小苦蕴经

mn14:1.1

Evaṁ me sutaṁ—

如是我闻：

mn14:1.2

ekaṁ samayaṁ bhagavā sakkesu viharati kapilavatthusmiṁ nigrodhārāme.

一时，世尊住在释迦族境内，迦毗罗卫的尼拘律园。

mn14:2.1

Atha kho mahānāmo sakko yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho mahānāmo sakko bhagavantaṁ etadavoca:

那时，释迦族的摩诃男来到世尊处；来到后，礼敬世尊，坐在一旁。坐在一旁的释迦族摩诃男对世尊说：

mn14:2.2

“dīgharattāhaṁ, bhante, bhagavatā evaṁ dhammaṁ desitaṁ ājānāmi:

“尊者，长久以来，我这样理解世尊所说的法：

mn14:2.3

‘lobho cittassa upakkileso, doso cittassa upakkileso, moho cittassa upakkileso’ti.

‘贪是心的染污，嗔是心的染污，痴是心的染污。’

mn14:2.4

Evañcāhaṁ, bhante, bhagavatā dhammaṁ desitaṁ ājānāmi:

尊者，虽然我这样理解世尊所说的法：

mn14:2.5

‘lobho cittassa upakkileso, doso cittassa upakkileso, moho cittassa upakkileso’ti.

‘贪是心的染污，嗔是心的染污，痴是心的染污’，

mn14:2.6

Atha ca pana me ekadā lobhadhammāpi cittaṁ pariyādāya tiṭṭhanti, dosadhammāpi cittaṁ pariyādāya tiṭṭhanti, mohadhammāpi cittaṁ pariyādāya tiṭṭhanti.

然而，有时贪的状态仍占据我的心而住，嗔的状态仍占据我的心而住，痴的状态仍占据我的心而住。

mn14:2.7

Tassa mayhaṁ, bhante, evaṁ hoti:

尊者，我因此这样想：

mn14:2.8

‘kosu nāma me dhammo ajjhattaṁ appahīno yena me ekadā lobhadhammāpi cittaṁ pariyādāya tiṭṭhanti, dosadhammāpi cittaṁ pariyādāya tiṭṭhanti, mohadhammāpi cittaṁ pariyādāya tiṭṭhantī’”ti.

‘究竟是什么法在我内心尚未舍断，使得有时贪的状态仍占据我的心而住，嗔的状态仍占据我的心而住，痴的状态仍占据我的心而住？’”

mn14:3.1

“So eva kho te, mahānāma, dhammo ajjhattaṁ appahīno yena te ekadā lobhadhammāpi cittaṁ pariyādāya tiṭṭhanti, dosadhammāpi cittaṁ pariyādāya tiṭṭhanti, mohadhammāpi cittaṁ pariyādāya tiṭṭhanti.

“摩诃男，正是那种法在你内心尚未舍断，使得有时贪的状态占据你的心而住，嗔的状态占据你的心而住，痴的状态占据你的心而住。

mn14:3.2

So ca hi te, mahānāma, dhammo ajjhattaṁ pahīno abhavissa, na tvaṁ agāraṁ ajjhāvaseyyāsi, na kāme paribhuñjeyyāsi.

摩诃男，如果那种法已在你内心舍断，你就不会居住在家，也不会享用诸欲。

mn14:3.3

Yasmā ca kho te, mahānāma, so eva dhammo ajjhattaṁ appahīno tasmā tvaṁ agāraṁ ajjhāvasasi, kāme paribhuñjasi.

摩诃男，正因为那种法在你内心尚未舍断，所以你仍居住在家，享用诸欲。

mn14:4.1

‘Appassādā kāmā bahudukkhā bahupāyāsā, ādīnavo ettha bhiyyo’ti—

‘诸欲少乐味，多苦、多忧患，其中过患更大。’

mn14:4.2

iti cepi, mahānāma, ariyasāvakassa yathābhūtaṁ sammappaññāya sudiṭṭhaṁ hoti, so ca aññatreva kāmehi aññatra akusalehi dhammehi pītisukhaṁ nādhigacchati, aññaṁ vā tato santataraṁ;

摩诃男，即使圣弟子以正慧如实善见这一点，若他尚未获得离诸欲、离不善法的喜乐，或比那更寂静的境界，

mn14:4.3

atha kho so neva tāva anāvaṭṭī kāmesu hoti.

那么，他仍未能不被诸欲牵回。

mn14:4.4

Yato ca kho, mahānāma, ariyasāvakassa ‘appassādā kāmā bahudukkhā bahupāyāsā, ādīnavo ettha bhiyyo’ti—evametaṁ yathābhūtaṁ sammappaññāya sudiṭṭhaṁ hoti, so ca aññatreva kāmehi aññatra akusalehi dhammehi pītisukhaṁ adhigacchati aññaṁ vā tato santataraṁ;

摩诃男，当圣弟子以正慧如实善见‘诸欲少乐味，多苦、多忧患，其中过患更大’，并获得离诸欲、离不善法的喜乐，或比那更寂静的境界，

mn14:4.5

atha kho so anāvaṭṭī kāmesu hoti.

那么，他就不再被诸欲牵回。

mn14:5.1

Mayhampi kho, mahānāma, pubbeva sambodhā, anabhisambuddhassa bodhisattasseva sato,

摩诃男，我也是如此：在正觉以前，尚未正觉、仍为菩萨时，

mn14:5.2

‘appassādā kāmā bahudukkhā bahupāyāsā, ādīnavo ettha bhiyyo’ti—evametaṁ yathābhūtaṁ sammappaññāya sudiṭṭhaṁ hoti,

我已以正慧如实善见‘诸欲少乐味，多苦、多忧患，其中过患更大’，

mn14:5.3

so ca aññatreva kāmehi aññatra akusalehi dhammehi pītisukhaṁ nājjhagamaṁ, aññaṁ vā tato santataraṁ;

但尚未获得离诸欲、离不善法的喜乐，或比那更寂静的境界，

mn14:5.4

atha khvāhaṁ neva tāva anāvaṭṭī kāmesu paccaññāsiṁ.

那时，我仍不自称不被诸欲牵回。

mn14:5.5

Yato ca kho me, mahānāma, ‘appassādā kāmā bahudukkhā bahupāyāsā, ādīnavo ettha bhiyyo’ti—evametaṁ yathābhūtaṁ sammappaññāya sudiṭṭhaṁ ahosi, so ca aññatreva kāmehi aññatra akusalehi dhammehi pītisukhaṁ ajjhagamaṁ, aññaṁ vā tato santataraṁ;

摩诃男，当我以正慧如实善见‘诸欲少乐味，多苦、多忧患，其中过患更大’，并获得离诸欲、离不善法的喜乐，或比那更寂静的境界，

mn14:5.6

athāhaṁ anāvaṭṭī kāmesu paccaññāsiṁ.

那时，我自称不再被诸欲牵回。

mn14:6.1

Ko ca, mahānāma, kāmānaṁ assādo?

摩诃男，什么是诸欲的乐味？

mn14:6.2

Pañcime, mahānāma, kāmaguṇā.

摩诃男，有这五欲功德。

mn14:6.3

Katame pañca?

哪五种？

mn14:6.4

Cakkhuviññeyyā rūpā iṭṭhā kantā manāpā piyarūpā kāmūpasaṁhitā rajanīyā;

眼所识知的色：可意、可喜、合意、可爱，与欲相应、引起染著；

mn14:6.5

sotaviññeyyā saddā …pe…

耳所识知的声：……〔同上〕；

mn14:6.6

ghānaviññeyyā gandhā …

鼻所识知的香：……〔同上〕；

mn14:6.7

jivhāviññeyyā rasā …

舌所识知的味：……〔同上〕；

mn14:6.8

kāyaviññeyyā phoṭṭhabbā iṭṭhā kantā manāpā piyarūpā kāmūpasaṁhitā rajanīyā—

身所识知的所触：可意、可喜、合意、可爱，与欲相应、引起染著。

mn14:6.9

ime kho, mahānāma, pañca kāmaguṇā.

摩诃男，这就是五欲功德。

mn14:6.10

Yaṁ kho, mahānāma, ime pañca kāmaguṇe paṭicca uppajjati sukhaṁ somanassaṁ—

摩诃男，缘于这五欲功德而生起的乐与喜悦，

mn14:6.11

ayaṁ kāmānaṁ assādo.

就是诸欲的乐味。

mn14:7.1

Ko ca, mahānāma, kāmānaṁ ādīnavo?

摩诃男，什么是诸欲的过患？

mn14:7.2

Idha, mahānāma, kulaputto yena sippaṭṭhānena jīvikaṁ kappeti—

摩诃男，在这里，一位良家子凭某种技艺谋生，

mn14:7.3

yadi muddāya yadi gaṇanāya yadi saṅkhānena yadi kasiyā yadi vaṇijjāya yadi gorakkhena yadi issatthena yadi rājaporisena yadi sippaññatarena,

或查验，或会计，或计算，或耕作，或经商，或牧牛，或箭术，或为王效力，或其他某种技艺；

mn14:7.4

sītassa purakkhato uṇhassa purakkhato ḍaṁsamakasavātātapasarīsapasamphassehi rissamāno khuppipāsāya mīyamāno;

他面对寒冷、面对炎热，受虻、蚊、风、烈日及爬行生物的侵扰，因饥渴而濒死。

mn14:7.5

ayampi, mahānāma, kāmānaṁ ādīnavo sandiṭṭhiko dukkhakkhandho kāmahetu kāmanidānaṁ kāmādhikaraṇaṁ kāmānameva hetu.

摩诃男，这也是诸欲的过患，是现前可见的苦蕴，以欲为因，以欲为根源，以欲为缘故，只是以诸欲为因。

mn14:8.1

Tassa ce, mahānāma, kulaputtassa evaṁ uṭṭhahato ghaṭato vāyamato te bhogā nābhinipphajjanti,

摩诃男，如果那位良家子这样奋起、辛劳、努力，仍未获得财富，

mn14:8.2

so socati kilamati paridevati urattāḷiṁ kandati sammohaṁ āpajjati ‘moghaṁ vata me uṭṭhānaṁ, aphalo vata me vāyāmo’ti.

他就忧愁、疲惫、悲叹、捶胸号哭，陷入迷乱：‘我的奋起真是徒劳！我的努力真是没有成果！’

mn14:8.3

Ayampi, mahānāma, kāmānaṁ ādīnavo sandiṭṭhiko dukkhakkhandho kāmahetu kāmanidānaṁ kāmādhikaraṇaṁ kāmānameva hetu.

摩诃男，这也是诸欲的过患，是现前可见的苦蕴，以欲为因，以欲为根源，以欲为缘故，只是以诸欲为因。

mn14:9.1

Tassa ce, mahānāma, kulaputtassa evaṁ uṭṭhahato ghaṭato vāyamato te bhogā abhinipphajjanti.

摩诃男，如果那位良家子这样奋起、辛劳、努力，获得了财富，

mn14:9.2

So tesaṁ bhogānaṁ ārakkhādhikaraṇaṁ dukkhaṁ domanassaṁ paṭisaṁvedeti:

他又因守护这些财富而感受苦与忧：

mn14:9.3

‘kinti me bhoge neva rājāno hareyyuṁ, na corā hareyyuṁ, na aggi daheyya, na udakaṁ vaheyya, na appiyā vā dāyādā hareyyun’ti.

‘怎样才能使国王不夺取我的财富，盗贼不盗走，火不烧毁，水不冲走，不喜爱的继承者也不拿走？’

mn14:9.4

Tassa evaṁ ārakkhato gopayato te bhoge rājāno vā haranti, corā vā haranti, aggi vā dahati, udakaṁ vā vahati, appiyā vā dāyādā haranti.

他这样守护、看管着，财富却被国王夺取，或被盗贼盗走，或被火烧毁，或被水冲走，或被不喜爱的继承者拿走。

mn14:9.5

So socati kilamati paridevati urattāḷiṁ kandati sammohaṁ āpajjati:

他就忧愁、疲惫、悲叹、捶胸号哭，陷入迷乱：

mn14:9.6

‘yampi me ahosi tampi no natthī’ti.

‘我原先拥有的，如今也没有了！’

mn14:9.7

Ayampi, mahānāma, kāmānaṁ ādīnavo sandiṭṭhiko dukkhakkhandho kāmahetu kāmanidānaṁ kāmādhikaraṇaṁ kāmānameva hetu.

摩诃男，这也是诸欲的过患，是现前可见的苦蕴，以欲为因，以欲为根源，以欲为缘故，只是以诸欲为因。

mn14:10.1

Puna caparaṁ, mahānāma, kāmahetu kāmanidānaṁ kāmādhikaraṇaṁ kāmānameva hetu rājānopi rājūhi vivadanti, khattiyāpi khattiyehi vivadanti, brāhmaṇāpi brāhmaṇehi vivadanti, gahapatīpi gahapatīhi vivadanti, mātāpi puttena vivadati, puttopi mātarā vivadati, pitāpi puttena vivadati, puttopi pitarā vivadati, bhātāpi bhātarā vivadati, bhātāpi bhaginiyā vivadati, bhaginīpi bhātarā vivadati, sahāyopi sahāyena vivadati.

再者，摩诃男，以欲为因，以欲为根源，以欲为缘故，只是以诸欲为因，国王与国王争执，刹帝利与刹帝利争执，婆罗门与婆罗门争执，居家者与居家者争执，母亲与儿子争执，儿子与母亲争执，父亲与儿子争执，儿子与父亲争执，兄弟与兄弟争执，兄弟与姊妹争执，姊妹与兄弟争执，朋友与朋友争执。

mn14:10.2

Te tattha kalahaviggahavivādāpannā aññamaññaṁ pāṇīhipi upakkamanti, leḍḍūhipi upakkamanti, daṇḍehipi upakkamanti, satthehipi upakkamanti.

他们陷入争吵、冲突、争论，以手、以土块、以棍棒、以刀剑互相攻击。

mn14:10.3

Te tattha maraṇampi nigacchanti, maraṇamattampi dukkhaṁ.

他们因此遭受死亡，或近乎死亡的痛苦。

mn14:10.4

Ayampi, mahānāma, kāmānaṁ ādīnavo sandiṭṭhiko dukkhakkhandho kāmahetu kāmanidānaṁ kāmādhikaraṇaṁ kāmānameva hetu.

摩诃男，这也是诸欲的过患，是现前可见的苦蕴，以欲为因，以欲为根源，以欲为缘故，只是以诸欲为因。

mn14:11.1

Puna caparaṁ, mahānāma, kāmahetu kāmanidānaṁ kāmādhikaraṇaṁ kāmānameva hetu asicammaṁ gahetvā, dhanukalāpaṁ sannayhitvā, ubhatobyūḷhaṁ saṅgāmaṁ pakkhandanti usūsupi khippamānesu, sattīsupi khippamānāsu, asīsupi vijjotalantesu.

再者，摩诃男，以欲为因，以欲为根源，以欲为缘故，只是以诸欲为因，人们拿起刀剑与盾牌，佩上弓与箭囊，冲入双方列阵的战场；箭在飞射，矛在投掷，刀剑在闪耀。

mn14:11.2

Te tattha usūhipi vijjhanti, sattiyāpi vijjhanti, asināpi sīsaṁ chindanti.

他们在那里被箭射中、被矛刺中，或被刀剑斩首。

mn14:11.3

Te tattha maraṇampi nigacchanti, maraṇamattampi dukkhaṁ.

他们因此遭受死亡，或近乎死亡的痛苦。

mn14:11.4

Ayampi, mahānāma, kāmānaṁ ādīnavo sandiṭṭhiko dukkhakkhandho kāmahetu kāmanidānaṁ kāmādhikaraṇaṁ kāmānameva hetu.

摩诃男，这也是诸欲的过患，是现前可见的苦蕴，以欲为因，以欲为根源，以欲为缘故，只是以诸欲为因。

mn14:12.1

Puna caparaṁ, mahānāma, kāmahetu kāmanidānaṁ kāmādhikaraṇaṁ kāmānameva hetu asicammaṁ gahetvā, dhanukalāpaṁ sannayhitvā, addāvalepanā upakāriyo pakkhandanti usūsupi khippamānesu, sattīsupi khippamānāsu, asīsupi vijjotalantesu.

再者，摩诃男，以欲为因，以欲为根源，以欲为缘故，只是以诸欲为因，人们拿起刀剑与盾牌，佩上弓与箭囊，冲向涂有湿泥的堡垒；箭在飞射，矛在投掷，刀剑在闪耀。

mn14:12.2

Te tattha usūhipi vijjhanti, sattiyāpi vijjhanti, chakaṇakāyapi osiñcanti, abhivaggenapi omaddanti, asināpi sīsaṁ chindanti.

他们在那里被箭射中、被矛刺中，被牛粪浆浇灌，被重物压击，或被刀剑斩首。

mn14:12.3

Te tattha maraṇampi nigacchanti, maraṇamattampi dukkhaṁ.

他们因此遭受死亡，或近乎死亡的痛苦。

mn14:12.4

Ayampi, mahānāma, kāmānaṁ ādīnavo sandiṭṭhiko dukkhakkhandho kāmahetu kāmanidānaṁ kāmādhikaraṇaṁ kāmānameva hetu.

摩诃男，这也是诸欲的过患，是现前可见的苦蕴，以欲为因，以欲为根源，以欲为缘故，只是以诸欲为因。

mn14:13.1

Puna caparaṁ, mahānāma, kāmahetu kāmanidānaṁ kāmādhikaraṇaṁ kāmānameva hetu sandhimpi chindanti, nillopampi haranti, ekāgārikampi karonti, paripanthepi tiṭṭhanti, paradārampi gacchanti.

再者，摩诃男，以欲为因，以欲为根源，以欲为缘故，只是以诸欲为因，人们破墙入室、劫掠财物、抢劫独户、拦路抢劫、与他人的妻子通奸。

mn14:13.2

Tamenaṁ rājāno gahetvā vividhā kammakāraṇā kārenti—

国王将这样的人捕获，对他施以种种刑罚：

mn14:13.3

kasāhipi tāḷenti, vettehipi tāḷenti, aḍḍhadaṇḍakehipi tāḷenti; hatthampi chindanti, pādampi chindanti, hatthapādampi chindanti, kaṇṇampi chindanti, nāsampi chindanti, kaṇṇanāsampi chindanti; bilaṅgathālikampi karonti, saṅkhamuṇḍikampi karonti, rāhumukhampi karonti, jotimālikampi karonti, hatthapajjotikampi karonti, erakavattikampi karonti, cīrakavāsikampi karonti, eṇeyyakampi karonti, baḷisamaṁsikampi karonti, kahāpaṇikampi karonti, khārāpatacchikampi karonti, palighaparivattikampi karonti, palālapīṭhakampi karonti, tattenapi telena osiñcanti, sunakhehipi khādāpenti, jīvantampi sūle uttāsenti, asināpi sīsaṁ chindanti.

用鞭打，用藤条打，用短棍打；断手，断足，断手足，割耳，割鼻，割耳鼻；施以酸粥锅刑、贝秃刑、罗睺口刑、火鬘刑、燃手刑、草条刑、树皮衣刑、羚羊刑、钩肉刑、钱片刑、碱刮刑、转闩刑、稻草垫刑；浇以热油，让狗啃咬，活着贯在尖桩上，或用刀剑斩首。

mn14:13.4

Te tattha maraṇampi nigacchanti, maraṇamattampi dukkhaṁ.

他们因此遭受死亡，或近乎死亡的痛苦。

mn14:13.5

Ayampi, mahānāma, kāmānaṁ ādīnavo sandiṭṭhiko dukkhakkhandho kāmahetu kāmanidānaṁ kāmādhikaraṇaṁ kāmānameva hetu.

摩诃男，这也是诸欲的过患，是现前可见的苦蕴，以欲为因，以欲为根源，以欲为缘故，只是以诸欲为因。

mn14:14.1

Puna caparaṁ, mahānāma, kāmahetu kāmanidānaṁ kāmādhikaraṇaṁ kāmānameva hetu kāyena duccaritaṁ caranti, vācāya duccaritaṁ caranti, manasā duccaritaṁ caranti.

再者，摩诃男，以欲为因，以欲为根源，以欲为缘故，只是以诸欲为因，人们以身行恶行，以语行恶行，以意行恶行。

mn14:14.2

Te kāyena duccaritaṁ caritvā, vācāya duccaritaṁ caritvā, manasā duccaritaṁ caritvā, kāyassa bhedā paraṁ maraṇā, apāyaṁ duggatiṁ vinipātaṁ nirayaṁ upapajjanti.

他们行身恶行、语恶行、意恶行后，身坏命终，生于苦界、恶趣、堕处、地狱。

mn14:14.3

Ayampi, mahānāma, kāmānaṁ ādīnavo samparāyiko, dukkhakkhandho kāmahetu kāmanidānaṁ kāmādhikaraṇaṁ kāmānameva hetu.

摩诃男，这也是诸欲的过患，是来世的苦蕴，以欲为因，以欲为根源，以欲为缘故，只是以诸欲为因。

mn14:15.1

Ekamidāhaṁ, mahānāma, samayaṁ rājagahe viharāmi gijjhakūṭe pabbate.

摩诃男，有一次，我住在王舍城的灵鹫山。

mn14:15.2

Tena kho pana samayena sambahulā nigaṇṭhā isigilipasse kāḷasilāyaṁ ubbhaṭṭhakā honti āsanapaṭikkhittā, opakkamikā dukkhā tibbā kharā kaṭukā vedanā vedayanti.

那时，有许多尼乾陀在仙吞山坡的黑岩处，持续站立、拒绝坐下，感受由用力苦行而生的、痛苦的、剧烈的、猛烈的、尖锐的感受。

mn14:16.1

Atha khvāhaṁ, mahānāma, sāyanhasamayaṁ paṭisallānā vuṭṭhito yena isigilipasse kāḷasilā yena te nigaṇṭhā tenupasaṅkamiṁ; upasaṅkamitvā te nigaṇṭhe etadavocaṁ:

摩诃男，那时傍晚，我从独处中起身，来到仙吞山坡黑岩处的那些尼乾陀那里；来到后，我对他们说：

mn14:16.2

‘kiṁ nu tumhe, āvuso nigaṇṭhā, ubbhaṭṭhakā āsanapaṭikkhittā, opakkamikā dukkhā tibbā kharā kaṭukā vedanā vedayathā’ti?

‘尼乾陀朋友们，你们为什么持续站立、拒绝坐下，感受由用力苦行而生的、痛苦的、剧烈的、猛烈的、尖锐的感受？’

mn14:17.1

Evaṁ vutte, mahānāma, te nigaṇṭhā maṁ etadavocuṁ:

摩诃男，听到这话，那些尼乾陀对我说：

mn14:17.2

‘nigaṇṭho, āvuso, nāṭaputto sabbaññū sabbadassāvī aparisesaṁ ñāṇadassanaṁ paṭijānāti:

‘朋友，尼乾陀若提子是全知者、全见者，自称具有无余的知与见：

mn14:17.3

“carato ca me tiṭṭhato ca suttassa ca jāgarassa ca satataṁ samitaṁ ñāṇadassanaṁ paccupaṭṭhitan”ti.

“无论我行走、站立、睡眠或清醒，知与见都恒常、持续地现前。”

mn14:17.4

So evamāha:

他这样说：

mn14:17.5

“atthi kho vo, nigaṇṭhā, pubbe pāpakammaṁ kataṁ, taṁ imāya kaṭukāya dukkarakārikāya nijjīretha;

“尼乾陀们，你们过去造过恶业，应当以这种尖锐的艰苦修行将它消尽。

mn14:17.6

yaṁ panettha etarahi kāyena saṁvutā vācāya saṁvutā manasā saṁvutā taṁ āyatiṁ pāpassa kammassa akaraṇaṁ;

如今，你们在身、语、意上受到约束，这就是不再为未来造恶业；

mn14:17.7

iti purāṇānaṁ kammānaṁ tapasā byantibhāvā, navānaṁ kammānaṁ akaraṇā, āyatiṁ anavassavo;

如此，由苦行使旧业终结，由不造新业，未来便无流入；

mn14:17.8

āyatiṁ anavassavā kammakkhayo, kammakkhayā dukkhakkhayo, dukkhakkhayā vedanākkhayo, vedanākkhayā sabbaṁ dukkhaṁ nijjiṇṇaṁ bhavissatī”ti.

由未来无流入，便有业的灭尽；由业的灭尽，便有苦的灭尽；由苦的灭尽，便有受的灭尽；由受的灭尽，一切苦都将被消尽。”

mn14:17.9

Tañca panamhākaṁ ruccati ceva khamati ca, tena camha attamanā’ti.

我们喜欢这番话，也接受它，并对此感到满意。’

mn14:18.1

Evaṁ vutte, ahaṁ, mahānāma, te nigaṇṭhe etadavocaṁ:

摩诃男，听到这话，我对那些尼乾陀说：

mn14:18.2

‘kiṁ pana tumhe, āvuso nigaṇṭhā, jānātha—

‘尼乾陀朋友们，你们知道：

mn14:18.3

ahuvamheva mayaṁ pubbe na nāhuvamhā’ti?

“我们过去确实存在，并非不存在”吗？’

mn14:18.4

‘No hidaṁ, āvuso’.

‘不知道，朋友。’

mn14:18.5

‘Kiṁ pana tumhe, āvuso nigaṇṭhā, jānātha—

‘尼乾陀朋友们，你们知道：

mn14:18.6

akaramheva mayaṁ pubbe pāpakammaṁ na nākaramhā’ti?

“我们过去确实造过恶业，并非没有造过”吗？’

mn14:18.7

‘No hidaṁ, āvuso’.

‘不知道，朋友。’

mn14:18.8

‘Kiṁ pana tumhe, āvuso nigaṇṭhā, jānātha—

‘尼乾陀朋友们，你们知道：

mn14:18.9

evarūpaṁ vā evarūpaṁ vā pāpakammaṁ akaramhā’ti?

“我们造过这样或那样的恶业”吗？’

mn14:18.10

‘No hidaṁ, āvuso’.

‘不知道，朋友。’

mn14:18.11

‘Kiṁ pana tumhe, āvuso nigaṇṭhā, jānātha—

‘尼乾陀朋友们，你们知道：

mn14:18.12

ettakaṁ vā dukkhaṁ nijjiṇṇaṁ, ettakaṁ vā dukkhaṁ nijjīretabbaṁ, ettakamhi vā dukkhe nijjiṇṇe sabbaṁ dukkhaṁ nijjiṇṇaṁ bhavissatī’ti?

“这么多苦已经消尽，这么多苦尚待消尽；消尽这么多苦后，一切苦都将消尽”吗？’

mn14:18.13

‘No hidaṁ, āvuso’.

‘不知道，朋友。’

mn14:18.14

‘Kiṁ pana tumhe, āvuso nigaṇṭhā, jānātha—

‘尼乾陀朋友们，你们知道：

mn14:18.15

diṭṭheva dhamme akusalānaṁ dhammānaṁ pahānaṁ, kusalānaṁ dhammānaṁ upasampadan’ti?

在现法中舍断不善法、具足善法吗？’

mn14:18.16

‘No hidaṁ, āvuso’.

‘不知道，朋友。’

mn14:19.1

‘Iti kira tumhe, āvuso nigaṇṭhā, na jānātha—

‘尼乾陀朋友们，这样看来，你们不知道：

mn14:19.2

ahuvamheva mayaṁ pubbe na nāhuvamhāti, na jānātha—

“我们过去确实存在，并非不存在”；你们不知道：

mn14:19.3

akaramheva mayaṁ pubbe pāpakammaṁ na nākaramhāti, na jānātha—

“我们过去确实造过恶业，并非没有造过”；你们不知道：

mn14:19.4

evarūpaṁ vā evarūpaṁ vā pāpakammaṁ akaramhāti, na jānātha—

“我们造过这样或那样的恶业”；你们不知道：

mn14:19.5

ettakaṁ vā dukkhaṁ nijjiṇṇaṁ, ettakaṁ vā dukkhaṁ nijjīretabbaṁ, ettakamhi vā dukkhe nijjiṇṇe sabbaṁ dukkhaṁ nijjiṇṇaṁ bhavissatīti.

“这么多苦已经消尽，这么多苦尚待消尽；消尽这么多苦后，一切苦都将消尽”。

mn14:19.6

Na jānātha—

你们也不知道：

mn14:19.7

diṭṭheva dhamme akusalānaṁ dhammānaṁ pahānaṁ, kusalānaṁ dhammānaṁ upasampadaṁ.

在现法中舍断不善法、具足善法。

mn14:19.8

Evaṁ sante, āvuso nigaṇṭhā, ye loke luddā lohitapāṇino kurūrakammantā manussesu paccājātā te nigaṇṭhesu pabbajantī’ti?

尼乾陀朋友们，既然如此，世间那些凶暴、双手染血、行为残酷的人，再生为人时，岂不是就在尼乾陀中出家？’

mn14:20.1

‘Na kho, āvuso gotama, sukhena sukhaṁ adhigantabbaṁ, dukkhena kho sukhaṁ adhigantabbaṁ;

‘乔达摩朋友，乐不能由乐而获得；乐应由苦而获得。

mn14:20.2

sukhena cāvuso gotama, sukhaṁ adhigantabbaṁ abhavissa, rājā māgadho seniyo bimbisāro sukhaṁ adhigaccheyya, rājā māgadho seniyo bimbisāro sukhavihāritaro āyasmatā gotamenā’ti.

乔达摩朋友，如果乐可以由乐而获得，摩揭陀的斯尼耶频毗沙罗王就会获得乐，因为摩揭陀的斯尼耶频毗沙罗王比乔达摩尊者住得更安乐。’

mn14:20.3

‘Addhāyasmantehi nigaṇṭhehi sahasā appaṭisaṅkhā vācā bhāsitā:

‘尼乾陀尊者们，你们确实未经审察，轻率地说了这番话：

mn14:20.4

“na kho, āvuso gotama, sukhena sukhaṁ adhigantabbaṁ, dukkhena kho sukhaṁ adhigantabbaṁ;

“乔达摩朋友，乐不能由乐而获得；乐应由苦而获得。

mn14:20.5

sukhena cāvuso gotama, sukhaṁ adhigantabbaṁ abhavissa, rājā māgadho seniyo bimbisāro sukhaṁ adhigaccheyya, rājā māgadho seniyo bimbisāro sukhavihāritaro āyasmatā gotamenā”ti.

乔达摩朋友，如果乐可以由乐而获得，摩揭陀的斯尼耶频毗沙罗王就会获得乐，因为摩揭陀的斯尼耶频毗沙罗王比乔达摩尊者住得更安乐。”

mn14:20.6

Api ca ahameva tattha paṭipucchitabbo:

但在这件事上，你们应当问我：

mn14:20.7

“ko nu kho āyasmantānaṁ sukhavihāritaro rājā vā māgadho seniyo bimbisāro āyasmā vā gotamo”ti?

“这两位尊者中，谁住得更安乐——摩揭陀的斯尼耶频毗沙罗王，还是乔达摩尊者？”’

mn14:20.8

Addhāvuso gotama, amhehi sahasā appaṭisaṅkhā vācā bhāsitā, na kho, āvuso gotama, sukhena sukhaṁ adhigantabbaṁ, dukkhena kho sukhaṁ adhigantabbaṁ;

‘乔达摩朋友，我们确实未经审察，轻率地说了这番话：“乔达摩朋友，乐不能由乐而获得；乐应由苦而获得。

mn14:20.9

sukhena cāvuso gotama, sukhaṁ adhigantabbaṁ abhavissa, rājā māgadho seniyo bimbisāro sukhaṁ adhigaccheyya, rājā māgadho seniyo bimbisāro sukhavihāritaro āyasmatā gotamenāti.

乔达摩朋友，如果乐可以由乐而获得，摩揭陀的斯尼耶频毗沙罗王就会获得乐，因为摩揭陀的斯尼耶频毗沙罗王比乔达摩尊者住得更安乐。”

mn14:20.10

Api ca tiṭṭhatetaṁ, idānipi mayaṁ āyasmantaṁ gotamaṁ pucchāma:

不过，姑且放下这件事。现在我们问乔达摩尊者：

mn14:20.11

“ko nu kho āyasmantānaṁ sukhavihāritaro rājā vā māgadho seniyo bimbisāro āyasmā vā gotamo”ti?

“这两位尊者中，谁住得更安乐——摩揭陀的斯尼耶频毗沙罗王，还是乔达摩尊者？”’

mn14:21.1

Tena hāvuso nigaṇṭhā, tumheva tattha paṭipucchissāmi, yathā vo khameyya tathā naṁ byākareyyātha.

‘那么，尼乾陀朋友们，我就这件事反问你们，请按你们认为合适的回答。

mn14:21.2

Taṁ kiṁ maññathāvuso nigaṇṭhā, pahoti rājā māgadho seniyo bimbisāro,

尼乾陀朋友们，你们认为怎样？摩揭陀的斯尼耶频毗沙罗王能否

mn14:21.3

aniñjamāno kāyena, abhāsamāno vācaṁ, satta rattindivāni ekantasukhaṁ paṭisaṁvedī viharitun’ti?

身体不动、不说话，连续七日七夜，住于纯然的乐受之中？’

mn14:21.4

‘No hidaṁ, āvuso’.

‘不能，朋友。’

mn14:21.5

‘Taṁ kiṁ maññathāvuso nigaṇṭhā, pahoti rājā māgadho seniyo bimbisāro,

‘尼乾陀朋友们，你们认为怎样？摩揭陀的斯尼耶频毗沙罗王能否

mn14:21.6

aniñjamāno kāyena, abhāsamāno vācaṁ, cha rattindivāni …pe…

身体不动、不说话，连续六日六夜……

mn14:21.7

pañca rattindivāni …

五日五夜……

mn14:21.8

cattāri rattindivāni …

四日四夜……

mn14:21.9

tīṇi rattindivāni …

三日三夜……

mn14:21.10

dve rattindivāni …

二日二夜……

mn14:21.11

ekaṁ rattindivaṁ ekantasukhaṁ paṭisaṁvedī viharitun’ti?

一日一夜，住于纯然的乐受之中？’

mn14:21.12

‘No hidaṁ, āvuso’.

‘不能，朋友。’

mn14:21.13

‘Ahaṁ kho, āvuso nigaṇṭhā, pahomi aniñjamāno kāyena, abhāsamāno vācaṁ, ekaṁ rattindivaṁ ekantasukhaṁ paṭisaṁvedī viharituṁ.

‘尼乾陀朋友们，我能身体不动、不说话，连续一日一夜，住于纯然的乐受之中。

mn14:21.14

Ahaṁ kho, āvuso nigaṇṭhā, pahomi aniñjamāno kāyena, abhāsamāno vācaṁ, dve rattindivāni …

尼乾陀朋友们，我能身体不动、不说话，连续二日二夜……

mn14:21.15

tīṇi rattindivāni …

三日三夜……

mn14:21.16

cattāri rattindivāni …

四日四夜……

mn14:21.17

pañca rattindivāni …

五日五夜……

mn14:21.18

cha rattindivāni …

六日六夜……

mn14:21.19

satta rattindivāni ekantasukhaṁ paṭisaṁvedī viharituṁ.

七日七夜，住于纯然的乐受之中。

mn14:21.20

Taṁ kiṁ maññathāvuso nigaṇṭhā, evaṁ sante ko sukhavihāritaro rājā vā māgadho seniyo bimbisāro ahaṁ vā’ti?

尼乾陀朋友们，你们认为怎样？既然如此，谁住得更安乐——摩揭陀的斯尼耶频毗沙罗王，还是我？’

mn14:21.21

‘Evaṁ sante āyasmāva gotamo sukhavihāritaro raññā māgadhena seniyena bimbisārenā’”ti.

‘既然如此，乔达摩尊者确实比摩揭陀的斯尼耶频毗沙罗王住得更安乐。’”

mn14:21.22

Idamavoca bhagavā.

世尊这样说。

mn14:21.23

Attamano mahānāmo sakko bhagavato bhāsitaṁ abhinandīti.

释迦族摩诃男心生欢喜，欣然接受世尊所说。