沙门果经

dn2:1.1

Evaṁ me sutaṁ—

如是我闻。

dn2:1.2

ekaṁ samayaṁ bhagavā rājagahe viharati jīvakassa komārabhaccassa ambavane mahatā bhikkhusaṅghena saddhiṁ aḍḍhateḷasehi bhikkhusatehi.

一时，世尊与一千二百五十位比丘的大比丘僧团，一起住在王舍城耆婆童子养的芒果园。

dn2:1.3

Tena kho pana samayena rājā māgadho ajātasattu vedehiputto tadahuposathe pannarase komudiyā cātumāsiniyā puṇṇāya puṇṇamāya rattiyā rājāmaccaparivuto uparipāsādavaragato nisinno hoti.

当时，摩揭陀王韦提希子阿阇世，在第四月十五日的憍牟地布萨满月夜，由大臣们围绕，坐在高楼上。

dn2:1.4

Atha kho rājā māgadho ajātasattu vedehiputto tadahuposathe udānaṁ udānesi:

当日布萨，摩揭陀王韦提希子阿阇世发出感言：

dn2:1.5

“ramaṇīyā vata bho dosinā ratti, abhirūpā vata bho dosinā ratti, dassanīyā vata bho dosinā ratti, pāsādikā vata bho dosinā ratti, lakkhaññā vata bho dosinā ratti.

各位，这月明之夜实在可喜，实在美好，实在可观，实在令人净信，实在吉祥！

dn2:1.6

Kaṁ nu khvajja samaṇaṁ vā brāhmaṇaṁ vā payirupāseyyāma, yaṁ no payirupāsato cittaṁ pasīdeyyā”ti?

今天我们应去亲近哪一位沙门或婆罗门，亲近他以后，我们的心能得到净信呢？

dn2:2.1

Evaṁ vutte, aññataro rājāmacco rājānaṁ māgadhaṁ ajātasattuṁ vedehiputtaṁ etadavoca:

这样说时，另有一位大臣对摩揭陀王韦提希子阿阇世说：

dn2:2.2

“ayaṁ, deva, pūraṇo kassapo saṅghī ceva gaṇī ca gaṇācariyo ca ñāto yasassī titthakaro sādhusammato bahujanassa rattaññū cirapabbajito addhagato vayoanuppatto.

大王，这位富兰那迦叶有僧众、有徒众，是徒众之师，知名而有声望，是教派的开创者，为众人尊为善人，资历深久，出家已久，年事已高，已至老年。

dn2:2.3

Taṁ devo pūraṇaṁ kassapaṁ payirupāsatu.

请大王去亲近富兰那迦叶。

dn2:2.4

Appeva nāma devassa pūraṇaṁ kassapaṁ payirupāsato cittaṁ pasīdeyyā”ti.

大王亲近富兰那迦叶后，或许心能得到净信。

dn2:2.5

Evaṁ vutte, rājā māgadho ajātasattu vedehiputto tuṇhī ahosi.

这样说时，摩揭陀王韦提希子阿阇世保持沉默。

dn2:3.1

Aññataropi kho rājāmacco rājānaṁ māgadhaṁ ajātasattuṁ vedehiputtaṁ etadavoca:

这样说时，另有一位大臣对摩揭陀王韦提希子阿阇世说：

dn2:3.2

“ayaṁ, deva, makkhali gosālo saṅghī ceva gaṇī ca gaṇācariyo ca ñāto yasassī titthakaro sādhusammato bahujanassa rattaññū cirapabbajito addhagato vayoanuppatto.

大王，这位末伽梨瞿舍罗有僧众、有徒众，是徒众之师，知名而有声望，是教派的开创者，为众人尊为善人，资历深久，出家已久，年事已高，已至老年。

dn2:3.3

Taṁ devo makkhaliṁ gosālaṁ payirupāsatu.

请大王去亲近末伽梨瞿舍罗。

dn2:3.4

Appeva nāma devassa makkhaliṁ gosālaṁ payirupāsato cittaṁ pasīdeyyā”ti.

大王亲近末伽梨瞿舍罗后，或许心能得到净信。

dn2:3.5

Evaṁ vutte, rājā māgadho ajātasattu vedehiputto tuṇhī ahosi.

这样说时，摩揭陀王韦提希子阿阇世保持沉默。

dn2:4.1

Aññataropi kho rājāmacco rājānaṁ māgadhaṁ ajātasattuṁ vedehiputtaṁ etadavoca:

这样说时，另有一位大臣对摩揭陀王韦提希子阿阇世说：

dn2:4.2

“ayaṁ, deva, ajito kesakambalo saṅghī ceva gaṇī ca gaṇācariyo ca ñāto yasassī titthakaro sādhusammato bahujanassa rattaññū cirapabbajito addhagato vayoanuppatto.

大王，这位阿夷多翅舍钦婆罗有僧众、有徒众，是徒众之师，知名而有声望，是教派的开创者，为众人尊为善人，资历深久，出家已久，年事已高，已至老年。

dn2:4.3

Taṁ devo ajitaṁ kesakambalaṁ payirupāsatu.

请大王去亲近阿夷多翅舍钦婆罗。

dn2:4.4

Appeva nāma devassa ajitaṁ kesakambalaṁ payirupāsato cittaṁ pasīdeyyā”ti.

大王亲近阿夷多翅舍钦婆罗后，或许心能得到净信。

dn2:4.5

Evaṁ vutte, rājā māgadho ajātasattu vedehiputto tuṇhī ahosi.

这样说时，摩揭陀王韦提希子阿阇世保持沉默。

dn2:5.1

Aññataropi kho rājāmacco rājānaṁ māgadhaṁ ajātasattuṁ vedehiputtaṁ etadavoca:

这样说时，另有一位大臣对摩揭陀王韦提希子阿阇世说：

dn2:5.2

“ayaṁ, deva, pakudho kaccāyano saṅghī ceva gaṇī ca gaṇācariyo ca ñāto yasassī titthakaro sādhusammato bahujanassa rattaññū cirapabbajito addhagato vayoanuppatto.

大王，这位波浮陀迦旃延有僧众、有徒众，是徒众之师，知名而有声望，是教派的开创者，为众人尊为善人，资历深久，出家已久，年事已高，已至老年。

dn2:5.3

Taṁ devo pakudhaṁ kaccāyanaṁ payirupāsatu.

请大王去亲近波浮陀迦旃延。

dn2:5.4

Appeva nāma devassa pakudhaṁ kaccāyanaṁ payirupāsato cittaṁ pasīdeyyā”ti.

大王亲近波浮陀迦旃延后，或许心能得到净信。

dn2:5.5

Evaṁ vutte, rājā māgadho ajātasattu vedehiputto tuṇhī ahosi.

这样说时，摩揭陀王韦提希子阿阇世保持沉默。

dn2:6.1

Aññataropi kho rājāmacco rājānaṁ māgadhaṁ ajātasattuṁ vedehiputtaṁ etadavoca:

这样说时，另有一位大臣对摩揭陀王韦提希子阿阇世说：

dn2:6.2

“ayaṁ, deva, sañcayo belaṭṭhaputto saṅghī ceva gaṇī ca gaṇācariyo ca ñāto yasassī titthakaro sādhusammato bahujanassa rattaññū cirapabbajito addhagato vayoanuppatto.

大王，这位散若夷毗罗梨子有僧众、有徒众，是徒众之师，知名而有声望，是教派的开创者，为众人尊为善人，资历深久，出家已久，年事已高，已至老年。

dn2:6.3

Taṁ devo sañcayaṁ belaṭṭhaputtaṁ payirupāsatu.

请大王去亲近散若夷毗罗梨子。

dn2:6.4

Appeva nāma devassa sañcayaṁ belaṭṭhaputtaṁ payirupāsato cittaṁ pasīdeyyā”ti.

大王亲近散若夷毗罗梨子后，或许心能得到净信。

dn2:6.5

Evaṁ vutte, rājā māgadho ajātasattu vedehiputto tuṇhī ahosi.

这样说时，摩揭陀王韦提希子阿阇世保持沉默。

dn2:7.1

Aññataropi kho rājāmacco rājānaṁ māgadhaṁ ajātasattuṁ vedehiputtaṁ etadavoca:

这样说时，另有一位大臣对摩揭陀王韦提希子阿阇世说：

dn2:7.2

“ayaṁ, deva, nigaṇṭho nāṭaputto saṅghī ceva gaṇī ca gaṇācariyo ca ñāto yasassī titthakaro sādhusammato bahujanassa rattaññū cirapabbajito addhagato vayoanuppatto.

大王，这位尼乾陀若提子有僧众、有徒众，是徒众之师，知名而有声望，是教派的开创者，为众人尊为善人，资历深久，出家已久，年事已高，已至老年。

dn2:7.3

Taṁ devo nigaṇṭhaṁ nāṭaputtaṁ payirupāsatu.

请大王去亲近尼乾陀若提子。

dn2:7.4

Appeva nāma devassa nigaṇṭhaṁ nāṭaputtaṁ payirupāsato cittaṁ pasīdeyyā”ti.

大王亲近尼乾陀若提子后，或许心能得到净信。

dn2:7.5

Evaṁ vutte, rājā māgadho ajātasattu vedehiputto tuṇhī ahosi.

这样说时，摩揭陀王韦提希子阿阇世保持沉默。

dn2:8.1

Tena kho pana samayena jīvako komārabhacco rañño māgadhassa ajātasattussa vedehiputtassa avidūre tuṇhībhūto nisinno hoti.

当时，耆婆童子养坐在国王不远处，保持沉默。

dn2:8.2

Atha kho rājā māgadho ajātasattu vedehiputto jīvakaṁ komārabhaccaṁ etadavoca:

于是，摩揭陀王韦提希子阿阇世对耆婆童子养说：

dn2:8.3

“tvaṁ pana, samma jīvaka, kiṁ tuṇhī”ti?

亲爱的耆婆，你为什么保持沉默？

dn2:8.4

“Ayaṁ, deva, bhagavā arahaṁ sammāsambuddho amhākaṁ ambavane viharati mahatā bhikkhusaṅghena saddhiṁ aḍḍhateḷasehi bhikkhusatehi.

大王，这位世尊、阿罗汉、正等觉者，与一千二百五十位比丘的大比丘僧团，一起住在我的芒果园。

dn2:8.5

Taṁ kho pana bhagavantaṁ evaṁ kalyāṇo kittisaddo abbhuggato:

关于这位世尊，流传着这样的善名：

dn2:8.6

‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti.

那位世尊是阿罗汉、正等觉者、明行具足者、善逝、世间解、无上调御丈夫、天人师、佛、世尊。

dn2:8.7

Taṁ devo bhagavantaṁ payirupāsatu.

请大王去亲近那位世尊。

dn2:8.8

Appeva nāma devassa bhagavantaṁ payirupāsato cittaṁ pasīdeyyā”ti.

大王亲近世尊后，或许心能得到净信。

dn2:8.9

“Tena hi, samma jīvaka, hatthiyānāni kappāpehī”ti.

那么，亲爱的耆婆，准备象乘吧。

dn2:9.1

“Evaṁ, devā”ti kho jīvako komārabhacco rañño māgadhassa ajātasattussa vedehiputtassa paṭissuṇitvā pañcamattāni hatthinikāsatāni kappāpetvā rañño ca ārohaṇīyaṁ nāgaṁ, rañño māgadhassa ajātasattussa vedehiputtassa paṭivedesi:

耆婆童子养回答：“是，大王。”他备好五百头母象和国王所乘的公象，向摩揭陀王韦提希子阿阇世禀告：

dn2:9.2

“kappitāni kho te, deva, hatthiyānāni,

大王，象乘已经备好。

dn2:9.3

yassadāni kālaṁ maññasī”ti.

现在请大王自行决定时候。

dn2:10.1

Atha kho rājā māgadho ajātasattu vedehiputto pañcasu hatthinikāsatesu paccekā itthiyo āropetvā ārohaṇīyaṁ nāgaṁ abhiruhitvā ukkāsu dhāriyamānāsu rājagahamhā niyyāsi mahaccarājānubhāvena, yena jīvakassa komārabhaccassa ambavanaṁ tena pāyāsi.

于是，摩揭陀王韦提希子阿阇世让妇女分别乘上五百头母象，自己乘上所乘的公象，持火炬者随行，以盛大的王家威仪从王舍城出发，前往耆婆童子养的芒果园。

dn2:10.2

Atha kho rañño māgadhassa ajātasattussa vedehiputtassa avidūre ambavanassa ahudeva bhayaṁ, ahu chambhitattaṁ, ahu lomahaṁso.

国王接近芒果园时，生起恐惧、惊慌，毛发竖立。

dn2:10.3

Atha kho rājā māgadho ajātasattu vedehiputto bhīto saṁviggo lomahaṭṭhajāto jīvakaṁ komārabhaccaṁ etadavoca:

他对耆婆童子养说：

dn2:10.4

“kacci maṁ, samma jīvaka, na vañcesi?

亲爱的耆婆，你没有欺骗我吧？

dn2:10.5

Kacci maṁ, samma jīvaka, na palambhesi?

亲爱的耆婆，你没有出卖我吧？

dn2:10.6

Kacci maṁ, samma jīvaka, na paccatthikānaṁ desi?

亲爱的耆婆，你没有把我交给敌人吧？

dn2:10.7

Kathañhi nāma tāva mahato bhikkhusaṅghassa aḍḍhateḷasānaṁ bhikkhusatānaṁ neva khipitasaddo bhavissati, na ukkāsitasaddo na nigghoso”ti.

如此庞大的比丘僧团，一千二百五十位比丘，怎么竟没有喷嚏声、咳嗽声，也没有喧闹声？

dn2:10.8

“Mā bhāyi, mahārāja, mā bhāyi, mahārāja.

大王，不要怕！大王，不要怕！

dn2:10.9

Na taṁ, deva, vañcemi;

我没有欺骗您，

dn2:10.10

na taṁ, deva, palambhāmi;

没有出卖您，

dn2:10.11

na taṁ, deva, paccatthikānaṁ demi.

也没有把您交给敌人。

dn2:10.12

Abhikkama, mahārāja, abhikkama, mahārāja, ete maṇḍalamāḷe dīpā jhāyantī”ti.

大王，往前走！大王，往前走！那圆堂里的灯正亮着。

dn2:11.1

Atha kho rājā māgadho ajātasattu vedehiputto yāvatikā nāgassa bhūmi nāgena gantvā, nāgā paccorohitvā, pattikova yena maṇḍalamāḷassa dvāraṁ tenupasaṅkami; upasaṅkamitvā jīvakaṁ komārabhaccaṁ etadavoca:

摩揭陀王韦提希子阿阇世乘象走到象能通行的尽头，然后下象步行，来到圆堂门口，对耆婆童子养说：

dn2:11.2

“kahaṁ pana, samma jīvaka, bhagavā”ti?

亲爱的耆婆，世尊在哪里？

dn2:11.3

“Eso, mahārāja, bhagavā;

大王，那就是世尊！大王，那就是世尊！

dn2:11.4

eso, mahārāja, bhagavā majjhimaṁ thambhaṁ nissāya puratthābhimukho nisinno purakkhato bhikkhusaṅghassā”ti.

世尊倚着中央的柱子，面向东方，坐在比丘僧团的前面。

dn2:12.1

Atha kho rājā māgadho ajātasattu vedehiputto yena bhagavā tenupasaṅkami; upasaṅkamitvā ekamantaṁ aṭṭhāsi.

于是，摩揭陀王韦提希子阿阇世走到世尊那里，站在一旁。

dn2:12.2

Ekamantaṁ ṭhito kho rājā māgadho ajātasattu vedehiputto tuṇhībhūtaṁ tuṇhībhūtaṁ bhikkhusaṅghaṁ anuviloketvā rahadamiva vippasannaṁ udānaṁ udānesi:

他环视极其寂静、如清澈湖水般安住的比丘僧团，发出感言：

dn2:12.3

“iminā me upasamena udayabhaddo kumāro samannāgato hotu, yenetarahi upasamena bhikkhusaṅgho samannāgato”ti.

愿我的儿子优陀夷跋陀王子，也能成就这比丘僧团现在所成就的寂静。

dn2:12.4

“Agamā kho tvaṁ, mahārāja, yathāpeman”ti.

大王，你的心随爱而去了吧？

dn2:12.5

“Piyo me, bhante, udayabhaddo kumāro.

尊者，优陀夷跋陀王子是我所爱的儿子。

dn2:12.6

Iminā me, bhante, upasamena udayabhaddo kumāro samannāgato hotu yenetarahi upasamena bhikkhusaṅgho samannāgato”ti.

愿我的儿子优陀夷跋陀王子，也能成就这比丘僧团现在所成就的寂静。

dn2:13.1

Atha kho rājā māgadho ajātasattu vedehiputto bhagavantaṁ abhivādetvā, bhikkhusaṅghassa añjaliṁ paṇāmetvā, ekamantaṁ nisīdi.

于是，摩揭陀王韦提希子阿阇世礼敬世尊，向比丘僧团合掌，坐在一旁。

dn2:13.2

Ekamantaṁ nisinno kho rājā māgadho ajātasattu vedehiputto bhagavantaṁ etadavoca:

坐好后，他对世尊说：

dn2:13.3

“puccheyyāmahaṁ, bhante, bhagavantaṁ kañcideva desaṁ;

尊者，我想问世尊某一件事，

dn2:13.4

sace me bhagavā okāsaṁ karoti pañhassa veyyākaraṇāyā”ti.

如果世尊允许解答我的问题。

dn2:13.5

“Puccha, mahārāja, yadākaṅkhasī”ti.

大王，你想问什么就问吧。

dn2:14.1

“Yathā nu kho imāni, bhante, puthusippāyatanāni,

尊者，有这些各类技艺职业，

dn2:14.2

seyyathidaṁ—hatthārohā assārohā rathikā dhanuggahā celakā calakā piṇḍadāyakā uggā rājaputtā pakkhandino mahānāgā sūrā cammayodhino dāsikaputtā

例如象师、骑兵、车兵、弓箭手、旗手、军队部署者、供食者、猛士、王子、突击者、大勇士、英雄、皮甲兵、奴婢之子，

dn2:14.3

āḷārikā kappakā nhāpakā sūdā mālakārā rajakā pesakārā naḷakārā kumbhakārā gaṇakā muddikā, yāni vā panaññānipi evaṅgatāni puthusippāyatanāni, te diṭṭheva dhamme sandiṭṭhikaṁ sippaphalaṁ upajīvanti;

以及糕饼师、理发师、浴师、厨师、花鬘师、洗衣师、织工、苇编工、陶工、计算者、记账者，或其他这样的各类技艺者。他们在现法中，依靠现见的技艺成果生活，

dn2:14.4

te tena attānaṁ sukhenti pīṇenti, mātāpitaro sukhenti pīṇenti, puttadāraṁ sukhenti pīṇenti, mittāmacce sukhenti pīṇenti, samaṇabrāhmaṇesu uddhaggikaṁ dakkhiṇaṁ patiṭṭhapenti sovaggikaṁ sukhavipākaṁ saggasaṁvattanikaṁ.

以此使自己快乐满足，使父母快乐满足，使妻子儿女快乐满足，使朋友同伴快乐满足；对沙门、婆罗门设立上升的供养，使其趋向天界，感得乐的果报，导向天界。

dn2:14.5

Sakkā nu kho, bhante, evameva diṭṭheva dhamme sandiṭṭhikaṁ sāmaññaphalaṁ paññapetun”ti?

尊者，同样能否指出在现法中现见的沙门果？

dn2:15.1

“Abhijānāsi no tvaṁ, mahārāja, imaṁ pañhaṁ aññe samaṇabrāhmaṇe pucchitā”ti?

大王，你记得曾向其他沙门、婆罗门提出这个问题吗？

dn2:15.2

“Abhijānāmahaṁ, bhante, imaṁ pañhaṁ aññe samaṇabrāhmaṇe pucchitā”ti.

尊者，我记得曾向其他沙门、婆罗门提出这个问题。

dn2:15.3

“Yathā kathaṁ pana te, mahārāja, byākariṁsu, sace te agaru bhāsassū”ti.

大王，如果不为难，请说说他们怎样回答你。

dn2:15.4

“Na kho me, bhante, garu, yatthassa bhagavā nisinno, bhagavantarūpo vā”ti.

尊者，有世尊或像世尊这样的人在座，对我不为难。

dn2:15.5

“Tena hi, mahārāja, bhāsassū”ti.

那么，大王，请说吧。

dn2:16.1

“Ekamidāhaṁ, bhante, samayaṁ yena pūraṇo kassapo tenupasaṅkamiṁ; upasaṅkamitvā pūraṇena kassapena saddhiṁ sammodiṁ.

尊者，有一次，我前往富兰那迦叶那里；到后，与富兰那迦叶互相问候。

dn2:16.2

Sammodanīyaṁ kathaṁ sāraṇīyaṁ vītisāretvā ekamantaṁ nisīdiṁ. Ekamantaṁ nisinno kho ahaṁ, bhante, pūraṇaṁ kassapaṁ etadavocaṁ:

问候、寒暄之后，我坐在一旁。坐好后，我对富兰那迦叶说：

dn2:16.3

‘yathā nu kho imāni, bho kassapa, puthusippāyatanāni,

迦叶先生，正如这些各类技艺职业，

dn2:16.4

seyyathidaṁ—hatthārohā assārohā rathikā dhanuggahā celakā calakā piṇḍadāyakā uggā rājaputtā pakkhandino mahānāgā sūrā cammayodhino dāsikaputtā āḷārikā kappakā nhāpakā sūdā mālakārā rajakā pesakārā naḷakārā kumbhakārā gaṇakā muddikā, yāni vā panaññānipi evaṅgatāni puthusippāyatanāni, te diṭṭheva dhamme sandiṭṭhikaṁ sippaphalaṁ upajīvanti;

例如象师、骑兵、车兵、弓箭手、旗手、军队部署者、供食者、猛士、王子、突击者、大勇士、英雄、皮甲兵、奴婢之子，以及糕饼师、理发师、浴师、厨师、花鬘师、洗衣师、织工、苇编工、陶工、计算者、记账者，或其他这样的各类技艺者。他们在现法中，依靠现见的技艺成果生活，

dn2:16.5

te tena attānaṁ sukhenti pīṇenti, mātāpitaro sukhenti pīṇenti, puttadāraṁ sukhenti pīṇenti, mittāmacce sukhenti pīṇenti, samaṇabrāhmaṇesu uddhaggikaṁ dakkhiṇaṁ patiṭṭhapenti sovaggikaṁ sukhavipākaṁ saggasaṁvattanikaṁ.

以此使自己快乐满足，使父母快乐满足，使妻子儿女快乐满足，使朋友同伴快乐满足；对沙门、婆罗门设立上升的供养，使其趋向天界，感得乐的果报，导向天界。

dn2:16.6

Sakkā nu kho, bho kassapa, evameva diṭṭheva dhamme sandiṭṭhikaṁ sāmaññaphalaṁ paññapetun’ti?

迦叶先生，同样能否指出在现法中现见的沙门果？

dn2:17.1

Evaṁ vutte, bhante, pūraṇo kassapo maṁ etadavoca:

这样说时，尊者，富兰那迦叶对我说：

dn2:17.2

‘karoto kho, mahārāja, kārayato, chindato chedāpayato, pacato pācāpayato socayato, socāpayato, kilamato kilamāpayato, phandato phandāpayato, pāṇamatipātāpayato, adinnaṁ ādiyato, sandhiṁ chindato, nillopaṁ harato, ekāgārikaṁ karoto, paripanthe tiṭṭhato, paradāraṁ gacchato, musā bhaṇato, karoto na karīyati pāpaṁ. Khurapariyantena cepi cakkena yo imissā pathaviyā pāṇe ekaṁ maṁsakhalaṁ ekaṁ maṁsapuñjaṁ kareyya, natthi tatonidānaṁ pāpaṁ, natthi pāpassa āgamo.

大王，亲自做或使人做，砍断或使人砍断，烧煮或使人烧煮，使人悲伤或折磨，恐吓或使人恐吓；杀生、不与取、破屋、劫掠、抢劫一家、拦路抢劫、与他人妻子交往、说妄语，作这些事的人都不作恶。即使用利刃之轮，使这大地上的有情成为一堆肉、一团肉，也不由此而有恶，不由此而有恶的增长。

dn2:17.3

Dakkhiṇañcepi gaṅgāya tīraṁ gaccheyya hananto ghātento chindanto chedāpento pacanto pācāpento, natthi tatonidānaṁ pāpaṁ, natthi pāpassa āgamo.

即使沿恒河南岸杀戮、使人杀戮，砍断、使人砍断，烧煮、使人烧煮，也不由此而有恶，不由此而有恶的增长。

dn2:17.4

Uttarañcepi gaṅgāya tīraṁ gaccheyya dadanto dāpento yajanto yajāpento, natthi tatonidānaṁ puññaṁ, natthi puññassa āgamo.

即使沿恒河北岸布施、使人布施，祭祀、使人祭祀，也不由此而有福，不由此而有福的增长。

dn2:17.5

Dānena damena saṁyamena saccavajjena natthi puññaṁ, natthi puññassa āgamo’ti.

布施、调御、自制、说实话，都没有福，也没有福的增长。

dn2:18.1

Itthaṁ kho me, bhante, pūraṇo kassapo sandiṭṭhikaṁ sāmaññaphalaṁ puṭṭho samāno akiriyaṁ byākāsi.

尊者，我问富兰那迦叶现见的沙门果，他却回答无作论。

dn2:18.2

Seyyathāpi, bhante, ambaṁ vā puṭṭho labujaṁ byākareyya, labujaṁ vā puṭṭho ambaṁ byākareyya;

尊者，正如问芒果，他却答波罗蜜；问波罗蜜，他却答芒果；

dn2:18.3

evameva kho me, bhante, pūraṇo kassapo sandiṭṭhikaṁ sāmaññaphalaṁ puṭṭho samāno akiriyaṁ byākāsi.

同样，尊者，我问富兰那迦叶现见的沙门果，他却回答无作论。

dn2:18.4

Tassa mayhaṁ, bhante, etadahosi:

尊者，我想：

dn2:18.5

‘kathañhi nāma mādiso samaṇaṁ vā brāhmaṇaṁ vā vijite vasantaṁ apasādetabbaṁ maññeyyā’ti.

像我这样的人，怎么会认为应呵斥居住在自己国土内的沙门或婆罗门呢？

dn2:18.6

So kho ahaṁ, bhante, pūraṇassa kassapassa bhāsitaṁ neva abhinandiṁ nappaṭikkosiṁ.

尊者，我对富兰那迦叶所说的话，既不欢喜，也不反对。

dn2:18.7

Anabhinanditvā appaṭikkositvā anattamano, anattamanavācaṁ anicchāretvā, tameva vācaṁ anuggaṇhanto anikkujjanto uṭṭhāyāsanā pakkamiṁ.

我既不欢喜也不反对，心中不悦却不说不悦的话，不接受也不驳斥那些话，就从座位起身离去。

dn2:19.1

Ekamidāhaṁ, bhante, samayaṁ yena makkhali gosālo tenupasaṅkamiṁ; upasaṅkamitvā makkhalinā gosālena saddhiṁ sammodiṁ.

尊者，有一次，我前往末伽梨瞿舍罗那里；到后，与末伽梨瞿舍罗互相问候。

dn2:19.2

Sammodanīyaṁ kathaṁ sāraṇīyaṁ vītisāretvā ekamantaṁ nisīdiṁ. Ekamantaṁ nisinno kho ahaṁ, bhante, makkhaliṁ gosālaṁ etadavocaṁ:

问候、寒暄之后，我坐在一旁。坐好后，我对末伽梨瞿舍罗说：

dn2:19.3

‘yathā nu kho imāni, bho gosāla, puthusippāyatanāni …pe…

瞿舍罗先生，正如这些各类技艺职业……

dn2:19.4

sakkā nu kho, bho gosāla, evameva diṭṭheva dhamme sandiṭṭhikaṁ sāmaññaphalaṁ paññapetun’ti?

瞿舍罗先生，同样能否指出在现法中现见的沙门果？

dn2:20.1

Evaṁ vutte, bhante, makkhali gosālo maṁ etadavoca:

这样说时，尊者，末伽梨瞿舍罗对我说：

dn2:20.2

‘natthi, mahārāja, hetu natthi paccayo sattānaṁ saṅkilesāya, ahetū apaccayā sattā saṅkilissanti.

大王，有情的染污无因无缘；有情无因无缘而染污。

dn2:20.3

Natthi hetu, natthi paccayo sattānaṁ visuddhiyā,

有情的清净无因无缘；

dn2:20.4

ahetū apaccayā sattā visujjhanti.

有情无因无缘而清净。

dn2:20.5

Natthi attakāre, natthi parakāre, natthi purisakāre, natthi balaṁ, natthi vīriyaṁ, natthi purisathāmo, natthi purisaparakkamo.

没有自作，没有他作，没有人的作为；没有力量，没有精进，没有人的勇力，没有人的努力。

dn2:20.6

Sabbe sattā sabbe pāṇā sabbe bhūtā sabbe jīvā avasā abalā avīriyā niyatisaṅgatibhāvapariṇatā chasvevābhijātīsu sukhadukkhaṁ paṭisaṁvedenti.

一切有情、一切有命者、一切生类、一切生命主体，都无自主、无力、无精进，由命定、际遇和本性而变化，在六种生类中感受苦乐。

dn2:20.7

Cuddasa kho panimāni yonipamukhasatasahassāni saṭṭhi ca satāni cha ca satāni pañca ca kammuno satāni pañca ca kammāni tīṇi ca kammāni kamme ca aḍḍhakamme ca dvaṭṭhipaṭipadā dvaṭṭhantarakappā chaḷābhijātiyo aṭṭha purisabhūmiyo ekūnapaññāsa ājīvakasate ekūnapaññāsa paribbājakasate ekūnapaññāsa nāgāvāsasate vīse indriyasate tiṁse nirayasate chattiṁsa rajodhātuyo satta saññīgabbhā satta asaññīgabbhā satta nigaṇṭhigabbhā satta devā satta mānusā satta pisācā satta sarā satta pavuṭā satta pavuṭasatāni satta papātā satta papātasatāni satta supinā satta supinasatāni cullāsīti mahākappino satasahassāni, yāni bāle ca paṇḍite ca sandhāvitvā saṁsaritvā dukkhassantaṁ karissanti.

有一百四十万主要出生类、六千和六百；有五百业、五业、三业、业与半业；六十二行道、六十二中劫、六种生类、人的八个阶段；四千九百活命者、四千九百游行者、四千九百龙居处；二千根、三千地狱、三十六尘界；七有想胎、七无想胎、七无结胎、七天、七人、七鬼、七湖、七弃身、七百弃身、七崖、七百崖、七梦、七百梦，以及八百四十万大劫。愚者与智者都要在这些之中流转轮回，才尽苦。

dn2:20.8

Tattha natthi “imināhaṁ sīlena vā vatena vā tapena vā brahmacariyena vā aparipakkaṁ vā kammaṁ paripācessāmi, paripakkaṁ vā kammaṁ phussa phussa byantiṁ karissāmī”ti hevaṁ natthi.

不能有这样的事：“我靠这戒、禁行、苦行或梵行，使未熟之业成熟，或在每次感受后耗尽已熟之业。”

dn2:20.9

Doṇamite sukhadukkhe pariyantakate saṁsāre, natthi hāyanavaḍḍhane, natthi ukkaṁsāvakaṁse.

苦乐已经量定，轮回已经限定；没有减增，也没有进退。

dn2:20.10

Seyyathāpi nāma suttaguḷe khitte nibbeṭhiyamānameva paleti;

正如抛出线团，线团展开而行；

dn2:20.11

evameva bāle ca paṇḍite ca sandhāvitvā saṁsaritvā dukkhassantaṁ karissantī’ti.

愚者与智者流转轮回以后，也就尽苦。

dn2:21.1

Itthaṁ kho me, bhante, makkhali gosālo sandiṭṭhikaṁ sāmaññaphalaṁ puṭṭho samāno saṁsārasuddhiṁ byākāsi.

尊者，我问末伽梨瞿舍罗现见的沙门果，他却回答由轮回而清净。

dn2:21.2

Seyyathāpi, bhante, ambaṁ vā puṭṭho labujaṁ byākareyya, labujaṁ vā puṭṭho ambaṁ byākareyya;

尊者，正如问芒果，他却答波罗蜜；问波罗蜜，他却答芒果；

dn2:21.3

evameva kho me, bhante, makkhali gosālo sandiṭṭhikaṁ sāmaññaphalaṁ puṭṭho samāno saṁsārasuddhiṁ byākāsi.

同样，尊者，我问末伽梨瞿舍罗现见的沙门果，他却回答由轮回而清净。

dn2:21.4

Tassa mayhaṁ, bhante, etadahosi:

尊者，我想：

dn2:21.5

‘kathañhi nāma mādiso samaṇaṁ vā brāhmaṇaṁ vā vijite vasantaṁ apasādetabbaṁ maññeyyā’ti.

像我这样的人，怎么会认为应呵斥居住在自己国土内的沙门或婆罗门呢？

dn2:21.6

So kho ahaṁ, bhante, makkhalissa gosālassa bhāsitaṁ neva abhinandiṁ nappaṭikkosiṁ.

尊者，我对末伽梨瞿舍罗所说的话，既不欢喜，也不反对。

dn2:21.7

Anabhinanditvā appaṭikkositvā anattamano, anattamanavācaṁ anicchāretvā, tameva vācaṁ anuggaṇhanto anikkujjanto uṭṭhāyāsanā pakkamiṁ.

我既不欢喜也不反对，心中不悦却不说不悦的话，不接受也不驳斥那些话，就从座位起身离去。

dn2:22.1

Ekamidāhaṁ, bhante, samayaṁ yena ajito kesakambalo tenupasaṅkamiṁ; upasaṅkamitvā ajitena kesakambalena saddhiṁ sammodiṁ.

尊者，有一次，我前往阿夷多翅舍钦婆罗那里；到后，与阿夷多翅舍钦婆罗互相问候。

dn2:22.2

Sammodanīyaṁ kathaṁ sāraṇīyaṁ vītisāretvā ekamantaṁ nisīdiṁ. Ekamantaṁ nisinno kho ahaṁ, bhante, ajitaṁ kesakambalaṁ etadavocaṁ:

问候、寒暄之后，我坐在一旁。坐好后，我对阿夷多翅舍钦婆罗说：

dn2:22.3

‘yathā nu kho imāni, bho ajita, puthusippāyatanāni …pe…

阿夷多先生，正如这些各类技艺职业……

dn2:22.4

sakkā nu kho, bho ajita, evameva diṭṭheva dhamme sandiṭṭhikaṁ sāmaññaphalaṁ paññapetun’ti?

阿夷多先生，同样能否指出在现法中现见的沙门果？

dn2:23.1

Evaṁ vutte, bhante, ajito kesakambalo maṁ etadavoca:

这样说时，尊者，阿夷多翅舍钦婆罗对我说：

dn2:23.2

‘natthi, mahārāja, dinnaṁ, natthi yiṭṭhaṁ, natthi hutaṁ, natthi sukatadukkaṭānaṁ kammānaṁ phalaṁ vipāko, natthi ayaṁ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammāpaṭipannā, ye imañca lokaṁ parañca lokaṁ sayaṁ abhiññā sacchikatvā pavedenti.

大王，没有布施，没有祭祀，没有供献，没有善作恶作之业的果与异熟；没有此世，没有他世，没有母亲，没有父亲，没有化生有情；世上没有正行、正修的沙门、婆罗门，以自己的证知亲证此世与他世而宣说。

dn2:23.3

Cātumahābhūtiko ayaṁ puriso, yadā kālaṁ karoti, pathavī pathavikāyaṁ anupeti anupagacchati, āpo āpokāyaṁ anupeti anupagacchati, tejo tejokāyaṁ anupeti anupagacchati, vāyo vāyokāyaṁ anupeti anupagacchati, ākāsaṁ indriyāni saṅkamanti.

这个人由四大构成。命终时，地归入地身，水归入水身，火归入火身，风归入风身；诸根转入虚空。

dn2:23.4

Āsandipañcamā purisā mataṁ ādāya gacchanti.

四人连同床架为第五，抬着死者而去。

dn2:23.5

Yāvāḷāhanā padāni paññāyanti.

足迹直到焚尸处仍可见。

dn2:23.6

Kāpotakāni aṭṭhīni bhavanti, bhassantā āhutiyo.

骨头成为鸽色，供物以灰为终。

dn2:23.7

Dattupaññattaṁ yadidaṁ dānaṁ.

所谓布施，是愚人的设施。

dn2:23.8

Tesaṁ tucchaṁ musā vilāpo ye keci atthikavādaṁ vadanti.

凡主张“有”的人，所说的都是空洞虚假的妄谈。

dn2:23.9

Bāle ca paṇḍite ca kāyassa bhedā ucchijjanti vinassanti, na honti paraṁ maraṇā’ti.

愚者与智者，身坏后都断灭、消失，死后不再存在。

dn2:24.1

Itthaṁ kho me, bhante, ajito kesakambalo sandiṭṭhikaṁ sāmaññaphalaṁ puṭṭho samāno ucchedaṁ byākāsi.

尊者，我问阿夷多翅舍钦婆罗现见的沙门果，他却回答断灭。

dn2:24.2

Seyyathāpi, bhante, ambaṁ vā puṭṭho labujaṁ byākareyya, labujaṁ vā puṭṭho ambaṁ byākareyya;

尊者，正如问芒果，他却答波罗蜜；问波罗蜜，他却答芒果；

dn2:24.3

evameva kho me, bhante, ajito kesakambalo sandiṭṭhikaṁ sāmaññaphalaṁ puṭṭho samāno ucchedaṁ byākāsi.

同样，尊者，我问阿夷多翅舍钦婆罗现见的沙门果，他却回答断灭。

dn2:24.4

Tassa mayhaṁ, bhante, etadahosi:

尊者，我想：

dn2:24.5

‘kathañhi nāma mādiso samaṇaṁ vā brāhmaṇaṁ vā vijite vasantaṁ apasādetabbaṁ maññeyyā’ti.

像我这样的人，怎么会认为应呵斥居住在自己国土内的沙门或婆罗门呢？

dn2:24.6

So kho ahaṁ, bhante, ajitassa kesakambalassa bhāsitaṁ neva abhinandiṁ nappaṭikkosiṁ.

尊者，我对阿夷多翅舍钦婆罗所说的话，既不欢喜，也不反对。

dn2:24.7

Anabhinanditvā appaṭikkositvā anattamano anattamanavācaṁ anicchāretvā tameva vācaṁ anuggaṇhanto anikkujjanto uṭṭhāyāsanā pakkamiṁ.

我既不欢喜也不反对，心中不悦却不说不悦的话，不接受也不驳斥那些话，就从座位起身离去。

dn2:25.1

Ekamidāhaṁ, bhante, samayaṁ yena pakudho kaccāyano tenupasaṅkamiṁ; upasaṅkamitvā pakudhena kaccāyanena saddhiṁ sammodiṁ.

尊者，有一次，我前往波浮陀迦旃延那里；到后，与波浮陀迦旃延互相问候。

dn2:25.2

Sammodanīyaṁ kathaṁ sāraṇīyaṁ vītisāretvā ekamantaṁ nisīdiṁ. Ekamantaṁ nisinno kho ahaṁ, bhante, pakudhaṁ kaccāyanaṁ etadavocaṁ:

问候、寒暄之后，我坐在一旁。坐好后，我对波浮陀迦旃延说：

dn2:25.3

‘yathā nu kho imāni, bho kaccāyana, puthusippāyatanāni …pe…

迦旃延先生，正如这些各类技艺职业……

dn2:25.4

sakkā nu kho, bho kaccāyana, evameva diṭṭheva dhamme sandiṭṭhikaṁ sāmaññaphalaṁ paññapetun’ti?

迦旃延先生，同样能否指出在现法中现见的沙门果？

dn2:26.1

Evaṁ vutte, bhante, pakudho kaccāyano maṁ etadavoca:

这样说时，尊者，波浮陀迦旃延对我说：

dn2:26.2

‘sattime, mahārāja, kāyā akaṭā akaṭavidhā animmitā animmātā vañjhā kūṭaṭṭhā esikaṭṭhāyiṭṭhitā.

大王，有七种身，非作、非所作、非造、非所造，不生，如山峰常住，如柱子般坚立。

dn2:26.3

Te na iñjanti, na vipariṇamanti, na aññamaññaṁ byābādhenti, nālaṁ aññamaññassa sukhāya vā dukkhāya vā sukhadukkhāya vā.

它们不动摇，不变化，不互相损害，不能使彼此有乐、有苦或苦乐。

dn2:26.4

Katame satta?

是哪七种？

dn2:26.5

Pathavikāyo, āpokāyo, tejokāyo, vāyokāyo, sukhe, dukkhe, jīve sattame—

地身、水身、火身、风身、乐、苦，第七是生命主体。

dn2:26.6

ime satta kāyā akaṭā akaṭavidhā animmitā animmātā vañjhā kūṭaṭṭhā esikaṭṭhāyiṭṭhitā.

这七种身，非作、非所作、非造、非所造，不生，如山峰常住，如柱子般坚立。

dn2:26.7

Te na iñjanti, na vipariṇamanti, na aññamaññaṁ byābādhenti, nālaṁ aññamaññassa sukhāya vā dukkhāya vā sukhadukkhāya vā.

它们不动摇，不变化，不互相损害，不能使彼此有乐、有苦或苦乐。

dn2:26.8

Tattha natthi hantā vā ghātetā vā, sotā vā sāvetā vā, viññātā vā viññāpetā vā.

其中没有杀者，没有使人杀者，没有听者，没有使人听者，没有知者，没有使人知者。

dn2:26.9

Yopi tiṇhena satthena sīsaṁ chindati, na koci kiñci jīvitā voropeti;

即使用利刀砍断头颅，也没有任何人夺去任何人的生命；

dn2:26.10

sattannaṁ tveva kāyānamantarena satthaṁ vivaramanupatatī’ti.

刀只是穿过七种身之间的空隙。

dn2:27.1

Itthaṁ kho me, bhante, pakudho kaccāyano sandiṭṭhikaṁ sāmaññaphalaṁ puṭṭho samāno aññena aññaṁ byākāsi.

尊者，我问波浮陀迦旃延现见的沙门果，他却回答另一件事。

dn2:27.2

Seyyathāpi, bhante, ambaṁ vā puṭṭho labujaṁ byākareyya, labujaṁ vā puṭṭho ambaṁ byākareyya;

尊者，正如问芒果，他却答波罗蜜；问波罗蜜，他却答芒果；

dn2:27.3

evameva kho me, bhante, pakudho kaccāyano sandiṭṭhikaṁ sāmaññaphalaṁ puṭṭho samāno aññena aññaṁ byākāsi.

同样，尊者，我问波浮陀迦旃延现见的沙门果，他却回答另一件事。

dn2:27.4

Tassa mayhaṁ, bhante, etadahosi:

尊者，我想：

dn2:27.5

‘kathañhi nāma mādiso samaṇaṁ vā brāhmaṇaṁ vā vijite vasantaṁ apasādetabbaṁ maññeyyā’ti.

像我这样的人，怎么会认为应呵斥居住在自己国土内的沙门或婆罗门呢？

dn2:27.6

So kho ahaṁ, bhante, pakudhassa kaccāyanassa bhāsitaṁ neva abhinandiṁ nappaṭikkosiṁ,

尊者，我对波浮陀迦旃延所说的话，既不欢喜，也不反对。

dn2:27.7

anabhinanditvā appaṭikkositvā anattamano, anattamanavācaṁ anicchāretvā tameva vācaṁ anuggaṇhanto anikkujjanto uṭṭhāyāsanā pakkamiṁ.

我既不欢喜也不反对，心中不悦却不说不悦的话，不接受也不驳斥那些话，就从座位起身离去。

dn2:28.1

Ekamidāhaṁ, bhante, samayaṁ yena nigaṇṭho nāṭaputto tenupasaṅkamiṁ; upasaṅkamitvā nigaṇṭhena nāṭaputtena saddhiṁ sammodiṁ.

尊者，有一次，我前往尼乾陀若提子那里；到后，与尼乾陀若提子互相问候。

dn2:28.2

Sammodanīyaṁ kathaṁ sāraṇīyaṁ vītisāretvā ekamantaṁ nisīdiṁ. Ekamantaṁ nisinno kho ahaṁ, bhante, nigaṇṭhaṁ nāṭaputtaṁ etadavocaṁ:

问候、寒暄之后，我坐在一旁。坐好后，我对尼乾陀若提子说：

dn2:28.3

‘yathā nu kho imāni, bho aggivessana, puthusippāyatanāni …pe…

火种先生，正如这些各类技艺职业……

dn2:28.4

sakkā nu kho, bho aggivessana, evameva diṭṭheva dhamme sandiṭṭhikaṁ sāmaññaphalaṁ paññapetun’ti?

火种先生，同样能否指出在现法中现见的沙门果？

dn2:29.1

Evaṁ vutte, bhante, nigaṇṭho nāṭaputto maṁ etadavoca:

这样说时，尊者，尼乾陀若提子对我说：

dn2:29.2

‘idha, mahārāja, nigaṇṭho cātuyāmasaṁvarasaṁvuto hoti.

大王，这里，尼乾陀以四重防护而受护。

dn2:29.3

Kathañca, mahārāja, nigaṇṭho cātuyāmasaṁvarasaṁvuto hoti?

大王，尼乾陀怎样以四重防护而受护？

dn2:29.4

Idha, mahārāja, nigaṇṭho sabbavārivārito ca hoti, sabbavāriyutto ca, sabbavāridhuto ca, sabbavāriphuṭo ca.

大王，这里，尼乾陀对一切应防护之事加以防护，对一切应约束之事受约束，在一切应约束之事上除去恶，在一切应约束之事上受制约。

dn2:29.5

Evaṁ kho, mahārāja, nigaṇṭho cātuyāmasaṁvarasaṁvuto hoti.

大王，尼乾陀就是这样以四重防护而受护。

dn2:29.6

Yato kho, mahārāja, nigaṇṭho evaṁ cātuyāmasaṁvarasaṁvuto hoti;

大王，尼乾陀如此以四重防护而受护时，

dn2:29.7

ayaṁ vuccati, mahārāja, nigaṇṭho gatatto ca yatatto ca ṭhitatto cā’ti.

就称为已至、自制、自立的尼乾陀。

dn2:30.1

Itthaṁ kho me, bhante, nigaṇṭho nāṭaputto sandiṭṭhikaṁ sāmaññaphalaṁ puṭṭho samāno cātuyāmasaṁvaraṁ byākāsi.

尊者，我问尼乾陀若提子现见的沙门果，他却回答四重防护。

dn2:30.2

Seyyathāpi, bhante, ambaṁ vā puṭṭho labujaṁ byākareyya, labujaṁ vā puṭṭho ambaṁ byākareyya;

尊者，正如问芒果，他却答波罗蜜；问波罗蜜，他却答芒果；

dn2:30.3

evameva kho me, bhante, nigaṇṭho nāṭaputto sandiṭṭhikaṁ sāmaññaphalaṁ puṭṭho samāno cātuyāmasaṁvaraṁ byākāsi.

同样，尊者，我问尼乾陀若提子现见的沙门果，他却回答四重防护。

dn2:30.4

Tassa mayhaṁ, bhante, etadahosi:

尊者，我想：

dn2:30.5

‘kathañhi nāma mādiso samaṇaṁ vā brāhmaṇaṁ vā vijite vasantaṁ apasādetabbaṁ maññeyyā’ti.

像我这样的人，怎么会认为应呵斥居住在自己国土内的沙门或婆罗门呢？

dn2:30.6

So kho ahaṁ, bhante, nigaṇṭhassa nāṭaputtassa bhāsitaṁ neva abhinandiṁ nappaṭikkosiṁ.

尊者，我对尼乾陀若提子所说的话，既不欢喜，也不反对。

dn2:30.7

Anabhinanditvā appaṭikkositvā anattamano anattamanavācaṁ anicchāretvā tameva vācaṁ anuggaṇhanto anikkujjanto uṭṭhāyāsanā pakkamiṁ.

我既不欢喜也不反对，心中不悦却不说不悦的话，不接受也不驳斥那些话，就从座位起身离去。

dn2:31.1

Ekamidāhaṁ, bhante, samayaṁ yena sañcayo belaṭṭhaputto tenupasaṅkamiṁ; upasaṅkamitvā sañcayena belaṭṭhaputtena saddhiṁ sammodiṁ.

尊者，有一次，我前往散若夷毗罗梨子那里；到后，与散若夷毗罗梨子互相问候。

dn2:31.2

Sammodanīyaṁ kathaṁ sāraṇīyaṁ vītisāretvā ekamantaṁ nisīdiṁ. Ekamantaṁ nisinno kho ahaṁ, bhante, sañcayaṁ belaṭṭhaputtaṁ etadavocaṁ:

问候、寒暄之后，我坐在一旁。坐好后，我对散若夷毗罗梨子说：

dn2:31.3

‘yathā nu kho imāni, bho sañcaya, puthusippāyatanāni …pe…

散若夷先生，正如这些各类技艺职业……

dn2:31.4

sakkā nu kho, bho sañcaya, evameva diṭṭheva dhamme sandiṭṭhikaṁ sāmaññaphalaṁ paññapetun’ti?

散若夷先生，同样能否指出在现法中现见的沙门果？

dn2:32.1

Evaṁ vutte, bhante, sañcayo belaṭṭhaputto maṁ etadavoca:

这样说时，尊者，散若夷毗罗梨子对我说：

dn2:32.2

‘atthi paro lokoti iti ce maṁ pucchasi, atthi paro lokoti iti ce me assa, atthi paro lokoti iti te naṁ byākareyyaṁ.

如果您问我“有他世吗”，而我认为有他世，我就会向您答“有他世”。

dn2:32.3

Evantipi me no, tathātipi me no, aññathātipi me no, notipi me no, no notipi me no.

但我不说这样，也不说那样，也不说异样，也不说不是，也不说不是不是。

dn2:32.4

Natthi paro loko …pe…

没有他世……

dn2:32.5

atthi ca natthi ca paro loko …pe…

既有又没有他世……

dn2:32.6

nevatthi na natthi paro loko …pe…

既非有也非没有他世……

dn2:32.7

atthi sattā opapātikā …pe…

有化生有情……

dn2:32.8

natthi sattā opapātikā …pe…

没有化生有情……

dn2:32.9

atthi ca natthi ca sattā opapātikā …pe…

既有又没有化生有情……

dn2:32.10

nevatthi na natthi sattā opapātikā …pe…

既非有也非没有化生有情……

dn2:32.11

atthi sukatadukkaṭānaṁ kammānaṁ phalaṁ vipāko …pe…

有善作恶作之业的果与异熟……

dn2:32.12

natthi sukatadukkaṭānaṁ kammānaṁ phalaṁ vipāko …pe…

没有善作恶作之业的果与异熟……

dn2:32.13

atthi ca natthi ca sukatadukkaṭānaṁ kammānaṁ phalaṁ vipāko …pe…

既有又没有善作恶作之业的果与异熟……

dn2:32.14

nevatthi na natthi sukatadukkaṭānaṁ kammānaṁ phalaṁ vipāko …pe…

既非有也非没有善作恶作之业的果与异熟……

dn2:32.15

hoti tathāgato paraṁ maraṇā …pe…

如来死后存在……

dn2:32.16

na hoti tathāgato paraṁ maraṇā …pe…

如来死后不存在……

dn2:32.17

hoti ca na ca hoti tathāgato paraṁ maraṇā …pe…

如来死后既存在又不存在……

dn2:32.18

neva hoti na na hoti tathāgato paraṁ maraṇāti iti ce maṁ pucchasi, neva hoti na na hoti tathāgato paraṁ maraṇāti iti ce me assa, neva hoti na na hoti tathāgato paraṁ maraṇāti iti te naṁ byākareyyaṁ.

如果您问我“如来死后既非存在也非不存在”，而我认为如来死后既非存在也非不存在，我就会向您这样回答。

dn2:32.19

Evantipi me no, tathātipi me no, aññathātipi me no, notipi me no, no notipi me no’ti.

但我不说这样，也不说那样，也不说异样，也不说不是，也不说不是不是。

dn2:33.1

Itthaṁ kho me, bhante, sañcayo belaṭṭhaputto sandiṭṭhikaṁ sāmaññaphalaṁ puṭṭho samāno vikkhepaṁ byākāsi.

尊者，我问散若夷毗罗梨子现见的沙门果，他却回答游移回避。

dn2:33.2

Seyyathāpi, bhante, ambaṁ vā puṭṭho labujaṁ byākareyya, labujaṁ vā puṭṭho ambaṁ byākareyya;

尊者，正如问芒果，他却答波罗蜜；问波罗蜜，他却答芒果；

dn2:33.3

evameva kho me, bhante, sañcayo belaṭṭhaputto sandiṭṭhikaṁ sāmaññaphalaṁ puṭṭho samāno vikkhepaṁ byākāsi.

同样，尊者，我问散若夷毗罗梨子现见的沙门果，他却回答游移回避。

dn2:33.4

Tassa mayhaṁ, bhante, etadahosi:

尊者，我想：

dn2:33.5

‘ayañca imesaṁ samaṇabrāhmaṇānaṁ sabbabālo sabbamūḷho.

这人在这些沙门、婆罗门之中，最愚蠢，最迷惑。

dn2:33.6

Kathañhi nāma sandiṭṭhikaṁ sāmaññaphalaṁ puṭṭho samāno vikkhepaṁ byākarissatī’ti.

怎么问他现见的沙门果，他却作游移回避的回答呢？

dn2:33.7

Tassa mayhaṁ, bhante, etadahosi:

尊者，我想：

dn2:33.8

‘kathañhi nāma mādiso samaṇaṁ vā brāhmaṇaṁ vā vijite vasantaṁ apasādetabbaṁ maññeyyā’ti.

像我这样的人，怎么会认为应呵斥居住在自己国土内的沙门或婆罗门呢？

dn2:33.9

So kho ahaṁ, bhante, sañcayassa belaṭṭhaputtassa bhāsitaṁ neva abhinandiṁ nappaṭikkosiṁ.

尊者，我对散若夷毗罗梨子所说的话，既不欢喜，也不反对。

dn2:33.10

Anabhinanditvā appaṭikkositvā anattamano anattamanavācaṁ anicchāretvā tameva vācaṁ anuggaṇhanto anikkujjanto uṭṭhāyāsanā pakkamiṁ.

我既不欢喜也不反对，心中不悦却不说不悦的话，不接受也不驳斥那些话，就从座位起身离去。

dn2:34.1

Sohaṁ, bhante, bhagavantampi pucchāmi:

尊者，因此我也问世尊：

dn2:34.2

‘yathā nu kho imāni, bhante, puthusippāyatanāni

尊者，正如这些各类技艺职业，

dn2:34.3

seyyathidaṁ—hatthārohā assārohā rathikā dhanuggahā celakā calakā piṇḍadāyakā uggā rājaputtā pakkhandino mahānāgā sūrā cammayodhino dāsikaputtā

例如象师、骑兵、车兵、弓箭手、旗手、军队部署者、供食者、猛士、王子、突击者、大勇士、英雄、皮甲兵、奴婢之子，

dn2:34.4

āḷārikā kappakā nhāpakā sūdā mālakārā rajakā pesakārā naḷakārā kumbhakārā gaṇakā muddikā, yāni vā panaññānipi evaṅgatāni puthusippāyatanāni, te diṭṭheva dhamme sandiṭṭhikaṁ sippaphalaṁ upajīvanti,

以及糕饼师、理发师、浴师、厨师、花鬘师、洗衣师、织工、苇编工、陶工、计算者、记账者，或其他这样的各类技艺者。他们在现法中，依靠现见的技艺成果生活，

dn2:34.5

te tena attānaṁ sukhenti pīṇenti, mātāpitaro sukhenti pīṇenti, puttadāraṁ sukhenti pīṇenti, mittāmacce sukhenti pīṇenti, samaṇabrāhmaṇesu uddhaggikaṁ dakkhiṇaṁ patiṭṭhapenti sovaggikaṁ sukhavipākaṁ saggasaṁvattanikaṁ.

以此使自己快乐满足，使父母快乐满足，使妻子儿女快乐满足，使朋友同伴快乐满足；对沙门、婆罗门设立上升的供养，使其趋向天界，感得乐的果报，导向天界。

dn2:34.6

Sakkā nu kho, bhante, evameva diṭṭheva dhamme sandiṭṭhikaṁ sāmaññaphalaṁ paññapetun’”ti?

尊者，同样能否指出在现法中现见的沙门果？

dn2:34.7

“Sakkā, mahārāja.

大王，可以。

dn2:34.8

Tena hi, mahārāja, taññevettha paṭipucchissāmi. Yathā te khameyya, tathā naṁ byākareyyāsi.

那么，大王，我就此反问你，请按你的意思回答。

dn2:35.1

Taṁ kiṁ maññasi, mahārāja,

大王，你怎么看？

dn2:35.2

idha te assa puriso dāso kammakāro pubbuṭṭhāyī pacchānipātī kiṅkārapaṭissāvī manāpacārī piyavādī mukhullokako.

假设你有一位奴仆、佣工，早起晚睡，听候吩咐，举止顺意，说悦耳的话，察看你的脸色。

dn2:35.3

Tassa evamassa:

他想：

dn2:35.4

‘acchariyaṁ, vata bho, abbhutaṁ, vata bho, puññānaṁ gati, puññānaṁ vipāko.

福业的去向、福业的异熟，实在稀有，实在奇妙！

dn2:35.5

Ayañhi rājā māgadho ajātasattu vedehiputto manusso; ahampi manusso.

这位摩揭陀王韦提希子阿阇世是人，我也是人。

dn2:35.6

Ayañhi rājā māgadho ajātasattu vedehiputto pañcahi kāmaguṇehi samappito samaṅgībhūto paricāreti, devo maññe.

他具备、享有五欲，游乐如天人。

dn2:35.7

Ahaṁ panamhissa dāso kammakāro pubbuṭṭhāyī pacchānipātī kiṅkārapaṭissāvī manāpacārī piyavādī mukhullokako.

我却是他的奴仆、佣工，早起晚睡，听候吩咐，举止顺意，说悦耳的话，察看他的脸色。

dn2:35.8

So vatassāhaṁ puññāni kareyyaṁ.

我也应作福业。

dn2:35.9

Yannūnāhaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajeyyan’ti.

我何不剃除须发，披上袈裟，从家出家，成为无家者？

dn2:35.10

So aparena samayena kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajeyya.

后来，他剃除须发，披上袈裟，从家出家，成为无家者。

dn2:35.11

So evaṁ pabbajito samāno kāyena saṁvuto vihareyya, vācāya saṁvuto vihareyya, manasā saṁvuto vihareyya, ghāsacchādanaparamatāya santuṭṭho, abhirato paviveke.

如此出家以后，他在身、语、意上自制，以仅有的饮食衣服知足，乐于远离。

dn2:35.12

Tañce te purisā evamāroceyyuṁ:

如果有人向你禀报：

dn2:35.13

‘yagghe, deva, jāneyyāsi, yo te so puriso dāso kammakāro pubbuṭṭhāyī pacchānipātī kiṅkārapaṭissāvī manāpacārī piyavādī mukhullokako;

大王，请知：您的那位奴仆、佣工，早起晚睡，听候吩咐，举止顺意，说悦耳的话，察看您脸色的那个人，

dn2:35.14

so, deva, kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajito.

已经剃除须发，披上袈裟，从家出家，成为无家者。

dn2:35.15

So evaṁ pabbajito samāno kāyena saṁvuto viharati, vācāya saṁvuto viharati, manasā saṁvuto viharati, ghāsacchādanaparamatāya santuṭṭho, abhirato paviveke’ti.

出家以后，他在身、语、意上自制，以仅有的饮食衣服知足，乐于远离。

dn2:35.16

Api nu tvaṁ evaṁ vadeyyāsi:

你会这样说吗：

dn2:35.17

‘etu me, bho, so puriso, punadeva hotu dāso kammakāro pubbuṭṭhāyī pacchānipātī kiṅkārapaṭissāvī manāpacārī piyavādī mukhullokako’”ti?

各位，叫那人来！让他重新做我的奴仆、佣工，早起晚睡，听候吩咐，举止顺意，说悦耳的话，察看我的脸色！

dn2:36.1

“No hetaṁ, bhante.

尊者，不会。

dn2:36.2

Atha kho naṁ mayameva abhivādeyyāmapi, paccuṭṭheyyāmapi, āsanenapi nimanteyyāma, abhinimanteyyāmapi naṁ cīvarapiṇḍapātasenāsanagilānappaccayabhesajjaparikkhārehi, dhammikampissa rakkhāvaraṇaguttiṁ saṁvidaheyyāmā”ti.

相反，我们会礼敬他，起身迎接他，邀请他入座，并请他接受衣服、团食、卧坐具与病缘医药资具，还为他安排如法的守护与保护。

dn2:36.3

“Taṁ kiṁ maññasi, mahārāja,

大王，你怎么看？

dn2:36.4

yadi evaṁ sante hoti vā sandiṭṭhikaṁ sāmaññaphalaṁ no vā”ti?

这样说来，有没有现见的沙门果？

dn2:36.5

“Addhā kho, bhante, evaṁ sante hoti sandiṭṭhikaṁ sāmaññaphalan”ti.

尊者，确实，这样说来有现见的沙门果。

dn2:36.6

“Idaṁ kho te, mahārāja, mayā paṭhamaṁ diṭṭheva dhamme sandiṭṭhikaṁ sāmaññaphalaṁ paññattan”ti.

大王，这是我为你指出的第一种在现法中现见的沙门果。

dn2:37.1

“Sakkā pana, bhante, aññampi evameva diṭṭheva dhamme sandiṭṭhikaṁ sāmaññaphalaṁ paññapetun”ti?

尊者，能否同样指出另一种在现法中现见的沙门果？

dn2:37.2

“Sakkā, mahārāja.

大王，可以。

dn2:37.3

Tena hi, mahārāja, taññevettha paṭipucchissāmi. Yathā te khameyya, tathā naṁ byākareyyāsi.

那么，大王，我就此反问你，请按你的意思回答。

dn2:37.4

Taṁ kiṁ maññasi, mahārāja,

大王，你怎么看？

dn2:37.5

idha te assa puriso kassako gahapatiko karakārako rāsivaḍḍhako.

假设你有一位农夫、居士，缴纳税赋，增加财库。

dn2:37.6

Tassa evamassa:

他想：

dn2:37.7

‘acchariyaṁ vata bho, abbhutaṁ vata bho, puññānaṁ gati, puññānaṁ vipāko.

福业的去向、福业的异熟，实在稀有，实在奇妙！

dn2:37.8

Ayañhi rājā māgadho ajātasattu vedehiputto manusso, ahampi manusso.

这位摩揭陀王韦提希子阿阇世是人，我也是人。

dn2:37.9

Ayañhi rājā māgadho ajātasattu vedehiputto pañcahi kāmaguṇehi samappito samaṅgībhūto paricāreti, devo maññe.

他具备、享有五欲，游乐如天人。

dn2:37.10

Ahaṁ panamhissa kassako gahapatiko karakārako rāsivaḍḍhako.

我却是他的农夫、居士，缴纳税赋，增加财库。

dn2:37.11

So vatassāhaṁ puññāni kareyyaṁ.

我也应作福业。

dn2:37.12

Yannūnāhaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajeyyan’ti.

我何不剃除须发，披上袈裟，从家出家，成为无家者？

dn2:37.13

So aparena samayena appaṁ vā bhogakkhandhaṁ pahāya mahantaṁ vā bhogakkhandhaṁ pahāya, appaṁ vā ñātiparivaṭṭaṁ pahāya mahantaṁ vā ñātiparivaṭṭaṁ pahāya kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajeyya.

后来，他舍弃或少或多的财产，舍弃或少或多的亲属圈，剃除须发，披上袈裟，从家出家，成为无家者。

dn2:37.14

So evaṁ pabbajito samāno kāyena saṁvuto vihareyya, vācāya saṁvuto vihareyya, manasā saṁvuto vihareyya, ghāsacchādanaparamatāya santuṭṭho, abhirato paviveke.

如此出家以后，他在身、语、意上自制，以仅有的饮食衣服知足，乐于远离。

dn2:37.15

Tañce te purisā evamāroceyyuṁ:

如果有人向你禀报：

dn2:37.16

‘yagghe, deva, jāneyyāsi, yo te so puriso kassako gahapatiko karakārako rāsivaḍḍhako;

大王，请知：您那位缴纳税赋、增加财库的农夫、居士，

dn2:37.17

so deva kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajito.

已经剃除须发，披上袈裟，从家出家，成为无家者。

dn2:37.18

So evaṁ pabbajito samāno kāyena saṁvuto viharati, vācāya saṁvuto viharati, manasā saṁvuto viharati, ghāsacchādanaparamatāya santuṭṭho, abhirato paviveke’ti.

出家以后，他在身、语、意上自制，以仅有的饮食衣服知足，乐于远离。

dn2:37.19

Api nu tvaṁ evaṁ vadeyyāsi:

你会这样说吗：

dn2:37.20

‘etu me, bho, so puriso, punadeva hotu kassako gahapatiko karakārako rāsivaḍḍhako’”ti?

各位，叫那人来！让他重新做我的农夫、居士，缴纳税赋，增加财库！

dn2:38.1

“No hetaṁ, bhante.

尊者，不会。

dn2:38.2

Atha kho naṁ mayameva abhivādeyyāmapi, paccuṭṭheyyāmapi, āsanenapi nimanteyyāma, abhinimanteyyāmapi naṁ cīvarapiṇḍapātasenāsanagilānappaccayabhesajjaparikkhārehi, dhammikampissa rakkhāvaraṇaguttiṁ saṁvidaheyyāmā”ti.

相反，我们会礼敬他，起身迎接他，邀请他入座，并请他接受衣服、团食、卧坐具与病缘医药资具，还为他安排如法的守护与保护。

dn2:38.3

“Taṁ kiṁ maññasi, mahārāja?

大王，你怎么看？

dn2:38.4

Yadi evaṁ sante hoti vā sandiṭṭhikaṁ sāmaññaphalaṁ no vā”ti?

这样说来，有没有现见的沙门果？

dn2:38.5

“Addhā kho, bhante, evaṁ sante hoti sandiṭṭhikaṁ sāmaññaphalan”ti.

尊者，确实，这样说来有现见的沙门果。

dn2:38.6

“Idaṁ kho te, mahārāja, mayā dutiyaṁ diṭṭheva dhamme sandiṭṭhikaṁ sāmaññaphalaṁ paññattan”ti.

大王，这是我为你指出的第二种在现法中现见的沙门果。

dn2:39.1

“Sakkā pana, bhante, aññampi diṭṭheva dhamme sandiṭṭhikaṁ sāmaññaphalaṁ paññapetuṁ imehi sandiṭṭhikehi sāmaññaphalehi abhikkantatarañca paṇītatarañcā”ti?

尊者，能否指出另一种在现法中现见的沙门果，比这些现见的沙门果更优胜、更殊妙？

dn2:39.2

“Sakkā, mahārāja.

大王，可以。

dn2:39.3

Tena hi, mahārāja, suṇohi, sādhukaṁ manasi karohi, bhāsissāmī”ti.

那么，大王，听吧，善加作意，我将说。

dn2:39.4

“Evaṁ, bhante”ti kho rājā māgadho ajātasattu vedehiputto bhagavato paccassosi.

摩揭陀王韦提希子阿阇世回答世尊：“是，尊者。”

dn2:39.5

Bhagavā etadavoca:

世尊这样说：

dn2:40.1

“idha, mahārāja, tathāgato loke uppajjati arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā.

大王，这里，如来出现于世，是阿罗汉、正等觉者、明行具足者、善逝、世间解、无上调御丈夫、天人师、佛、世尊。

dn2:40.2

So imaṁ lokaṁ sadevakaṁ samārakaṁ sabrahmakaṁ sassamaṇabrāhmaṇiṁ pajaṁ sadevamanussaṁ sayaṁ abhiññā sacchikatvā pavedeti.

他亲自证知、亲证这个有天、魔、梵的世间，有沙门、婆罗门、天与人的众生，然后宣说。

dn2:40.3

So dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ, kevalaparipuṇṇaṁ parisuddhaṁ brahmacariyaṁ pakāseti.

他说法，初善、中善、后善，具义、具文，开显完全圆满清净的梵行。

dn2:41.1

Taṁ dhammaṁ suṇāti gahapati vā gahapatiputto vā aññatarasmiṁ vā kule paccājāto.

居士、居士子，或出生于某个家庭的人，听到这个法。

dn2:41.2

So taṁ dhammaṁ sutvā tathāgate saddhaṁ paṭilabhati.

听法后，他对如来获得信心。

dn2:41.3

So tena saddhāpaṭilābhena samannāgato iti paṭisañcikkhati:

具有所获得的信心，他这样省察：

dn2:41.4

‘sambādho gharāvāso rajopatho, abbhokāso pabbajjā.

在家生活拥挤，是尘垢之路；出家如露天。

dn2:41.5

Nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ.

在家者不容易实行完全圆满、完全清净、如磨净贝壳般的梵行。

dn2:41.6

Yannūnāhaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajeyyan’ti.

我何不剃除须发，披上袈裟，从家出家，成为无家者？

dn2:41.7

So aparena samayena appaṁ vā bhogakkhandhaṁ pahāya mahantaṁ vā bhogakkhandhaṁ pahāya appaṁ vā ñātiparivaṭṭaṁ pahāya mahantaṁ vā ñātiparivaṭṭaṁ pahāya kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajati.

后来，他舍弃或少或多的财产，舍弃或少或多的亲属圈，剃除须发，披上袈裟，从家出家，成为无家者。

dn2:42.1

So evaṁ pabbajito samāno pātimokkhasaṁvarasaṁvuto viharati ācāragocarasampanno, aṇumattesu vajjesu bhayadassāvī, samādāya sikkhati sikkhāpadesu, kāyakammavacīkammena samannāgato kusalena, parisuddhājīvo sīlasampanno, indriyesu guttadvāro, satisampajaññena samannāgato, santuṭṭho.

如此出家以后，他以波罗提木叉防护而住，具足行仪与行处，见微小过失为可畏，受持学处而学；具足善的身业与语业，活命清净，具足戒，守护诸根门，具足念与正知，知足。

dn2:43.1

Kathañca, mahārāja, bhikkhu sīlasampanno hoti?

大王，比丘怎样具足戒？

dn2:43.2

Idha, mahārāja, bhikkhu pāṇātipātaṁ pahāya pāṇātipātā paṭivirato hoti. Nihitadaṇḍo nihitasattho lajjī dayāpanno sabbapāṇabhūtahitānukampī viharati.

大王，这里，比丘舍弃杀生，远离杀生，放下棍棒，放下刀剑，有惭，具悲悯，安住于悲悯一切生命的利益。

dn2:43.3

Idampissa hoti sīlasmiṁ.

这也是他的戒的一部分。

dn2:43.4

Adinnādānaṁ pahāya adinnādānā paṭivirato hoti dinnādāyī dinnapāṭikaṅkhī, athenena sucibhūtena attanā viharati.

他舍弃不与取，远离不与取，取所给的，期待所给的，以不偷盗而清净的自己安住。

dn2:43.5

Idampissa hoti sīlasmiṁ.

这也是他的戒的一部分。

dn2:43.6

Abrahmacariyaṁ pahāya brahmacārī hoti ārācārī virato methunā gāmadhammā.

他舍弃非梵行，行梵行，远离性行为这一世俗之法。

dn2:43.7

Idampissa hoti sīlasmiṁ.

这也是他的戒的一部分。

dn2:44.1

Musāvādaṁ pahāya musāvādā paṭivirato hoti saccavādī saccasandho theto paccayiko avisaṁvādako lokassa.

他舍弃妄语，远离妄语，说真实话，遵守真实，可靠、可信，不欺骗世人。

dn2:44.2

Idampissa hoti sīlasmiṁ.

这也是他的戒的一部分。

dn2:44.3

Pisuṇaṁ vācaṁ pahāya pisuṇāya vācāya paṭivirato hoti; ito sutvā na amutra akkhātā imesaṁ bhedāya; amutra vā sutvā na imesaṁ akkhātā, amūsaṁ bhedāya. Iti bhinnānaṁ vā sandhātā, sahitānaṁ vā anuppadātā, samaggārāmo samaggarato samagganandī samaggakaraṇiṁ vācaṁ bhāsitā hoti.

他舍弃离间语，远离离间语；不把这里听到的话传到那里使这些人分裂，也不把那里听到的话传到这里使那些人分裂。他调和分裂者，助成和合者，喜爱和合、乐于和合、欢喜和合，说促成和合的话。

dn2:44.4

Idampissa hoti sīlasmiṁ.

这也是他的戒的一部分。

dn2:44.5

Pharusaṁ vācaṁ pahāya pharusāya vācāya paṭivirato hoti; yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā tathārūpiṁ vācaṁ bhāsitā hoti.

他舍弃粗恶语，远离粗恶语；他所说的话无过、悦耳、可爱、入心、文雅，为众人喜爱、为众人悦意。

dn2:44.6

Idampissa hoti sīlasmiṁ.

这也是他的戒的一部分。

dn2:44.7

Samphappalāpaṁ pahāya samphappalāpā paṭivirato hoti kālavādī bhūtavādī atthavādī dhammavādī vinayavādī, nidhānavatiṁ vācaṁ bhāsitā hoti kālena sāpadesaṁ pariyantavatiṁ atthasaṁhitaṁ.

他舍弃绮语，远离绮语；适时说、如实说、说有益的话、说法、说律，适时说值得保存、有依据、有分寸、有意义的话。

dn2:44.8

Idampissa hoti sīlasmiṁ.

这也是他的戒的一部分。

dn2:45.1

Bījagāmabhūtagāmasamārambhā paṭivirato hoti …pe…

他远离损伤种子与植物……

dn2:45.2

ekabhattiko hoti rattūparato virato vikālabhojanā.

一日一食，不夜食，远离非时食。

dn2:45.3

Naccagītavāditavisūkadassanā paṭivirato hoti.

远离观看舞蹈、歌唱、音乐与表演。

dn2:45.4

Mālāgandhavilepanadhāraṇamaṇḍanavibhūsanaṭṭhānā paṭivirato hoti.

远离以花鬘、香料、涂膏装饰打扮。

dn2:45.5

Uccāsayanamahāsayanā paṭivirato hoti.

远离高大床铺。

dn2:45.6

Jātarūparajatapaṭiggahaṇā paṭivirato hoti.

远离接受金银。

dn2:45.7

Āmakadhaññapaṭiggahaṇā paṭivirato hoti.

远离接受生谷。

dn2:45.8

Āmakamaṁsapaṭiggahaṇā paṭivirato hoti.

远离接受生肉。

dn2:45.9

Itthikumārikapaṭiggahaṇā paṭivirato hoti.

远离接受妇女与少女。

dn2:45.10

Dāsidāsapaṭiggahaṇā paṭivirato hoti.

远离接受男女奴仆。

dn2:45.11

Ajeḷakapaṭiggahaṇā paṭivirato hoti.

远离接受山羊与绵羊。

dn2:45.12

Kukkuṭasūkarapaṭiggahaṇā paṭivirato hoti.

远离接受鸡与猪。

dn2:45.13

Hatthigavassavaḷavapaṭiggahaṇā paṭivirato hoti.

远离接受象、牛、马与母马。

dn2:45.14

Khettavatthupaṭiggahaṇā paṭivirato hoti.

远离接受田地、宅地。

dn2:45.15

Dūteyyapahiṇagamanānuyogā paṭivirato hoti.

远离从事信使与差遣。

dn2:45.16

Kayavikkayā paṭivirato hoti.

远离买卖。

dn2:45.17

Tulākūṭakaṁsakūṭamānakūṭā paṭivirato hoti.

远离假秤、假金属、假量器。

dn2:45.18

Ukkoṭanavañcananikatisāciyogā paṭivirato hoti.

远离贿赂、欺骗、诈骗、诡诈。

dn2:45.19

Chedanavadhabandhanaviparāmosaālopasahasākārā paṭivirato hoti.

远离砍杀、束缚、抢劫、掠夺与暴力。

dn2:45.20

Idampissa hoti sīlasmiṁ.

这也是他的戒的一部分。

dn2:46.1

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpaṁ bījagāmabhūtagāmasamārambhaṁ anuyuttā viharanti.

有些沙门、婆罗门，吃着由信心所施的食物，却从事损伤种子与植物。

dn2:46.2

Seyyathidaṁ—mūlabījaṁ khandhabījaṁ phaḷubījaṁ aggabījaṁ bījabījameva pañcamaṁ, iti evarūpā bījagāmabhūtagāmasamārambhā paṭivirato hoti.

例如根生、茎生、节生、芽生，以及第五种种子生。他远离这样的损伤种子与植物。

dn2:46.3

Idampissa hoti sīlasmiṁ.

这也是他的戒的一部分。

dn2:47.1

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpaṁ sannidhikāraparibhogaṁ anuyuttā viharanti.

有些沙门、婆罗门，吃着由信心所施的食物，却从事储藏物资供自己使用。

dn2:47.2

Seyyathidaṁ—annasannidhiṁ pānasannidhiṁ vatthasannidhiṁ yānasannidhiṁ sayanasannidhiṁ gandhasannidhiṁ āmisasannidhiṁ,

例如储藏食物、饮料、衣服、车乘、卧具、香料、物资。

dn2:47.3

iti vā iti evarūpā sannidhikāraparibhogā paṭivirato hoti.

他远离这样的储藏物资供自己使用。

dn2:47.4

Idampissa hoti sīlasmiṁ.

这也是他的戒的一部分。

dn2:48.1

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpaṁ visūkadassanaṁ anuyuttā viharanti.

有些沙门、婆罗门，吃着由信心所施的食物，却从事观看各种表演。

dn2:48.2

Seyyathidaṁ—naccaṁ gītaṁ vāditaṁ pekkhaṁ akkhānaṁ pāṇissaraṁ vetāḷaṁ kumbhathūṇaṁ sobhanakaṁ caṇḍālaṁ vaṁsaṁ dhovanaṁ hatthiyuddhaṁ assayuddhaṁ mahiṁsayuddhaṁ usabhayuddhaṁ ajayuddhaṁ meṇḍayuddhaṁ kukkuṭayuddhaṁ vaṭṭakayuddhaṁ daṇḍayuddhaṁ muṭṭhiyuddhaṁ nibbuddhaṁ uyyodhikaṁ balaggaṁ senābyūhaṁ anīkadassanaṁ

例如舞蹈、歌唱、音乐、戏剧、故事，击掌、锣乐、壶鼓、美人表演、旃陀罗戏、竹竿杂技、洗骨仪式（依古注），斗象、斗马、斗水牛、斗公牛、斗山羊、斗绵羊、斗鸡、斗鹌鹑，杖斗、拳斗、摔跤、军队交战、点兵、布阵、阅兵。

dn2:48.3

iti vā iti evarūpā visūkadassanā paṭivirato hoti.

他远离这样的观看表演。

dn2:48.4

Idampissa hoti sīlasmiṁ.

这也是他的戒的一部分。

dn2:49.1

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpaṁ jūtappamādaṭṭhānānuyogaṁ anuyuttā viharanti.

有些沙门、婆罗门，吃着由信心所施的食物，却从事赌博与放逸的游戏。

dn2:49.2

Seyyathidaṁ—aṭṭhapadaṁ dasapadaṁ ākāsaṁ parihārapathaṁ santikaṁ khalikaṁ ghaṭikaṁ salākahatthaṁ akkhaṁ paṅgacīraṁ vaṅkakaṁ mokkhacikaṁ ciṅgulikaṁ pattāḷhakaṁ rathakaṁ dhanukaṁ akkharikaṁ manesikaṁ yathāvajjaṁ

例如八行棋、十行棋、空中棋、跳格、挑棍、棋盘游戏、短棒游戏、抽签、骰子、叶笛、玩具犁、翻筋斗、风车、玩具量器、玩具车、玩具弓、猜字、猜心、模仿游戏。

dn2:49.3

iti vā iti evarūpā jūtappamādaṭṭhānānuyogā paṭivirato hoti.

他远离这样的赌博与放逸的游戏。

dn2:49.4

Idampissa hoti sīlasmiṁ.

这也是他的戒的一部分。

dn2:50.1

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpaṁ uccāsayanamahāsayanaṁ anuyuttā viharanti.

有些沙门、婆罗门，吃着由信心所施的食物，却从事使用高大豪华的床铺。

dn2:50.2

Seyyathidaṁ—āsandiṁ pallaṅkaṁ gonakaṁ cittakaṁ paṭikaṁ paṭalikaṁ tūlikaṁ vikatikaṁ uddalomiṁ ekantalomiṁ kaṭṭissaṁ koseyyaṁ kuttakaṁ hatthattharaṁ assattharaṁ rathattharaṁ ajinappaveṇiṁ kadalimigapavarapaccattharaṇaṁ sauttaracchadaṁ ubhatolohitakūpadhānaṁ

例如长榻、大床、长毛毯、彩毯、白毯、花毯、棉垫、绣毯、双毛毯、单毛毯、镶宝石的丝毯、丝织物、大毛毯，象毯、马毯、车毯、羚皮铺具、上等鹿皮铺具，带顶罩及两端红枕的卧具。

dn2:50.3

iti vā iti evarūpā uccāsayanamahāsayanā paṭivirato hoti.

他远离这样的高大豪华的床铺。

dn2:50.4

Idampissa hoti sīlasmiṁ.

这也是他的戒的一部分。

dn2:51.1

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpaṁ maṇḍanavibhūsanaṭṭhānānuyogaṁ anuyuttā viharanti.

有些沙门、婆罗门，吃着由信心所施的食物，却从事装饰打扮。

dn2:51.2

Seyyathidaṁ—ucchādanaṁ parimaddanaṁ nhāpanaṁ sambāhanaṁ ādāsaṁ añjanaṁ mālāgandhavilepanaṁ mukhacuṇṇaṁ mukhalepanaṁ hatthabandhaṁ sikhābandhaṁ daṇḍaṁ nāḷikaṁ asiṁ chattaṁ citrupāhanaṁ uṇhīsaṁ maṇiṁ vālabījaniṁ odātāni vatthāni dīghadasāni

例如涂身、揉擦、沐浴、按摩，镜子、眼膏、花鬘香膏、面粉、面膏、手饰、发饰、手杖、筒具、刀剑、伞、彩鞋、头巾、宝石、拂尘、长穗白衣。

dn2:51.3

iti vā iti evarūpā maṇḍanavibhūsanaṭṭhānānuyogā paṭivirato hoti.

他远离这样的装饰打扮。

dn2:51.4

Idampissa hoti sīlasmiṁ.

这也是他的戒的一部分。

dn2:52.1

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpaṁ tiracchānakathaṁ anuyuttā viharanti.

有些沙门、婆罗门，吃着由信心所施的食物，却从事无益杂谈。

dn2:52.2

Seyyathidaṁ—rājakathaṁ corakathaṁ mahāmattakathaṁ senākathaṁ bhayakathaṁ yuddhakathaṁ annakathaṁ pānakathaṁ vatthakathaṁ sayanakathaṁ mālākathaṁ gandhakathaṁ ñātikathaṁ yānakathaṁ gāmakathaṁ nigamakathaṁ nagarakathaṁ janapadakathaṁ itthikathaṁ sūrakathaṁ visikhākathaṁ kumbhaṭṭhānakathaṁ pubbapetakathaṁ nānattakathaṁ lokakkhāyikaṁ samuddakkhāyikaṁ itibhavābhavakathaṁ

例如谈国王、盗贼、大臣、军队、危险、战争、食物、饮料、衣服、卧具、花鬘、香料、亲属、车辆、村落、市镇、城市、国土、妇女、英雄、街谈巷议、水井边的话、亡者、各种闲话、世界与海洋的故事、种种有无之谈。

dn2:52.3

iti vā iti evarūpāya tiracchānakathāya paṭivirato hoti.

他远离这样的无益杂谈。

dn2:52.4

Idampissa hoti sīlasmiṁ.

这也是他的戒的一部分。

dn2:53.1

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpaṁ viggāhikakathaṁ anuyuttā viharanti.

有些沙门、婆罗门，吃着由信心所施的食物，却从事争论。

dn2:53.2

Seyyathidaṁ—na tvaṁ imaṁ dhammavinayaṁ ājānāsi, ahaṁ imaṁ dhammavinayaṁ ājānāmi, kiṁ tvaṁ imaṁ dhammavinayaṁ ājānissasi, micchā paṭipanno tvamasi, ahamasmi sammā paṭipanno, sahitaṁ me, asahitaṁ te, pure vacanīyaṁ pacchā avaca, pacchā vacanīyaṁ pure avaca, adhiciṇṇaṁ te viparāvattaṁ, āropito te vādo, niggahito tvamasi, cara vādappamokkhāya, nibbeṭhehi vā sace pahosīti

例如：“你不懂这法与律，我懂这法与律；你怎么会懂？你修错了，我修对了。我的话连贯，你的不连贯。该先说的你后说，该后说的你先说。你熟悉的已经颠倒，你的论说被驳倒，你被制伏了。去解救你的论说吧；能的话，就解脱出来吧！”

dn2:53.3

iti vā iti evarūpāya viggāhikakathāya paṭivirato hoti.

他远离这样的争论。

dn2:53.4

Idampissa hoti sīlasmiṁ.

这也是他的戒的一部分。

dn2:54.1

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpaṁ dūteyyapahiṇagamanānuyogaṁ anuyuttā viharanti.

有些沙门、婆罗门，吃着由信心所施的食物，却从事信使与差遣。

dn2:54.2

Seyyathidaṁ—raññaṁ, rājamahāmattānaṁ, khattiyānaṁ, brāhmaṇānaṁ, gahapatikānaṁ, kumārānaṁ—idha gaccha, amutrāgaccha, idaṁ hara, amutra idaṁ āharā’ti

例如替国王、大臣、刹帝利、婆罗门、居士、王子传令：“去这里，去那里，拿这个，去那里把这个拿来。”

dn2:54.3

iti vā iti evarūpā dūteyyapahiṇagamanānuyogā paṭivirato hoti.

他远离这样的信使与差遣。

dn2:54.4

Idampissa hoti sīlasmiṁ.

这也是他的戒的一部分。

dn2:55.1

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te kuhakā ca honti lapakā ca nemittikā ca nippesikā ca lābhena lābhaṁ nijigīsitāro ca. Iti evarūpā kuhanalapanā paṭivirato hoti.

有些沙门、婆罗门，吃着由信心所施的食物，却虚伪、谄媚、暗示索求、贬损他人，以利求利。他远离这样的虚伪与谄媚。

dn2:55.2

Idampissa hoti sīlasmiṁ.

这也是他的戒的一部分。

dn2:56.1

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpāya tiracchānavijjāya micchājīvena jīvitaṁ kappenti.

有些沙门、婆罗门，吃着由信心所施的食物，却以这样的旁生明、邪命谋生。

dn2:56.2

Seyyathidaṁ—aṅgaṁ nimittaṁ uppātaṁ supinaṁ lakkhaṇaṁ mūsikacchinnaṁ aggihomaṁ dabbihomaṁ thusahomaṁ kaṇahomaṁ taṇḍulahomaṁ sappihomaṁ telahomaṁ mukhahomaṁ lohitahomaṁ aṅgavijjā vatthuvijjā khattavijjā sivavijjā bhūtavijjā bhūrivijjā ahivijjā visavijjā vicchikavijjā mūsikavijjā sakuṇavijjā vāyasavijjā pakkajjhānaṁ saraparittāṇaṁ migacakkaṁ

例如肢相、兆相、异象、解梦、相术、鼠咬痕占卜，火供、杓供、糠供、粉供、米供、酥供、油供、口供、血供，肢体术、宅地术、田地术、墓地术、鬼神术、大地术、蛇术、毒术、蝎术、鼠术、鸟术、鸦术、寿命占卜、御箭咒、兽鸣占卜。

dn2:56.3

iti vā iti evarūpāya tiracchānavijjāya micchājīvā paṭivirato hoti.

他远离这样的旁生明、邪命。

dn2:56.4

Idampissa hoti sīlasmiṁ.

这也是他的戒的一部分。

dn2:57.1

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpāya tiracchānavijjāya micchājīvena jīvitaṁ kappenti.

有些沙门、婆罗门，吃着由信心所施的食物，却以这样的旁生明、邪命谋生。

dn2:57.2

Seyyathidaṁ—maṇilakkhaṇaṁ vatthalakkhaṇaṁ daṇḍalakkhaṇaṁ satthalakkhaṇaṁ asilakkhaṇaṁ usulakkhaṇaṁ dhanulakkhaṇaṁ āvudhalakkhaṇaṁ itthilakkhaṇaṁ purisalakkhaṇaṁ kumāralakkhaṇaṁ kumārilakkhaṇaṁ dāsalakkhaṇaṁ dāsilakkhaṇaṁ hatthilakkhaṇaṁ assalakkhaṇaṁ mahiṁsalakkhaṇaṁ usabhalakkhaṇaṁ golakkhaṇaṁ ajalakkhaṇaṁ meṇḍalakkhaṇaṁ kukkuṭalakkhaṇaṁ vaṭṭakalakkhaṇaṁ godhālakkhaṇaṁ kaṇṇikalakkhaṇaṁ kacchapalakkhaṇaṁ migalakkhaṇaṁ

例如看宝石相、衣相、杖相、刀相、剑相、箭相、弓相、武器相、女相、男相、童男相、童女相、男奴相、女奴相、象相、马相、水牛相、公牛相、牛相、山羊相、绵羊相、鸡相、鹌鹑相、蜥蜴相、兔相、龟相、鹿相。

dn2:57.3

iti vā iti evarūpāya tiracchānavijjāya micchājīvā paṭivirato hoti.

他远离这样的旁生明、邪命。

dn2:57.4

Idampissa hoti sīlasmiṁ.

这也是他的戒的一部分。

dn2:58.1

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpāya tiracchānavijjāya micchājīvena jīvitaṁ kappenti.

有些沙门、婆罗门，吃着由信心所施的食物，却以这样的旁生明、邪命谋生。

dn2:58.2

Seyyathidaṁ—raññaṁ niyyānaṁ bhavissati, raññaṁ aniyyānaṁ bhavissati, abbhantarānaṁ raññaṁ upayānaṁ bhavissati, bāhirānaṁ raññaṁ apayānaṁ bhavissati, bāhirānaṁ raññaṁ upayānaṁ bhavissati, abbhantarānaṁ raññaṁ apayānaṁ bhavissati, abbhantarānaṁ raññaṁ jayo bhavissati, bāhirānaṁ raññaṁ parājayo bhavissati, bāhirānaṁ raññaṁ jayo bhavissati, abbhantarānaṁ raññaṁ parājayo bhavissati, iti imassa jayo bhavissati, imassa parājayo bhavissati

例如预言：王将出征，王将不出征；内王将进军，外王将退军；外王将进军，内王将退军；内王将胜，外王将败；外王将胜，内王将败；这一方将胜，那一方将败。

dn2:58.3

iti vā iti evarūpāya tiracchānavijjāya micchājīvā paṭivirato hoti.

他远离这样的旁生明、邪命。

dn2:58.4

Idampissa hoti sīlasmiṁ.

这也是他的戒的一部分。

dn2:59.1

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpāya tiracchānavijjāya micchājīvena jīvitaṁ kappenti.

有些沙门、婆罗门，吃着由信心所施的食物，却以这样的旁生明、邪命谋生。

dn2:59.2

Seyyathidaṁ—candaggāho bhavissati, sūriyaggāho bhavissati, nakkhattaggāho bhavissati, candimasūriyānaṁ pathagamanaṁ bhavissati, candimasūriyānaṁ uppathagamanaṁ bhavissati, nakkhattānaṁ pathagamanaṁ bhavissati, nakkhattānaṁ uppathagamanaṁ bhavissati, ukkāpāto bhavissati, disāḍāho bhavissati, bhūmicālo bhavissati, devadudrabhi bhavissati, candimasūriyanakkhattānaṁ uggamanaṁ ogamanaṁ saṅkilesaṁ vodānaṁ bhavissati, evaṁvipāko candaggāho bhavissati, evaṁvipāko sūriyaggāho bhavissati, evaṁvipāko nakkhattaggāho bhavissati, evaṁvipākaṁ candimasūriyānaṁ pathagamanaṁ bhavissati, evaṁvipākaṁ candimasūriyānaṁ uppathagamanaṁ bhavissati, evaṁvipākaṁ nakkhattānaṁ pathagamanaṁ bhavissati, evaṁvipākaṁ nakkhattānaṁ uppathagamanaṁ bhavissati, evaṁvipāko ukkāpāto bhavissati, evaṁvipāko disāḍāho bhavissati, evaṁvipāko bhūmicālo bhavissati, evaṁvipāko devadudrabhi bhavissati, evaṁvipākaṁ candimasūriyanakkhattānaṁ uggamanaṁ ogamanaṁ saṅkilesaṁ vodānaṁ bhavissati

例如预言：将有月食、日食、星食；日月将循正轨、日月将离轨；星宿将循正轨、星宿将离轨；将有流星、方隅火光、地震、天鼓声；日月星宿将升、落、暗、明。又预言：月食将有这样的结果，日食将有这样的结果，星食将有这样的结果，日月循轨将有这样的结果，日月离轨将有这样的结果，星宿循轨将有这样的结果，星宿离轨将有这样的结果，流星将有这样的结果，方隅火光将有这样的结果，地震将有这样的结果，天鼓声将有这样的结果，日月星宿升落暗明将有这样的结果。

dn2:59.3

iti vā iti evarūpāya tiracchānavijjāya micchājīvā paṭivirato hoti.

他远离这样的旁生明、邪命。

dn2:59.4

Idampissa hoti sīlasmiṁ.

这也是他的戒的一部分。

dn2:60.1

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpāya tiracchānavijjāya micchājīvena jīvitaṁ kappenti.

有些沙门、婆罗门，吃着由信心所施的食物，却以这样的旁生明、邪命谋生。

dn2:60.2

Seyyathidaṁ—suvuṭṭhikā bhavissati, dubbuṭṭhikā bhavissati, subhikkhaṁ bhavissati, dubbhikkhaṁ bhavissati, khemaṁ bhavissati, bhayaṁ bhavissati, rogo bhavissati, ārogyaṁ bhavissati, muddā, gaṇanā, saṅkhānaṁ, kāveyyaṁ, lokāyataṁ

例如预言雨水丰足或雨水不足，丰收或饥荒，平安或恐惧，疾病或健康；以及记数、计算、统计、诗作、顺世论。

dn2:60.3

iti vā iti evarūpāya tiracchānavijjāya micchājīvā paṭivirato hoti.

他远离这样的旁生明、邪命。

dn2:60.4

Idampissa hoti sīlasmiṁ.

这也是他的戒的一部分。

dn2:61.1

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpāya tiracchānavijjāya micchājīvena jīvitaṁ kappenti.

有些沙门、婆罗门，吃着由信心所施的食物，却以这样的旁生明、邪命谋生。

dn2:61.2

Seyyathidaṁ—āvāhanaṁ vivāhanaṁ saṁvaraṇaṁ vivaraṇaṁ saṅkiraṇaṁ vikiraṇaṁ subhagakaraṇaṁ dubbhagakaraṇaṁ viruddhagabbhakaraṇaṁ jivhānibandhanaṁ hanusaṁhananaṁ hatthābhijappanaṁ hanujappanaṁ kaṇṇajappanaṁ ādāsapañhaṁ kumārikapañhaṁ devapañhaṁ ādiccupaṭṭhānaṁ mahatupaṭṭhānaṁ abbhujjalanaṁ sirivhāyanaṁ

例如娶嫁、订婚解约、聚合离散、使人幸运或不幸、处理难产、缚舌、锁颚、对手诵咒、对颚诵咒、对耳诵咒、镜占、童女占、神占、奉日、奉大梵、吐火、召请吉祥女神。

dn2:61.3

iti vā iti evarūpāya tiracchānavijjāya micchājīvā paṭivirato hoti.

他远离这样的旁生明、邪命。

dn2:61.4

Idampissa hoti sīlasmiṁ.

这也是他的戒的一部分。

dn2:62.1

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpāya tiracchānavijjāya micchājīvena jīvitaṁ kappenti.

有些沙门、婆罗门，吃着由信心所施的食物，却以这样的旁生明、邪命谋生。

dn2:62.2

Seyyathidaṁ—santikammaṁ paṇidhikammaṁ bhūtakammaṁ bhūrikammaṁ vassakammaṁ vossakammaṁ vatthukammaṁ vatthuparikammaṁ ācamanaṁ nhāpanaṁ juhanaṁ vamanaṁ virecanaṁ uddhaṁvirecanaṁ adhovirecanaṁ sīsavirecanaṁ kaṇṇatelaṁ nettatappanaṁ natthukammaṁ añjanaṁ paccañjanaṁ sālākiyaṁ sallakattiyaṁ dārakatikicchā, mūlabhesajjānaṁ anuppadānaṁ, osadhīnaṁ paṭimokkho

例如息灾、遂愿、驱鬼、大地仪式、求雨、止雨、宅地仪式、宅地净化、漱水、沐浴、献供、催吐、泻下、上排、下排、清头，耳油、洗眼、鼻药、眼膏、反敷眼膏、探针治疗、刀术治疗、治疗小儿、施给根药、敷用草药。

dn2:62.3

iti vā iti evarūpāya tiracchānavijjāya micchājīvā paṭivirato hoti.

他远离这样的旁生明、邪命。

dn2:62.4

Idampissa hoti sīlasmiṁ.

这也是他的戒的一部分。

dn2:63.1

Sa kho so, mahārāja, bhikkhu evaṁ sīlasampanno na kutoci bhayaṁ samanupassati, yadidaṁ sīlasaṁvarato.

大王，这位比丘如此具足戒，从戒防护方面不见任何恐惧。

dn2:63.2

Seyyathāpi, mahārāja, rājā khattiyo muddhābhisitto nihatapaccāmitto na kutoci bhayaṁ samanupassati, yadidaṁ paccatthikato;

大王，犹如灌顶的刹帝利王，已经征服敌人，从敌方不见任何恐惧；

dn2:63.3

evameva kho, mahārāja, bhikkhu evaṁ sīlasampanno na kutoci bhayaṁ samanupassati, yadidaṁ sīlasaṁvarato.

同样，大王，比丘如此具足戒，从戒防护方面不见任何恐惧。

dn2:63.4

So iminā ariyena sīlakkhandhena samannāgato ajjhattaṁ anavajjasukhaṁ paṭisaṁvedeti.

他具足这一圣戒蕴，感受内在无过之乐。

dn2:63.5

Evaṁ kho, mahārāja, bhikkhu sīlasampanno hoti.

大王，比丘就是这样具足戒。

dn2:64.1

Kathañca, mahārāja, bhikkhu indriyesu guttadvāro hoti?

大王，比丘怎样守护诸根门？

dn2:64.2

Idha, mahārāja, bhikkhu cakkhunā rūpaṁ disvā na nimittaggāhī hoti nānubyañjanaggāhī.

大王，这里，比丘眼见色后，不取相，不取随形好。

dn2:64.3

Yatvādhikaraṇamenaṁ cakkhundriyaṁ asaṁvutaṁ viharantaṁ abhijjhā domanassā pāpakā akusalā dhammā anvāssaveyyuṁ, tassa saṁvarāya paṭipajjati, rakkhati cakkhundriyaṁ, cakkhundriye saṁvaraṁ āpajjati.

他若眼根不防护而住，贪忧、恶不善法就可能流入；因此他修习防护，守护眼根，在眼根上实行防护。

dn2:64.4

Sotena saddaṁ sutvā …pe…

耳闻声后……

dn2:64.5

ghānena gandhaṁ ghāyitvā …pe…

鼻嗅香后……

dn2:64.6

jivhāya rasaṁ sāyitvā …pe…

舌尝味后……

dn2:64.7

kāyena phoṭṭhabbaṁ phusitvā …pe…

身触所触后……

dn2:64.8

manasā dhammaṁ viññāya na nimittaggāhī hoti nānubyañjanaggāhī.

意知法后，不取相，不取随形好。

dn2:64.9

Yatvādhikaraṇamenaṁ manindriyaṁ asaṁvutaṁ viharantaṁ abhijjhā domanassā pāpakā akusalā dhammā anvāssaveyyuṁ, tassa saṁvarāya paṭipajjati, rakkhati manindriyaṁ, manindriye saṁvaraṁ āpajjati.

他若意根不防护而住，贪忧、恶不善法就可能流入；因此他修习防护，守护意根，在意根上实行防护。

dn2:64.10

So iminā ariyena indriyasaṁvarena samannāgato ajjhattaṁ abyāsekasukhaṁ paṭisaṁvedeti.

他具足这一圣根防护，感受内在不染之乐。

dn2:64.11

Evaṁ kho, mahārāja, bhikkhu indriyesu guttadvāro hoti.

大王，比丘就是这样守护诸根门。

dn2:65.1

Kathañca, mahārāja, bhikkhu satisampajaññena samannāgato hoti?

大王，比丘怎样具足念与正知？

dn2:65.2

Idha, mahārāja, bhikkhu abhikkante paṭikkante sampajānakārī hoti, ālokite vilokite sampajānakārī hoti, samiñjite pasārite sampajānakārī hoti, saṅghāṭipattacīvaradhāraṇe sampajānakārī hoti, asite pīte khāyite sāyite sampajānakārī hoti, uccārapassāvakamme sampajānakārī hoti, gate ṭhite nisinne sutte jāgarite bhāsite tuṇhībhāve sampajānakārī hoti.

大王，这里，比丘前进、退回时正知而行；前看、旁看时正知而行；屈、伸时正知而行；持僧伽梨、钵、衣时正知而行；食、饮、嚼、尝时正知而行；大小便时正知而行；行、住、坐、睡、醒、说话、沉默时正知而行。

dn2:65.3

Evaṁ kho, mahārāja, bhikkhu satisampajaññena samannāgato hoti.

大王，比丘就是这样具足念与正知。

dn2:66.1

Kathañca, mahārāja, bhikkhu santuṭṭho hoti?

大王，比丘怎样知足？

dn2:66.2

Idha, mahārāja, bhikkhu santuṭṭho hoti kāyaparihārikena cīvarena, kucchiparihārikena piṇḍapātena. So yena yeneva pakkamati, samādāyeva pakkamati.

大王，这里，比丘以维持身体的衣、维持腹部的团食而知足；无论去哪里，都带着它们离去。

dn2:66.3

Seyyathāpi, mahārāja, pakkhī sakuṇo yena yeneva ḍeti, sapattabhārova ḍeti;

大王，犹如有翅的鸟，无论飞往哪里，只带着自己的双翅而飞；

dn2:66.4

evameva kho, mahārāja, bhikkhu santuṭṭho hoti kāyaparihārikena cīvarena kucchiparihārikena piṇḍapātena. So yena yeneva pakkamati, samādāyeva pakkamati.

同样，大王，比丘以维持身体的衣、维持腹部的团食而知足；无论去哪里，都带着它们离去。

dn2:66.5

Evaṁ kho, mahārāja, bhikkhu santuṭṭho hoti.

大王，比丘就是这样知足。

dn2:67.1

So iminā ca ariyena sīlakkhandhena samannāgato, iminā ca ariyena indriyasaṁvarena samannāgato, iminā ca ariyena satisampajaññena samannāgato, imāya ca ariyāya santuṭṭhiyā samannāgato,

他具足这一圣戒蕴、这一圣根防护、这一圣念与正知、这一圣知足，

dn2:67.2

vivittaṁ senāsanaṁ bhajati araññaṁ rukkhamūlaṁ pabbataṁ kandaraṁ giriguhaṁ susānaṁ vanapatthaṁ abbhokāsaṁ palālapuñjaṁ.

亲近远离的住处：林野、树下、山地、山谷、山洞、墓地、丛林、露天、草堆。

dn2:67.3

So pacchābhattaṁ piṇḍapātapaṭikkanto nisīdati pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.

他饭后乞食返回，结跏趺坐，挺直身体，于当前建立念。

dn2:68.1

So abhijjhaṁ loke pahāya vigatābhijjhena cetasā viharati, abhijjhāya cittaṁ parisodheti.

他舍弃世间的贪欲，以离贪欲之心而住，使心从贪欲清净。

dn2:68.2

Byāpādapadosaṁ pahāya abyāpannacitto viharati sabbapāṇabhūtahitānukampī, byāpādapadosā cittaṁ parisodheti.

舍弃瞋恚恶意，以无瞋之心而住，悲悯一切生命的利益，使心从瞋恚恶意清净。

dn2:68.3

Thinamiddhaṁ pahāya vigatathinamiddho viharati ālokasaññī, sato sampajāno, thinamiddhā cittaṁ parisodheti.

舍弃昏沉睡眠，离昏沉睡眠而住，有光明想，有念、正知，使心从昏沉睡眠清净。

dn2:68.4

Uddhaccakukkuccaṁ pahāya anuddhato viharati, ajjhattaṁ vūpasantacitto, uddhaccakukkuccā cittaṁ parisodheti.

舍弃掉举恶作，无掉举而住，内心寂静，使心从掉举恶作清净。

dn2:68.5

Vicikicchaṁ pahāya tiṇṇavicikiccho viharati, akathaṅkathī kusalesu dhammesu, vicikicchāya cittaṁ parisodheti.

舍弃疑，度过疑而住，对善法不犹豫，使心从疑清净。

dn2:69.1

Seyyathāpi, mahārāja, puriso iṇaṁ ādāya kammante payojeyya.

大王，犹如一个人借债经营事业，

dn2:69.2

Tassa te kammantā samijjheyyuṁ.

那些事业成功了。

dn2:69.3

So yāni ca porāṇāni iṇamūlāni, tāni ca byantiṁ kareyya, siyā cassa uttariṁ avasiṭṭhaṁ dārabharaṇāya.

他偿清原有债款，并有余财养家。

dn2:69.4

Tassa evamassa:

他想：

dn2:69.5

‘ahaṁ kho pubbe iṇaṁ ādāya kammante payojesiṁ.

先前我借债经营事业，

dn2:69.6

Tassa me te kammantā samijjhiṁsu.

那些事业成功了。

dn2:69.7

Sohaṁ yāni ca porāṇāni iṇamūlāni, tāni ca byantiṁ akāsiṁ, atthi ca me uttariṁ avasiṭṭhaṁ dārabharaṇāyā’ti.

我偿清原有债款，也有余财养家。

dn2:69.8

So tatonidānaṁ labhetha pāmojjaṁ, adhigaccheyya somanassaṁ.

他因此获得欢悦，得到喜心。

dn2:70.1

Seyyathāpi, mahārāja, puriso ābādhiko assa dukkhito bāḷhagilāno; bhattañcassa nacchādeyya, na cassa kāye balamattā.

大王，犹如一个人患病，痛苦，重病，食物不合胃口，身体没有力气。

dn2:70.2

So aparena samayena tamhā ābādhā mucceyya; bhattaṁ cassa chādeyya, siyā cassa kāye balamattā.

后来，他脱离疾病，食物合胃口，身体有力气。

dn2:70.3

Tassa evamassa:

他想：

dn2:70.4

‘ahaṁ kho pubbe ābādhiko ahosiṁ dukkhito bāḷhagilāno;

我先前患病，痛苦，重病；

dn2:70.5

bhattañca me nacchādesi, na ca me āsi kāye balamattā.

食物不合胃口，身体没有力气。

dn2:70.6

Somhi etarahi tamhā ābādhā mutto;

如今，我脱离那疾病，

dn2:70.7

bhattañca me chādeti, atthi ca me kāye balamattā’ti.

食物合胃口，身体有力气。

dn2:70.8

So tatonidānaṁ labhetha pāmojjaṁ, adhigaccheyya somanassaṁ.

他因此获得欢悦，得到喜心。

dn2:71.1

Seyyathāpi, mahārāja, puriso bandhanāgāre baddho assa.

大王，犹如一个人被拘禁在牢狱。

dn2:71.2

So aparena samayena tamhā bandhanāgārā mucceyya sotthinā abbhayena, na cassa kiñci bhogānaṁ vayo.

后来，他从牢狱释放，安稳无惧，财产也没有损失。

dn2:71.3

Tassa evamassa:

他想：

dn2:71.4

‘ahaṁ kho pubbe bandhanāgāre baddho ahosiṁ, somhi etarahi tamhā bandhanāgārā mutto sotthinā abbhayena.

我先前被拘禁在牢狱，如今从牢狱释放，安稳无惧，

dn2:71.5

Natthi ca me kiñci bhogānaṁ vayo’ti.

财产也没有损失。

dn2:71.6

So tatonidānaṁ labhetha pāmojjaṁ, adhigaccheyya somanassaṁ.

他因此获得欢悦，得到喜心。

dn2:72.1

Seyyathāpi, mahārāja, puriso dāso assa anattādhīno parādhīno na yenakāmaṅgamo.

大王，犹如一个人是奴仆，不能自主，受制于他人，不能随意而行。

dn2:72.2

So aparena samayena tamhā dāsabyā mucceyya attādhīno aparādhīno bhujisso yenakāmaṅgamo.

后来，他脱离奴役，能够自主，不受他人支配，成为自由人，随意而行。

dn2:72.3

Tassa evamassa:

他想：

dn2:72.4

‘ahaṁ kho pubbe dāso ahosiṁ anattādhīno parādhīno na yenakāmaṅgamo.

我先前是奴仆，不能自主，受制于他人，不能随意而行。

dn2:72.5

Somhi etarahi tamhā dāsabyā mutto attādhīno aparādhīno bhujisso yenakāmaṅgamo’ti.

如今，我脱离奴役，能够自主，不受他人支配，成为自由人，随意而行。

dn2:72.6

So tatonidānaṁ labhetha pāmojjaṁ, adhigaccheyya somanassaṁ.

他因此获得欢悦，得到喜心。

dn2:73.1

Seyyathāpi, mahārāja, puriso sadhano sabhogo kantāraddhānamaggaṁ paṭipajjeyya dubbhikkhaṁ sappaṭibhayaṁ.

大王，犹如一个携带财物的人，走上缺少食物、充满危险的荒漠长路。

dn2:73.2

So aparena samayena taṁ kantāraṁ nitthareyya sotthinā, gāmantaṁ anupāpuṇeyya khemaṁ appaṭibhayaṁ.

后来，他安然越过荒漠，到达安全无险的村边。

dn2:73.3

Tassa evamassa:

他想：

dn2:73.4

‘ahaṁ kho pubbe sadhano sabhogo kantāraddhānamaggaṁ paṭipajjiṁ dubbhikkhaṁ sappaṭibhayaṁ.

我先前携带财物，走上缺少食物、充满危险的荒漠长路。

dn2:73.5

Somhi etarahi taṁ kantāraṁ nitthiṇṇo sotthinā, gāmantaṁ anuppatto khemaṁ appaṭibhayan’ti.

如今，我已安然越过荒漠，到达安全无险的村边。

dn2:73.6

So tatonidānaṁ labhetha pāmojjaṁ, adhigaccheyya somanassaṁ.

他因此获得欢悦，得到喜心。

dn2:74.1

Evameva kho, mahārāja, bhikkhu yathā iṇaṁ yathā rogaṁ yathā bandhanāgāraṁ yathā dāsabyaṁ yathā kantāraddhānamaggaṁ, evaṁ ime pañca nīvaraṇe appahīne attani samanupassati.

同样，大王，比丘看见自身尚未断除的五盖，就如负债、疾病、牢狱、奴役、荒漠长路。

dn2:74.2

Seyyathāpi, mahārāja, yathā āṇaṇyaṁ yathā ārogyaṁ yathā bandhanāmokkhaṁ yathā bhujissaṁ yathā khemantabhūmiṁ;

大王，又如无债、无病、出狱、自由、到达安全之地；

dn2:74.3

evameva kho, mahārāja, bhikkhu ime pañca nīvaraṇe pahīne attani samanupassati.

比丘也是这样看见自身已经断除的五盖。

dn2:74.4

Tassime pañca nīvaraṇe pahīne attani samanupassato pāmojjaṁ jāyati, pamuditassa pīti jāyati, pītimanassa kāyo passambhati, passaddhakāyo sukhaṁ vedeti, sukhino cittaṁ samādhiyati.

他看见自身已经断除五盖，欢悦生起；欢悦者生喜，喜心者身寂止；身寂止者感受乐，乐者心入定。

dn2:75.1

So vivicceva kāmehi, vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati.

他离诸欲、离不善法，有寻有伺，具离生喜乐，进入并住于初禅。

dn2:75.2

So imameva kāyaṁ vivekajena pītisukhena abhisandeti parisandeti paripūreti parippharati, nāssa kiñci sabbāvato kāyassa vivekajena pītisukhena apphuṭaṁ hoti.

他以离生喜乐浸润、遍润、充满、遍满这身体；全身没有任何一处不被离生喜乐遍满。

dn2:76.1

Seyyathāpi, mahārāja, dakkho nhāpako vā nhāpakantevāsī vā kaṁsathāle nhānīyacuṇṇāni ākiritvā udakena paripphosakaṁ paripphosakaṁ sanneyya, sāyaṁ nhānīyapiṇḍi snehānugatā snehaparetā santarabāhirā phuṭā snehena, na ca paggharaṇī;

大王，犹如熟练的浴师或浴师弟子，把浴粉倒入铜盆，一再洒水，揉成浴团；浴团内外充满水分、浸透水分，却不滴流。

dn2:76.2

evameva kho, mahārāja, bhikkhu imameva kāyaṁ vivekajena pītisukhena abhisandeti parisandeti paripūreti parippharati, nāssa kiñci sabbāvato kāyassa vivekajena pītisukhena apphuṭaṁ hoti.

同样，大王，比丘以离生喜乐浸润、遍润、充满、遍满这身体；全身没有任何一处不被离生喜乐遍满。

dn2:76.3

Idampi kho, mahārāja, sandiṭṭhikaṁ sāmaññaphalaṁ purimehi sandiṭṭhikehi sāmaññaphalehi abhikkantatarañca paṇītatarañca.

大王，这也是现见的沙门果，比先前那些现见的沙门果更优胜、更殊妙。

dn2:77.1

Puna caparaṁ, mahārāja, bhikkhu vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati.

再者，大王，比丘寻伺寂止，内等净，心一趣，无寻无伺，具定生喜乐，进入并住于第二禅。

dn2:77.2

So imameva kāyaṁ samādhijena pītisukhena abhisandeti parisandeti paripūreti parippharati, nāssa kiñci sabbāvato kāyassa samādhijena pītisukhena apphuṭaṁ hoti.

他以定生喜乐浸润、遍润、充满、遍满这身体；全身没有任何一处不被定生喜乐遍满。

dn2:78.1

Seyyathāpi, mahārāja, udakarahado gambhīro ubbhidodako tassa nevassa puratthimāya disāya udakassa āyamukhaṁ, na dakkhiṇāya disāya udakassa āyamukhaṁ, na pacchimāya disāya udakassa āyamukhaṁ, na uttarāya disāya udakassa āyamukhaṁ, devo ca na kālena kālaṁ sammādhāraṁ anuppaveccheyya.

大王，犹如一座由泉水涌出的深池，东、南、西、北都没有入水口，天也不时时降下适量雨水。

dn2:78.2

Atha kho tamhāva udakarahadā sītā vāridhārā ubbhijjitvā tameva udakarahadaṁ sītena vārinā abhisandeyya parisandeyya paripūreyya paripphareyya, nāssa kiñci sabbāvato udakarahadassa sītena vārinā apphuṭaṁ assa.

池中涌出的清凉水流，浸润、遍润、充满、遍满那池；全池没有任何一处不被清凉水遍满。

dn2:78.3

Evameva kho, mahārāja, bhikkhu imameva kāyaṁ samādhijena pītisukhena abhisandeti parisandeti paripūreti parippharati, nāssa kiñci sabbāvato kāyassa samādhijena pītisukhena apphuṭaṁ hoti.

同样，大王，比丘以定生喜乐浸润、遍润、充满、遍满这身体；全身没有任何一处不被定生喜乐遍满。

dn2:78.4

Idampi kho, mahārāja, sandiṭṭhikaṁ sāmaññaphalaṁ purimehi sandiṭṭhikehi sāmaññaphalehi abhikkantatarañca paṇītatarañca.

大王，这也是现见的沙门果，比先前那些现见的沙门果更优胜、更殊妙。

dn2:79.1

Puna caparaṁ, mahārāja, bhikkhu pītiyā ca virāgā upekkhako ca viharati sato sampajāno, sukhañca kāyena paṭisaṁvedeti, yaṁ taṁ ariyā ācikkhanti: ‘upekkhako satimā sukhavihārī’ti, tatiyaṁ jhānaṁ upasampajja viharati.

再者，大王，比丘喜离染，住于舍，有念、正知，以身感受乐；圣者宣说：“舍、有念、乐住。”他进入并住于第三禅。

dn2:79.2

So imameva kāyaṁ nippītikena sukhena abhisandeti parisandeti paripūreti parippharati, nāssa kiñci sabbāvato kāyassa nippītikena sukhena apphuṭaṁ hoti.

他以无喜之乐浸润、遍润、充满、遍满这身体；全身没有任何一处不被无喜之乐遍满。

dn2:80.1

Seyyathāpi, mahārāja, uppaliniyaṁ vā paduminiyaṁ vā puṇḍarīkiniyaṁ vā appekaccāni uppalāni vā padumāni vā puṇḍarīkāni vā udake jātāni udake saṁvaḍḍhāni udakānuggatāni antonimuggaposīni, tāni yāva caggā yāva ca mūlā sītena vārinā abhisannāni parisannāni paripūrāni paripphuṭāni, nāssa kiñci sabbāvataṁ uppalānaṁ vā padumānaṁ vā puṇḍarīkānaṁ vā sītena vārinā apphuṭaṁ assa;

大王，犹如青莲、红莲或白莲池，有些青莲、红莲或白莲生于水、长于水，未出水面，在水中滋长；从顶端到根部都被清凉水浸润、遍润、充满、遍满，没有任何一处不被清凉水遍满。

dn2:80.2

evameva kho, mahārāja, bhikkhu imameva kāyaṁ nippītikena sukhena abhisandeti parisandeti paripūreti parippharati, nāssa kiñci sabbāvato kāyassa nippītikena sukhena apphuṭaṁ hoti.

同样，大王，比丘以无喜之乐浸润、遍润、充满、遍满这身体；全身没有任何一处不被无喜之乐遍满。

dn2:80.3

Idampi kho, mahārāja, sandiṭṭhikaṁ sāmaññaphalaṁ purimehi sandiṭṭhikehi sāmaññaphalehi abhikkantatarañca paṇītatarañca.

大王，这也是现见的沙门果，比先前那些现见的沙门果更优胜、更殊妙。

dn2:81.1

Puna caparaṁ, mahārāja, bhikkhu sukhassa ca pahānā dukkhassa ca pahānā, pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati.

再者，大王，比丘舍弃乐、舍弃苦，内心的喜悦与苦恼也已在此前止息，进入并住于不苦不乐、舍念清净的第四禅。

dn2:81.2

So imameva kāyaṁ parisuddhena cetasā pariyodātena pharitvā nisinno hoti, nāssa kiñci sabbāvato kāyassa parisuddhena cetasā pariyodātena apphuṭaṁ hoti.

他以清净、明净的心遍满这身体而坐；全身没有任何一处不被清净、明净的心遍满。

dn2:82.1

Seyyathāpi, mahārāja, puriso odātena vatthena sasīsaṁ pārupitvā nisinno assa, nāssa kiñci sabbāvato kāyassa odātena vatthena apphuṭaṁ assa;

大王，犹如一个人连头一起裹着白布而坐，全身没有任何一处不被白布覆盖。

dn2:82.2

evameva kho, mahārāja, bhikkhu imameva kāyaṁ parisuddhena cetasā pariyodātena pharitvā nisinno hoti, nāssa kiñci sabbāvato kāyassa parisuddhena cetasā pariyodātena apphuṭaṁ hoti.

同样，大王，比丘以清净、明净的心遍满这身体而坐；全身没有任何一处不被清净、明净的心遍满。

dn2:82.3

Idampi kho, mahārāja, sandiṭṭhikaṁ sāmaññaphalaṁ purimehi sandiṭṭhikehi sāmaññaphalehi abhikkantatarañca paṇītatarañca.

大王，这也是现见的沙门果，比先前那些现见的沙门果更优胜、更殊妙。

dn2:83.1

So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte ñāṇadassanāya cittaṁ abhinīharati abhininnāmeti.

心如此入定、清净、明净、无垢、离随染、柔软、适于运用、安住、达到不动时，他引导、倾向其心于知与见。

dn2:83.2

So evaṁ pajānāti:

他这样了知：

dn2:83.3

‘ayaṁ kho me kāyo rūpī cātumahābhūtiko mātāpettikasambhavo odanakummāsūpacayo aniccucchādanaparimaddanabhedanaviddhaṁsanadhammo;

我这个身体有色，由四大所成，父母所生，由饭粥滋养，是无常、磨损、摩擦、破坏、分散之法。

dn2:83.4

idañca pana me viññāṇaṁ ettha sitaṁ ettha paṭibaddhan’ti.

而我的识，依此、系于此。

dn2:84.1

Seyyathāpi, mahārāja, maṇi veḷuriyo subho jātimā aṭṭhaṁso suparikammakato accho vippasanno anāvilo sabbākārasampanno.

大王，犹如一颗琉璃宝珠，美好、纯种、八面，精细加工，清澈、明净、无浊，各相具足，

dn2:84.2

Tatrāssa suttaṁ āvutaṁ nīlaṁ vā pītaṁ vā lohitaṁ vā odātaṁ vā paṇḍusuttaṁ vā.

其中穿有青、黄、赤、白或淡色的线。

dn2:84.3

Tamenaṁ cakkhumā puriso hatthe karitvā paccavekkheyya:

明眼人把它放在手中省察：

dn2:84.4

‘ayaṁ kho maṇi veḷuriyo subho jātimā aṭṭhaṁso suparikammakato accho vippasanno anāvilo sabbākārasampanno;

这颗琉璃宝珠美好、纯种、八面，精细加工，清澈、明净、无浊，各相具足，

dn2:84.5

tatridaṁ suttaṁ āvutaṁ nīlaṁ vā pītaṁ vā lohitaṁ vā odātaṁ vā paṇḍusuttaṁ vā’ti.

其中穿有青、黄、赤、白或淡色的线。

dn2:84.6

Evameva kho, mahārāja, bhikkhu evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte ñāṇadassanāya cittaṁ abhinīharati abhininnāmeti.

同样，大王，比丘心如此入定、清净、明净、无垢、离随染、柔软、适于运用、安住、达到不动时，他引导、倾向其心于知与见。

dn2:84.7

So evaṁ pajānāti:

他这样了知：

dn2:84.8

‘ayaṁ kho me kāyo rūpī cātumahābhūtiko mātāpettikasambhavo odanakummāsūpacayo aniccucchādanaparimaddanabhedanaviddhaṁsanadhammo;

我这个身体有色，由四大所成，父母所生，由饭粥滋养，是无常、磨损、摩擦、破坏、分散之法。

dn2:84.9

idañca pana me viññāṇaṁ ettha sitaṁ ettha paṭibaddhan’ti.

而我的识，依此、系于此。

dn2:84.10

Idampi kho, mahārāja, sandiṭṭhikaṁ sāmaññaphalaṁ purimehi sandiṭṭhikehi sāmaññaphalehi abhikkantatarañca paṇītatarañca.

大王，这也是现见的沙门果，比先前那些现见的沙门果更优胜、更殊妙。

dn2:85.1

So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte manomayaṁ kāyaṁ abhinimmānāya cittaṁ abhinīharati abhininnāmeti.

心如此入定、清净、明净、无垢、离随染、柔软、适于运用、安住、达到不动时，他引导、倾向其心于化作意所成身。

dn2:85.2

So imamhā kāyā aññaṁ kāyaṁ abhinimmināti rūpiṁ manomayaṁ sabbaṅgapaccaṅgiṁ ahīnindriyaṁ.

他从这个身体化作另一个身体，有色、意所成，大小肢体齐全，诸根无缺。

dn2:86.1

Seyyathāpi, mahārāja, puriso muñjamhā īsikaṁ pavāheyya.

大王，犹如一个人从文阇草抽出草芯，

dn2:86.2

Tassa evamassa:

他想：

dn2:86.3

‘ayaṁ muñjo, ayaṁ īsikā, añño muñjo, aññā īsikā, muñjamhā tveva īsikā pavāḷhā’ti.

这是文阇草，这是草芯；文阇草是一物，草芯是另一物，草芯是从文阇草抽出的。

dn2:86.4

Seyyathā vā pana, mahārāja, puriso asiṁ kosiyā pavāheyya.

大王，又如一个人从剑鞘抽出剑，

dn2:86.5

Tassa evamassa:

他想：

dn2:86.6

‘ayaṁ asi, ayaṁ kosi, añño asi, aññā kosi, kosiyā tveva asi pavāḷho’ti.

这是剑，这是鞘；剑是一物，鞘是另一物，剑是从鞘中抽出的。

dn2:86.7

Seyyathā vā pana, mahārāja, puriso ahiṁ karaṇḍā uddhareyya.

大王，又如一个人使蛇离开蛇蜕，

dn2:86.8

Tassa evamassa:

他想：

dn2:86.9

‘ayaṁ ahi, ayaṁ karaṇḍo. Añño ahi, añño karaṇḍo, karaṇḍā tveva ahi ubbhato’ti.

这是蛇，这是蛇蜕；蛇是一物，蛇蜕是另一物，蛇是从蛇蜕中出来的。

dn2:86.10

Evameva kho, mahārāja, bhikkhu evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte manomayaṁ kāyaṁ abhinimmānāya cittaṁ abhinīharati abhininnāmeti.

同样，大王，比丘心如此入定、清净、明净、无垢、离随染、柔软、适于运用、安住、达到不动时，他引导、倾向其心于化作意所成身。

dn2:86.11

So imamhā kāyā aññaṁ kāyaṁ abhinimmināti rūpiṁ manomayaṁ sabbaṅgapaccaṅgiṁ ahīnindriyaṁ.

他从这个身体化作另一个身体，有色、意所成，大小肢体齐全，诸根无缺。

dn2:86.12

Idampi kho, mahārāja, sandiṭṭhikaṁ sāmaññaphalaṁ purimehi sandiṭṭhikehi sāmaññaphalehi abhikkantatarañca paṇītatarañca.

大王，这也是现见的沙门果，比先前那些现见的沙门果更优胜、更殊妙。

dn2:87.1

So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte iddhividhāya cittaṁ abhinīharati abhininnāmeti.

心如此入定、清净、明净、无垢、离随染、柔软、适于运用、安住、达到不动时，他引导、倾向其心于神变。

dn2:87.2

So anekavihitaṁ iddhividhaṁ paccanubhoti—ekopi hutvā bahudhā hoti, bahudhāpi hutvā eko hoti; āvibhāvaṁ tirobhāvaṁ tirokuṭṭaṁ tiropākāraṁ tiropabbataṁ asajjamāno gacchati seyyathāpi ākāse; pathaviyāpi ummujjanimujjaṁ karoti seyyathāpi udake; udakepi abhijjamāne gacchati seyyathāpi pathaviyā; ākāsepi pallaṅkena kamati seyyathāpi pakkhī sakuṇo; imepi candimasūriye evaṁmahiddhike evaṁmahānubhāve pāṇinā parāmasati parimajjati; yāva brahmalokāpi kāyena vasaṁ vatteti.

他体验多种神变：由一成多，由多成一；显现、隐没；穿墙、穿垣、穿山，毫无阻碍，如行虚空；在地中出没，如在水中；在水上行走而不沉没，如在地上；以结跏趺坐在空中而行，如有翅之鸟；以手触摸、抚摩如此大威力、大威势的日月；乃至梵世，以身自在而行。

dn2:88.1

Seyyathāpi, mahārāja, dakkho kumbhakāro vā kumbhakārantevāsī vā suparikammakatāya mattikāya yaṁ yadeva bhājanavikatiṁ ākaṅkheyya, taṁ tadeva kareyya abhinipphādeyya.

大王，犹如熟练的陶工或陶工弟子，对精细加工的黏土，想做什么器物，就制作成什么器物。

dn2:88.2

Seyyathā vā pana, mahārāja, dakkho dantakāro vā dantakārantevāsī vā suparikammakatasmiṁ dantasmiṁ yaṁ yadeva dantavikatiṁ ākaṅkheyya, taṁ tadeva kareyya abhinipphādeyya.

大王，又如熟练的牙工或牙工弟子，对精细加工的象牙，想做什么牙器，就制作成什么牙器。

dn2:88.3

Seyyathā vā pana, mahārāja, dakkho suvaṇṇakāro vā suvaṇṇakārantevāsī vā suparikammakatasmiṁ suvaṇṇasmiṁ yaṁ yadeva suvaṇṇavikatiṁ ākaṅkheyya, taṁ tadeva kareyya abhinipphādeyya.

大王，又如熟练的金工或金工弟子，对精细加工的金，想做什么金器，就制作成什么金器。

dn2:88.4

Evameva kho, mahārāja, bhikkhu evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte iddhividhāya cittaṁ abhinīharati abhininnāmeti.

同样，大王，比丘心如此入定、清净、明净、无垢、离随染、柔软、适于运用、安住、达到不动时，他引导、倾向其心于神变。

dn2:88.5

So anekavihitaṁ iddhividhaṁ paccanubhoti—ekopi hutvā bahudhā hoti, bahudhāpi hutvā eko hoti; āvibhāvaṁ tirobhāvaṁ tirokuṭṭaṁ tiropākāraṁ tiropabbataṁ asajjamāno gacchati seyyathāpi ākāse; pathaviyāpi ummujjanimujjaṁ karoti seyyathāpi udake; udakepi abhijjamāne gacchati seyyathāpi pathaviyā; ākāsepi pallaṅkena kamati seyyathāpi pakkhī sakuṇo; imepi candimasūriye evaṁmahiddhike evaṁmahānubhāve pāṇinā parāmasati parimajjati; yāva brahmalokāpi kāyena vasaṁ vatteti.

他体验多种神变：由一成多，由多成一；显现、隐没；穿墙、穿垣、穿山，毫无阻碍，如行虚空；在地中出没，如在水中；在水上行走而不沉没，如在地上；以结跏趺坐在空中而行，如有翅之鸟；以手触摸、抚摩如此大威力、大威势的日月；乃至梵世，以身自在而行。

dn2:88.6

Idampi kho, mahārāja, sandiṭṭhikaṁ sāmaññaphalaṁ purimehi sandiṭṭhikehi sāmaññaphalehi abhikkantatarañca paṇītatarañca.

大王，这也是现见的沙门果，比先前那些现见的沙门果更优胜、更殊妙。

dn2:89.1

So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte dibbāya sotadhātuyā cittaṁ abhinīharati abhininnāmeti.

心如此入定、清净、明净、无垢、离随染、柔软、适于运用、安住、达到不动时，他引导、倾向其心于天耳界。

dn2:89.2

So dibbāya sotadhātuyā visuddhāya atikkantamānusikāya ubho sadde suṇāti dibbe ca mānuse ca ye dūre santike ca.

他以清净、超人的天耳界，听见天与人两种声音，无论远近。

dn2:90.1

Seyyathāpi, mahārāja, puriso addhānamaggappaṭipanno. So suṇeyya bherisaddampi mudiṅgasaddampi saṅkhapaṇavadindimasaddampi. Tassa evamassa: ‘bherisaddo’ itipi, ‘mudiṅgasaddo’ itipi, ‘saṅkhapaṇavadindimasaddo’ itipi.

大王，犹如行于长路的人，听见大鼓声、腰鼓声、螺小鼓与铜鼓声，他想：“这是大鼓声，这是腰鼓声，这是螺、小鼓与铜鼓声。”

dn2:90.2

Evameva kho, mahārāja, bhikkhu evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte dibbāya sotadhātuyā cittaṁ abhinīharati abhininnāmeti.

同样，大王，比丘心如此入定、清净、明净、无垢、离随染、柔软、适于运用、安住、达到不动时，他引导、倾向其心于天耳界。

dn2:90.3

So dibbāya sotadhātuyā visuddhāya atikkantamānusikāya ubho sadde suṇāti dibbe ca mānuse ca ye dūre santike ca.

他以清净、超人的天耳界，听见天与人两种声音，无论远近。

dn2:90.4

Idampi kho, mahārāja, sandiṭṭhikaṁ sāmaññaphalaṁ purimehi sandiṭṭhikehi sāmaññaphalehi abhikkantatarañca paṇītatarañca.

大王，这也是现见的沙门果，比先前那些现见的沙门果更优胜、更殊妙。

dn2:91.1

So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte cetopariyañāṇāya cittaṁ abhinīharati abhininnāmeti.

心如此入定、清净、明净、无垢、离随染、柔软、适于运用、安住、达到不动时，他引导、倾向其心于他心智。

dn2:91.2

So parasattānaṁ parapuggalānaṁ cetasā ceto paricca pajānāti—

他以心遍知其他有情、其他人的心而了知：

dn2:91.3

sarāgaṁ vā cittaṁ ‘sarāgaṁ cittan’ti pajānāti,

他了知有贪的心为“有贪的心”。

dn2:91.4

vītarāgaṁ vā cittaṁ ‘vītarāgaṁ cittan’ti pajānāti,

他了知离贪的心为“离贪的心”。

dn2:91.5

sadosaṁ vā cittaṁ ‘sadosaṁ cittan’ti pajānāti,

他了知有瞋的心为“有瞋的心”。

dn2:91.6

vītadosaṁ vā cittaṁ ‘vītadosaṁ cittan’ti pajānāti,

他了知离瞋的心为“离瞋的心”。

dn2:91.7

samohaṁ vā cittaṁ ‘samohaṁ cittan’ti pajānāti,

他了知有痴的心为“有痴的心”。

dn2:91.8

vītamohaṁ vā cittaṁ ‘vītamohaṁ cittan’ti pajānāti,

他了知离痴的心为“离痴的心”。

dn2:91.9

saṅkhittaṁ vā cittaṁ ‘saṅkhittaṁ cittan’ti pajānāti,

他了知收缩的心为“收缩的心”。

dn2:91.10

vikkhittaṁ vā cittaṁ ‘vikkhittaṁ cittan’ti pajānāti,

他了知散乱的心为“散乱的心”。

dn2:91.11

mahaggataṁ vā cittaṁ ‘mahaggataṁ cittan’ti pajānāti,

他了知广大的心为“广大的心”。

dn2:91.12

amahaggataṁ vā cittaṁ ‘amahaggataṁ cittan’ti pajānāti,

他了知不广大的心为“不广大的心”。

dn2:91.13

sauttaraṁ vā cittaṁ ‘sauttaraṁ cittan’ti pajānāti,

他了知有上的心为“有上的心”。

dn2:91.14

anuttaraṁ vā cittaṁ ‘anuttaraṁ cittan’ti pajānāti,

他了知无上的心为“无上的心”。

dn2:91.15

samāhitaṁ vā cittaṁ ‘samāhitaṁ cittan’ti pajānāti,

他了知入定的心为“入定的心”。

dn2:91.16

asamāhitaṁ vā cittaṁ ‘asamāhitaṁ cittan’ti pajānāti,

他了知未入定的心为“未入定的心”。

dn2:91.17

vimuttaṁ vā cittaṁ ‘vimuttaṁ cittan’ti pajānāti,

他了知解脱的心为“解脱的心”。

dn2:91.18

avimuttaṁ vā cittaṁ ‘avimuttaṁ cittan’ti pajānāti.

他了知未解脱的心为“未解脱的心”。

dn2:92.1

Seyyathāpi, mahārāja, itthī vā puriso vā daharo yuvā maṇḍanajātiko ādāse vā parisuddhe pariyodāte acche vā udakapatte sakaṁ mukhanimittaṁ paccavekkhamāno sakaṇikaṁ vā ‘sakaṇikan’ti jāneyya, akaṇikaṁ vā ‘akaṇikan’ti jāneyya;

大王，犹如年轻、青春、喜爱装饰的男女，在清净明亮的镜子或清水钵中察看自己的脸；有污点，知有污点；无污点，知无污点。

dn2:92.2

evameva kho, mahārāja, bhikkhu evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte cetopariyañāṇāya cittaṁ abhinīharati abhininnāmeti.

同样，大王，比丘心如此入定、清净、明净、无垢、离随染、柔软、适于运用、安住、达到不动时，他引导、倾向其心于他心智。

dn2:92.3

So parasattānaṁ parapuggalānaṁ cetasā ceto paricca pajānāti—

他以心遍知其他有情、其他人的心而了知：

dn2:92.4

sarāgaṁ vā cittaṁ ‘sarāgaṁ cittan’ti pajānāti,

他了知有贪的心为“有贪的心”。

dn2:92.5

vītarāgaṁ vā cittaṁ ‘vītarāgaṁ cittan’ti pajānāti,

他了知离贪的心为“离贪的心”。

dn2:92.6

sadosaṁ vā cittaṁ ‘sadosaṁ cittan’ti pajānāti,

他了知有瞋的心为“有瞋的心”。

dn2:92.7

vītadosaṁ vā cittaṁ ‘vītadosaṁ cittan’ti pajānāti,

他了知离瞋的心为“离瞋的心”。

dn2:92.8

samohaṁ vā cittaṁ ‘samohaṁ cittan’ti pajānāti,

他了知有痴的心为“有痴的心”。

dn2:92.9

vītamohaṁ vā cittaṁ ‘vītamohaṁ cittan’ti pajānāti,

他了知离痴的心为“离痴的心”。

dn2:92.10

saṅkhittaṁ vā cittaṁ ‘saṅkhittaṁ cittan’ti pajānāti,

他了知收缩的心为“收缩的心”。

dn2:92.11

vikkhittaṁ vā cittaṁ ‘vikkhittaṁ cittan’ti pajānāti,

他了知散乱的心为“散乱的心”。

dn2:92.12

mahaggataṁ vā cittaṁ ‘mahaggataṁ cittan’ti pajānāti,

他了知广大的心为“广大的心”。

dn2:92.13

amahaggataṁ vā cittaṁ ‘amahaggataṁ cittan’ti pajānāti,

他了知不广大的心为“不广大的心”。

dn2:92.14

sauttaraṁ vā cittaṁ ‘sauttaraṁ cittan’ti pajānāti,

他了知有上的心为“有上的心”。

dn2:92.15

anuttaraṁ vā cittaṁ ‘anuttaraṁ cittan’ti pajānāti,

他了知无上的心为“无上的心”。

dn2:92.16

samāhitaṁ vā cittaṁ ‘samāhitaṁ cittan’ti pajānāti,

他了知入定的心为“入定的心”。

dn2:92.17

asamāhitaṁ vā cittaṁ ‘asamāhitaṁ cittan’ti pajānāti,

他了知未入定的心为“未入定的心”。

dn2:92.18

vimuttaṁ vā cittaṁ ‘vimuttaṁ cittan’ti pajānāti,

他了知解脱的心为“解脱的心”。

dn2:92.19

avimuttaṁ vā cittaṁ ‘avimuttaṁ cittan’ti pajānāti.

他了知未解脱的心为“未解脱的心”。

dn2:92.20

Idampi kho, mahārāja, sandiṭṭhikaṁ sāmaññaphalaṁ purimehi sandiṭṭhikehi sāmaññaphalehi abhikkantatarañca paṇītatarañca.

大王，这也是现见的沙门果，比先前那些现见的沙门果更优胜、更殊妙。

dn2:93.1

So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte pubbenivāsānussatiñāṇāya cittaṁ abhinīharati abhininnāmeti.

心如此入定、清净、明净、无垢、离随染、柔软、适于运用、安住、达到不动时，他引导、倾向其心于宿住随念智。

dn2:93.2

So anekavihitaṁ pubbenivāsaṁ anussarati, seyyathidaṁ—ekampi jātiṁ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṁsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi anekepi saṁvaṭṭakappe anekepi vivaṭṭakappe anekepi saṁvaṭṭavivaṭṭakappe, ‘amutrāsiṁ evaṁnāmo evaṅgotto evaṁvaṇṇo evamāhāro evaṁsukhadukkhappaṭisaṁvedī evamāyupariyanto, so tato cuto amutra udapādiṁ; tatrāpāsiṁ evaṁnāmo evaṅgotto evaṁvaṇṇo evamāhāro evaṁsukhadukkhappaṭisaṁvedī evamāyupariyanto, so tato cuto idhūpapanno’ti. Iti sākāraṁ sauddesaṁ anekavihitaṁ pubbenivāsaṁ anussarati.

他忆念多种宿住，即一生、二生、三生、四生、五生、十生、二十生、三十生、四十生、五十生、百生、千生、十万生，许多坏劫、许多成劫、许多成坏劫：“我在那里有这样的名字、族姓、容貌、食物，感受这样的苦乐，寿命以此为限；从那里死去，生于另一处。在那里也有这样的名字、族姓、容貌、食物，感受这样的苦乐，寿命以此为限；从那里死去，出生于此。”这样，他忆念具行相、具细节的多种宿住。

dn2:94.1

Seyyathāpi, mahārāja, puriso sakamhā gāmā aññaṁ gāmaṁ gaccheyya, tamhāpi gāmā aññaṁ gāmaṁ gaccheyya. So tamhā gāmā sakaṁyeva gāmaṁ paccāgaccheyya. Tassa evamassa: ‘ahaṁ kho sakamhā gāmā amuṁ gāmaṁ agacchiṁ, tatra evaṁ aṭṭhāsiṁ, evaṁ nisīdiṁ, evaṁ abhāsiṁ, evaṁ tuṇhī ahosiṁ, tamhāpi gāmā amuṁ gāmaṁ agacchiṁ, tatrāpi evaṁ aṭṭhāsiṁ, evaṁ nisīdiṁ, evaṁ abhāsiṁ, evaṁ tuṇhī ahosiṁ, somhi tamhā gāmā sakaṁyeva gāmaṁ paccāgato’ti.

大王，犹如一个人从自己的村庄去另一个村庄，再从那个村庄去另一个村庄，然后回到自己的村庄。他想：“我从自己的村庄去了那个村庄，在那里这样站、这样坐、这样说话、这样沉默；又从那个村庄去了另一个村庄，在那里也这样站、这样坐、这样说话、这样沉默；如今我已从那里回到自己的村庄。”

dn2:94.2

Evameva kho, mahārāja, bhikkhu evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte pubbenivāsānussatiñāṇāya cittaṁ abhinīharati abhininnāmeti.

同样，大王，比丘心如此入定、清净、明净、无垢、离随染、柔软、适于运用、安住、达到不动时，他引导、倾向其心于宿住随念智。

dn2:94.3

So anekavihitaṁ pubbenivāsaṁ anussarati, seyyathidaṁ—ekampi jātiṁ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṁsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi anekepi saṁvaṭṭakappe anekepi vivaṭṭakappe anekepi saṁvaṭṭavivaṭṭakappe, ‘amutrāsiṁ evaṁnāmo evaṅgotto evaṁvaṇṇo evamāhāro evaṁsukhadukkhappaṭisaṁvedī evamāyupariyanto, so tato cuto amutra udapādiṁ; tatrāpāsiṁ evaṁnāmo evaṅgotto evaṁvaṇṇo evamāhāro evaṁsukhadukkhappaṭisaṁvedī evamāyupariyanto, so tato cuto idhūpapanno’ti. Iti sākāraṁ sauddesaṁ anekavihitaṁ pubbenivāsaṁ anussarati.

他忆念多种宿住，即一生、二生、三生、四生、五生、十生、二十生、三十生、四十生、五十生、百生、千生、十万生，许多坏劫、许多成劫、许多成坏劫：“我在那里有这样的名字、族姓、容貌、食物，感受这样的苦乐，寿命以此为限；从那里死去，生于另一处。在那里也有这样的名字、族姓、容貌、食物，感受这样的苦乐，寿命以此为限；从那里死去，出生于此。”这样，他忆念具行相、具细节的多种宿住。

dn2:94.4

Idampi kho, mahārāja, sandiṭṭhikaṁ sāmaññaphalaṁ purimehi sandiṭṭhikehi sāmaññaphalehi abhikkantatarañca paṇītatarañca.

大王，这也是现见的沙门果，比先前那些现见的沙门果更优胜、更殊妙。

dn2:95.1

So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte sattānaṁ cutūpapātañāṇāya cittaṁ abhinīharati abhininnāmeti.

心如此入定、清净、明净、无垢、离随染、柔软、适于运用、安住、达到不动时，他引导、倾向其心于有情死生智。

dn2:95.2

So dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate, yathākammūpage satte pajānāti: ‘ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṁ upavādakā micchādiṭṭhikā micchādiṭṭhikammasamādānā. Te kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannā. Ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṁ anupavādakā sammādiṭṭhikā sammādiṭṭhikammasamādānā, te kāyassa bhedā paraṁ maraṇā sugatiṁ saggaṁ lokaṁ upapannā’ti. Iti dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate, yathākammūpage satte pajānāti.

他以清净、超人的天眼，看见有情死亡、出生，卑劣、殊胜，美貌、丑陋，善趣、恶趣；了知有情随业而往：“这些有情具身恶行、语恶行、意恶行，诽谤圣者，有邪见，依邪见采取行动；他们身坏命终后，生于苦处、恶趣、堕处、地狱。而这些有情具身善行、语善行、意善行，不诽谤圣者，有正见，依正见采取行动；他们身坏命终后，生于善趣、天界。”这样，他以清净、超人的天眼，看见有情死亡、出生，卑劣、殊胜，美貌、丑陋，善趣、恶趣；了知有情随业而往。

dn2:96.1

Seyyathāpi, mahārāja, majjhe siṅghāṭake pāsādo. Tattha cakkhumā puriso ṭhito passeyya manusse gehaṁ pavisantepi nikkhamantepi rathikāyapi vīthiṁ sañcarante majjhe siṅghāṭake nisinnepi. Tassa evamassa: ‘ete manussā gehaṁ pavisanti, ete nikkhamanti, ete rathikāya vīthiṁ sañcaranti, ete majjhe siṅghāṭake nisinnā’ti.

大王，犹如十字路口中有座楼房，明眼人站在那里，看见人们进屋、出屋、来往街道、坐在路口。他想：“这些人进屋，这些人出屋，这些人在街道来往，这些人坐在路口。”

dn2:96.2

Evameva kho, mahārāja, bhikkhu evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte sattānaṁ cutūpapātañāṇāya cittaṁ abhinīharati abhininnāmeti.

同样，大王，比丘心如此入定、清净、明净、无垢、离随染、柔软、适于运用、安住、达到不动时，他引导、倾向其心于有情死生智。

dn2:96.3

So dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate, yathākammūpage satte pajānāti: ‘ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṁ upavādakā micchādiṭṭhikā micchādiṭṭhikammasamādānā, te kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannā. Ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṁ anupavādakā sammādiṭṭhikā sammādiṭṭhikammasamādānā. Te kāyassa bhedā paraṁ maraṇā sugatiṁ saggaṁ lokaṁ upapannā’ti. Iti dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate; yathākammūpage satte pajānāti.

他以清净、超人的天眼，看见有情死亡、出生，卑劣、殊胜，美貌、丑陋，善趣、恶趣；了知有情随业而往：“这些有情具身恶行、语恶行、意恶行，诽谤圣者，有邪见，依邪见采取行动；他们身坏命终后，生于苦处、恶趣、堕处、地狱。而这些有情具身善行、语善行、意善行，不诽谤圣者，有正见，依正见采取行动；他们身坏命终后，生于善趣、天界。”这样，他以清净、超人的天眼，看见有情死亡、出生，卑劣、殊胜，美貌、丑陋，善趣、恶趣；了知有情随业而往。

dn2:96.4

Idampi kho, mahārāja, sandiṭṭhikaṁ sāmaññaphalaṁ purimehi sandiṭṭhikehi sāmaññaphalehi abhikkantatarañca paṇītatarañca.

大王，这也是现见的沙门果，比先前那些现见的沙门果更优胜、更殊妙。

dn2:97.1

So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṁ khayañāṇāya cittaṁ abhinīharati abhininnāmeti.

心如此入定、清净、明净、无垢、离随染、柔软、适于运用、安住、达到不动时，他引导、倾向其心于漏尽智。

dn2:97.2

So idaṁ dukkhanti yathābhūtaṁ pajānāti, ayaṁ dukkhasamudayoti yathābhūtaṁ pajānāti, ayaṁ dukkhanirodhoti yathābhūtaṁ pajānāti, ayaṁ dukkhanirodhagāminī paṭipadāti yathābhūtaṁ pajānāti.

他如实了知：“这是苦，这是苦集，这是苦灭，这是导向苦灭的行道。”

dn2:97.3

Ime āsavāti yathābhūtaṁ pajānāti, ayaṁ āsavasamudayoti yathābhūtaṁ pajānāti, ayaṁ āsavanirodhoti yathābhūtaṁ pajānāti, ayaṁ āsavanirodhagāminī paṭipadāti yathābhūtaṁ pajānāti.

他如实了知：“这些是漏，这是漏集，这是漏灭，这是导向漏灭的行道。”

dn2:97.4

Tassa evaṁ jānato evaṁ passato kāmāsavāpi cittaṁ vimuccati, bhavāsavāpi cittaṁ vimuccati, avijjāsavāpi cittaṁ vimuccati,

他这样知、这样见时，心从欲漏解脱，心从有漏解脱，心从无明漏解脱。

dn2:97.5

vimuttasmiṁ ‘vimuttam’iti ñāṇaṁ hoti,

解脱时，有“已解脱”之智。

dn2:97.6

‘khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāti.

他了知：“生已尽，梵行已立，所作已办，不再有如此之有。”（证得四果，即阿罗汉果）

dn2:98.1

Seyyathāpi, mahārāja, pabbatasaṅkhepe udakarahado accho vippasanno anāvilo. Tattha cakkhumā puriso tīre ṭhito passeyya sippisambukampi sakkharakathalampi macchagumbampi carantampi tiṭṭhantampi. Tassa evamassa: ‘ayaṁ kho udakarahado accho vippasanno anāvilo. Tatrime sippisambukāpi sakkharakathalāpi macchagumbāpi carantipi tiṭṭhantipī’ti.

大王，犹如山间有座清澈、明净、无浊的水池，明眼人站在岸上，看见螺贝、砂石、游动或静止的鱼群。他想：“这水池清澈、明净、无浊，其中有螺贝、砂石，以及游动或静止的鱼群。”

dn2:98.2

Evameva kho, mahārāja, bhikkhu evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṁ khayañāṇāya cittaṁ abhinīharati abhininnāmeti.

同样，大王，比丘心如此入定、清净、明净、无垢、离随染、柔软、适于运用、安住、达到不动时，他引导、倾向其心于漏尽智。

dn2:98.3

‘So idaṁ dukkhan’ti yathābhūtaṁ pajānāti, ‘ayaṁ dukkhasamudayo’ti yathābhūtaṁ pajānāti, ‘ayaṁ dukkhanirodho’ti yathābhūtaṁ pajānāti, ‘ayaṁ dukkhanirodhagāminī paṭipadā’ti yathābhūtaṁ pajānāti.

他如实了知：“这是苦，这是苦集，这是苦灭，这是导向苦灭的行道。”

dn2:98.4

‘Ime āsavā’ti yathābhūtaṁ pajānāti, ‘ayaṁ āsavasamudayo’ti yathābhūtaṁ pajānāti, ‘ayaṁ āsavanirodho’ti yathābhūtaṁ pajānāti, ‘ayaṁ āsavanirodhagāminī paṭipadā’ti yathābhūtaṁ pajānāti.

他如实了知：“这些是漏，这是漏集，这是漏灭，这是导向漏灭的行道。”

dn2:98.5

Tassa evaṁ jānato evaṁ passato kāmāsavāpi cittaṁ vimuccati, bhavāsavāpi cittaṁ vimuccati, avijjāsavāpi cittaṁ vimuccati,

他这样知、这样见时，心从欲漏解脱，心从有漏解脱，心从无明漏解脱。

dn2:98.6

vimuttasmiṁ ‘vimuttam’iti ñāṇaṁ hoti,

解脱时，有“已解脱”之智。

dn2:98.7

‘khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāti.

他了知：“生已尽，梵行已立，所作已办，不再有如此之有。”（证得四果，即阿罗汉果）

dn2:98.8

Idaṁ kho, mahārāja, sandiṭṭhikaṁ sāmaññaphalaṁ purimehi sandiṭṭhikehi sāmaññaphalehi abhikkantatarañca paṇītatarañca.

大王，这也是现见的沙门果，比先前那些现见的沙门果更优胜、更殊妙。

dn2:98.9

Imasmā ca pana, mahārāja, sandiṭṭhikā sāmaññaphalā aññaṁ sandiṭṭhikaṁ sāmaññaphalaṁ uttaritaraṁ vā paṇītataraṁ vā natthī”ti.

大王，没有另一种现见的沙门果，比这种现见的沙门果更上、更殊妙。

dn2:99.1

Evaṁ vutte, rājā māgadho ajātasattu vedehiputto bhagavantaṁ etadavoca:

这样说时，摩揭陀王韦提希子阿阇世对世尊说：

dn2:99.2

“abhikkantaṁ, bhante, abhikkantaṁ, bhante.

太好了，尊者！太好了，尊者！

dn2:99.3

Seyyathāpi, bhante, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya: ‘cakkhumanto rūpāni dakkhantī’ti; evamevaṁ, bhante, bhagavatā anekapariyāyena dhammo pakāsito.

尊者，犹如扶起倒下的，揭开覆盖的，给迷路者指路，在黑暗中举起油灯，使有眼者看见形色；世尊以种种方式开显了法。

dn2:99.4

Esāhaṁ, bhante, bhagavantaṁ saraṇaṁ gacchāmi dhammañca bhikkhusaṅghañca.

我皈依世尊、法与比丘僧团。

dn2:99.5

Upāsakaṁ maṁ bhagavā dhāretu ajjatagge pāṇupetaṁ saraṇaṁ gataṁ.

请世尊记住我，从今日起，尽寿皈依，为优婆塞。

dn2:99.6

Accayo maṁ, bhante, accagamā yathābālaṁ yathāmūḷhaṁ yathāakusalaṁ, yohaṁ pitaraṁ dhammikaṁ dhammarājānaṁ issariyakāraṇā jīvitā voropesiṁ.

尊者，我因愚、因痴、因不善而犯下过失：为了权势，夺去了我那如法、依法治国的父亲的生命。

dn2:99.7

Tassa me, bhante bhagavā, accayaṁ accayato paṭiggaṇhātu āyatiṁ saṁvarāyā”ti.

请世尊接受我如实承认这过失，以便未来防护。

dn2:100.1

“Taggha tvaṁ, mahārāja, accayo accagamā yathābālaṁ yathāmūḷhaṁ yathāakusalaṁ, yaṁ tvaṁ pitaraṁ dhammikaṁ dhammarājānaṁ jīvitā voropesi.

大王，你确实因愚、因痴、因不善而犯下过失，夺去了你那如法、依法治国的父亲的生命。

dn2:100.2

Yato ca kho tvaṁ, mahārāja, accayaṁ accayato disvā yathādhammaṁ paṭikarosi, taṁ te mayaṁ paṭiggaṇhāma.

大王，但你见过失为过失，依法补救，我们接受你的承认。

dn2:100.3

Vuddhihesā, mahārāja, ariyassa vinaye, yo accayaṁ accayato disvā yathādhammaṁ paṭikaroti, āyatiṁ saṁvaraṁ āpajjatī”ti.

大王，见过失为过失，依法补救，未来实行防护，这就是圣者之律中的增长。

dn2:101.1

Evaṁ vutte, rājā māgadho ajātasattu vedehiputto bhagavantaṁ etadavoca:

这样说时，摩揭陀王韦提希子阿阇世对世尊说：

dn2:101.2

“handa ca dāni mayaṁ, bhante, gacchāma bahukiccā mayaṁ bahukaraṇīyā”ti.

尊者，现在我们告辞了。我们多事多务。

dn2:101.3

“Yassadāni tvaṁ, mahārāja, kālaṁ maññasī”ti.

大王，现在请你自行决定时候。

dn2:101.4

Atha kho rājā māgadho ajātasattu vedehiputto bhagavato bhāsitaṁ abhinanditvā anumoditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.

于是，摩揭陀王韦提希子阿阇世欢喜、随喜世尊所说的话，从座位起身，礼敬世尊，右绕后离去。

dn2:102.1

Atha kho bhagavā acirapakkantassa rañño māgadhassa ajātasattussa vedehiputtassa bhikkhū āmantesi:

摩揭陀王韦提希子阿阇世离去不久，世尊对比丘们说：

dn2:102.2

“khatāyaṁ, bhikkhave, rājā.

比丘们，这国王已经受损。

dn2:102.3

Upahatāyaṁ, bhikkhave, rājā.

比丘们，这国王已经受伤。

dn2:102.4

Sacāyaṁ, bhikkhave, rājā pitaraṁ dhammikaṁ dhammarājānaṁ jīvitā na voropessatha, imasmiññeva āsane virajaṁ vītamalaṁ dhammacakkhuṁ uppajjissathā”ti.

比丘们，如果这国王没有夺去他那如法、依法治国的父亲的生命，他就会在这个座位上生起离尘无垢的法眼（即证得初果〔入流果〕）。

dn2:102.5

Idamavoca bhagavā.

世尊这样说。

dn2:102.6

Attamanā te bhikkhū bhagavato bhāsitaṁ abhinandunti.

比丘们满意，欢喜世尊所说的话。