大萨遮迦经

mn36:1.1

Evaṁ me sutaṁ—

如是我闻：

mn36:1.2

ekaṁ samayaṁ bhagavā vesāliyaṁ viharati mahāvane kūṭāgārasālāyaṁ.

一时，世尊住在毗舍离大林的重阁讲堂。

mn36:2.1

Tena kho pana samayena bhagavā pubbaṇhasamayaṁ sunivattho hoti pattacīvaramādāya vesāliṁ piṇḍāya pavisitukāmo.

那时，世尊在上午已经穿好衣服，拿了钵与衣，想进入毗舍离乞食。

mn36:3.1

Atha kho saccako nigaṇṭhaputto jaṅghāvihāraṁ anucaṅkamamāno anuvicaramāno yena mahāvanaṁ kūṭāgārasālā tenupasaṅkami.

那时，尼乾陀子萨遮迦为了活动双腿，步行游走，来到大林的重阁讲堂。

mn36:3.2

Addasā kho āyasmā ānando saccakaṁ nigaṇṭhaputtaṁ dūratova āgacchantaṁ.

阿难尊者远远看见尼乾陀子萨遮迦走来。

mn36:3.3

Disvāna bhagavantaṁ etadavoca:

看见后，他对世尊说：

mn36:3.4

“ayaṁ, bhante, saccako nigaṇṭhaputto āgacchati bhassappavādako paṇḍitavādo sādhusammato bahujanassa.

“大德，这位走来的是尼乾陀子萨遮迦：擅长辩论，自称智者，为许多人推崇。

mn36:3.5

Eso kho, bhante, avaṇṇakāmo buddhassa, avaṇṇakāmo dhammassa, avaṇṇakāmo saṅghassa.

大德，他想贬损佛，想贬损法，想贬损僧。

mn36:3.6

Sādhu, bhante, bhagavā muhuttaṁ nisīdatu anukampaṁ upādāyā”ti.

大德，愿世尊出于悲悯，坐一会儿。”

mn36:3.7

Nisīdi bhagavā paññatte āsane.

世尊坐在备好的座位上。

mn36:3.8

Atha kho saccako nigaṇṭhaputto yena bhagavā tenupasaṅkami; upasaṅkamitvā bhagavatā saddhiṁ sammodi, sammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho saccako nigaṇṭhaputto bhagavantaṁ etadavoca:

尼乾陀子萨遮迦来到世尊处，与世尊互致问候；友好交谈后，坐在一旁。坐好后，尼乾陀子萨遮迦对世尊说：

mn36:4.1

“Santi, bho gotama, eke samaṇabrāhmaṇā kāyabhāvanānuyogamanuyuttā viharanti, no cittabhāvanaṁ.

“乔达摩尊者，有些沙门、婆罗门致力于修身而住，却不修心。

mn36:4.2

Phusanti hi te, bho gotama, sārīrikaṁ dukkhaṁ vedanaṁ.

乔达摩尊者，他们受到身体苦受的触及。

mn36:4.3

Bhūtapubbaṁ, bho gotama, sārīrikāya dukkhāya vedanāya phuṭṭhassa sato ūrukkhambhopi nāma bhavissati, hadayampi nāma phalissati, uṇhampi lohitaṁ mukhato uggamissati, ummādampi pāpuṇissati cittakkhepaṁ.

乔达摩尊者，从前曾有受到身体苦受触及的人：大腿僵硬，心脏破裂，热血从口中涌出，乃至疯狂、心乱。

mn36:4.4

Tassa kho etaṁ, bho gotama, kāyanvayaṁ cittaṁ hoti, kāyassa vasena vattati.

乔达摩尊者，他的心便随从身体，在身体的支配下运转。

mn36:4.5

Taṁ kissa hetu?

这是什么缘故？

mn36:4.6

Abhāvitattā cittassa.

因为心未修习。

mn36:4.7

Santi pana, bho gotama, eke samaṇabrāhmaṇā cittabhāvanānuyogamanuyuttā viharanti, no kāyabhāvanaṁ.

乔达摩尊者，又有些沙门、婆罗门致力于修心而住，却不修身。

mn36:4.8

Phusanti hi te, bho gotama, cetasikaṁ dukkhaṁ vedanaṁ.

乔达摩尊者，他们受到心的苦受触及。

mn36:4.9

Bhūtapubbaṁ, bho gotama, cetasikāya dukkhāya vedanāya phuṭṭhassa sato ūrukkhambhopi nāma bhavissati, hadayampi nāma phalissati, uṇhampi lohitaṁ mukhato uggamissati, ummādampi pāpuṇissati cittakkhepaṁ.

乔达摩尊者，从前曾有受到心的苦受触及的人：大腿僵硬，心脏破裂，热血从口中涌出，乃至疯狂、心乱。

mn36:4.10

Tassa kho eso, bho gotama, cittanvayo kāyo hoti, cittassa vasena vattati.

乔达摩尊者，他的身体便随从心，在心的支配下运转。

mn36:4.11

Taṁ kissa hetu?

这是什么缘故？

mn36:4.12

Abhāvitattā kāyassa.

因为身未修习。

mn36:4.13

Tassa mayhaṁ, bho gotama, evaṁ hoti:

乔达摩尊者，我这样想：

mn36:4.14

‘addhā bhoto gotamassa sāvakā cittabhāvanānuyogamanuyuttā viharanti, no kāyabhāvanan’”ti.

‘乔达摩尊者的弟子必定是致力于修心而住，却不修身。’”

mn36:5.1

“Kinti pana te, aggivessana, kāyabhāvanā sutā”ti?

“阿耆毗舍那，你所听说的修身是怎样的？”

mn36:5.2

“Seyyathidaṁ—

“例如：

mn36:5.3

nando vaccho, kiso saṅkicco, makkhali gosālo—

难陀婆蹉、羸瘦僧吉遮、末伽梨瞿舍罗。

mn36:5.4

etehi, bho gotama, acelakā muttācārā hatthāpalekhanā naehibhaddantikā natiṭṭhabhaddantikā na abhihaṭaṁ na uddissakataṁ na nimantanaṁ sādiyanti,

乔达摩尊者，他们是裸行者，舍弃惯常礼法，舔手；不接受‘请来，尊者’、‘请留，尊者’的招呼；不接受送来的、特为他们做的食物，也不接受邀请。

mn36:5.5

te na kumbhimukhā paṭiggaṇhanti na kaḷopimukhā paṭiggaṇhanti na eḷakamantaraṁ na daṇḍamantaraṁ na musalamantaraṁ na dvinnaṁ bhuñjamānānaṁ na gabbhiniyā na pāyamānāya na purisantaragatāya na saṅkittīsu na yattha sā upaṭṭhito hoti na yattha makkhikā saṇḍasaṇḍacārinī, na macchaṁ na maṁsaṁ na suraṁ na merayaṁ na thusodakaṁ pivanti.

他们不从锅口、不从碗口受食；不隔着门槛、木杖、杵受食；不从一同吃饭的两人处、不从孕妇、哺乳妇女、与男子同处的妇女处受食；不在宣告集资供食之处、不在有狗等候之处、不在苍蝇成群飞集之处受食；不吃鱼，不吃肉，不喝谷酒、果酒或糠酿饮料。

mn36:5.6

Te ekāgārikā vā honti ekālopikā, dvāgārikā vā honti dvālopikā …pe… sattāgārikā vā honti sattālopikā.

他们或只到一家受一口，或到两家受两口，〔中略〕或到七家受七口。

mn36:5.7

Ekissāpi dattiyā yāpenti, dvīhipi dattīhi yāpenti …pe… sattahipi dattīhi yāpenti.

他们或靠一小碟维生，或靠两小碟维生，〔中略〕或靠七小碟维生。

mn36:5.8

Ekāhikampi āhāraṁ āhārenti, dvīhikampi āhāraṁ āhārenti …pe… sattāhikampi āhāraṁ āhārenti. Iti evarūpaṁ addhamāsikampi pariyāyabhattabhojanānuyogamanuyuttā viharantī”ti.

他们或一日进食一次，或两日进食一次，〔中略〕或七日进食一次；像这样，乃至致力于每隔半个月才依次进食的修行。”

mn36:6.1

“Kiṁ pana te, aggivessana, tāvatakeneva yāpentī”ti?

“阿耆毗舍那，他们只靠这些维生吗？”

mn36:6.2

“No hidaṁ, bho gotama.

“不，乔达摩尊者。

mn36:6.3

Appekadā, bho gotama, uḷārāni uḷārāni khādanīyāni khādanti, uḷārāni uḷārāni bhojanāni bhuñjanti, uḷārāni uḷārāni sāyanīyāni sāyanti, uḷārāni uḷārāni pānāni pivanti.

乔达摩尊者，他们有时吃上等的硬食、吃上等的软食、尝上等的美味、喝上等的饮料。

mn36:6.4

Te imaṁ kāyaṁ balaṁ gāhenti nāma, brūhenti nāma, medenti nāmā”ti.

他们让身体取得力量、增长、肥壮。”

mn36:6.5

“Yaṁ kho te, aggivessana, purimaṁ pahāya pacchā upacinanti, evaṁ imassa kāyassa ācayāpacayo hoti.

“阿耆毗舍那，他们先前舍去的，后来又积聚；这样，这个身体便有增减。

mn36:6.6

Kinti pana te, aggivessana, cittabhāvanā sutā”ti?

阿耆毗舍那，你所听说的修心又是怎样的？”

mn36:6.7

Cittabhāvanāya kho saccako nigaṇṭhaputto bhagavatā puṭṭho samāno na sampāyāsi.

世尊问起修心时，尼乾陀子萨遮迦答不上来。

mn36:7.1

Atha kho bhagavā saccakaṁ nigaṇṭhaputtaṁ etadavoca:

世尊于是对尼乾陀子萨遮迦说：

mn36:7.2

“yāpi kho te esā, aggivessana, purimā kāyabhāvanā bhāsitā sāpi ariyassa vinaye no dhammikā kāyabhāvanā.

“阿耆毗舍那，你先前所说的那种修身，在圣者的律中，也不是如法的修身。

mn36:7.3

Kāyabhāvanampi kho tvaṁ, aggivessana, na aññāsi, kuto pana tvaṁ cittabhāvanaṁ jānissasi?

阿耆毗舍那，你连修身都不了知，又怎么会知道修心？

mn36:7.4

Api ca, aggivessana, yathā abhāvitakāyo ca hoti abhāvitacitto ca, bhāvitakāyo ca hoti bhāvitacitto ca.

不过，阿耆毗舍那，怎样是身未修习、心未修习，怎样是身已修习、心已修习——

mn36:7.5

Taṁ suṇāhi, sādhukaṁ manasi karohi, bhāsissāmī”ti.

你要听，好好作意，我将说。”

mn36:7.6

“Evaṁ, bho”ti kho saccako nigaṇṭhaputto bhagavato paccassosi.

尼乾陀子萨遮迦回答世尊：“是的，尊者。”

mn36:7.7

Bhagavā etadavoca:

世尊说：

mn36:8.1

“Kathañca, aggivessana, abhāvitakāyo ca hoti abhāvitacitto ca?

“阿耆毗舍那，怎样是身未修习、心未修习？

mn36:8.2

Idha, aggivessana, assutavato puthujjanassa uppajjati sukhā vedanā.

阿耆毗舍那，这里，未闻法的凡夫生起乐受。

mn36:8.3

So sukhāya vedanāya phuṭṭho samāno sukhasārāgī ca hoti sukhasārāgitañca āpajjati.

受到乐受触及，他染著于乐，陷入染著于乐的状态。

mn36:8.4

Tassa sā sukhā vedanā nirujjhati.

他的那种乐受止灭。

mn36:8.5

Sukhāya vedanāya nirodhā uppajjati dukkhā vedanā.

随着乐受止灭，苦受生起。

mn36:8.6

So dukkhāya vedanāya phuṭṭho samāno socati kilamati paridevati urattāḷiṁ kandati sammohaṁ āpajjati.

受到苦受触及，他忧愁、疲困、悲叹、捶胸号哭，陷入迷乱。

mn36:8.7

Tassa kho esā, aggivessana, uppannāpi sukhā vedanā cittaṁ pariyādāya tiṭṭhati abhāvitattā kāyassa, uppannāpi dukkhā vedanā cittaṁ pariyādāya tiṭṭhati abhāvitattā cittassa.

阿耆毗舍那，由于身未修习，他生起的乐受占据心而住；由于心未修习，他生起的苦受也占据心而住。

mn36:8.8

Yassa kassaci, aggivessana, evaṁ ubhatopakkhaṁ uppannāpi sukhā vedanā cittaṁ pariyādāya tiṭṭhati abhāvitattā kāyassa, uppannāpi dukkhā vedanā cittaṁ pariyādāya tiṭṭhati abhāvitattā cittassa, evaṁ kho, aggivessana, abhāvitakāyo ca hoti abhāvitacitto ca.

阿耆毗舍那，无论谁在这两个方面如此：由于身未修习，生起的乐受占据心而住；由于心未修习，生起的苦受占据心而住。阿耆毗舍那，这就是身未修习、心未修习。

mn36:9.1

Kathañca, aggivessana, bhāvitakāyo ca hoti bhāvitacitto ca?

阿耆毗舍那，怎样是身已修习、心已修习？

mn36:9.2

Idha, aggivessana, sutavato ariyasāvakassa uppajjati sukhā vedanā.

阿耆毗舍那，这里，多闻的圣弟子生起乐受。

mn36:9.3

So sukhāya vedanāya phuṭṭho samāno na sukhasārāgī ca hoti, na sukhasārāgitañca āpajjati.

受到乐受触及，他不染著于乐，不陷入染著于乐的状态。

mn36:9.4

Tassa sā sukhā vedanā nirujjhati.

他的那种乐受止灭。

mn36:9.5

Sukhāya vedanāya nirodhā uppajjati dukkhā vedanā.

随着乐受止灭，苦受生起。

mn36:9.6

So dukkhāya vedanāya phuṭṭho samāno na socati na kilamati na paridevati na urattāḷiṁ kandati na sammohaṁ āpajjati.

受到苦受触及，他不忧愁、不疲困、不悲叹、不捶胸号哭，不陷入迷乱。

mn36:9.7

Tassa kho esā, aggivessana, uppannāpi sukhā vedanā cittaṁ na pariyādāya tiṭṭhati bhāvitattā kāyassa, uppannāpi dukkhā vedanā cittaṁ na pariyādāya tiṭṭhati bhāvitattā cittassa.

阿耆毗舍那，由于身已修习，他生起的乐受不占据心而住；由于心已修习，他生起的苦受也不占据心而住。

mn36:9.8

Yassa kassaci, aggivessana, evaṁ ubhatopakkhaṁ uppannāpi sukhā vedanā cittaṁ na pariyādāya tiṭṭhati bhāvitattā kāyassa, uppannāpi dukkhā vedanā cittaṁ na pariyādāya tiṭṭhati bhāvitattā cittassa. Evaṁ kho, aggivessana, bhāvitakāyo ca hoti bhāvitacitto cā”ti.

阿耆毗舍那，无论谁在这两个方面如此：由于身已修习，生起的乐受不占据心而住；由于心已修习，生起的苦受不占据心而住。阿耆毗舍那，这就是身已修习、心已修习。”

mn36:10.1

“Evaṁ pasanno ahaṁ bhoto gotamassa.

“我对乔达摩尊者有这样的信心：

mn36:10.2

Bhavañhi gotamo bhāvitakāyo ca hoti bhāvitacitto cā”ti.

乔达摩尊者确实是身已修习、心已修习。”

mn36:10.3

“Addhā kho te ayaṁ, aggivessana, āsajja upanīya vācā bhāsitā,

“阿耆毗舍那，你说这话，确实带着冒犯与逼迫；

mn36:10.4

api ca te ahaṁ byākarissāmi.

不过，我仍会回答你。

mn36:10.5

Yato kho ahaṁ, aggivessana, kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajito, taṁ vata me uppannā vā sukhā vedanā cittaṁ pariyādāya ṭhassati, uppannā vā dukkhā vedanā cittaṁ pariyādāya ṭhassatīti netaṁ ṭhānaṁ vijjatī”ti.

阿耆毗舍那，自从我剃除须发、披上袈裟，从在家出家、成为无家者以来，生起的乐受会占据我的心而住，或生起的苦受会占据我的心而住——这是不可能的。”

mn36:11.1

“Na hi nūna bhoto gotamassa uppajjati tathārūpā sukhā vedanā yathārūpā uppannā sukhā vedanā cittaṁ pariyādāya tiṭṭheyya; na hi nūna bhoto gotamassa uppajjati tathārūpā dukkhā vedanā yathārūpā uppannā dukkhā vedanā cittaṁ pariyādāya tiṭṭheyyā”ti.

“想必乔达摩尊者没有生起过那样的乐受——生起后会占据心而住的乐受；想必乔达摩尊者没有生起过那样的苦受——生起后会占据心而住的苦受。”

mn36:12.1

“Kiñhi no siyā, aggivessana?

“阿耆毗舍那，怎么会没有呢？

mn36:12.2

Idha me, aggivessana, pubbeva sambodhā anabhisambuddhassa bodhisattasseva sato etadahosi:

阿耆毗舍那，在我正觉之前，尚未现正觉、仍是菩萨时，我这样想：

mn36:12.3

‘sambādho gharāvāso rajāpatho, abbhokāso pabbajjā.

‘在家生活拥挤，是尘垢之路；出家是旷野。

mn36:12.4

Nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ.

居住家中，不容易实行完全圆满、完全清净、如磨亮海螺般的梵行。

mn36:12.5

Yannūnāhaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajeyyan’ti.

我何不剃除须发、披上袈裟，从在家出家、成为无家者？’

mn36:13.1

So kho ahaṁ, aggivessana, aparena samayena daharova samāno, susukāḷakeso bhadrena yobbanena samannāgato paṭhamena vayasā, akāmakānaṁ mātāpitūnaṁ assumukhānaṁ rudantānaṁ, kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajiṁ.

阿耆毗舍那，后来，我还年轻，头发乌黑，具足美好的青春，处于人生初期；虽然父母不愿意，满面泪水地哭泣，我仍剃除须发、披上袈裟，从在家出家、成为无家者。

mn36:13.2

So evaṁ pabbajito samāno kiṅkusalagavesī anuttaraṁ santivarapadaṁ pariyesamāno yena āḷāro kālāmo tenupasaṅkamiṁ; upasaṅkamitvā āḷāraṁ kālāmaṁ etadavocaṁ:

阿耆毗舍那，我这样出家后，寻求何者是善，探求无上殊胜的寂静境地，来到阿罗逻迦罗摩处，对他说：

mn36:13.3

‘icchāmahaṁ, āvuso kālāma, imasmiṁ dhammavinaye brahmacariyaṁ caritun’ti.

‘迦罗摩道友，我想在这法与律中实行梵行。’

mn36:13.4

Evaṁ vutte, aggivessana, āḷāro kālāmo maṁ etadavoca:

阿耆毗舍那，听到这话，阿罗逻迦罗摩对我说：

mn36:13.5

‘viharatāyasmā,

‘尊者，请住下来。

mn36:13.6

tādiso ayaṁ dhammo yattha viññū puriso nacirasseva sakaṁ ācariyakaṁ sayaṁ abhiññā sacchikatvā upasampajja vihareyyā’ti.

此法是这样的：有智的人不久就能以亲自证知，体证自己老师的教导，进入而住。’

mn36:13.7

So kho ahaṁ, aggivessana, nacirasseva khippameva taṁ dhammaṁ pariyāpuṇiṁ.

阿耆毗舍那，不久，我便迅速学会了那种法。

mn36:13.8

So kho ahaṁ, aggivessana, tāvatakeneva oṭṭhapahatamattena lapitalāpanamattena ñāṇavādañca vadāmi theravādañca, ‘jānāmi passāmī’ti ca paṭijānāmi, ahañceva aññe ca.

阿耆毗舍那，仅凭动唇诵读、重复言说，我已能说智者之语、长老之语，并宣称“我知，我见”；我和其他人都如此。

mn36:13.9

Tassa mayhaṁ, aggivessana, etadahosi:

阿耆毗舍那，我这样想：

mn36:13.10

‘na kho āḷāro kālāmo imaṁ dhammaṁ kevalaṁ saddhāmattakena sayaṁ abhiññā sacchikatvā upasampajja viharāmīti pavedeti,

‘阿罗逻迦罗摩不是仅凭信，就宣称“我亲自证知、体证此法，进入而住”。

mn36:13.11

addhā āḷāro kālāmo imaṁ dhammaṁ jānaṁ passaṁ viharatī’ti.

阿罗逻迦罗摩必定是知此法、见此法而住。’

mn36:13.12

Atha khvāhaṁ, aggivessana, yena āḷāro kālāmo tenupasaṅkamiṁ; upasaṅkamitvā āḷāraṁ kālāmaṁ etadavocaṁ:

阿耆毗舍那，于是我来到阿罗逻迦罗摩处，对他说：

mn36:13.13

‘kittāvatā no, āvuso kālāma, imaṁ dhammaṁ sayaṁ abhiññā sacchikatvā upasampajja viharāmīti pavedesī’ti?

‘迦罗摩道友，你宣称“亲自证知、体证此法，进入而住”，达到的是什么程度？’

mn36:13.14

Evaṁ vutte, aggivessana, āḷāro kālāmo ākiñcaññāyatanaṁ pavedesi.

阿耆毗舍那，听到这话，阿罗逻迦罗摩宣说了无所有处。

mn36:13.15

Tassa mayhaṁ, aggivessana, etadahosi:

阿耆毗舍那，我这样想：

mn36:13.16

‘na kho āḷārasseva kālāmassa atthi saddhā, mayhampatthi saddhā;

‘不是只有阿罗逻迦罗摩有信，我也有信；

mn36:13.17

na kho āḷārasseva kālāmassa atthi vīriyaṁ, mayhampatthi vīriyaṁ;

不是只有阿罗逻迦罗摩有精进，我也有精进；

mn36:13.18

na kho āḷārasseva kālāmassa atthi sati, mayhampatthi sati;

不是只有阿罗逻迦罗摩有念，我也有念；

mn36:13.19

na kho āḷārasseva kālāmassa atthi samādhi, mayhampatthi samādhi;

不是只有阿罗逻迦罗摩有定，我也有定；

mn36:13.20

na kho āḷārasseva kālāmassa atthi paññā, mayhampatthi paññā;

不是只有阿罗逻迦罗摩有慧，我也有慧。

mn36:13.21

yannūnāhaṁ yaṁ dhammaṁ āḷāro kālāmo sayaṁ abhiññā sacchikatvā upasampajja viharāmīti pavedeti tassa dhammassa sacchikiriyāya padaheyyan’ti.

我何不为体证阿罗逻迦罗摩所宣称“亲自证知、体证、进入而住”的那种法而努力？’

mn36:13.22

So kho ahaṁ, aggivessana, nacirasseva khippameva taṁ dhammaṁ sayaṁ abhiññā sacchikatvā upasampajja vihāsiṁ.

阿耆毗舍那，不久，我便迅速亲自证知、体证那种法，进入而住。

mn36:14.1

Atha khvāhaṁ, aggivessana, yena āḷāro kālāmo tenupasaṅkamiṁ; upasaṅkamitvā āḷāraṁ kālāmaṁ etadavocaṁ:

阿耆毗舍那，于是我来到阿罗逻迦罗摩处，对他说：

mn36:14.2

‘ettāvatā no, āvuso kālāma, imaṁ dhammaṁ sayaṁ abhiññā sacchikatvā upasampajja pavedesī’ti?

‘迦罗摩道友，你所宣称亲自证知、体证并进入的这种法，达到的就是这样吗？’

mn36:14.3

‘Ettāvatā kho ahaṁ, āvuso, imaṁ dhammaṁ sayaṁ abhiññā sacchikatvā upasampajja pavedemī’ti.

‘道友，我所宣称亲自证知、体证并进入的这种法，达到的就是这样。’

mn36:14.4

‘Ahampi kho, āvuso, ettāvatā imaṁ dhammaṁ sayaṁ abhiññā sacchikatvā upasampajja viharāmī’ti.

‘道友，我也亲自证知、体证这种法，达到这样，进入而住。’

mn36:14.5

‘Lābhā no, āvuso, suladdhaṁ no, āvuso,

‘道友，这是我们的利得，是我们的善得！

mn36:14.6

ye mayaṁ āyasmantaṁ tādisaṁ sabrahmacāriṁ passāma.

我们见到了像尊者这样的同梵行者。

mn36:14.7

Iti yāhaṁ dhammaṁ sayaṁ abhiññā sacchikatvā upasampajja pavedemi taṁ tvaṁ dhammaṁ sayaṁ abhiññā sacchikatvā upasampajja viharasi;

我宣称亲自证知、体证并进入的法，你也亲自证知、体证，进入而住；

mn36:14.8

yaṁ tvaṁ dhammaṁ sayaṁ abhiññā sacchikatvā upasampajja viharasi tamahaṁ dhammaṁ sayaṁ abhiññā sacchikatvā upasampajja pavedemi.

你亲自证知、体证、进入而住的法，我也宣称亲自证知、体证并进入。

mn36:14.9

Iti yāhaṁ dhammaṁ jānāmi taṁ tvaṁ dhammaṁ jānāsi; yaṁ tvaṁ dhammaṁ jānāsi tamahaṁ dhammaṁ jānāmi.

我所知的法，你也知道；你所知的法，我也知道。

mn36:14.10

Iti yādiso ahaṁ tādiso tuvaṁ, yādiso tuvaṁ tādiso ahaṁ.

我怎样，你就怎样；你怎样，我就怎样。

mn36:14.11

Ehi dāni, āvuso, ubhova santā imaṁ gaṇaṁ pariharāmā’ti.

来吧，道友，我们两人一起照管这个团体。’

mn36:14.12

Iti kho, aggivessana, āḷāro kālāmo ācariyo me samāno attano antevāsiṁ maṁ samānaṁ attanā samasamaṁ ṭhapesi, uḷārāya ca maṁ pūjāya pūjesi.

阿耆毗舍那，阿罗逻迦罗摩是我的老师，却把身为弟子的我放在与他完全同等的位置，以极高的尊敬礼遇我。

mn36:14.13

Tassa mayhaṁ, aggivessana, etadahosi:

阿耆毗舍那，我这样想：

mn36:14.14

‘nāyaṁ dhammo nibbidāya na virāgāya na nirodhāya na upasamāya na abhiññāya na sambodhāya na nibbānāya saṁvattati, yāvadeva ākiñcaññāyatanūpapattiyā’ti.

‘此法不导向厌离，不导向离染，不导向止灭，不导向寂止，不导向证知，不导向正觉，不导向涅槃，只导向投生无所有处。’

mn36:14.15

So kho ahaṁ, aggivessana, taṁ dhammaṁ analaṅkaritvā tasmā dhammā nibbijja apakkamiṁ.

阿耆毗舍那，我不以此法为满足，对此法厌离，离开了。

mn36:15.1

So kho ahaṁ, aggivessana, kiṅkusalagavesī anuttaraṁ santivarapadaṁ pariyesamāno yena udako rāmaputto tenupasaṅkamiṁ; upasaṅkamitvā udakaṁ rāmaputtaṁ etadavocaṁ:

阿耆毗舍那，我寻求何者是善，探求无上殊胜的寂静境地，来到郁陀迦罗摩子处，对他说：

mn36:15.2

‘icchāmahaṁ, āvuso, imasmiṁ dhammavinaye brahmacariyaṁ caritun’ti.

‘道友，我想在这法与律中实行梵行。’

mn36:15.3

Evaṁ vutte, aggivessana, udako rāmaputto maṁ etadavoca:

阿耆毗舍那，听到这话，郁陀迦罗摩子对我说：

mn36:15.4

‘viharatāyasmā,

‘尊者，请住下来。

mn36:15.5

tādiso ayaṁ dhammo yattha viññū puriso nacirasseva sakaṁ ācariyakaṁ sayaṁ abhiññā sacchikatvā upasampajja vihareyyā’ti.

此法是这样的：有智的人不久就能以亲自证知，体证自己老师的教导，进入而住。’

mn36:15.6

So kho ahaṁ, aggivessana, nacirasseva khippameva taṁ dhammaṁ pariyāpuṇiṁ.

阿耆毗舍那，不久，我便迅速学会了那种法。

mn36:15.7

So kho ahaṁ, aggivessana, tāvatakeneva oṭṭhapahatamattena lapitalāpanamattena ñāṇavādañca vadāmi theravādañca, ‘jānāmi passāmī’ti ca paṭijānāmi, ahañceva aññe ca.

阿耆毗舍那，仅凭动唇诵读、重复言说，我已能说智者之语、长老之语，并宣称“我知，我见”；我和其他人都如此。

mn36:15.8

Tassa mayhaṁ, aggivessana, etadahosi:

阿耆毗舍那，我这样想：

mn36:15.9

‘na kho rāmo imaṁ dhammaṁ kevalaṁ saddhāmattakena sayaṁ abhiññā sacchikatvā upasampajja viharāmīti pavedesi.

‘罗摩不是仅凭信，就宣称“我亲自证知、体证此法，进入而住”。

mn36:15.10

Addhā rāmo imaṁ dhammaṁ jānaṁ passaṁ vihāsī’ti.

罗摩必定曾经知此法、见此法而住。’

mn36:15.11

Atha khvāhaṁ, aggivessana, yena udako rāmaputto tenupasaṅkamiṁ; upasaṅkamitvā udakaṁ rāmaputtaṁ etadavocaṁ:

阿耆毗舍那，于是我来到郁陀迦罗摩子处，对他说：

mn36:15.12

‘kittāvatā no āvuso rāmo imaṁ dhammaṁ sayaṁ abhiññā sacchikatvā upasampajja viharāmīti pavedesī’ti?

‘道友，罗摩宣称“亲自证知、体证此法，进入而住”，达到的是什么程度？’

mn36:15.13

Evaṁ vutte, aggivessana, udako rāmaputto nevasaññānāsaññāyatanaṁ pavedesi.

阿耆毗舍那，听到这话，郁陀迦罗摩子宣说了非想非非想处。

mn36:15.14

Tassa mayhaṁ, aggivessana, etadahosi:

阿耆毗舍那，我这样想：

mn36:15.15

‘na kho rāmasseva ahosi saddhā, mayhampatthi saddhā;

‘不是只有罗摩曾有信，我也有信；

mn36:15.16

na kho rāmasseva ahosi vīriyaṁ, mayhampatthi vīriyaṁ;

不是只有罗摩曾有精进，我也有精进；

mn36:15.17

na kho rāmasseva ahosi sati, mayhampatthi sati;

不是只有罗摩曾有念，我也有念；

mn36:15.18

na kho rāmasseva ahosi samādhi, mayhampatthi samādhi;

不是只有罗摩曾有定，我也有定；

mn36:15.19

na kho rāmasseva ahosi paññā, mayhampatthi paññā;

不是只有罗摩曾有慧，我也有慧。

mn36:15.20

yannūnāhaṁ yaṁ dhammaṁ rāmo sayaṁ abhiññā sacchikatvā upasampajja viharāmīti pavedesi tassa dhammassa sacchikiriyāya padaheyyan’ti.

我何不为体证罗摩所宣称“亲自证知、体证、进入而住”的那种法而努力？’

mn36:15.21

So kho ahaṁ, aggivessana, nacirasseva khippameva taṁ dhammaṁ sayaṁ abhiññā sacchikatvā upasampajja vihāsiṁ.

阿耆毗舍那，不久，我便迅速亲自证知、体证那种法，进入而住。

mn36:15.22

Atha khvāhaṁ, aggivessana, yena udako rāmaputto tenupasaṅkamiṁ; upasaṅkamitvā udakaṁ rāmaputtaṁ etadavocaṁ:

阿耆毗舍那，于是我来到郁陀迦罗摩子处，对他说：

mn36:15.23

‘ettāvatā no āvuso rāmo imaṁ dhammaṁ sayaṁ abhiññā sacchikatvā upasampajja pavedesī’ti?

‘道友，罗摩所宣称亲自证知、体证并进入的这种法，达到的就是这样吗？’

mn36:15.24

‘Ettāvatā kho āvuso rāmo imaṁ dhammaṁ sayaṁ abhiññā sacchikatvā upasampajja pavedesī’ti.

‘道友，罗摩所宣称亲自证知、体证并进入的这种法，达到的就是这样。’

mn36:15.25

‘Ahampi kho, āvuso, ettāvatā imaṁ dhammaṁ sayaṁ abhiññā sacchikatvā upasampajja viharāmī’ti.

‘道友，我也亲自证知、体证这种法，达到这样，进入而住。’

mn36:15.26

‘Lābhā no, āvuso, suladdhaṁ no, āvuso,

‘道友，这是我们的利得，是我们的善得！

mn36:15.27

ye mayaṁ āyasmantaṁ tādisaṁ sabrahmacāriṁ passāma.

我们见到了像尊者这样的同梵行者。

mn36:15.28

Iti yaṁ dhammaṁ rāmo sayaṁ abhiññā sacchikatvā upasampajja pavedesi, taṁ tvaṁ dhammaṁ sayaṁ abhiññā sacchikatvā upasampajja viharasi; yaṁ tvaṁ dhammaṁ sayaṁ abhiññā sacchikatvā upasampajja viharasi, taṁ dhammaṁ rāmo sayaṁ abhiññā sacchikatvā upasampajja pavedesi.

罗摩宣称亲自证知、体证并进入的法，你也亲自证知、体证，进入而住；你亲自证知、体证、进入而住的法，罗摩也宣称亲自证知、体证并进入。

mn36:15.29

Iti yaṁ dhammaṁ rāmo abhiññāsi taṁ tvaṁ dhammaṁ jānāsi; yaṁ tvaṁ dhammaṁ jānāsi taṁ dhammaṁ rāmo abhiññāsi.

罗摩所证知的法，你也知道；你所知的法，罗摩也曾证知。

mn36:15.30

Iti yādiso rāmo ahosi tādiso tuvaṁ; yādiso tuvaṁ tādiso rāmo ahosi.

罗摩从前怎样，你就怎样；你怎样，罗摩从前就怎样。

mn36:15.31

Ehi dāni, āvuso, tuvaṁ imaṁ gaṇaṁ pariharā’ti.

来吧，道友，请你照管这个团体。’

mn36:15.32

Iti kho, aggivessana, udako rāmaputto sabrahmacārī me samāno ācariyaṭṭhāne ca maṁ ṭhapesi, uḷārāya ca maṁ pūjāya pūjesi.

阿耆毗舍那，郁陀迦罗摩子是我的同梵行者，却把我放在老师的位置，以极高的尊敬礼遇我。

mn36:15.33

Tassa mayhaṁ, aggivessana, etadahosi:

阿耆毗舍那，我这样想：

mn36:15.34

‘nāyaṁ dhammo nibbidāya na virāgāya na nirodhāya na upasamāya na abhiññāya na sambodhāya na nibbānāya saṁvattati, yāvadeva nevasaññānāsaññāyatanūpapattiyā’ti.

‘此法不导向厌离，不导向离染，不导向止灭，不导向寂止，不导向证知，不导向正觉，不导向涅槃，只导向投生非想非非想处。’

mn36:15.35

So kho ahaṁ, aggivessana, taṁ dhammaṁ analaṅkaritvā tasmā dhammā nibbijja apakkamiṁ.

阿耆毗舍那，我不以此法为满足，对此法厌离，离开了。

mn36:16.1

So kho ahaṁ, aggivessana, kiṅkusalagavesī anuttaraṁ santivarapadaṁ pariyesamāno magadhesu anupubbena cārikaṁ caramāno yena uruvelā senānigamo tadavasariṁ.

阿耆毗舍那，我寻求何者是善，探求无上殊胜的寂静境地，在摩揭陀逐次游行，来到优楼频螺的塞那村。

mn36:16.2

Tatthaddasaṁ ramaṇīyaṁ bhūmibhāgaṁ, pāsādikañca vanasaṇḍaṁ, nadiñca sandantiṁ setakaṁ supatitthaṁ ramaṇīyaṁ, samantā ca gocaragāmaṁ.

我在那里看见一片宜人的土地、悦目的树林，以及流动的河，河水清澈，河岸便于下水，景色宜人，周围还有可供乞食的村落。

mn36:16.3

Tassa mayhaṁ, aggivessana, etadahosi:

阿耆毗舍那，我这样想：

mn36:16.4

‘ramaṇīyo vata bho bhūmibhāgo, pāsādiko ca vanasaṇḍo, nadī ca sandati setakā supatitthā ramaṇīyā, samantā ca gocaragāmo.

‘这里的土地真宜人，树林悦目，河水流动清澈，河岸便于下水，景色宜人，周围还有可供乞食的村落。

mn36:16.5

Alaṁ vatidaṁ kulaputtassa padhānatthikassa padhānāyā’ti.

这确实适合一位想努力修行的善男子用功。’

mn36:16.6

So kho ahaṁ, aggivessana, tattheva nisīdiṁ

阿耆毗舍那，我便在那里坐下，

mn36:16.7

‘alamidaṁ padhānāyā’ti.

心想：‘这里适合用功。’

mn36:17.1

Apissumaṁ, aggivessana, tisso upamā paṭibhaṁsu anacchariyā pubbe assutapubbā.

阿耆毗舍那，那时，我心中浮现三个前所未闻、自然呈现的譬喻。

mn36:17.2

Seyyathāpi, aggivessana, allaṁ kaṭṭhaṁ sasnehaṁ udake nikkhittaṁ.

阿耆毗舍那，譬如湿润、含汁的木头放在水中。

mn36:17.3

Atha puriso āgaccheyya uttarāraṇiṁ ādāya:

有个人拿着取火的上钻木走来，心想：

mn36:17.4

‘aggiṁ abhinibbattessāmi, tejo pātukarissāmī’ti.

‘我要生起火，使火显现。’

mn36:17.5

Taṁ kiṁ maññasi, aggivessana,

阿耆毗舍那，你怎么想：

mn36:17.6

api nu so puriso amuṁ allaṁ kaṭṭhaṁ sasnehaṁ, udake nikkhittaṁ, uttarāraṇiṁ ādāya abhimanthento aggiṁ abhinibbatteyya, tejo pātukareyyā”ti?

那个人拿着上钻木，在那根放在水中的湿润、含汁的木头上钻磨，能生起火、使火显现吗？”

mn36:17.7

“No hidaṁ, bho gotama”.

“不，乔达摩尊者。”

mn36:17.8

“Taṁ kissa hetu”?

“为什么？”

mn36:17.9

“Aduñhi, bho gotama, allaṁ kaṭṭhaṁ sasnehaṁ, tañca pana udake nikkhittaṁ.

“乔达摩尊者，那木头湿润、含汁，又放在水中。

mn36:17.10

Yāvadeva ca pana so puriso kilamathassa vighātassa bhāgī assā”ti.

那个人只会承受疲劳、困苦。”

mn36:17.11

“Evameva kho, aggivessana, ye hi keci samaṇā vā brāhmaṇā vā kāyena ceva cittena ca kāmehi avūpakaṭṭhā viharanti, yo ca nesaṁ kāmesu kāmacchando kāmasneho kāmamucchā kāmapipāsā kāmapariḷāho, so ca ajjhattaṁ na suppahīno hoti, na suppaṭippassaddho, opakkamikā cepi te bhonto samaṇabrāhmaṇā dukkhā tibbā kharā kaṭukā vedanā vedayanti, abhabbāva te ñāṇāya dassanāya anuttarāya sambodhāya.

“阿耆毗舍那，同样，无论哪些沙门或婆罗门，身与心都未远离诸欲，而他们对诸欲的欲求、爱恋、迷醉、渴求、热恼，在内心未被充分舍断、未被充分止息，即使这些沙门、婆罗门承受刻意施加的痛苦、强烈、粗猛、尖锐的感受，他们也不能获得知、见、无上正觉。

mn36:17.12

No cepi te bhonto samaṇabrāhmaṇā opakkamikā dukkhā tibbā kharā kaṭukā vedanā vedayanti, abhabbāva te ñāṇāya dassanāya anuttarāya sambodhāya.

即使这些沙门、婆罗门不承受刻意施加的痛苦、强烈、粗猛、尖锐的感受，他们也不能获得知、见、无上正觉。

mn36:17.13

Ayaṁ kho maṁ, aggivessana, paṭhamā upamā paṭibhāsi anacchariyā pubbe assutapubbā.

阿耆毗舍那，这是我心中浮现的第一个前所未闻、自然呈现的譬喻。

mn36:18.1

Aparāpi kho maṁ, aggivessana, dutiyā upamā paṭibhāsi anacchariyā pubbe assutapubbā.

阿耆毗舍那，又有第二个前所未闻、自然呈现的譬喻浮现在我心中。

mn36:18.2

Seyyathāpi, aggivessana, allaṁ kaṭṭhaṁ sasnehaṁ, ārakā udakā thale nikkhittaṁ.

阿耆毗舍那，譬如湿润、含汁的木头，放在远离水的陆地上。

mn36:18.3

Atha puriso āgaccheyya uttarāraṇiṁ ādāya:

有个人拿着取火的上钻木走来，心想：

mn36:18.4

‘aggiṁ abhinibbattessāmi, tejo pātukarissāmī’ti.

‘我要生起火，使火显现。’

mn36:18.5

Taṁ kiṁ maññasi, aggivessana,

阿耆毗舍那，你怎么想：

mn36:18.6

api nu so puriso amuṁ allaṁ kaṭṭhaṁ sasnehaṁ, ārakā udakā thale nikkhittaṁ, uttarāraṇiṁ ādāya abhimanthento aggiṁ abhinibbatteyya tejo pātukareyyā”ti?

那个人拿着上钻木，在那根放在远离水的陆地上的湿润、含汁的木头上钻磨，能生起火、使火显现吗？”

mn36:18.7

“No hidaṁ, bho gotama”.

“不，乔达摩尊者。”

mn36:18.8

“Taṁ kissa hetu”?

“为什么？”

mn36:18.9

“Aduñhi, bho gotama, allaṁ kaṭṭhaṁ sasnehaṁ, kiñcāpi ārakā udakā thale nikkhittaṁ.

“乔达摩尊者，那木头虽然放在远离水的陆地上，却仍湿润、含汁。

mn36:18.10

Yāvadeva ca pana so puriso kilamathassa vighātassa bhāgī assā”ti.

那个人只会承受疲劳、困苦。”

mn36:18.11

“Evameva kho, aggivessana, ye hi keci samaṇā vā brāhmaṇā vā kāyena ceva cittena ca kāmehi vūpakaṭṭhā viharanti, yo ca nesaṁ kāmesu kāmacchando kāmasneho kāmamucchā kāmapipāsā kāmapariḷāho so ca ajjhattaṁ na suppahīno hoti, na suppaṭippassaddho, opakkamikā cepi te bhonto samaṇabrāhmaṇā dukkhā tibbā kharā kaṭukā vedanā vedayanti, abhabbāva te ñāṇāya dassanāya anuttarāya sambodhāya. No cepi te bhonto samaṇabrāhmaṇā opakkamikā dukkhā tibbā kharā kaṭukā vedanā vedayanti, abhabbāva te ñāṇāya dassanāya anuttarāya sambodhāya.

“阿耆毗舍那，同样，无论哪些沙门或婆罗门，身与心已经远离诸欲，但他们对诸欲的欲求、爱恋、迷醉、渴求、热恼，在内心未被充分舍断、未被充分止息，即使这些沙门、婆罗门承受刻意施加的痛苦、强烈、粗猛、尖锐的感受，他们也不能获得知、见、无上正觉；即使这些沙门、婆罗门不承受刻意施加的痛苦、强烈、粗猛、尖锐的感受，他们也不能获得知、见、无上正觉。

mn36:18.12

Ayaṁ kho maṁ, aggivessana, dutiyā upamā paṭibhāsi anacchariyā pubbe assutapubbā

阿耆毗舍那，这是我心中浮现的第二个前所未闻、自然呈现的譬喻。

mn36:19.1

Aparāpi kho maṁ, aggivessana, tatiyā upamā paṭibhāsi anacchariyā pubbe assutapubbā.

阿耆毗舍那，又有第三个前所未闻、自然呈现的譬喻浮现在我心中。

mn36:19.2

Seyyathāpi, aggivessana, sukkhaṁ kaṭṭhaṁ koḷāpaṁ, ārakā udakā thale nikkhittaṁ.

阿耆毗舍那，譬如干燥、枯槁的木头，放在远离水的陆地上。

mn36:19.3

Atha puriso āgaccheyya uttarāraṇiṁ ādāya:

有个人拿着取火的上钻木走来，心想：

mn36:19.4

‘aggiṁ abhinibbattessāmi, tejo pātukarissāmī’ti.

‘我要生起火，使火显现。’

mn36:19.5

Taṁ kiṁ maññasi, aggivessana,

阿耆毗舍那，你怎么想：

mn36:19.6

api nu so puriso amuṁ sukkhaṁ kaṭṭhaṁ koḷāpaṁ, ārakā udakā thale nikkhittaṁ, uttarāraṇiṁ ādāya abhimanthento aggiṁ abhinibbatteyya, tejo pātukareyyā”ti?

那个人拿着上钻木，在那根放在远离水的陆地上的干燥、枯槁的木头上钻磨，能生起火、使火显现吗？”

mn36:19.7

“Evaṁ, bho gotama”.

“能，乔达摩尊者。”

mn36:19.8

“Taṁ kissa hetu”?

“为什么？”

mn36:19.9

“Aduñhi, bho gotama, sukkhaṁ kaṭṭhaṁ koḷāpaṁ, tañca pana ārakā udakā thale nikkhittan”ti.

“乔达摩尊者，那木头干燥、枯槁，又放在远离水的陆地上。”

mn36:19.10

“Evameva kho, aggivessana, ye hi keci samaṇā vā brāhmaṇā vā kāyena ceva cittena ca kāmehi vūpakaṭṭhā viharanti, yo ca nesaṁ kāmesu kāmacchando kāmasneho kāmamucchā kāmapipāsā kāmapariḷāho, so ca ajjhattaṁ suppahīno hoti suppaṭippassaddho, opakkamikā cepi te bhonto samaṇabrāhmaṇā dukkhā tibbā kharā kaṭukā vedanā vedayanti, bhabbāva te ñāṇāya dassanāya anuttarāya sambodhāya. No cepi te bhonto samaṇabrāhmaṇā opakkamikā dukkhā tibbā kharā kaṭukā vedanā vedayanti, bhabbāva te ñāṇāya dassanāya anuttarāya sambodhāya.

“阿耆毗舍那，同样，无论哪些沙门或婆罗门，身与心已经远离诸欲，而他们对诸欲的欲求、爱恋、迷醉、渴求、热恼，在内心已被充分舍断、已被充分止息，即使这些沙门、婆罗门承受刻意施加的痛苦、强烈、粗猛、尖锐的感受，他们也能够获得知、见、无上正觉；即使这些沙门、婆罗门不承受刻意施加的痛苦、强烈、粗猛、尖锐的感受，他们也能够获得知、见、无上正觉。

mn36:19.11

Ayaṁ kho maṁ, aggivessana, tatiyā upamā paṭibhāsi anacchariyā pubbe assutapubbā.

阿耆毗舍那，这是我心中浮现的第三个前所未闻、自然呈现的譬喻。

mn36:19.12

Imā kho maṁ, aggivessana, tisso upamā paṭibhaṁsu anacchariyā pubbe assutapubbā.

阿耆毗舍那，这就是我心中浮现的三个前所未闻、自然呈现的譬喻。

mn36:20.1

Tassa mayhaṁ, aggivessana, etadahosi:

阿耆毗舍那，我这样想：

mn36:20.2

‘yannūnāhaṁ dantebhi dantamādhāya, jivhāya tāluṁ āhacca, cetasā cittaṁ abhiniggaṇheyyaṁ abhinippīḷeyyaṁ abhisantāpeyyan’ti.

‘我何不咬紧牙关，舌抵上腭，以心制伏心、压迫心、逼迫心？’

mn36:20.3

So kho ahaṁ, aggivessana, dantebhi dantamādhāya, jivhāya tāluṁ āhacca, cetasā cittaṁ abhiniggaṇhāmi abhinippīḷemi abhisantāpemi.

阿耆毗舍那，我便咬紧牙关，舌抵上腭，以心制伏心、压迫心、逼迫心。

mn36:20.4

Tassa mayhaṁ, aggivessana, dantebhi dantamādhāya jivhāya tāluṁ āhacca cetasā cittaṁ abhiniggaṇhato abhinippīḷayato abhisantāpayato kacchehi sedā muccanti.

阿耆毗舍那，当我这样咬紧牙关，舌抵上腭，以心制伏心、压迫心、逼迫心时，汗从腋下流出。

mn36:20.5

Seyyathāpi, aggivessana, balavā puriso dubbalataraṁ purisaṁ sīse vā gahetvā khandhe vā gahetvā abhiniggaṇheyya abhinippīḷeyya abhisantāpeyya;

阿耆毗舍那，譬如强壮的人抓住较弱者的头或肩，制伏他、压迫他、逼迫他；

mn36:20.6

evameva kho me, aggivessana, dantebhi dantamādhāya, jivhāya tāluṁ āhacca, cetasā cittaṁ abhiniggaṇhato abhinippīḷayato abhisantāpayato kacchehi sedā muccanti.

阿耆毗舍那，同样，当我咬紧牙关，舌抵上腭，以心制伏心、压迫心、逼迫心时，汗从腋下流出。

mn36:20.7

Āraddhaṁ kho pana me, aggivessana, vīriyaṁ hoti asallīnaṁ, upaṭṭhitā sati asammuṭṭhā, sāraddho ca pana me kāyo hoti appaṭippassaddho teneva dukkhappadhānena padhānābhitunnassa sato.

阿耆毗舍那，我的精进已发动而不退缩，念已建立而不忘失；但由于被这种痛苦的用功所逼迫，我的身体紧绷，未得轻安。

mn36:20.8

Evarūpāpi kho me, aggivessana, uppannā dukkhā vedanā cittaṁ na pariyādāya tiṭṭhati.

阿耆毗舍那，即使如此生起的苦受，也不占据我的心而住。

mn36:21.1

Tassa mayhaṁ, aggivessana, etadahosi:

阿耆毗舍那，我这样想：

mn36:21.2

‘yannūnāhaṁ appāṇakaṁyeva jhānaṁ jhāyeyyan’ti.

‘我何不修无呼吸禅？’

mn36:21.3

So kho ahaṁ, aggivessana, mukhato ca nāsato ca assāsapassāse uparundhiṁ.

阿耆毗舍那，我便止住通过口和鼻的出入息。

mn36:21.4

Tassa mayhaṁ, aggivessana, mukhato ca nāsato ca assāsapassāsesu uparuddhesu kaṇṇasotehi vātānaṁ nikkhamantānaṁ adhimatto saddo hoti.

阿耆毗舍那，当我止住通过口和鼻的出入息时，风从耳孔出去，发出极大的声响。

mn36:21.5

Seyyathāpi nāma kammāragaggariyā dhamamānāya adhimatto saddo hoti;

譬如铁匠的风箱在鼓动时，发出极大的声响；

mn36:21.6

evameva kho me, aggivessana, mukhato ca nāsato ca assāsapassāsesu uparuddhesu kaṇṇasotehi vātānaṁ nikkhamantānaṁ adhimatto saddo hoti.

阿耆毗舍那，同样，当我止住通过口和鼻的出入息时，风从耳孔出去，发出极大的声响。

mn36:21.7

Āraddhaṁ kho pana me, aggivessana, vīriyaṁ hoti asallīnaṁ upaṭṭhitā sati asammuṭṭhā. Sāraddho ca pana me kāyo hoti appaṭippassaddho teneva dukkhappadhānena padhānābhitunnassa sato.

阿耆毗舍那，我的精进已发动而不退缩，念已建立而不忘失；但由于被这种痛苦的用功所逼迫，我的身体紧绷，未得轻安。

mn36:21.8

Evarūpāpi kho me, aggivessana, uppannā dukkhā vedanā cittaṁ na pariyādāya tiṭṭhati.

阿耆毗舍那，即使如此生起的苦受，也不占据我的心而住。

mn36:22.1

Tassa mayhaṁ, aggivessana, etadahosi:

阿耆毗舍那，我这样想：

mn36:22.2

‘yannūnāhaṁ appāṇakaṁyeva jhānaṁ jhāyeyyan’ti.

‘我何不修无呼吸禅？’

mn36:22.3

So kho ahaṁ, aggivessana, mukhato ca nāsato ca kaṇṇato ca assāsapassāse uparundhiṁ.

阿耆毗舍那，我便止住通过口、鼻和耳的出入息。

mn36:22.4

Tassa mayhaṁ, aggivessana, mukhato ca nāsato ca kaṇṇato ca assāsapassāsesu uparuddhesu adhimattā vātā muddhani ūhananti.

阿耆毗舍那，当我止住通过口、鼻和耳的出入息时，强烈的风冲击头顶。

mn36:22.5

Seyyathāpi, aggivessana, balavā puriso tiṇhena sikharena muddhani abhimattheyya;

阿耆毗舍那，譬如强壮的人用锐利的钻头钻刺头顶；

mn36:22.6

evameva kho me, aggivessana, mukhato ca nāsato ca kaṇṇato ca assāsapassāsesu uparuddhesu adhimattā vātā muddhani ūhananti.

阿耆毗舍那，同样，当我止住通过口、鼻和耳的出入息时，强烈的风冲击头顶。

mn36:22.7

Āraddhaṁ kho pana me, aggivessana, vīriyaṁ hoti asallīnaṁ upaṭṭhitā sati asammuṭṭhā. Sāraddho ca pana me kāyo hoti appaṭippassaddho teneva dukkhappadhānena padhānābhitunnassa sato.

阿耆毗舍那，我的精进已发动而不退缩，念已建立而不忘失；但由于被这种痛苦的用功所逼迫，我的身体紧绷，未得轻安。

mn36:22.8

Evarūpāpi kho me, aggivessana, uppannā dukkhā vedanā cittaṁ na pariyādāya tiṭṭhati.

阿耆毗舍那，即使如此生起的苦受，也不占据我的心而住。

mn36:23.1

Tassa mayhaṁ, aggivessana, etadahosi:

阿耆毗舍那，我这样想：

mn36:23.2

‘yannūnāhaṁ appāṇakaṁyeva jhānaṁ jhāyeyyan’ti.

‘我何不修无呼吸禅？’

mn36:23.3

So kho ahaṁ, aggivessana, mukhato ca nāsato ca kaṇṇato ca assāsapassāse uparundhiṁ.

阿耆毗舍那，我便止住通过口、鼻和耳的出入息。

mn36:23.4

Tassa mayhaṁ, aggivessana, mukhato ca nāsato ca kaṇṇato ca assāsapassāsesu uparuddhesu adhimattā sīse sīsavedanā honti.

阿耆毗舍那，当我止住通过口、鼻和耳的出入息时，头部发生剧烈的疼痛。

mn36:23.5

Seyyathāpi, aggivessana, balavā puriso daḷhena varattakkhaṇḍena sīse sīsaveṭhaṁ dadeyya;

阿耆毗舍那，譬如强壮的人用结实的皮带紧缠头部；

mn36:23.6

evameva kho me, aggivessana, mukhato ca nāsato ca kaṇṇato ca assāsapassāsesu uparuddhesu adhimattā sīse sīsavedanā honti.

阿耆毗舍那，同样，当我止住通过口、鼻和耳的出入息时，头部发生剧烈的疼痛。

mn36:23.7

Āraddhaṁ kho pana me, aggivessana, vīriyaṁ hoti asallīnaṁ upaṭṭhitā sati asammuṭṭhā. Sāraddho ca pana me kāyo hoti appaṭippassaddho teneva dukkhappadhānena padhānābhitunnassa sato.

阿耆毗舍那，我的精进已发动而不退缩，念已建立而不忘失；但由于被这种痛苦的用功所逼迫，我的身体紧绷，未得轻安。

mn36:23.8

Evarūpāpi kho me, aggivessana, uppannā dukkhā vedanā cittaṁ na pariyādāya tiṭṭhati.

阿耆毗舍那，即使如此生起的苦受，也不占据我的心而住。

mn36:24.1

Tassa mayhaṁ, aggivessana, etadahosi:

阿耆毗舍那，我这样想：

mn36:24.2

‘yannūnāhaṁ appāṇakaṁyeva jhānaṁ jhāyeyyan’ti.

‘我何不修无呼吸禅？’

mn36:24.3

So kho ahaṁ, aggivessana, mukhato ca nāsato ca kaṇṇato ca assāsapassāse uparundhiṁ.

阿耆毗舍那，我便止住通过口、鼻和耳的出入息。

mn36:24.4

Tassa mayhaṁ, aggivessana, mukhato ca nāsato ca kaṇṇato ca assāsapassāsesu uparuddhesu adhimattā vātā kucchiṁ parikantanti.

阿耆毗舍那，当我止住通过口、鼻和耳的出入息时，强烈的风切割腹部。

mn36:24.5

Seyyathāpi, aggivessana, dakkho goghātako vā goghātakantevāsī vā tiṇhena govikantanena kucchiṁ parikanteyya;

阿耆毗舍那，譬如熟练的屠牛者或其学徒，用锋利的屠牛刀切开腹部；

mn36:24.6

evameva kho me, aggivessana, mukhato ca nāsato ca kaṇṇato ca assāsapassāsesu uparuddhesu adhimattā vātā kucchiṁ parikantanti.

阿耆毗舍那，同样，当我止住通过口、鼻和耳的出入息时，强烈的风切割腹部。

mn36:24.7

Āraddhaṁ kho pana me, aggivessana, vīriyaṁ hoti asallīnaṁ upaṭṭhitā sati asammuṭṭhā. Sāraddho ca pana me kāyo hoti appaṭippassaddho teneva dukkhappadhānena padhānābhitunnassa sato.

阿耆毗舍那，我的精进已发动而不退缩，念已建立而不忘失；但由于被这种痛苦的用功所逼迫，我的身体紧绷，未得轻安。

mn36:24.8

Evarūpāpi kho me, aggivessana, uppannā dukkhā vedanā cittaṁ na pariyādāya tiṭṭhati.

阿耆毗舍那，即使如此生起的苦受，也不占据我的心而住。

mn36:25.1

Tassa mayhaṁ, aggivessana, etadahosi:

阿耆毗舍那，我这样想：

mn36:25.2

‘yannūnāhaṁ appāṇakaṁyeva jhānaṁ jhāyeyyan’ti.

‘我何不修无呼吸禅？’

mn36:25.3

So kho ahaṁ, aggivessana, mukhato ca nāsato ca kaṇṇato ca assāsapassāse uparundhiṁ.

阿耆毗舍那，我便止住通过口、鼻和耳的出入息。

mn36:25.4

Tassa mayhaṁ, aggivessana, mukhato ca nāsato ca kaṇṇato ca assāsapassāsesu uparuddhesu adhimatto kāyasmiṁ ḍāho hoti.

阿耆毗舍那，当我止住通过口、鼻和耳的出入息时，身体发生剧烈的灼热。

mn36:25.5

Seyyathāpi, aggivessana, dve balavanto purisā dubbalataraṁ purisaṁ nānābāhāsu gahetvā aṅgārakāsuyā santāpeyyuṁ samparitāpeyyuṁ;

阿耆毗舍那，譬如两个强壮的人各抓着较弱者的一只手臂，在炭坑上炙烤他、遍烤他；

mn36:25.6

evameva kho me, aggivessana, mukhato ca nāsato ca kaṇṇato ca assāsapassāsesu uparuddhesu adhimatto kāyasmiṁ ḍāho hoti.

阿耆毗舍那，同样，当我止住通过口、鼻和耳的出入息时，身体发生剧烈的灼热。

mn36:25.7

Āraddhaṁ kho pana me, aggivessana, vīriyaṁ hoti asallīnaṁ upaṭṭhitā sati asammuṭṭhā. Sāraddho ca pana me kāyo hoti appaṭippassaddho teneva dukkhappadhānena padhānābhitunnassa sato.

阿耆毗舍那，我的精进已发动而不退缩，念已建立而不忘失；但由于被这种痛苦的用功所逼迫，我的身体紧绷，未得轻安。

mn36:25.8

Evarūpāpi kho me, aggivessana, uppannā dukkhā vedanā cittaṁ na pariyādāya tiṭṭhati.

阿耆毗舍那，即使如此生起的苦受，也不占据我的心而住。

mn36:26.1

Apissu maṁ, aggivessana, devatā disvā evamāhaṁsu:

阿耆毗舍那，有些天神看见我，便说：

mn36:26.2

‘kālaṅkato samaṇo gotamo’ti.

‘沙门乔达摩死了。’

mn36:26.3

Ekaccā devatā evamāhaṁsu:

有些天神这样说：

mn36:26.4

‘na kālaṅkato samaṇo gotamo, api ca kālaṁ karotī’ti.

‘沙门乔达摩没有死，但正在死去。’

mn36:26.5

Ekaccā devatā evamāhaṁsu:

有些天神这样说：

mn36:26.6

‘na kālaṅkato samaṇo gotamo, napi kālaṁ karoti, arahaṁ samaṇo gotamo, vihāro tveva so arahato evarūpo hotī’ti.

‘沙门乔达摩没有死，也不是正在死去；沙门乔达摩是阿罗汉，阿罗汉就是这样安住的。’

mn36:27.1

Tassa mayhaṁ, aggivessana, etadahosi:

阿耆毗舍那，我这样想：

mn36:27.2

‘yannūnāhaṁ sabbaso āhārupacchedāya paṭipajjeyyan’ti.

‘我何不实行完全断食？’

mn36:27.3

Atha kho maṁ, aggivessana, devatā upasaṅkamitvā etadavocuṁ:

阿耆毗舍那，那时，天神们来到我这里，对我说：

mn36:27.4

‘mā kho tvaṁ, mārisa, sabbaso āhārupacchedāya paṭipajji.

‘善友，你不要实行完全断食。

mn36:27.5

Sace kho tvaṁ, mārisa, sabbaso āhārupacchedāya paṭipajjissasi, tassa te mayaṁ dibbaṁ ojaṁ lomakūpehi ajjhohāressāma, tāya tvaṁ yāpessasī’ti.

善友，如果你实行完全断食，我们就从你的毛孔注入天界的滋养精华，你会靠它维生。’

mn36:27.6

Tassa mayhaṁ, aggivessana, etadahosi:

阿耆毗舍那，我这样想：

mn36:27.7

‘ahañceva kho pana sabbaso ajajjitaṁ paṭijāneyyaṁ, imā ca me devatā dibbaṁ ojaṁ lomakūpehi ajjhohāreyyuṁ, tāya cāhaṁ yāpeyyaṁ, taṁ mamassa musā’ti.

‘如果我宣称完全不吃，而这些天神从我的毛孔注入天界的滋养精华，我又靠它维生，那就是我的虚妄之言。’

mn36:27.8

So kho ahaṁ, aggivessana, tā devatā paccācikkhāmi, ‘halan’ti vadāmi.

阿耆毗舍那，我便拒绝那些天神，说：‘不必了。’

mn36:28.1

Tassa mayhaṁ, aggivessana, etadahosi:

阿耆毗舍那，我这样想：

mn36:28.2

‘yannūnāhaṁ thokaṁ thokaṁ āhāraṁ āhāreyyaṁ, pasataṁ pasataṁ, yadi vā muggayūsaṁ, yadi vā kulatthayūsaṁ, yadi vā kaḷāyayūsaṁ, yadi vā hareṇukayūsan’ti.

‘我何不一点一点地进食，每次一捧，或绿豆汤，或马豆汤，或豌豆汤，或另一种豆汤？’

mn36:28.3

So kho ahaṁ, aggivessana, thokaṁ thokaṁ āhāraṁ āhāresiṁ, pasataṁ pasataṁ, yadi vā muggayūsaṁ, yadi vā kulatthayūsaṁ, yadi vā kaḷāyayūsaṁ, yadi vā hareṇukayūsaṁ.

阿耆毗舍那，我便一点一点地进食，每次一捧，或绿豆汤，或马豆汤，或豌豆汤，或另一种豆汤。

mn36:28.4

Tassa mayhaṁ, aggivessana, thokaṁ thokaṁ āhāraṁ āhārayato, pasataṁ pasataṁ, yadi vā muggayūsaṁ, yadi vā kulatthayūsaṁ, yadi vā kaḷāyayūsaṁ, yadi vā hareṇukayūsaṁ, adhimattakasimānaṁ patto kāyo hoti.

阿耆毗舍那，我这样一点一点地进食，每次一捧，或绿豆汤，或马豆汤，或豌豆汤，或另一种豆汤，身体变得极度消瘦。

mn36:28.5

Seyyathāpi nāma āsītikapabbāni vā kāḷapabbāni vā; evamevassu me aṅgapaccaṅgāni bhavanti tāyevappāhāratāya.

由于少食，我的四肢如同藤茎或竹子的节。

mn36:28.6

Seyyathāpi nāma oṭṭhapadaṁ; evamevassu me ānisadaṁ hoti tāyevappāhāratāya.

由于少食，我的臀部如同骆驼的蹄。

mn36:28.7

Seyyathāpi nāma vaṭṭanāvaḷī; evamevassu me piṭṭhikaṇṭako uṇṇatāvanato hoti tāyevappāhāratāya.

由于少食，我的脊骨如同一串纺锤，凸起凹下。

mn36:28.8

Seyyathāpi nāma jarasālāya gopānasiyo oluggaviluggā bhavanti; evamevassu me phāsuḷiyo oluggaviluggā bhavanti tāyevappāhāratāya.

由于少食，我的肋骨凸出，如同老旧屋舍倾斜散落的椽子。

mn36:28.9

Seyyathāpi nāma gambhīre udapāne udakatārakā gambhīragatā okkhāyikā dissanti; evamevassu me akkhikūpesu akkhitārakā gambhīragatā okkhāyikā dissanti tāyevappāhāratāya.

由于少食，我眼眶中的眼珠深陷，仿佛深井中的水光，看去幽深凹陷。

mn36:28.10

Seyyathāpi nāma tittakālābu āmakacchinno vātātapena samphuṭito hoti sammilāto; evamevassu me sīsacchavi samphuṭitā hoti sammilātā tāyevappāhāratāya.

由于少食，我的头皮皱缩、枯萎，如同未熟便摘下的苦葫芦，被风吹日晒而皱缩、枯萎。

mn36:28.11

So kho ahaṁ, aggivessana, udaracchaviṁ parimasissāmīti piṭṭhikaṇṭakaṁyeva pariggaṇhāmi, piṭṭhikaṇṭakaṁ parimasissāmīti udaracchaviṁyeva pariggaṇhāmi, yāvassu me, aggivessana, udaracchavi piṭṭhikaṇṭakaṁ allīnā hoti tāyevappāhāratāya.

阿耆毗舍那，我想摸腹部的皮，却摸到了脊骨；想摸脊骨，却摸到了腹部的皮。由于少食，腹部的皮紧贴着脊骨。

mn36:28.12

So kho ahaṁ, aggivessana, vaccaṁ vā muttaṁ vā karissāmīti tattheva avakujjo papatāmi tāyevappāhāratāya.

阿耆毗舍那，由于少食，我想排便或排尿，便当场向前扑倒。

mn36:28.13

So kho ahaṁ, aggivessana, imameva kāyaṁ assāsento pāṇinā gattāni anumajjāmi. Tassa mayhaṁ, aggivessana, pāṇinā gattāni anumajjato pūtimūlāni lomāni kāyasmā papatanti tāyevappāhāratāya.

阿耆毗舍那，我为了使身体稍得舒缓，用手抚摩肢体；由于少食，毛根腐坏，抚摩时体毛便从身上脱落。

mn36:29.1

Apissu maṁ, aggivessana, manussā disvā evamāhaṁsu: ‘kāḷo samaṇo gotamo’ti.

阿耆毗舍那，有人看见我，便说：‘沙门乔达摩是黑色的。’

mn36:29.2

Ekacce manussā evamāhaṁsu: ‘na kāḷo samaṇo gotamo, sāmo samaṇo gotamo’ti.

有人说：‘沙门乔达摩不是黑色，是暗褐色的。’

mn36:29.3

Ekacce manussā evamāhaṁsu: ‘na kāḷo samaṇo gotamo, napi sāmo, maṅguracchavi samaṇo gotamo’ti.

有人说：‘沙门乔达摩既不是黑色，也不是暗褐色，而是鲶鱼皮色。’

mn36:29.4

Yāvassu me, aggivessana, tāva parisuddho chavivaṇṇo pariyodāto upahato hoti tāyevappāhāratāya.

阿耆毗舍那，由于少食，我本来这样清净、明亮的肤色遭到损坏。

mn36:30.1

Tassa mayhaṁ, aggivessana, etadahosi:

阿耆毗舍那，我这样想：

mn36:30.2

‘ye kho keci atītamaddhānaṁ samaṇā vā brāhmaṇā vā opakkamikā dukkhā tibbā kharā kaṭukā vedanā vedayiṁsu, etāvaparamaṁ, nayito bhiyyo.

‘过去任何沙门、婆罗门所承受的刻意施加的痛苦、强烈、粗猛、尖锐的感受，最多就到这种程度，不会超过它。

mn36:30.3

Yepi hi keci anāgatamaddhānaṁ samaṇā vā brāhmaṇā vā opakkamikā dukkhā tibbā kharā kaṭukā vedanā vedayissanti, etāvaparamaṁ, nayito bhiyyo.

未来任何沙门、婆罗门将承受的刻意施加的痛苦、强烈、粗猛、尖锐的感受，最多也就到这种程度，不会超过它。

mn36:30.4

Yepi hi keci etarahi samaṇā vā brāhmaṇā vā opakkamikā dukkhā tibbā kharā kaṭukā vedanā vedayanti, etāvaparamaṁ, nayito bhiyyo.

现在任何沙门、婆罗门所承受的刻意施加的痛苦、强烈、粗猛、尖锐的感受，最多也就到这种程度，不会超过它。

mn36:30.5

Na kho panāhaṁ imāya kaṭukāya dukkarakārikāya adhigacchāmi uttari manussadhammā alamariyañāṇadassanavisesaṁ.

然而，凭这种痛苦的难行，我并未获得超越人法、足以称为圣者知见的殊胜成就。

mn36:30.6

Siyā nu kho añño maggo bodhāyā’ti?

是否有另一条通向觉悟的道路？’

mn36:31.1

Tassa mayhaṁ, aggivessana, etadahosi:

阿耆毗舍那，我这样想：

mn36:31.2

‘abhijānāmi kho panāhaṁ pitu sakkassa kammante sītāya jambucchāyāya nisinno vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharitā.

‘我记得，在释迦族父亲劳作时，我坐在凉爽的阎浮树荫下，远离诸欲、远离不善法，有寻、有伺，进入并住于由远离而生喜乐的初禅。

mn36:31.3

Siyā nu kho eso maggo bodhāyā’ti?

这会不会就是通向觉悟的道路？’

mn36:31.4

Tassa mayhaṁ, aggivessana, satānusāri viññāṇaṁ ahosi:

阿耆毗舍那，随着这段忆念，我有了这样的识知：

mn36:31.5

‘eseva maggo bodhāyā’ti.

‘这正是通向觉悟的道路。’

mn36:32.1

Tassa mayhaṁ, aggivessana, etadahosi:

阿耆毗舍那，我这样想：

mn36:32.2

‘kiṁ nu kho ahaṁ tassa sukhassa bhāyāmi, yaṁ taṁ sukhaṁ aññatreva kāmehi aññatra akusalehi dhammehī’ti?

‘那种离开诸欲、离开不善法的乐，我为什么要畏惧？’

mn36:32.3

Tassa mayhaṁ, aggivessana, etadahosi:

阿耆毗舍那，我这样想：

mn36:32.4

‘na kho ahaṁ tassa sukhassa bhāyāmi, yaṁ taṁ sukhaṁ aññatreva kāmehi aññatra akusalehi dhammehī’ti.

‘那种离开诸欲、离开不善法的乐，我不畏惧。’

mn36:33.1

Tassa mayhaṁ, aggivessana, etadahosi:

阿耆毗舍那，我这样想：

mn36:33.2

‘na kho taṁ sukaraṁ sukhaṁ adhigantuṁ evaṁ adhimattakasimānaṁ pattakāyena, yannūnāhaṁ oḷārikaṁ āhāraṁ āhāreyyaṁ odanakummāsan’ti.

‘身体这样极度消瘦，不容易获得那种乐。我何不进食粗实的食物——米饭和粥糜？’

mn36:33.3

So kho ahaṁ, aggivessana, oḷārikaṁ āhāraṁ āhāresiṁ odanakummāsaṁ.

阿耆毗舍那，我便进食粗实的食物——米饭和粥糜。

mn36:33.4

Tena kho pana maṁ, aggivessana, samayena pañca bhikkhū paccupaṭṭhitā honti:

阿耆毗舍那，那时有五位比丘侍奉我，他们想：

mn36:33.5

‘yaṁ kho samaṇo gotamo dhammaṁ adhigamissati, taṁ no ārocessatī’ti.

‘沙门乔达摩获得法后，会告诉我们。’

mn36:33.6

Yato kho ahaṁ, aggivessana, oḷārikaṁ āhāraṁ āhāresiṁ odanakummāsaṁ, atha me te pañca bhikkhū nibbijja pakkamiṁsu:

阿耆毗舍那，当我进食粗实的食物——米饭和粥糜时，那五位比丘对我失望，离开了，心想：

mn36:33.7

‘bāhulliko samaṇo gotamo, padhānavibbhanto, āvatto bāhullāyā’ti.

‘沙门乔达摩过得丰足，放弃了努力，转回丰足的生活。’

mn36:34.1

So kho ahaṁ, aggivessana, oḷārikaṁ āhāraṁ āhāretvā, balaṁ gahetvā, vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja vihāsiṁ.

阿耆毗舍那，我进食粗实的食物，恢复力量后，远离诸欲、远离不善法，有寻、有伺，进入并住于由远离而生喜乐的初禅。

mn36:34.2

Evarūpāpi kho me, aggivessana, uppannā sukhā vedanā cittaṁ na pariyādāya tiṭṭhati.

阿耆毗舍那，即使如此生起的乐受，也不占据我的心而住。

mn36:35-37.1

Vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja vihāsiṁ.

随着寻、伺止息，内在澄净，心成一境，无寻、无伺，我进入并住于由定而生喜乐的第二禅。

mn36:35-37.2

Evarūpāpi kho me, aggivessana, uppannā sukhā vedanā cittaṁ na pariyādāya tiṭṭhati.

阿耆毗舍那，即使如此生起的乐受，也不占据我的心而住。

mn36:35-37.3

Pītiyā ca virāgā upekkhako ca vihāsiṁ, sato ca sampajāno. Sukhañca kāyena paṭisaṁvedesiṁ yaṁ taṁ ariyā ācikkhanti: ‘upekkhako satimā sukhavihārī’ti tatiyaṁ jhānaṁ upasampajja vihāsiṁ.

随着喜的离染，我安住于舍，具念、正知，以身感受乐；圣者说：“具舍、具念、乐住者。”我进入并住于第三禅。

mn36:35-37.4

Evarūpāpi kho me, aggivessana, uppannā sukhā vedanā cittaṁ na pariyādāya tiṭṭhati.

阿耆毗舍那，即使如此生起的乐受，也不占据我的心而住。

mn36:35-37.5

Sukhassa ca pahānā dukkhassa ca pahānā, pubbeva somanassadomanassānaṁ atthaṅgamā, adukkhamasukhaṁ upekkhāsatipārisuddhiṁ catutthaṁ jhānaṁ upasampajja vihāsiṁ.

随着乐的舍断、苦的舍断，内心的喜悦与苦恼也已在此前止息，我进入并住于不苦不乐、舍念清净的第四禅。

mn36:35-37.6

Evarūpāpi kho me, aggivessana, uppannā sukhā vedanā cittaṁ na pariyādāya tiṭṭhati.

阿耆毗舍那，即使如此生起的乐受，也不占据我的心而住。

mn36:38.1

So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte pubbenivāsānussatiñāṇāya cittaṁ abhininnāmesiṁ.

心这样得定、清净、明净、无垢、离随染、柔软、堪用、安住、达到不动时，我将心导向宿住随念智。

mn36:38.2

So anekavihitaṁ pubbenivāsaṁ anussarāmi, seyyathidaṁ—ekampi jātiṁ …pe… iti sākāraṁ sauddesaṁ anekavihitaṁ pubbenivāsaṁ anussarāmi.

我忆念种种过去住处，例如：一生，〔中略〕就这样，我忆念种种过去住处，具有其行相及细节。

mn36:39.1

Ayaṁ kho me, aggivessana, rattiyā paṭhame yāme paṭhamā vijjā adhigatā;

阿耆毗舍那，这是我在夜的初分获得的第一明。

mn36:39.2

avijjā vihatā, vijjā uppannā; tamo vihato, āloko uppanno; yathā taṁ appamattassa ātāpino pahitattassa viharato.

无明被破除，明已生起；黑暗被破除，光明已生起，如不放逸、热诚、专心而住者所发生的那样。

mn36:39.3

Evarūpāpi kho me, aggivessana, uppannā sukhā vedanā cittaṁ na pariyādāya tiṭṭhati.

阿耆毗舍那，即使如此生起的乐受，也不占据我的心而住。

mn36:40.1

So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte sattānaṁ cutūpapātañāṇāya cittaṁ abhininnāmesiṁ.

心这样得定、清净、明净、无垢、离随染、柔软、堪用、安住、达到不动时，我将心导向众生死生智。

mn36:40.2

So dibbena cakkhunā visuddhena atikkantamānusakena satte passāmi cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānāmi …pe…

我以清净、超越人类的天眼，看见众生死去、再生，低劣、殊胜，美貌、丑陋，善趣、恶趣；我了知众生随其业而去。〔中略〕

mn36:41.1

ayaṁ kho me, aggivessana, rattiyā majjhime yāme dutiyā vijjā adhigatā;

阿耆毗舍那，这是我在夜的中分获得的第二明。

mn36:41.2

avijjā vihatā, vijjā uppannā; tamo vihato, āloko uppanno; yathā taṁ appamattassa ātāpino pahitattassa viharato.

无明被破除，明已生起；黑暗被破除，光明已生起，如不放逸、热诚、专心而住者所发生的那样。

mn36:41.3

Evarūpāpi kho me, aggivessana, uppannā sukhā vedanā cittaṁ na pariyādāya tiṭṭhati.

阿耆毗舍那，即使如此生起的乐受，也不占据我的心而住。

mn36:42.1

So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṁ khayañāṇāya cittaṁ abhininnāmesiṁ.

心这样得定、清净、明净、无垢、离随染、柔软、堪用、安住、达到不动时，我将心导向漏尽智。

mn36:42.2

So ‘idaṁ dukkhan’ti yathābhūtaṁ abbhaññāsiṁ, ‘ayaṁ dukkhasamudayo’ti yathābhūtaṁ abbhaññāsiṁ, ‘ayaṁ dukkhanirodho’ti yathābhūtaṁ abbhaññāsiṁ, ‘ayaṁ dukkhanirodhagāminī paṭipadā’ti yathābhūtaṁ abbhaññāsiṁ.

我如实证知：“这是苦”；如实证知：“这是苦的生起”；如实证知：“这是苦的止灭”；如实证知：“这是通向苦止灭的行道”。

mn36:42.3

‘Ime āsavā’ti yathābhūtaṁ abbhaññāsiṁ, ‘ayaṁ āsavasamudayo’ti yathābhūtaṁ abbhaññāsiṁ, ‘ayaṁ āsavanirodho’ti yathābhūtaṁ abbhaññāsiṁ, ‘ayaṁ āsavanirodhagāminī paṭipadā’ti yathābhūtaṁ abbhaññāsiṁ.

我如实证知：“这些是漏”；如实证知：“这是漏的生起”；如实证知：“这是漏的止灭”；如实证知：“这是通向漏止灭的行道”。

mn36:43.1

Tassa me evaṁ jānato evaṁ passato kāmāsavāpi cittaṁ vimuccittha, bhavāsavāpi cittaṁ vimuccittha, avijjāsavāpi cittaṁ vimuccittha.

当我这样知、这样见时，心从欲漏解脱，心从有漏解脱，心从无明漏解脱。

mn36:43.2

Vimuttasmiṁ vimuttamiti ñāṇaṁ ahosi.

解脱时，有了“已解脱”的智。

mn36:43.3

‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti abbhaññāsiṁ.

我证知：“生已尽，梵行已完成，应作已作，不再有如此的存在。”

mn36:44.1

Ayaṁ kho me, aggivessana, rattiyā pacchime yāme tatiyā vijjā adhigatā;

阿耆毗舍那，这是我在夜的后分获得的第三明。

mn36:44.2

avijjā vihatā, vijjā uppannā; tamo vihato, āloko uppanno; yathā taṁ appamattassa ātāpino pahitattassa viharato.

无明被破除，明已生起；黑暗被破除，光明已生起，如不放逸、热诚、专心而住者所发生的那样。

mn36:44.3

Evarūpāpi kho me, aggivessana, uppannā sukhā vedanā cittaṁ na pariyādāya tiṭṭhati.

阿耆毗舍那，即使如此生起的乐受，也不占据我的心而住。

mn36:45.1

Abhijānāmi kho panāhaṁ, aggivessana, anekasatāya parisāya dhammaṁ desetā.

阿耆毗舍那，我记得曾为数百人的集会说法。

mn36:45.2

Apissu maṁ ekameko evaṁ maññati:

他们一个个这样想：

mn36:45.3

‘mamevārabbha samaṇo gotamo dhammaṁ desetī’ti.

‘沙门乔达摩是专为我说法。’

mn36:45.4

Na kho panetaṁ, aggivessana, evaṁ daṭṭhabbaṁ;

阿耆毗舍那，不应这样看。

mn36:45.5

yāvadeva viññāpanatthāya tathāgato paresaṁ dhammaṁ deseti.

如来为他人说法，只为使他们了知。

mn36:45.6

So kho ahaṁ, aggivessana, tassāyeva kathāya pariyosāne, tasmiṁyeva purimasmiṁ samādhinimitte ajjhattameva cittaṁ saṇṭhapemi sannisādemi ekodiṁ karomi samādahāmi, yena sudaṁ niccakappaṁ viharāmī”ti.

阿耆毗舍那，就在那场说法结束时，我将心在内安立、安定、使之一境、使之得定，回到我一向安住的先前那个定相。”

mn36:45.7

“Okappaniyametaṁ bhoto gotamassa yathā taṁ arahato sammāsambuddhassa.

“对于乔达摩尊者这样的阿罗汉、正等觉者，这确实可信。

mn36:45.8

Abhijānāti kho pana bhavaṁ gotamo divā supitā”ti?

不过，乔达摩尊者记得白天睡过觉吗？”

mn36:46.1

“Abhijānāmahaṁ, aggivessana, gimhānaṁ pacchime māse pacchābhattaṁ piṇḍapātapaṭikkanto catugguṇaṁ saṅghāṭiṁ paññapetvā dakkhiṇena passena sato sampajāno niddaṁ okkamitā”ti.

“阿耆毗舍那，我记得在夏季最后一个月，食后从乞食处返回，把僧伽梨铺成四叠，向右侧卧，具念、正知地进入睡眠。”

mn36:46.2

“Etaṁ kho, bho gotama, eke samaṇabrāhmaṇā sammohavihārasmiṁ vadantī”ti?

“乔达摩尊者，有些沙门、婆罗门把这称作迷痴而住。”

mn36:46.3

“Na kho, aggivessana, ettāvatā sammūḷho vā hoti asammūḷho vā.

“阿耆毗舍那，不是仅凭这一点，一个人就成为迷痴者或不迷痴者。

mn36:46.4

Api ca, aggivessana, yathā sammūḷho ca hoti asammūḷho ca,

阿耆毗舍那，至于怎样是迷痴者、怎样是不迷痴者，

mn36:46.5

taṁ suṇāhi, sādhukaṁ manasi karohi, bhāsissāmī”ti.

你要听，好好作意，我将说。”

mn36:46.6

“Evaṁ, bho”ti kho saccako nigaṇṭhaputto bhagavato paccassosi.

尼乾陀子萨遮迦回答世尊：“是的，尊者。”

mn36:46.7

Bhagavā etadavoca:

世尊说：

mn36:47.1

“Yassa kassaci, aggivessana, ye āsavā saṅkilesikā ponobbhavikā sadarā dukkhavipākā āyatiṁ jātijarāmaraṇiyā appahīnā, tamahaṁ ‘sammūḷho’ti vadāmi.

“阿耆毗舍那，无论谁尚未舍断那些使人染污、招致再有、带来不安、以苦为果、导致未来生老死的漏，我说他是迷痴者。

mn36:47.2

Āsavānañhi, aggivessana, appahānā sammūḷho hoti.

阿耆毗舍那，因为未舍断漏，他是迷痴者。

mn36:47.3

Yassa kassaci, aggivessana, ye āsavā saṅkilesikā ponobbhavikā sadarā dukkhavipākā āyatiṁ jātijarāmaraṇiyā pahīnā, tamahaṁ ‘asammūḷho’ti vadāmi.

阿耆毗舍那，无论谁已经舍断那些使人染污、招致再有、带来不安、以苦为果、导致未来生老死的漏，我说他是不迷痴者。

mn36:47.4

Āsavānañhi, aggivessana, pahānā asammūḷho hoti.

阿耆毗舍那，因为已舍断漏，他是不迷痴者。

mn36:47.5

Tathāgatassa kho, aggivessana, ye āsavā saṅkilesikā ponobbhavikā sadarā dukkhavipākā āyatiṁ jātijarāmaraṇiyā pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.

阿耆毗舍那，如来那些使人染污、招致再有、带来不安、以苦为果、导致未来生老死的漏已被舍断、断根，如截断的棕榈，成为不再存在，未来不再生起。

mn36:47.6

Seyyathāpi, aggivessana, tālo matthakacchinno abhabbo puna virūḷhiyā;

阿耆毗舍那，譬如棕榈树顶被截断，就不可能再生长；

mn36:47.7

evameva kho, aggivessana, tathāgatassa ye āsavā saṅkilesikā ponobbhavikā sadarā dukkhavipākā āyatiṁ jātijarāmaraṇiyā pahīnā ucchinnamūlā tālāvatthukatā anabhāvaṅkatā āyatiṁ anuppādadhammā”ti.

阿耆毗舍那，同样，如来那些使人染污、招致再有、带来不安、以苦为果、导致未来生老死的漏已被舍断、断根，如截断的棕榈，成为不再存在，未来不再生起。”

mn36:48.1

Evaṁ vutte, saccako nigaṇṭhaputto bhagavantaṁ etadavoca:

听到这话，尼乾陀子萨遮迦对世尊说：

mn36:48.2

“acchariyaṁ, bho gotama, abbhutaṁ, bho gotama.

“乔达摩尊者，真奇妙，真稀有！

mn36:48.3

Yāvañcidaṁ bhoto gotamassa evaṁ āsajja āsajja vuccamānassa, upanītehi vacanappathehi samudācariyamānassa, chavivaṇṇo ceva pariyodāyati, mukhavaṇṇo ca vippasīdati, yathā taṁ arahato sammāsambuddhassa.

乔达摩尊者屡次被这样冒犯、被这样的言语逼问，肤色仍明净，面容仍澄明，正如一位阿罗汉、正等觉者。

mn36:48.4

Abhijānāmahaṁ, bho gotama, pūraṇaṁ kassapaṁ vādena vādaṁ samārabhitā.

乔达摩尊者，我记得曾与富兰那迦叶展开辩论。

mn36:48.5

Sopi mayā vādena vādaṁ samāraddho aññenaññaṁ paṭicari, bahiddhā kathaṁ apanāmesi, kopañca dosañca appaccayañca pātvākāsi.

当我与他辩论时，他答非所问，把话题引向别处，显露愤怒、憎恶和不满。

mn36:48.6

Bhoto pana gotamassa evaṁ āsajja āsajja vuccamānassa, upanītehi vacanappathehi samudācariyamānassa, chavivaṇṇo ceva pariyodāyati, mukhavaṇṇo ca vippasīdati, yathā taṁ arahato sammāsambuddhassa.

乔达摩尊者却屡次被这样冒犯、被这样的言语逼问，肤色仍明净，面容仍澄明，正如一位阿罗汉、正等觉者。

mn36:48.7

Abhijānāmahaṁ, bho gotama, makkhaliṁ gosālaṁ …pe…

乔达摩尊者，我记得曾与末伽梨瞿舍罗〔中略〕

mn36:48.8

ajitaṁ kesakambalaṁ …

阿耆多翅舍钦婆罗〔中略〕

mn36:48.9

pakudhaṁ kaccāyanaṁ …

波浮陀迦旃延〔中略〕

mn36:48.10

sañjayaṁ belaṭṭhaputtaṁ …

散若夷毗罗胝子〔中略〕

mn36:48.11

nigaṇṭhaṁ nāṭaputtaṁ vādena vādaṁ samārabhitā.

尼乾陀若提子展开辩论。

mn36:48.12

Sopi mayā vādena vādaṁ samāraddho aññenaññaṁ paṭicari, bahiddhā kathaṁ apanāmesi, kopañca dosañca appaccayañca pātvākāsi.

当我与他辩论时，他答非所问，把话题引向别处，显露愤怒、憎恶和不满。

mn36:48.13

Bhoto pana gotamassa evaṁ āsajja āsajja vuccamānassa, upanītehi vacanappathehi samudācariyamānassa, chavivaṇṇo ceva pariyodāyati, mukhavaṇṇo ca vippasīdati, yathā taṁ arahato sammāsambuddhassa.

乔达摩尊者却屡次被这样冒犯、被这样的言语逼问，肤色仍明净，面容仍澄明，正如一位阿罗汉、正等觉者。

mn36:48.14

Handa ca dāni mayaṁ, bho gotama, gacchāma.

乔达摩尊者，现在我们该走了。

mn36:48.15

Bahukiccā mayaṁ, bahukaraṇīyā”ti.

我们有很多事，很多应做的事。”

mn36:48.16

“Yassadāni tvaṁ, aggivessana, kālaṁ maññasī”ti.

“阿耆毗舍那，你认为现在合适，就去吧。”

mn36:48.17

Atha kho saccako nigaṇṭhaputto bhagavato bhāsitaṁ abhinanditvā anumoditvā uṭṭhāyāsanā pakkāmīti.

尼乾陀子萨遮迦欢喜、随喜世尊所说，起座离开。