, upādānaṁ te pañcupādānakkhandhā udāhu aññatra pañcahupādānakkhandhehi upādānan”ti?

“尊姊，执取就是这五取蕴，还是执取在五取蕴之外？”

mn44:6.2

“Na kho, āvuso visākha, taññeva upādānaṁ te pañcupādānakkhandhā, nāpi aññatra pañcahupādānakkhandhehi upādānaṁ.

“毗舍佉友，执取不是这五取蕴本身，执取也不在五取蕴之外。

mn44:6.3

Yo kho, āvuso visākha, pañcasu upādānakkhandhesu chandarāgo taṁ tattha upādānan”ti.

毗舍佉友，对五取蕴的欲贪，就是对它们的执取。”

mn44:7.1

“Kathaṁ panāyye, sakkāyadiṭṭhi hotī”ti?

“尊姊，有身见如何存在？”

mn44:7.2

“Idhāvuso visākha, assutavā puthujjano, ariyānaṁ adassāvī ariyadhammassa akovido ariyadhamme avinīto, sappurisānaṁ adassāvī sappurisadhammassa akovido sappurisadhamme avinīto,

“毗舍佉友，这里，无闻凡夫不见圣者，不善巧于圣者之法，未受圣者之法的调伏；不见善士，不善巧于善士之法，未受善士之法的调伏。

mn44:7.3

rūpaṁ attato samanupassati, rūpavantaṁ vā attānaṁ, attani vā rūpaṁ, rūpasmiṁ vā attānaṁ.

他把色看作我，或把我看作有色，或把色看作在我中，或把我看作在色中。

mn44:7.4

Vedanaṁ …pe…

对受……

mn44:7.5

saññaṁ …

对想……

mn44:7.6

saṅkhāre …

对行……

mn44:7.7

viññāṇaṁ attato samanupassati, viññāṇavantaṁ vā attānaṁ, attani vā viññāṇaṁ, viññāṇasmiṁ vā attānaṁ.

他把识看作我，或把我看作有识，或把识看作在我中，或把我看作在识中。

mn44:7.8

Evaṁ kho, āvuso visākha, sakkāyadiṭṭhi hotī”ti.

毗舍佉友，有身见如此存在。”

mn44:8.1

“Kathaṁ panāyye, sakkāyadiṭṭhi na hotī”ti?

“尊姊，有身见如何不存在？”

mn44:8.2

“Idhāvuso visākha, sutavā ariyasāvako, ariyānaṁ dassāvī ariyadhammassa kovido ariyadhamme suvinīto, sappurisānaṁ dassāvī sappurisadhammassa kovido sappurisadhamme suvinīto,

“毗舍佉友，这里，多闻圣弟子见圣者，善巧于圣者之法，善受圣者之法的调伏；见善士，善巧于善士之法，善受善士之法的调伏。

mn44:8.3

na rūpaṁ attato samanupassati, na rūpavantaṁ vā attānaṁ, na attani vā rūpaṁ, na rūpasmiṁ vā attānaṁ.

他不把色看作我，不把我看作有色，不把色看作在我中，不把我看作在色中。

mn44:8.4

Na vedanaṁ …pe…

对受也不……

mn44:8.5

na saññaṁ …

对想也不……

mn44:8.6

na saṅkhāre …pe…

对行也不……

mn44:8.7

na viññāṇaṁ attato samanupassati, na viññāṇavantaṁ vā attānaṁ, na attani vā viññāṇaṁ, na viññāṇasmiṁ vā attānaṁ.

他不把识看作我，不把我看作有识，不把识看作在我中，不把我看作在识中。

mn44:8.8

Evaṁ kho, āvuso visākha, sakkāyadiṭṭhi na hotī”ti.

毗舍佉友，有身见如此不存在。”

mn44:9.1

“Katamo panāyye, ariyo aṭṭhaṅgiko maggo”ti?

“尊姊，什么是八支圣道？”

mn44:9.2

“Ayameva kho, āvuso visākha, ariyo aṭṭhaṅgiko maggo, seyyathidaṁ—

“毗舍佉友，八支圣道正是这些，即：

mn44:9.3

sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhī”ti.

正见、正思惟、正语、正业、正命、正精进、正念、正定。”

mn44:10.1

“Ariyo panāyye, aṭṭhaṅgiko maggo saṅkhato udāhu asaṅkhato”ti?

“尊姊，八支圣道是有为，还是无为？”

mn44:10.2

“Ariyo kho, āvuso visākha, aṭṭhaṅgiko maggo saṅkhato”ti.

“毗舍佉友，八支圣道是有为。”

mn44:11.1

“Ariyena nu kho, ayye, aṭṭhaṅgikena maggena tayo khandhā saṅgahitā udāhu tīhi khandhehi ariyo aṭṭhaṅgiko maggo saṅgahito”ti?

“尊姊，三蕴是由八支圣道所摄，还是八支圣道由三蕴所摄？”

mn44:11.2

“Na kho, āvuso visākha, ariyena aṭṭhaṅgikena maggena tayo khandhā saṅgahitā; tīhi ca kho, āvuso visākha, khandhehi ariyo aṭṭhaṅgiko maggo saṅgahito.

“毗舍佉友，三蕴不是由八支圣道所摄，而是八支圣道由三蕴所摄。

mn44:11.3

Yā cāvuso visākha, sammāvācā yo ca sammākammanto yo ca sammāājīvo ime dhammā sīlakkhandhe saṅgahitā.

毗舍佉友，正语、正业、正命，这些法为戒蕴所摄。

mn44:11.4

Yo ca sammāvāyāmo yā ca sammāsati yo ca sammāsamādhi ime dhammā samādhikkhandhe saṅgahitā.

正精进、正念、正定，这些法为定蕴所摄。

mn44:11.5

Yā ca sammādiṭṭhi yo ca sammāsaṅkappo, ime dhammā paññākkhandhe saṅgahitā”ti.

正见、正思惟，这些法为慧蕴所摄。”

mn44:12.1

“Katamo panāyye, samādhi, katame dhammā samādhinimittā, katame dhammā samādhiparikkhārā, katamā samādhibhāvanā”ti?

“尊姊，什么是定？哪些法是定相？哪些法是定的资具？什么是定的修习？”

mn44:12.2

“Yā kho, āvuso visākha, cittassa ekaggatā ayaṁ samādhi;

“毗舍佉友，心的一境性，就是定。

mn44:12.3

cattāro satipaṭṭhānā samādhinimittā;

四念处是定相。

mn44:12.4

cattāro sammappadhānā samādhiparikkhārā.

四正勤是定的资具。

mn44:12.5

Yā tesaṁyeva dhammānaṁ āsevanā bhāvanā bahulīkammaṁ, ayaṁ ettha samādhibhāvanā”ti.

对这些法的习行、修习、多修习，就是这里所说的定的修习。”

mn44:13.1

“Kati panāyye, saṅkhārā”ti?

“尊姊，有几种行？”

mn44:13.2

“Tayome, āvuso visākha, saṅkhārā—

“毗舍佉友，有这三种行：

mn44:13.3

kāyasaṅkhāro, vacīsaṅkhāro, cittasaṅkhāro”ti.

身行、语行、心行。”

mn44:14.1

“Katamo panāyye, kāyasaṅkhāro, katamo vacīsaṅkhāro, katamo cittasaṅkhāro”ti?

“尊姊，什么是身行？什么是语行？什么是心行？”

mn44:14.2

“Assāsapassāsā kho, āvuso visākha, kāyasaṅkhāro, vitakkavicārā vacīsaṅkhāro, saññā ca vedanā ca cittasaṅkhāro”ti.

“毗舍佉友，入出息是身行，寻与伺是语行，想与受是心行。”

mn44:15.1

“Kasmā panāyye, assāsapassāsā kāyasaṅkhāro, kasmā vitakkavicārā vacīsaṅkhāro, kasmā saññā ca vedanā ca cittasaṅkhāro”ti?

“尊姊，为什么入出息是身行？为什么寻与伺是语行？为什么想与受是心行？”

mn44:15.2

“Assāsapassāsā kho, āvuso visākha, kāyikā ete dhammā kāyappaṭibaddhā, tasmā assāsapassāsā kāyasaṅkhāro.

“毗舍佉友，入出息是身体的法，与身体相系，所以入出息是身行。

mn44:15.3

Pubbe kho, āvuso visākha, vitakketvā vicāretvā pacchā vācaṁ bhindati, tasmā vitakkavicārā vacīsaṅkhāro.

毗舍佉友，先寻、伺，然后才发出言语，所以寻与伺是语行。

mn44:15.4

Saññā ca vedanā ca cetasikā ete dhammā cittappaṭibaddhā, tasmā saññā ca vedanā ca cittasaṅkhāro”ti.

想与受是心的法，与心相系，所以想与受是心行。”

mn44:16.1

“Kathaṁ panāyye, saññāvedayitanirodhasamāpatti hotī”ti?

“尊姊，如何有想受灭等至？”

mn44:16.2

“Na kho, āvuso visākha, saññāvedayitanirodhaṁ samāpajjantassa bhikkhuno evaṁ hoti:

“毗舍佉友，比丘进入想受灭时，并不这样想：

mn44:16.3

‘ahaṁ saññāvedayitanirodhaṁ samāpajjissan’ti vā, ‘ahaṁ saññāvedayitanirodhaṁ samāpajjāmī’ti vā, ‘ahaṁ saññāvedayitanirodhaṁ samāpanno’ti vā.

‘我将进入想受灭’，或‘我正进入想受灭’，或‘我已进入想受灭’。

mn44:16.4

Atha khvāssa pubbeva tathā cittaṁ bhāvitaṁ hoti yaṁ taṁ tathattāya upanetī”ti.

而是他的心先前已经如此修习，带领他进入那样的状态。”

mn44:17.1

“Saññāvedayitanirodhaṁ samāpajjantassa panāyye, bhikkhuno katame dhammā paṭhamaṁ nirujjhanti—yadi vā kāyasaṅkhāro, yadi vā vacīsaṅkhāro, yadi vā cittasaṅkhāro”ti?

“尊姊，比丘进入想受灭时，哪些法先止灭——身行、语行，还是心行？”

mn44:17.2

“Saññāvedayitanirodhaṁ samāpajjantassa kho, āvuso visākha, bhikkhuno paṭhamaṁ nirujjhati vacīsaṅkhāro, tato kāyasaṅkhāro, tato cittasaṅkhāro”ti.

“毗舍佉友，比丘进入想受灭时，语行先止灭，然后是身行，然后是心行。”

mn44:18.1

“Kathaṁ panāyye, saññāvedayitanirodhasamāpattiyā vuṭṭhānaṁ hotī”ti?

“尊姊，如何从想受灭等至出起？”

mn44:18.2

“Na kho, āvuso visākha, saññāvedayitanirodhasamāpattiyā vuṭṭhahantassa bhikkhuno evaṁ hoti:

“毗舍佉友，比丘从想受灭等至出起时，并不这样想：

mn44:18.3

‘ahaṁ saññāvedayitanirodhasamāpattiyā vuṭṭhahissan’ti vā, ‘ahaṁ saññāvedayitanirodhasamāpattiyā vuṭṭhahāmī’ti vā, ‘ahaṁ saññāvedayitanirodhasamāpattiyā vuṭṭhito’ti vā.

‘我将从想受灭等至出起’，或‘我正从想受灭等至出起’，或‘我已从想受灭等至出起’。

mn44:18.4

Atha khvāssa pubbeva tathā cittaṁ bhāvitaṁ hoti yaṁ taṁ tathattāya upanetī”ti.

而是他的心先前已经如此修习，带领他进入那样的状态。”

mn44:19.1

“Saññāvedayitanirodhasamāpattiyā vuṭṭhahantassa panāyye, bhikkhuno katame dhammā paṭhamaṁ uppajjanti—yadi vā kāyasaṅkhāro, yadi vā vacīsaṅkhāro, yadi vā cittasaṅkhāro”ti?

“尊姊，比丘从想受灭等至出起时，哪些法先生起——身行、语行，还是心行？”

mn44:19.2

“Saññāvedayitanirodhasamāpattiyā vuṭṭhahantassa kho, āvuso visākha, bhikkhuno paṭhamaṁ uppajjati cittasaṅkhāro, tato kāyasaṅkhāro, tato vacīsaṅkhāro”ti.

“毗舍佉友，比丘从想受灭等至出起时，心行先生起，然后是身行，然后是语行。”

mn44:20.1

“Saññāvedayitanirodhasamāpattiyā vuṭṭhitaṁ panāyye, bhikkhuṁ kati phassā phusantī”ti?

“尊姊，从想受灭等至出起的比丘，有几种触接触他？”

mn44:20.2

“Saññāvedayitanirodhasamāpattiyā vuṭṭhitaṁ kho, āvuso visākha, bhikkhuṁ tayo phassā phusanti—suññato phasso, animitto phasso, appaṇihito phasso”ti.

“毗舍佉友，从想受灭等至出起的比丘，有三种触接触他：空触、无相触、无愿触。”

mn44:21.1

“Saññāvedayitanirodhasamāpattiyā vuṭṭhitassa panāyye, bhikkhuno kiṁninnaṁ cittaṁ hoti kiṁpoṇaṁ kiṁpabbhāran”ti?

“尊姊，从想受灭等至出起的比丘，他的心倾向什么、趋向什么、朝向什么？”

mn44:21.2

“Saññāvedayitanirodhasamāpattiyā vuṭṭhitassa kho, āvuso visākha, bhikkhuno vivekaninnaṁ cittaṁ hoti, vivekapoṇaṁ vivekapabbhāran”ti.

“毗舍佉友，从想受灭等至出起的比丘，他的心倾向远离、趋向远离、朝向远离。”

mn44:22.1

“Kati panāyye, vedanā”ti?

“尊姊，有几种受？”

mn44:22.2

“Tisso kho imā, āvuso visākha, vedanā—

“毗舍佉友，有这三种受：

mn44:22.3

sukhā vedanā, dukkhā vedanā, adukkhamasukhā vedanā”ti.

乐受、苦受、不苦不乐受。”

mn44:23.1

“Katamā panāyye, sukhā vedanā, katamā dukkhā vedanā, katamā adukkhamasukhā vedanā”ti?

“尊姊，什么是乐受？什么是苦受？什么是不苦不乐受？”

mn44:23.2

“Yaṁ kho, āvuso visākha, kāyikaṁ vā cetasikaṁ vā sukhaṁ sātaṁ vedayitaṁ—

“毗舍佉友，凡身体或心所感受的乐、适意，

mn44:23.3

ayaṁ sukhā vedanā.

这就是乐受。

mn44:23.4

Yaṁ kho, āvuso visākha, kāyikaṁ vā cetasikaṁ vā dukkhaṁ asātaṁ vedayitaṁ—

毗舍佉友，凡身体或心所感受的苦、不适意，

mn44:23.5

ayaṁ dukkhā vedanā.

这就是苦受。

mn44:23.6

Yaṁ kho, āvuso visākha, kāyikaṁ vā cetasikaṁ vā neva sātaṁ nāsātaṁ vedayitaṁ—

毗舍佉友，凡身体或心所感受的既非适意也非不适意，

mn44:23.7

ayaṁ adukkhamasukhā vedanā”ti.

这就是不苦不乐受。”

mn44:24.1

“Sukhā panāyye, vedanā kiṁsukhā kiṁdukkhā, dukkhā vedanā kiṁsukhā kiṁdukkhā, adukkhamasukhā vedanā kiṁsukhā kiṁdukkhā”ti?

“尊姊，乐受何以是乐、何以是苦？苦受何以是乐、何以是苦？不苦不乐受何以是乐、何以是苦？”

mn44:24.2

“Sukhā kho, āvuso visākha, vedanā ṭhitisukhā vipariṇāmadukkhā;

“毗舍佉友，乐受住时是乐，变易时是苦。

mn44:24.3

dukkhā vedanā ṭhitidukkhā vipariṇāmasukhā;

苦受住时是苦，变易时是乐。

mn44:24.4

adukkhamasukhā vedanā ñāṇasukhā aññāṇadukkhā”ti.

不苦不乐受，有知时是乐，无知时是苦。”

mn44:25.1

“Sukhāya panāyye, vedanāya kiṁ anusayo anuseti, dukkhāya vedanāya kiṁ anusayo anuseti, adukkhamasukhāya vedanāya kiṁ anusayo anusetī”ti?

“尊姊，乐受中潜伏什么随眠？苦受中潜伏什么随眠？不苦不乐受中潜伏什么随眠？”

mn44:25.2

“Sukhāya kho, āvuso visākha, vedanāya rāgānusayo anuseti, dukkhāya vedanāya paṭighānusayo anuseti, adukkhamasukhāya vedanāya avijjānusayo anusetī”ti.

“毗舍佉友，乐受中潜伏贪随眠，苦受中潜伏瞋随眠，不苦不乐受中潜伏无明随眠。”

mn44:26.1

“Sabbāya nu kho, ayye, sukhāya vedanāya rāgānusayo anuseti, sabbāya dukkhāya vedanāya paṭighānusayo anuseti, sabbāya adukkhamasukhāya vedanāya avijjānusayo anusetī”ti?

“尊姊，所有乐受中都潜伏贪随眠，所有苦受中都潜伏瞋随眠，所有不苦不乐受中都潜伏无明随眠吗？”

mn44:26.2

“Na kho, āvuso visākha, sabbāya sukhāya vedanāya rāgānusayo anuseti, na sabbāya dukkhāya vedanāya paṭighānusayo anuseti, na sabbāya adukkhamasukhāya vedanāya avijjānusayo anusetī”ti.

“毗舍佉友，并非所有乐受中都潜伏贪随眠，并非所有苦受中都潜伏瞋随眠，并非所有不苦不乐受中都潜伏无明随眠。”

mn44:27.1

“Sukhāya panāyye, vedanāya kiṁ pahātabbaṁ, dukkhāya vedanāya kiṁ pahātabbaṁ, adukkhamasukhāya vedanāya kiṁ pahātabban”ti?

“尊姊，乐受中应断什么？苦受中应断什么？不苦不乐受中应断什么？”

mn44:27.2

“Sukhāya kho, āvuso visākha, vedanāya rāgānusayo pahātabbo, dukkhāya vedanāya paṭighānusayo pahātabbo, adukkhamasukhāya vedanāya avijjānusayo pahātabbo”ti.

“毗舍佉友，乐受中应断贪随眠，苦受中应断瞋随眠，不苦不乐受中应断无明随眠。”

mn44:28.1

“Sabbāya nu kho, ayye, sukhāya vedanāya rāgānusayo pahātabbo, sabbāya dukkhāya vedanāya paṭighānusayo pahātabbo, sabbāya adukkhamasukhāya vedanāya avijjānusayo pahātabbo”ti?

“尊姊，所有乐受中都应断贪随眠，所有苦受中都应断瞋随眠，所有不苦不乐受中都应断无明随眠吗？”

mn44:28.2

“Na kho, āvuso visākha, sabbāya sukhāya vedanāya rāgānusayo pahātabbo, na sabbāya dukkhāya vedanāya paṭighānusayo pahātabbo, na sabbāya adukkhamasukhāya vedanāya avijjānusayo pahātabbo.

“毗舍佉友，并非所有乐受中都应断贪随眠，并非所有苦受中都应断瞋随眠，并非所有不苦不乐受中都应断无明随眠。

mn44:28.3

Idhāvuso visākha, bhikkhu vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati.

毗舍佉友，这里，比丘远离诸欲，远离不善法，进入并住于有寻有伺、离生喜乐的初禅。

mn44:28.4

Rāgaṁ tena pajahati, na tattha rāgānusayo anuseti.

他借此断贪，其中没有贪随眠潜伏。

mn44:28.5

Idhāvuso visākha, bhikkhu iti paṭisañcikkhati:

毗舍佉友，这里，比丘这样省察：

mn44:28.6

‘kudāssu nāmāhaṁ tadāyatanaṁ upasampajja viharissāmi yadariyā etarahi āyatanaṁ upasampajja viharantī’ti?

‘我究竟什么时候才能进入并住于圣者们如今所进入并安住的那个境界呢？’

mn44:28.7

Iti anuttaresu vimokkhesu pihaṁ upaṭṭhāpayato uppajjati pihāppaccayā domanassaṁ.

他如此建立对无上解脱的希求，便以希求为缘而生起忧。

mn44:28.8

Paṭighaṁ tena pajahati, na tattha paṭighānusayo anuseti.

他借此断瞋，其中没有瞋随眠潜伏。

mn44:28.9

Idhāvuso visākha, bhikkhu sukhassa ca pahānā, dukkhassa ca pahānā, pubbeva somanassadomanassānaṁ atthaṅgamā, adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati.

毗舍佉友，这里，比丘舍乐、舍苦，内心的喜悦与苦恼也已在此前止息，进入并住于不苦不乐、舍念清净的第四禅。

mn44:28.10

Avijjaṁ tena pajahati, na tattha avijjānusayo anusetī”ti.

他借此断无明，其中没有无明随眠潜伏。”

mn44:29.1

“Sukhāya panāyye, vedanāya kiṁ paṭibhāgo”ti?

“尊姊，乐受以什么为对应？”

mn44:29.2

“Sukhāya kho, āvuso visākha, vedanāya dukkhā vedanā paṭibhāgo”ti.

“毗舍佉友，乐受以苦受为对应。”

mn44:29.3

“Dukkhāya pannāyye, vedanāya kiṁ paṭibhāgo”ti?

“尊姊，苦受以什么为对应？”

mn44:29.4

“Dukkhāya kho, āvuso visākha, vedanāya sukhā vedanā paṭibhāgo”ti.

“毗舍佉友，苦受以乐受为对应。”

mn44:29.5

“Adukkhamasukhāya panāyye, vedanāya kiṁ paṭibhāgo”ti?

“尊姊，不苦不乐受以什么为对应？”

mn44:29.6

“Adukkhamasukhāya kho, āvuso visākha, vedanāya avijjā paṭibhāgo”ti.

“毗舍佉友，不苦不乐受以无明为对应。”

mn44:29.7

“Avijjāya panāyye, kiṁ paṭibhāgo”ti?

“尊姊，无明以什么为对应？”

mn44:29.8

“Avijjāya kho, āvuso visākha, vijjā paṭibhāgo”ti.

“毗舍佉友，无明以明为对应。”

mn44:29.9

“Vijjāya panāyye, kiṁ paṭibhāgo”ti?

“尊姊，明以什么为对应？”

mn44:29.10

“Vijjāya kho, āvuso visākha, vimutti paṭibhāgo”ti.

“毗舍佉友，明以解脱为对应。”

mn44:29.11

“Vimuttiyā panāyye, kiṁ paṭibhāgo”ti?

“尊姊，解脱以什么为对应？”

mn44:29.12

“Vimuttiyā kho, āvuso visākha, nibbānaṁ paṭibhāgo”ti.

“毗舍佉友，解脱以涅槃为对应。”

mn44:29.13

“Nibbānassa panāyye, kiṁ paṭibhāgo”ti?

“尊姊，涅槃以什么为对应？”

mn44:29.14

“Accayāsi, āvuso visākha, pañhaṁ, nāsakkhi pañhānaṁ pariyantaṁ gahetuṁ.

“毗舍佉友，你问过了界限，未能把握问题的终点。

mn44:29.15

Nibbānogadhañhi, āvuso visākha, brahmacariyaṁ, nibbānaparāyanaṁ nibbānapariyosānaṁ.

毗舍佉友，梵行以涅槃为归入，以涅槃为归向，以涅槃为究竟。

mn44:29.16

Ākaṅkhamāno ca tvaṁ, āvuso visākha, bhagavantaṁ upasaṅkamitvā etamatthaṁ puccheyyāsi, yathā ca te bhagavā byākaroti tathā naṁ dhāreyyāsī”ti.

毗舍佉友，你若愿意，可以来到世尊处询问此义；世尊怎样为你解答，你就应当那样记持。”

mn44:30.1

Atha kho visākho upāsako dhammadinnāya bhikkhuniyā bhāsitaṁ abhinanditvā anumoditvā uṭṭhāyāsanā dhammadinnaṁ bhikkhuniṁ abhivādetvā padakkhiṇaṁ katvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.

那时，优婆塞毗舍佉欢喜、随喜法授比丘尼所说，从座位起身，礼敬法授比丘尼，右绕后，来到世尊处；来到后，礼敬世尊，坐在一旁。

mn44:30.2

Ekamantaṁ nisinno kho visākho upāsako yāvatako ahosi dhammadinnāya bhikkhuniyā saddhiṁ kathāsallāpo taṁ sabbaṁ bhagavato ārocesi.

坐在一旁的优婆塞毗舍佉，把与法授比丘尼的所有问答都禀告世尊。

mn44:30.3

Evaṁ vutte, bhagavā visākhaṁ upāsakaṁ etadavoca:

他说完后，世尊对优婆塞毗舍佉说：

mn44:30.4

“paṇḍitā, visākha, dhammadinnā bhikkhunī, mahāpaññā, visākha, dhammadinnā bhikkhunī.

“毗舍佉，法授比丘尼是贤智者。毗舍佉，法授比丘尼有大慧。

mn44:30.5

Mañcepi tvaṁ, visākha, etamatthaṁ puccheyyāsi, ahampi taṁ evamevaṁ byākareyyaṁ, yathā taṁ dhammadinnāya bhikkhuniyā byākataṁ.

毗舍佉，即使你向我问这件事，我也会像法授比丘尼所答的那样回答。

mn44:30.6

Eso cevetassa attho. Evañca naṁ dhārehī”ti.

它的意义正是如此，你应当这样记持。”

mn44:30.7

Idamavoca bhagavā.

世尊这样说。

mn44:30.8

Attamano visākho upāsako bhagavato bhāsitaṁ abhinandīti.

优婆塞毗舍佉心怀欢喜，欣悦世尊所说。