优波离经

mn56:1.1

Evaṁ me sutaṁ—

如是我闻：

mn56:1.2

ekaṁ samayaṁ bhagavā nāḷandāyaṁ viharati pāvārikambavane.

一时，世尊住在那烂陀的波婆利迦芒果园。

mn56:2.1

Tena kho pana samayena nigaṇṭho nāṭaputto nāḷandāyaṁ paṭivasati mahatiyā nigaṇṭhaparisāya saddhiṁ.

那时，尼乾陀若提子与大群尼乾陀众一起住在那烂陀。

mn56:2.2

Atha kho dīghatapassī nigaṇṭho nāḷandāyaṁ piṇḍāya caritvā pacchābhattaṁ piṇḍapātapaṭikkanto yena pāvārikambavanaṁ yena bhagavā tenupasaṅkami; upasaṅkamitvā bhagavatā saddhiṁ sammodi.

那时，长苦行尼乾陀在那烂陀行乞，食后从乞食处返回，来到波婆利迦芒果园的世尊处；来到后，与世尊相互问候。

mn56:2.3

Sammodanīyaṁ kathaṁ sāraṇīyaṁ vītisāretvā ekamantaṁ aṭṭhāsi. Ekamantaṁ ṭhitaṁ kho dīghatapassiṁ nigaṇṭhaṁ bhagavā etadavoca:

互致问候、友好交谈后，他站在一旁。世尊对站在一旁的长苦行尼乾陀说：

mn56:2.4

“saṁvijjanti kho, tapassi, āsanāni; sace ākaṅkhasi nisīdā”ti.

“苦行者，这里有座位；你若愿意，请坐。”

mn56:3.1

Evaṁ vutte, dīghatapassī nigaṇṭho aññataraṁ nīcaṁ āsanaṁ gahetvā ekamantaṁ nisīdi.

听到这话，长苦行尼乾陀取了一个低座，坐在一旁。

mn56:3.2

Ekamantaṁ nisinnaṁ kho dīghatapassiṁ nigaṇṭhaṁ bhagavā etadavoca:

世尊对坐在一旁的长苦行尼乾陀说：

mn56:3.3

“kati pana, tapassi, nigaṇṭho nāṭaputto kammāni paññapeti pāpassa kammassa kiriyāya pāpassa kammassa pavattiyā”ti?

“苦行者，关于恶业的实行、恶业的发生，尼乾陀若提子安立几种业？”

mn56:3.4

“Na kho, āvuso gotama, āciṇṇaṁ nigaṇṭhassa nāṭaputtassa ‘kammaṁ, kamman’ti paññapetuṁ;

“乔达摩朋友，尼乾陀若提子不惯于用‘业、业’这样的名称来安立；

mn56:3.5

‘daṇḍaṁ, daṇḍan’ti kho, āvuso gotama, āciṇṇaṁ nigaṇṭhassa nāṭaputtassa paññapetun”ti.

乔达摩朋友，尼乾陀若提子惯于用‘杖、杖’这样的名称来安立。”

mn56:3.6

“Kati pana, tapassi, nigaṇṭho nāṭaputto daṇḍāni paññapeti pāpassa kammassa kiriyāya pāpassa kammassa pavattiyā”ti?

“苦行者，那么，关于恶业的实行、恶业的发生，尼乾陀若提子安立几种杖？”

mn56:3.7

“Tīṇi kho, āvuso gotama, nigaṇṭho nāṭaputto daṇḍāni paññapeti pāpassa kammassa kiriyāya pāpassa kammassa pavattiyāti, seyyathidaṁ—

“乔达摩朋友，关于恶业的实行、恶业的发生，尼乾陀若提子安立三种杖，即：

mn56:3.8

kāyadaṇḍaṁ, vacīdaṇḍaṁ, manodaṇḍan”ti.

身杖、语杖、意杖。”

mn56:3.9

“Kiṁ pana, tapassi, aññadeva kāyadaṇḍaṁ, aññaṁ vacīdaṇḍaṁ, aññaṁ manodaṇḍan”ti?

“苦行者，身杖是一种，语杖是另一种，意杖又是另一种吗？”

mn56:3.10

“Aññadeva, āvuso gotama, kāyadaṇḍaṁ, aññaṁ vacīdaṇḍaṁ, aññaṁ manodaṇḍan”ti.

“乔达摩朋友，身杖是一种，语杖是另一种，意杖又是另一种。”

mn56:3.11

“Imesaṁ pana, tapassi, tiṇṇaṁ daṇḍānaṁ evaṁ paṭivibhattānaṁ evaṁ paṭivisiṭṭhānaṁ katamaṁ daṇḍaṁ nigaṇṭho nāṭaputto mahāsāvajjataraṁ paññapeti pāpassa kammassa kiriyāya pāpassa kammassa pavattiyā, yadi vā kāyadaṇḍaṁ, yadi vā vacīdaṇḍaṁ, yadi vā manodaṇḍan”ti?

“苦行者，对于这样划分、这样区别的三种杖，关于恶业的实行、恶业的发生，尼乾陀若提子安立哪一种杖的罪责更重——身杖，还是语杖，还是意杖？”

mn56:3.12

“Imesaṁ kho, āvuso gotama, tiṇṇaṁ daṇḍānaṁ evaṁ paṭivibhattānaṁ evaṁ paṭivisiṭṭhānaṁ kāyadaṇḍaṁ nigaṇṭho nāṭaputto mahāsāvajjataraṁ paññapeti pāpassa kammassa kiriyāya pāpassa kammassa pavattiyā, no tathā vacīdaṇḍaṁ, no tathā manodaṇḍan”ti.

“乔达摩朋友，对于这样划分、这样区别的三种杖，关于恶业的实行、恶业的发生，尼乾陀若提子安立身杖的罪责更重，语杖不如此，意杖也不如此。”

mn56:3.13

“Kāyadaṇḍanti, tapassi, vadesi”?

“苦行者，你说的是身杖？”

mn56:3.14

“Kāyadaṇḍanti, āvuso gotama, vadāmi”.

“乔达摩朋友，我说的是身杖。”

mn56:3.15

“Kāyadaṇḍanti, tapassi, vadesi”?

“苦行者，你说的是身杖？”

mn56:3.16

“Kāyadaṇḍanti, āvuso gotama, vadāmi”.

“乔达摩朋友，我说的是身杖。”

mn56:3.17

“Kāyadaṇḍanti, tapassi, vadesi”?

“苦行者，你说的是身杖？”

mn56:3.18

“Kāyadaṇḍanti, āvuso gotama, vadāmī”ti.

“乔达摩朋友，我说的是身杖。”

mn56:3.19

Itiha bhagavā dīghatapassiṁ nigaṇṭhaṁ imasmiṁ kathāvatthusmiṁ yāvatatiyakaṁ patiṭṭhāpesi.

世尊就这样使长苦行尼乾陀在这个论题上确认了三次。

mn56:4.1

Evaṁ vutte, dīghatapassī nigaṇṭho bhagavantaṁ etadavoca:

听到这话，长苦行尼乾陀对世尊说：

mn56:4.2

“tvaṁ panāvuso gotama, kati daṇḍāni paññapesi pāpassa kammassa kiriyāya pāpassa kammassa pavattiyā”ti?

“乔达摩朋友，那么，关于恶业的实行、恶业的发生，你安立几种杖？”

mn56:4.3

“Na kho, tapassi, āciṇṇaṁ tathāgatassa ‘daṇḍaṁ, daṇḍan’ti paññapetuṁ;

“苦行者，如来不惯于用‘杖、杖’这样的名称来安立；

mn56:4.4

‘kammaṁ, kamman’ti kho, tapassi, āciṇṇaṁ tathāgatassa paññapetun”ti?

苦行者，如来惯于用‘业、业’这样的名称来安立。”

mn56:4.5

“Tvaṁ panāvuso gotama, kati kammāni paññapesi pāpassa kammassa kiriyāya pāpassa kammassa pavattiyā”ti?

“乔达摩朋友，那么，关于恶业的实行、恶业的发生，你安立几种业？”

mn56:4.6

“Tīṇi kho ahaṁ, tapassi, kammāni paññapemi pāpassa kammassa kiriyāya pāpassa kammassa pavattiyā, seyyathidaṁ—

“苦行者，关于恶业的实行、恶业的发生，我安立三种业，即：

mn56:4.7

kāyakammaṁ, vacīkammaṁ, manokamman”ti.

身业、语业、意业。”

mn56:4.8

“Kiṁ panāvuso gotama, aññadeva kāyakammaṁ, aññaṁ vacīkammaṁ, aññaṁ manokamman”ti?

“乔达摩朋友，身业是一种，语业是另一种，意业又是另一种吗？”

mn56:4.9

“Aññadeva, tapassi, kāyakammaṁ, aññaṁ vacīkammaṁ, aññaṁ manokamman”ti.

“苦行者，身业是一种，语业是另一种，意业又是另一种。”

mn56:4.10

“Imesaṁ panāvuso gotama, tiṇṇaṁ kammānaṁ evaṁ paṭivibhattānaṁ evaṁ paṭivisiṭṭhānaṁ katamaṁ kammaṁ mahāsāvajjataraṁ paññapesi pāpassa kammassa kiriyāya pāpassa kammassa pavattiyā, yadi vā kāyakammaṁ, yadi vā vacīkammaṁ, yadi vā manokamman”ti?

“乔达摩朋友，对于这样划分、这样区别的三种业，关于恶业的实行、恶业的发生，你安立哪一种业的罪责更重——身业，还是语业，还是意业？”

mn56:4.11

“Imesaṁ kho ahaṁ, tapassi, tiṇṇaṁ kammānaṁ evaṁ paṭivibhattānaṁ evaṁ paṭivisiṭṭhānaṁ manokammaṁ mahāsāvajjataraṁ paññapemi pāpassa kammassa kiriyāya pāpassa kammassa pavattiyā, no tathā kāyakammaṁ, no tathā vacīkamman”ti.

“苦行者，对于这样划分、这样区别的三种业，关于恶业的实行、恶业的发生，我安立意业的罪责更重，身业不如此，语业也不如此。”

mn56:4.12

“Manokammanti, āvuso gotama, vadesi”?

“乔达摩朋友，你说的是意业？”

mn56:4.13

“Manokammanti, tapassi, vadāmi”.

“苦行者，我说的是意业。”

mn56:4.14

“Manokammanti, āvuso gotama, vadesi”?

“乔达摩朋友，你说的是意业？”

mn56:4.15

“Manokammanti, tapassi, vadāmi”.

“苦行者，我说的是意业。”

mn56:4.16

“Manokammanti, āvuso gotama, vadesi”?

“乔达摩朋友，你说的是意业？”

mn56:4.17

“Manokammanti, tapassi, vadāmī”ti.

“苦行者，我说的是意业。”

mn56:4.18

Itiha dīghatapassī nigaṇṭho bhagavantaṁ imasmiṁ kathāvatthusmiṁ yāvatatiyakaṁ patiṭṭhāpetvā uṭṭhāyāsanā yena nigaṇṭho nāṭaputto tenupasaṅkami.

长苦行尼乾陀就这样使世尊在这个论题上确认了三次，然后从座位起身，来到尼乾陀若提子处。

mn56:5.1

Tena kho pana samayena nigaṇṭho nāṭaputto mahatiyā gihiparisāya saddhiṁ nisinno hoti bālakiniyā parisāya upālipamukhāya.

那时，尼乾陀若提子正与来自巴勒迦、以优波离为首的大群在家众坐在一起。

mn56:5.2

Addasā kho nigaṇṭho nāṭaputto dīghatapassiṁ nigaṇṭhaṁ dūratova āgacchantaṁ;

尼乾陀若提子远远看见长苦行尼乾陀走来；

mn56:5.3

disvāna dīghatapassiṁ nigaṇṭhaṁ etadavoca:

看见后，对长苦行尼乾陀说：

mn56:5.4

“handa kuto nu tvaṁ, tapassi, āgacchasi divā divassā”ti?

“苦行者，你这大白天从哪里来？”

mn56:5.5

“Ito hi kho ahaṁ, bhante, āgacchāmi samaṇassa gotamassa santikā”ti.

“大德，我刚从沙门乔达摩那里来。”

mn56:5.6

“Ahu pana te, tapassi, samaṇena gotamena saddhiṁ kocideva kathāsallāpo”ti?

“苦行者，你与沙门乔达摩有过交谈吗？”

mn56:5.7

“Ahu kho me, bhante, samaṇena gotamena saddhiṁ kocideva kathāsallāpo”ti.

“大德，我与沙门乔达摩有过交谈。”

mn56:5.8

“Yathā kathaṁ pana te, tapassi, ahu samaṇena gotamena saddhiṁ kocideva kathāsallāpo”ti?

“苦行者，你与沙门乔达摩是怎样交谈的？”

mn56:5.9

Atha kho dīghatapassī nigaṇṭho yāvatako ahosi bhagavatā saddhiṁ kathāsallāpo taṁ sabbaṁ nigaṇṭhassa nāṭaputtassa ārocesi.

于是，长苦行尼乾陀把他与世尊交谈的全部内容告诉了尼乾陀若提子。

mn56:6.1

Evaṁ vutte, nigaṇṭho nāṭaputto dīghatapassiṁ nigaṇṭhaṁ etadavoca:

听到这话，尼乾陀若提子对长苦行尼乾陀说：

mn56:6.2

“sādhu sādhu, tapassi.

“好，好，苦行者！

mn56:6.3

Yathā taṁ sutavatā sāvakena sammadeva satthusāsanaṁ ājānantena evameva dīghatapassinā nigaṇṭhena samaṇassa gotamassa byākataṁ.

长苦行尼乾陀对沙门乔达摩的回答，正像一个有闻、正确理解老师教导的弟子所应作的回答。

mn56:6.4

Kiñhi sobhati chavo manodaṇḍo imassa evaṁ oḷārikassa kāyadaṇḍassa upanidhāya.

与这样粗重的身杖相比，那微不足道的意杖又算得了什么？

mn56:6.5

Atha kho kāyadaṇḍova mahāsāvajjataro pāpassa kammassa kiriyāya pāpassa kammassa pavattiyā, no tathā vacīdaṇḍo, no tathā manodaṇḍo”ti.

关于恶业的实行、恶业的发生，正是身杖的罪责更重，语杖不如此，意杖也不如此。”

mn56:7.1

Evaṁ vutte, upāli gahapati nigaṇṭhaṁ nāṭaputtaṁ etadavoca:

听到这话，优波离居士对尼乾陀若提子说：

mn56:7.2

“sādhu sādhu, bhante dīghatapassī.

“大德，长苦行答得好，答得好！

mn56:7.3

Yathā taṁ sutavatā sāvakena sammadeva satthusāsanaṁ ājānantena evamevaṁ bhadantena tapassinā samaṇassa gotamassa byākataṁ.

苦行尊者对沙门乔达摩的回答，正像一个有闻、正确理解老师教导的弟子所应作的回答。

mn56:7.4

Kiñhi sobhati chavo manodaṇḍo imassa evaṁ oḷārikassa kāyadaṇḍassa upanidhāya.

与这样粗重的身杖相比，那微不足道的意杖又算得了什么？

mn56:7.5

Atha kho kāyadaṇḍova mahāsāvajjataro pāpassa kammassa kiriyāya pāpassa kammassa pavattiyā, no tathā vacīdaṇḍo, no tathā manodaṇḍo.

关于恶业的实行、恶业的发生，正是身杖的罪责更重，语杖不如此，意杖也不如此。

mn56:7.6

Handa cāhaṁ, bhante, gacchāmi samaṇassa gotamassa imasmiṁ kathāvatthusmiṁ vādaṁ āropessāmi.

大德，让我去吧，我要就这个论题驳倒沙门乔达摩的主张。

mn56:7.7

Sace me samaṇo gotamo tathā patiṭṭhahissati yathā bhadantena tapassinā patiṭṭhāpitaṁ; seyyathāpi nāma balavā puriso dīghalomikaṁ eḷakaṁ lomesu gahetvā ākaḍḍheyya parikaḍḍheyya samparikaḍḍheyya; evamevāhaṁ samaṇaṁ gotamaṁ vādena vādaṁ ākaḍḍhissāmi parikaḍḍhissāmi samparikaḍḍhissāmi.

如果沙门乔达摩在我面前仍坚持苦行尊者让他确认的立场，那么，正如一个强壮的人抓住长毛公羊的毛，往这边拉、往那边拉、四处拖拽；我也要在辩论中一句接一句地把沙门乔达摩往这边拉、往那边拉、四处拖拽。

mn56:7.8

Seyyathāpi nāma balavā soṇḍikākammakāro mahantaṁ soṇḍikākilañjaṁ gambhīre udakarahade pakkhipitvā kaṇṇe gahetvā ākaḍḍheyya parikaḍḍheyya samparikaḍḍheyya; evamevāhaṁ samaṇaṁ gotamaṁ vādena vādaṁ ākaḍḍhissāmi parikaḍḍhissāmi samparikaḍḍhissāmi.

正如一个强壮的酿酒工人，把一个大酒筛放进深水池，抓住它的边角，往这边拉、往那边拉、四处拖拽；我也要在辩论中一句接一句地把沙门乔达摩往这边拉、往那边拉、四处拖拽。

mn56:7.9

Seyyathāpi nāma balavā soṇḍikādhutto vālaṁ kaṇṇe gahetvā odhuneyya niddhuneyya nipphoṭeyya; evamevāhaṁ samaṇaṁ gotamaṁ vādena vādaṁ odhunissāmi niddhunissāmi nipphoṭessāmi.

正如一个强壮的酿酒人，抓住毛滤网的边角，上下抖动、抖落、拍打；我也要在辩论中一句接一句地抖动、抖落、拍打沙门乔达摩。

mn56:7.10

Seyyathāpi nāma kuñjaro saṭṭhihāyano gambhīraṁ pokkharaṇiṁ ogāhetvā sāṇadhovikaṁ nāma kīḷitajātaṁ kīḷati; evamevāhaṁ samaṇaṁ gotamaṁ sāṇadhovikaṁ maññe kīḷitajātaṁ kīḷissāmi.

正如一头六十岁的象进入深莲池，玩一种叫作‘洗麻’的游戏；我也要仿佛以沙门乔达摩为对象，玩这种‘洗麻’的游戏。

mn56:7.11

Handa cāhaṁ, bhante, gacchāmi samaṇassa gotamassa imasmiṁ kathāvatthusmiṁ vādaṁ āropessāmī”ti.

大德，让我去吧，我要就这个论题驳倒沙门乔达摩的主张。”

mn56:7.12

“Gaccha tvaṁ, gahapati, samaṇassa gotamassa imasmiṁ kathāvatthusmiṁ vādaṁ āropehi.

“居士，你去吧，就这个论题驳倒沙门乔达摩的主张。

mn56:7.13

Ahaṁ vā hi, gahapati, samaṇassa gotamassa vādaṁ āropeyyaṁ, dīghatapassī vā nigaṇṭho, tvaṁ vā”ti.

居士，能驳倒沙门乔达摩主张的，应当是我，或长苦行尼乾陀，或你。”

mn56:8.1

Evaṁ vutte, dīghatapassī nigaṇṭho nigaṇṭhaṁ nāṭaputtaṁ etadavoca:

听到这话，长苦行尼乾陀对尼乾陀若提子说：

mn56:8.2

“na kho metaṁ, bhante, ruccati yaṁ upāli gahapati samaṇassa gotamassa vādaṁ āropeyya.

“大德，我不赞成让优波离居士去驳倒沙门乔达摩的主张。

mn56:8.3

Samaṇo hi, bhante, gotamo māyāvī āvaṭṭaniṁ māyaṁ jānāti yāya aññatitthiyānaṁ sāvake āvaṭṭetī”ti.

大德，沙门乔达摩是个幻术师，懂得使人转向的幻术，能用它使其他教派的弟子转向。”

mn56:8.4

“Aṭṭhānaṁ kho etaṁ, tapassi, anavakāso yaṁ upāli gahapati samaṇassa gotamassa sāvakattaṁ upagaccheyya.

“苦行者，优波离居士成为沙门乔达摩的弟子，这是不可能的，没有这种机会。

mn56:8.5

Ṭhānañca kho etaṁ vijjati yaṁ samaṇo gotamo upālissa gahapatissa sāvakattaṁ upagaccheyya.

倒有可能是沙门乔达摩成为优波离居士的弟子。

mn56:8.6

Gaccha tvaṁ, gahapati, samaṇassa gotamassa imasmiṁ kathāvatthusmiṁ vādaṁ āropehi.

居士，你去吧，就这个论题驳倒沙门乔达摩的主张。

mn56:8.7

Ahaṁ vā hi, gahapati, samaṇassa gotamassa vādaṁ āropeyyaṁ, dīghatapassī vā nigaṇṭho, tvaṁ vā”ti.

居士，能驳倒沙门乔达摩主张的，应当是我，或长苦行尼乾陀，或你。”

mn56:9.1

Dutiyampi kho dīghatapassī …pe…

第二次，长苦行尼乾陀也这样说……〔中略〕。

mn56:9.2

tatiyampi kho dīghatapassī nigaṇṭho nigaṇṭhaṁ nāṭaputtaṁ etadavoca:

第三次，长苦行尼乾陀对尼乾陀若提子说：

mn56:9.3

“na kho metaṁ, bhante, ruccati yaṁ upāli gahapati samaṇassa gotamassa vādaṁ āropeyya.

“大德，我不赞成让优波离居士去驳倒沙门乔达摩的主张。

mn56:9.4

Samaṇo hi, bhante, gotamo māyāvī āvaṭṭaniṁ māyaṁ jānāti yāya aññatitthiyānaṁ sāvake āvaṭṭetī”ti.

大德，沙门乔达摩是个幻术师，懂得使人转向的幻术，能用它使其他教派的弟子转向。”

mn56:9.5

“Aṭṭhānaṁ kho etaṁ, tapassi, anavakāso yaṁ upāli gahapati samaṇassa gotamassa sāvakattaṁ upagaccheyya.

“苦行者，优波离居士成为沙门乔达摩的弟子，这是不可能的，没有这种机会。

mn56:9.6

Ṭhānañca kho etaṁ vijjati yaṁ samaṇo gotamo upālissa gahapatissa sāvakattaṁ upagaccheyya.

倒有可能是沙门乔达摩成为优波离居士的弟子。

mn56:9.7

Gaccha tvaṁ, gahapati, samaṇassa gotamassa imasmiṁ kathāvatthusmiṁ vādaṁ āropehi.

居士，你去吧，就这个论题驳倒沙门乔达摩的主张。

mn56:9.8

Ahaṁ vā hi, gahapati, samaṇassa gotamassa vādaṁ āropeyyaṁ, dīghatapassī vā nigaṇṭho, tvaṁ vā”ti.

居士，能驳倒沙门乔达摩主张的，应当是我，或长苦行尼乾陀，或你。”

mn56:9.9

“Evaṁ, bhante”ti kho upāli gahapati nigaṇṭhassa nāṭaputtassa paṭissutvā uṭṭhāyāsanā nigaṇṭhaṁ nāṭaputtaṁ abhivādetvā padakkhiṇaṁ katvā yena pāvārikambavanaṁ yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho upāli gahapati bhagavantaṁ etadavoca:

优波离居士回答尼乾陀若提子：“是，大德。”随后从座位起身，礼敬尼乾陀若提子，右绕而去，来到波婆利迦芒果园的世尊处；来到后，礼敬世尊，坐在一旁。坐在一旁的优波离居士对世尊说：

mn56:9.10

“āgamā nu khvidha, bhante, dīghatapassī nigaṇṭho”ti?

“大德，长苦行尼乾陀来过这里吗？”

mn56:9.11

“Āgamā khvidha, gahapati, dīghatapassī nigaṇṭho”ti.

“居士，长苦行尼乾陀来过这里。”

mn56:9.12

“Ahu kho pana te, bhante, dīghatapassinā nigaṇṭhena saddhiṁ kocideva kathāsallāpo”ti?

“大德，你与长苦行尼乾陀有过交谈吗？”

mn56:9.13

“Ahu kho me, gahapati, dīghatapassinā nigaṇṭhena saddhiṁ kocideva kathāsallāpo”ti.

“居士，我与长苦行尼乾陀有过交谈。”

mn56:9.14

“Yathā kathaṁ pana te, bhante, ahu dīghatapassinā nigaṇṭhena saddhiṁ kocideva kathāsallāpo”ti?

“大德，你与长苦行尼乾陀是怎样交谈的？”

mn56:9.15

Atha kho bhagavā yāvatako ahosi dīghatapassinā nigaṇṭhena saddhiṁ kathāsallāpo taṁ sabbaṁ upālissa gahapatissa ārocesi.

于是，世尊把他与长苦行尼乾陀交谈的全部内容告诉了优波离居士。

mn56:10.1

Evaṁ vutte, upāli gahapati bhagavantaṁ etadavoca:

听到这话，优波离居士对世尊说：

mn56:10.2

“sādhu sādhu, bhante tapassī.

“大德，苦行者答得好，答得好！

mn56:10.3

Yathā taṁ sutavatā sāvakena sammadeva satthusāsanaṁ ājānantena evamevaṁ dīghatapassinā nigaṇṭhena bhagavato byākataṁ.

长苦行尼乾陀对世尊的回答，正像一个有闻、正确理解老师教导的弟子所应作的回答。

mn56:10.4

Kiñhi sobhati chavo manodaṇḍo imassa evaṁ oḷārikassa kāyadaṇḍassa upanidhāya?

与这样粗重的身杖相比，那微不足道的意杖又算得了什么？

mn56:10.5

Atha kho kāyadaṇḍova mahāsāvajjataro pāpassa kammassa kiriyāya pāpassa kammassa pavattiyā, no tathā vacīdaṇḍo, no tathā manodaṇḍo”ti.

关于恶业的实行、恶业的发生，正是身杖的罪责更重，语杖不如此，意杖也不如此。”

mn56:10.6

“Sace kho tvaṁ, gahapati, sacce patiṭṭhāya manteyyāsi siyā no ettha kathāsallāpo”ti.

“居士，如果你立足于真实来讨论，我们可以就此交谈。”

mn56:10.7

“Sacce ahaṁ, bhante, patiṭṭhāya mantessāmi;

“大德，我会立足于真实来讨论；

mn56:10.8

hotu no ettha kathāsallāpo”ti.

我们就此交谈吧。”

mn56:11.1

“Taṁ kiṁ maññasi, gahapati,

“居士，你认为怎样？

mn56:11.2

idhassa nigaṇṭho ābādhiko dukkhito bāḷhagilāno sītodakapaṭikkhitto uṇhodakapaṭisevī.

假如有一位尼乾陀患病、受苦、病得很重，拒绝冷水，只用热水。

mn56:11.3

So sītodakaṁ alabhamāno kālaṁ kareyya.

他得不到冷水而死去。

mn56:11.4

Imassa pana, gahapati, nigaṇṭho nāṭaputto katthūpapattiṁ paññapetī”ti?

居士，尼乾陀若提子会安立此人投生在哪里？”

mn56:11.5

“Atthi, bhante, manosattā nāma devā tattha so upapajjati”.

“大德，有一类名为‘意系著’的天众，他投生在那里。”

mn56:11.6

“Taṁ kissa hetu”?

“这是什么原因？”

mn56:11.7

“Asu hi, bhante, manopaṭibaddho kālaṁ karotī”ti.

“大德，因为他死时心被系缚。”

mn56:11.8

“Manasi karohi, gahapati, manasi karitvā kho, gahapati, byākarohi.

“居士，你要留意；居士，留意之后再回答。

mn56:11.9

Na kho te sandhiyati purimena vā pacchimaṁ, pacchimena vā purimaṁ.

你后面的话与前面不相合，前面的话与后面也不相合。

mn56:11.10

Bhāsitā kho pana te, gahapati, esā vācā:

然而，居士，你说过这样的话：

mn56:11.11

‘sacce ahaṁ, bhante, patiṭṭhāya mantessāmi,

‘大德，我会立足于真实来讨论；

mn56:11.12

hotu no ettha kathāsallāpo’”ti.

我们就此交谈吧。’”

mn56:11.13

“Kiñcāpi, bhante, bhagavā evamāha, atha kho kāyadaṇḍova mahāsāvajjataro pāpassa kammassa kiriyāya pāpassa kammassa pavattiyā, no tathā vacīdaṇḍo, no tathā manodaṇḍo”ti.

“大德，虽然世尊这样说，但关于恶业的实行、恶业的发生，仍是身杖的罪责更重，语杖不如此，意杖也不如此。”

mn56:12.1

“Taṁ kiṁ maññasi, gahapati,

“居士，你认为怎样？

mn56:12.2

idhassa nigaṇṭho nāṭaputto cātuyāmasaṁvarasaṁvuto sabbavārivārito sabbavāriyutto sabbavāridhuto sabbavāriphuṭo.

假如尼乾陀若提子以四重约束自我约束：以一切禁制防护，与一切禁制相应，以一切禁制净除，遍满一切禁制。

mn56:12.3

So abhikkamanto paṭikkamanto bahū khuddake pāṇe saṅghātaṁ āpādeti.

他前行、后退时，使许多微小生命遭到杀害。

mn56:12.4

Imassa pana, gahapati, nigaṇṭho nāṭaputto kaṁ vipākaṁ paññapetī”ti?

居士，尼乾陀若提子会安立此人有什么果报？”

mn56:12.5

“Asañcetanikaṁ, bhante, nigaṇṭho nāṭaputto no mahāsāvajjaṁ paññapetī”ti.

“大德，对于非故意的行为，尼乾陀若提子不安立为罪责重大。”

mn56:12.6

“Sace pana, gahapati, cetetī”ti?

“居士，如果他有意如此呢？”

mn56:12.7

“Mahāsāvajjaṁ, bhante, hotī”ti.

“大德，那就是罪责重大。”

mn56:12.8

“Cetanaṁ pana, gahapati, nigaṇṭho nāṭaputto kismiṁ paññapetī”ti?

“居士，尼乾陀若提子把意向安立在哪一类中？”

mn56:12.9

“Manodaṇḍasmiṁ, bhante”ti.

“大德，在意杖中。”

mn56:12.10

“Manasi karohi, gahapati, manasi karitvā kho, gahapati, byākarohi.

“居士，你要留意；居士，留意之后再回答。

mn56:12.11

Na kho te sandhiyati purimena vā pacchimaṁ, pacchimena vā purimaṁ.

你后面的话与前面不相合，前面的话与后面也不相合。

mn56:12.12

Bhāsitā kho pana te, gahapati, esā vācā:

然而，居士，你说过这样的话：

mn56:12.13

‘sacce ahaṁ, bhante, patiṭṭhāya mantessāmi;

‘大德，我会立足于真实来讨论；

mn56:12.14

hotu no ettha kathāsallāpo’”ti.

我们就此交谈吧。’”

mn56:12.15

“Kiñcāpi, bhante, bhagavā evamāha, atha kho kāyadaṇḍova mahāsāvajjataro pāpassa kammassa kiriyāya pāpassa kammassa pavattiyā, no tathā vacīdaṇḍo, no tathā manodaṇḍo”ti.

“大德，虽然世尊这样说，但关于恶业的实行、恶业的发生，仍是身杖的罪责更重，语杖不如此，意杖也不如此。”

mn56:13.1

“Taṁ kiṁ maññasi, gahapati,

“居士，你认为怎样？

mn56:13.2

ayaṁ nāḷandā iddhā ceva phītā ca bahujanā ākiṇṇamanussā”ti?

这那烂陀是否繁荣、富庶、人口众多、人群密集？”

mn56:13.3

“Evaṁ, bhante, ayaṁ nāḷandā iddhā ceva phītā ca bahujanā ākiṇṇamanussā”ti.

“是的，大德，这那烂陀繁荣、富庶、人口众多、人群密集。”

mn56:13.4

“Taṁ kiṁ maññasi, gahapati,

“居士，你认为怎样？

mn56:13.5

idha puriso āgaccheyya ukkhittāsiko.

假如有一个举着剑的人来到这里，

mn56:13.6

So evaṁ vadeyya:

他说：

mn56:13.7

‘ahaṁ yāvatikā imissā nāḷandāya pāṇā te ekena khaṇena ekena muhuttena ekaṁ maṁsakhalaṁ ekaṁ maṁsapuñjaṁ karissāmī’ti.

‘我要在一刹那、一瞬间，把这那烂陀所有生命化作一片肉场、一堆肉。’

mn56:13.8

Taṁ kiṁ maññasi, gahapati,

居士，你认为怎样？

mn56:13.9

pahoti nu kho so puriso yāvatikā imissā nāḷandāya pāṇā te ekena khaṇena ekena muhuttena ekaṁ maṁsakhalaṁ ekaṁ maṁsapuñjaṁ kātun”ti?

那个人能在一刹那、一瞬间，把这那烂陀所有生命化作一片肉场、一堆肉吗？”

mn56:13.10

“Dasapi, bhante, purisā, vīsampi, bhante, purisā, tiṁsampi, bhante, purisā, cattārīsampi, bhante, purisā, paññāsampi, bhante, purisā nappahonti yāvatikā imissā nāḷandāya pāṇā te ekena khaṇena ekena muhuttena ekaṁ maṁsakhalaṁ ekaṁ maṁsapuñjaṁ kātuṁ.

“大德，即使十个人、二十个人、三十个人、四十个人、五十个人，也不能在一刹那、一瞬间，把这那烂陀所有生命化作一片肉场、一堆肉。

mn56:13.11

Kiñhi sobhati eko chavo puriso”ti.

一个微不足道的人又算得了什么？”

mn56:13.12

“Taṁ kiṁ maññasi, gahapati,

“居士，你认为怎样？

mn56:13.13

idha āgaccheyya samaṇo vā brāhmaṇo vā iddhimā cetovasippatto.

假如有一位具神通、心得自在的沙门或婆罗门来到这里，

mn56:13.14

So evaṁ vadeyya:

他说：

mn56:13.15

‘ahaṁ imaṁ nāḷandaṁ ekena manopadosena bhasmaṁ karissāmī’ti.

‘我要以一次心的恶意，把这那烂陀化为灰烬。’

mn56:13.16

Taṁ kiṁ maññasi, gahapati,

居士，你认为怎样？

mn56:13.17

pahoti nu kho so samaṇo vā brāhmaṇo vā iddhimā cetovasippatto imaṁ nāḷandaṁ ekena manopadosena bhasmaṁ kātun”ti?

那位具神通、心得自在的沙门或婆罗门，能以一次心的恶意，把这那烂陀化为灰烬吗？”

mn56:13.18

“Dasapi, bhante, nāḷandā, vīsampi nāḷandā, tiṁsampi nāḷandā, cattārīsampi nāḷandā, paññāsampi nāḷandā pahoti so samaṇo vā brāhmaṇo vā iddhimā cetovasippatto ekena manopadosena bhasmaṁ kātuṁ.

“大德，那位具神通、心得自在的沙门或婆罗门，能以一次心的恶意，把十个、二十个、三十个、四十个、五十个那烂陀化为灰烬。

mn56:13.19

Kiñhi sobhati ekā chavā nāḷandā”ti.

一个微不足道的那烂陀又算得了什么？”

mn56:13.20

“Manasi karohi, gahapati, manasi karitvā kho, gahapati, byākarohi.

“居士，你要留意；居士，留意之后再回答。

mn56:13.21

Na kho te sandhiyati purimena vā pacchimaṁ, pacchimena vā purimaṁ.

你后面的话与前面不相合，前面的话与后面也不相合。

mn56:13.22

Bhāsitā kho pana te, gahapati, esā vācā:

然而，居士，你说过这样的话：

mn56:13.23

‘sacce ahaṁ, bhante, patiṭṭhāya mantessāmi;

‘大德，我会立足于真实来讨论；

mn56:13.24

hotu no ettha kathāsallāpo’”ti.

我们就此交谈吧。’”

mn56:13.25

“Kiñcāpi, bhante, bhagavā evamāha, atha kho kāyadaṇḍova mahāsāvajjataro pāpassa kammassa kiriyāya pāpassa kammassa pavattiyā, no tathā vacīdaṇḍo, no tathā manodaṇḍo”ti.

“大德，虽然世尊这样说，但关于恶业的实行、恶业的发生，仍是身杖的罪责更重，语杖不如此，意杖也不如此。”

mn56:13.26

“Taṁ kiṁ maññasi, gahapati,

“居士，你认为怎样？

mn56:13.27

sutaṁ te daṇḍakīraññaṁ kāliṅgāraññaṁ majjhāraññaṁ mātaṅgāraññaṁ araññaṁ araññabhūtan”ti?

你听说过弹荼迦荒野、迦陵伽荒野、中部荒野、摩登伽荒野怎样变成荒野的吗？”

mn56:13.28

“Evaṁ, bhante, sutaṁ me daṇḍakīraññaṁ kāliṅgāraññaṁ majjhāraññaṁ mātaṅgāraññaṁ araññaṁ araññabhūtan”ti.

“是的，大德，我听说过弹荼迦荒野、迦陵伽荒野、中部荒野、摩登伽荒野变成荒野的事。”

mn56:14.1

“Taṁ kiṁ maññasi, gahapati, kinti te sutaṁ kena taṁ daṇḍakīraññaṁ kāliṅgāraññaṁ majjhāraññaṁ mātaṅgāraññaṁ araññaṁ araññabhūtan”ti?

“居士，你认为怎样？你听说那弹荼迦荒野、迦陵伽荒野、中部荒野、摩登伽荒野，是因为什么而变成荒野的？”

mn56:14.2

“Sutaṁ metaṁ, bhante, isīnaṁ manopadosena taṁ daṇḍakīraññaṁ kāliṅgāraññaṁ majjhāraññaṁ mātaṅgāraññaṁ araññaṁ araññabhūtan”ti.

“大德，我听说：那些弹荼迦荒野、迦陵伽荒野、中部荒野、摩登伽荒野，是因仙人们心中的恶意而变成荒野的。”

mn56:14.3

“Manasi karohi, gahapati, manasi karitvā kho, gahapati, byākarohi.

“居士，你要留意；居士，留意之后再回答。

mn56:14.4

Na kho te sandhiyati purimena vā pacchimaṁ, pacchimena vā purimaṁ.

你后面的话与前面不相合，前面的话与后面也不相合。

mn56:14.5

Bhāsitā kho pana te, gahapati, esā vācā:

然而，居士，你说过这样的话：

mn56:14.6

‘sacce ahaṁ, bhante, patiṭṭhāya mantessāmi;

‘大德，我会立足于真实来讨论；

mn56:14.7

hotu no ettha kathāsallāpo’”ti.

我们就此交谈吧。’”

mn56:15.1

“Purimenevāhaṁ, bhante, opammena bhagavato attamano abhiraddho.

“大德，仅凭第一个譬喻，我就已经对世尊欢喜、满意了。

mn56:15.2

Api cāhaṁ imāni bhagavato vicitrāni pañhapaṭibhānāni sotukāmo, evāhaṁ bhagavantaṁ paccanīkaṁ kātabbaṁ amaññissaṁ.

只是我想听世尊这些巧妙的答问，所以认为应当对世尊提出反对。

mn56:15.3

Abhikkantaṁ, bhante, abhikkantaṁ, bhante.

殊胜啊，大德！殊胜啊，大德！

mn56:15.4

Seyyathāpi, bhante, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya: ‘cakkhumanto rūpāni dakkhantī’ti; evamevaṁ bhagavatā anekapariyāyena dhammo pakāsito.

大德，犹如扶起倒下的，揭开被遮蔽的，为迷路者指路，或在黑暗中举起油灯，让有眼者看见形色；同样，世尊以种种方式显明了法。

mn56:15.5

Esāhaṁ, bhante, bhagavantaṁ saraṇaṁ gacchāmi dhammañca bhikkhusaṅghañca.

大德，我皈依世尊、法与比丘僧团。

mn56:15.6

Upāsakaṁ maṁ bhagavā dhāretu ajjatagge pāṇupetaṁ saraṇaṁ gatan”ti.

请世尊记住：我是从今日起、终生皈依的在家弟子。”

mn56:16.1

“Anuviccakāraṁ kho, gahapati, karohi, anuviccakāro tumhādisānaṁ ñātamanussānaṁ sādhu hotī”ti.

“居士，你要经过审察再行动；像你这样知名的人，经过审察再行动是好的。”

mn56:16.2

“Imināpāhaṁ, bhante, bhagavato bhiyyoso mattāya attamano abhiraddho yaṁ maṁ bhagavā evamāha: ‘anuviccakāraṁ kho, gahapati, karohi, anuviccakāro tumhādisānaṁ ñātamanussānaṁ sādhu hotī’ti.

“大德，世尊对我这样说：‘居士，你要经过审察再行动；像你这样知名的人，经过审察再行动是好的。’这使我对世尊更加欢喜、满意。

mn56:16.3

Mañhi, bhante, aññatitthiyā sāvakaṁ labhitvā kevalakappaṁ nāḷandaṁ paṭākaṁ parihareyyuṁ:

大德，其他教派若得到我这样的弟子，会几乎走遍那烂陀，高举旗帜，宣告：

mn56:16.4

‘upāli amhākaṁ gahapati sāvakattaṁ upagato’ti.

‘优波离居士成为我们的弟子了！’

mn56:16.5

Atha ca pana maṁ bhagavā evamāha:

世尊却对我这样说：

mn56:16.6

‘anuviccakāraṁ kho, gahapati, karohi, anuviccakāro tumhādisānaṁ ñātamanussānaṁ sādhu hotī’ti.

‘居士，你要经过审察再行动；像你这样知名的人，经过审察再行动是好的。’

mn56:16.7

Esāhaṁ, bhante, dutiyampi bhagavantaṁ saraṇaṁ gacchāmi dhammañca bhikkhusaṅghañca.

大德，我第二次皈依世尊、法与比丘僧团。

mn56:16.8

Upāsakaṁ maṁ bhagavā dhāretu ajjatagge pāṇupetaṁ saraṇaṁ gatan”ti.

请世尊记住：我是从今日起、终生皈依的在家弟子。”

mn56:17.1

“Dīgharattaṁ kho te, gahapati, nigaṇṭhānaṁ opānabhūtaṁ kulaṁ yena nesaṁ upagatānaṁ piṇḍakaṁ dātabbaṁ maññeyyāsī”ti.

“居士，你家长久以来如同尼乾陀们的饮水处。因此，当他们到来时，你应当考虑给予食物。”

mn56:17.2

“Imināpāhaṁ, bhante, bhagavato bhiyyoso mattāya attamano abhiraddho yaṁ maṁ bhagavā evamāha: ‘dīgharattaṁ kho te, gahapati, nigaṇṭhānaṁ opānabhūtaṁ kulaṁ yena nesaṁ upagatānaṁ piṇḍakaṁ dātabbaṁ maññeyyāsī’ti.

“大德，世尊对我这样说：‘居士，你家长久以来如同尼乾陀们的饮水处。因此，当他们到来时，你应当考虑给予食物。’这使我对世尊更加欢喜、满意。

mn56:17.3

Sutaṁ metaṁ, bhante, samaṇo gotamo evamāha:

大德，我曾听说沙门乔达摩这样说：

mn56:17.4

‘mayhameva dānaṁ dātabbaṁ, nāññesaṁ dānaṁ dātabbaṁ;

‘只应布施给我，不应布施给别人；

mn56:17.5

mayhameva sāvakānaṁ dānaṁ dātabbaṁ, nāññesaṁ sāvakānaṁ dānaṁ dātabbaṁ;

只应布施给我的弟子，不应布施给别人的弟子；

mn56:17.6

mayhameva dinnaṁ mahapphalaṁ, nāññesaṁ dinnaṁ mahapphalaṁ;

只有布施给我才有大果，布施给别人没有大果；

mn56:17.7

mayhameva sāvakānaṁ dinnaṁ mahapphalaṁ, nāññesaṁ sāvakānaṁ dinnaṁ mahapphalan’ti.

只有布施给我的弟子才有大果，布施给别人的弟子没有大果。’

mn56:17.8

Atha ca pana maṁ bhagavā nigaṇṭhesupi dāne samādapeti.

然而，世尊却劝我也布施给尼乾陀。

mn56:17.9

Api ca, bhante, mayamettha kālaṁ jānissāma.

大德，不过我们会知道这件事的适当时机。

mn56:17.10

Esāhaṁ, bhante, tatiyampi bhagavantaṁ saraṇaṁ gacchāmi dhammañca bhikkhusaṅghañca.

大德，我第三次皈依世尊、法与比丘僧团。

mn56:17.11

Upāsakaṁ maṁ bhagavā dhāretu ajjatagge pāṇupetaṁ saraṇaṁ gatan”ti.

请世尊记住：我是从今日起、终生皈依的在家弟子。”

mn56:18.1

Atha kho bhagavā upālissa gahapatissa anupubbiṁ kathaṁ kathesi, seyyathidaṁ—

于是，世尊为优波离居士作次第说，即：

mn56:18.2

dānakathaṁ sīlakathaṁ saggakathaṁ, kāmānaṁ ādīnavaṁ okāraṁ saṅkilesaṁ, nekkhamme ānisaṁsaṁ pakāsesi.

布施之说、戒之说、天界之说，显明诸欲的过患、卑下、染污，以及出离的利益。

mn56:18.3

Yadā bhagavā aññāsi upāliṁ gahapatiṁ kallacittaṁ muducittaṁ vinīvaraṇacittaṁ udaggacittaṁ pasannacittaṁ, atha yā buddhānaṁ sāmukkaṁsikā dhammadesanā taṁ pakāsesi—

当世尊知道优波离居士的心已准备好、柔软、离盖、欣悦、净信时，就为他显明诸佛特有的法教：

mn56:18.4

dukkhaṁ, samudayaṁ, nirodhaṁ, maggaṁ.

苦、集、灭、道。

mn56:18.5

Seyyathāpi nāma suddhaṁ vatthaṁ apagatakāḷakaṁ sammadeva rajanaṁ paṭiggaṇheyya;

譬如清净、没有污斑的布，能恰当地吸收染料；

mn56:18.6

evameva upālissa gahapatissa tasmiṁyeva āsane virajaṁ vītamalaṁ dhammacakkhuṁ udapādi:

同样，优波离居士就在那个座位上，生起离尘、离垢的法眼：

mn56:18.7

“yaṁ kiñci samudayadhammaṁ sabbaṁ taṁ nirodhadhamman”ti.

“凡是具有生起性质的，全部都具有止灭性质。”（证得初果，即入流果）

mn56:18.8

Atha kho upāli gahapati diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṅkatho vesārajjappatto aparappaccayo satthusāsane bhagavantaṁ etadavoca:

于是，优波离居士见法、得法、知法、深入于法，越过疑惑、离开犹疑、获得无畏，在老师的教导上不再依赖他人。他对世尊说：

mn56:18.9

“handa ca dāni mayaṁ, bhante, gacchāma, bahukiccā mayaṁ bahukaraṇīyā”ti.

“大德，我们现在要走了，我们事务繁多，有许多应当做的事。”

mn56:18.10

“Yassadāni tvaṁ, gahapati, kālaṁ maññasī”ti.

“居士，现在请按你认为合宜的时机行事。”

mn56:19.1

Atha kho upāli gahapati bhagavato bhāsitaṁ abhinanditvā anumoditvā uṭṭhāyāsanā bhagavantaṁ abhivādetvā padakkhiṇaṁ katvā yena sakaṁ nivesanaṁ tenupasaṅkami; upasaṅkamitvā dovārikaṁ āmantesi:

优波离居士欢喜、随喜世尊所说，从座位起身，礼敬世尊，右绕而去，回到自己家中；到家后，他召唤守门人：

mn56:19.2

“ajjatagge, samma dovārika, āvarāmi dvāraṁ nigaṇṭhānaṁ nigaṇṭhīnaṁ, anāvaṭaṁ dvāraṁ bhagavato bhikkhūnaṁ bhikkhunīnaṁ upāsakānaṁ upāsikānaṁ.

“好守门人，从今天起，我家对男性尼乾陀、女性尼乾陀关闭大门，对世尊的比丘、比丘尼、男在家弟子、女在家弟子敞开大门。

mn56:19.3

Sace koci nigaṇṭho āgacchati tamenaṁ tvaṁ evaṁ vadeyyāsi:

如果有尼乾陀来，你应当这样对他说：

mn56:19.4

‘tiṭṭha, bhante, mā pāvisi.

‘尊者，请停下，不要进来。

mn56:19.5

Ajjatagge upāli gahapati samaṇassa gotamassa sāvakattaṁ upagato.

从今天起，优波离居士已成为沙门乔达摩的弟子。

mn56:19.6

Āvaṭaṁ dvāraṁ nigaṇṭhānaṁ nigaṇṭhīnaṁ, anāvaṭaṁ dvāraṁ bhagavato bhikkhūnaṁ bhikkhunīnaṁ upāsakānaṁ upāsikānaṁ.

这里对男性尼乾陀、女性尼乾陀关闭大门，对世尊的比丘、比丘尼、男在家弟子、女在家弟子敞开大门。

mn56:19.7

Sace te, bhante, piṇḍakena attho, ettheva tiṭṭha, ettheva te āharissantī’”ti.

尊者，若你需要食物，就请留在这里，他们会把食物送到这里给你。’”

mn56:19.8

“Evaṁ, bhante”ti kho dovāriko upālissa gahapatissa paccassosi.

守门人回答优波离居士：“是，主人。”

mn56:20.1

Assosi kho dīghatapassī nigaṇṭho:

长苦行尼乾陀听说：

mn56:20.2

“upāli kira gahapati samaṇassa gotamassa sāvakattaṁ upagato”ti.

“据说优波离居士已成为沙门乔达摩的弟子。”

mn56:20.3

Atha kho dīghatapassī nigaṇṭho yena nigaṇṭho nāṭaputto tenupasaṅkami; upasaṅkamitvā nigaṇṭhaṁ nāṭaputtaṁ etadavoca:

于是，长苦行尼乾陀来到尼乾陀若提子处；来到后，对尼乾陀若提子说：

mn56:20.4

“sutaṁ metaṁ, bhante, upāli kira gahapati samaṇassa gotamassa sāvakattaṁ upagato”ti.

“大德，我听说优波离居士已成为沙门乔达摩的弟子。”

mn56:20.5

“Aṭṭhānaṁ kho etaṁ, tapassi, anavakāso yaṁ upāli gahapati samaṇassa gotamassa sāvakattaṁ upagaccheyya.

“苦行者，优波离居士成为沙门乔达摩的弟子，这是不可能的，没有这种机会。

mn56:20.6

Ṭhānañca kho etaṁ vijjati yaṁ samaṇo gotamo upālissa gahapatissa sāvakattaṁ upagaccheyyā”ti.

倒有可能是沙门乔达摩成为优波离居士的弟子。”

mn56:20.7

Dutiyampi kho dīghatapassī nigaṇṭho …pe…

第二次，长苦行尼乾陀也这样说……〔中略〕。

mn56:20.8

tatiyampi kho dīghatapassī nigaṇṭho nigaṇṭhaṁ nāṭaputtaṁ etadavoca:

第三次，长苦行尼乾陀对尼乾陀若提子说：

mn56:20.9

“sutaṁ metaṁ, bhante …

“大德，我听说……”

mn56:20.10

pe…

……〔中略〕

mn56:20.11

upālissa gahapatissa sāvakattaṁ upagaccheyyā”ti.

“……成为优波离居士的弟子。”

mn56:20.12

“Handāhaṁ, bhante, gacchāmi yāva jānāmi yadi vā upāli gahapati samaṇassa gotamassa sāvakattaṁ upagato yadi vā no”ti.

“大德，让我去吧，我要查明优波离居士究竟有没有成为沙门乔达摩的弟子。”

mn56:20.13

“Gaccha tvaṁ, tapassi, jānāhi yadi vā upāli gahapati samaṇassa gotamassa sāvakattaṁ upagato yadi vā no”ti.

“苦行者，你去吧，查明优波离居士究竟有没有成为沙门乔达摩的弟子。”

mn56:21.1

Atha kho dīghatapassī nigaṇṭho yena upālissa gahapatissa nivesanaṁ tenupasaṅkami.

于是，长苦行尼乾陀来到优波离居士家中。

mn56:21.2

Addasā kho dovāriko dīghatapassiṁ nigaṇṭhaṁ dūratova āgacchantaṁ.

守门人远远看见长苦行尼乾陀走来。

mn56:21.3

Disvāna dīghatapassiṁ nigaṇṭhaṁ etadavoca:

看见后，他对长苦行尼乾陀说：

mn56:21.4

“tiṭṭha, bhante, mā pāvisi.

“尊者，请停下，不要进来。

mn56:21.5

Ajjatagge upāli gahapati samaṇassa gotamassa sāvakattaṁ upagato.

从今天起，优波离居士已成为沙门乔达摩的弟子。

mn56:21.6

Āvaṭaṁ dvāraṁ nigaṇṭhānaṁ nigaṇṭhīnaṁ, anāvaṭaṁ dvāraṁ bhagavato bhikkhūnaṁ bhikkhunīnaṁ upāsakānaṁ upāsikānaṁ.

这里对男性尼乾陀、女性尼乾陀关闭大门，对世尊的比丘、比丘尼、男在家弟子、女在家弟子敞开大门。

mn56:21.7

Sace te, bhante, piṇḍakena attho, ettheva tiṭṭha, ettheva te āharissantī”ti.

尊者，若你需要食物，就请留在这里，他们会把食物送到这里给你。”

mn56:21.8

“Na me, āvuso, piṇḍakena attho”ti vatvā tato paṭinivattitvā yena nigaṇṭho nāṭaputto tenupasaṅkami; upasaṅkamitvā nigaṇṭhaṁ nāṭaputtaṁ etadavoca:

长苦行尼乾陀说：“朋友，我不需要食物。”随后从那里返回，来到尼乾陀若提子处；来到后，对尼乾陀若提子说：

mn56:21.9

“saccaṁyeva kho, bhante, yaṁ upāli gahapati samaṇassa gotamassa sāvakattaṁ upagato.

“大德，优波离居士成为沙门乔达摩的弟子，确实是真的。

mn56:21.10

Etaṁ kho te ahaṁ, bhante, nālatthaṁ, na kho me, bhante, ruccati yaṁ upāli gahapati samaṇassa gotamassa vādaṁ āropeyya.

大德，我没有使你接受我的劝告：‘大德，我不赞成让优波离居士去驳倒沙门乔达摩的主张。

mn56:21.11

Samaṇo hi, bhante, gotamo māyāvī āvaṭṭaniṁ māyaṁ jānāti yāya aññatitthiyānaṁ sāvake āvaṭṭetīti.

大德，沙门乔达摩是个幻术师，懂得使人转向的幻术，能用它使其他教派的弟子转向。’

mn56:21.12

Āvaṭṭo kho te, bhante, upāli gahapati samaṇena gotamena āvaṭṭaniyā māyāyā”ti.

大德，你的优波离居士已经被沙门乔达摩用转向的幻术转走了。”

mn56:21.13

“Aṭṭhānaṁ kho etaṁ, tapassi, anavakāso yaṁ upāli gahapati samaṇassa gotamassa sāvakattaṁ upagaccheyya.

“苦行者，优波离居士成为沙门乔达摩的弟子，这是不可能的，没有这种机会。

mn56:21.14

Ṭhānañca kho etaṁ vijjati yaṁ samaṇo gotamo upālissa gahapatissa sāvakattaṁ upagaccheyyā”ti.

倒有可能是沙门乔达摩成为优波离居士的弟子。”

mn56:21.15

Dutiyampi kho dīghatapassī nigaṇṭho nigaṇṭhaṁ nāṭaputtaṁ etadavoca:

第二次，长苦行尼乾陀对尼乾陀若提子说：

mn56:21.16

“saccaṁyeva, bhante …pe…

“大德，确实是真的……”〔中略〕

mn56:21.17

upālissa gahapatissa sāvakattaṁ upagaccheyyā”ti.

“……成为优波离居士的弟子。”

mn56:21.18

Tatiyampi kho dīghatapassī nigaṇṭho nigaṇṭhaṁ nāṭaputtaṁ etadavoca:

第三次，长苦行尼乾陀对尼乾陀若提子说：

mn56:21.19

“saccaṁyeva kho, bhante …

“大德，确实是真的……”

mn56:21.20

pe…

……〔中略〕

mn56:21.21

upālissa gahapatissa sāvakattaṁ upagaccheyyā”ti.

“……成为优波离居士的弟子。”

mn56:21.22

“Handa cāhaṁ, tapassi, gacchāmi yāva cāhaṁ sāmaṁyeva jānāmi yadi vā upāli gahapati samaṇassa gotamassa sāvakattaṁ upagato yadi vā no”ti.

“苦行者，我现在要去，亲自查明优波离居士究竟有没有成为沙门乔达摩的弟子。”

mn56:22.1

Atha kho nigaṇṭho nāṭaputto mahatiyā nigaṇṭhaparisāya saddhiṁ yena upālissa gahapatissa nivesanaṁ tenupasaṅkami.

于是，尼乾陀若提子与大群尼乾陀众一起，来到优波离居士家中。

mn56:22.2

Addasā kho dovāriko nigaṇṭhaṁ nāṭaputtaṁ dūratova āgacchantaṁ.

守门人远远看见尼乾陀若提子走来。

mn56:22.3

Disvāna nigaṇṭhaṁ nāṭaputtaṁ etadavoca:

看见后，他对尼乾陀若提子说：

mn56:22.4

“tiṭṭha, bhante, mā pāvisi.

“尊者，请停下，不要进来。

mn56:22.5

Ajjatagge upāli gahapati samaṇassa gotamassa sāvakattaṁ upagato.

从今天起，优波离居士已成为沙门乔达摩的弟子。

mn56:22.6

Āvaṭaṁ dvāraṁ nigaṇṭhānaṁ nigaṇṭhīnaṁ, anāvaṭaṁ dvāraṁ bhagavato bhikkhūnaṁ bhikkhunīnaṁ upāsakānaṁ upāsikānaṁ.

这里对男性尼乾陀、女性尼乾陀关闭大门，对世尊的比丘、比丘尼、男在家弟子、女在家弟子敞开大门。

mn56:22.7

Sace te, bhante, piṇḍakena attho, ettheva tiṭṭha, ettheva te āharissantī”ti.

尊者，若你需要食物，就请留在这里，他们会把食物送到这里给你。”

mn56:22.8

“Tena hi, samma dovārika, yena upāli gahapati tenupasaṅkama; upasaṅkamitvā upāliṁ gahapatiṁ evaṁ vadehi:

“那么，好守门人，请你到优波离居士那里，对他说：

mn56:22.9

‘nigaṇṭho, bhante, nāṭaputto mahatiyā nigaṇṭhaparisāya saddhiṁ bahidvārakoṭṭhake ṭhito;

‘主人，尼乾陀若提子与大群尼乾陀众一起，正站在外门廊处；

mn56:22.10

so te dassanakāmo’”ti.

他想见你。’”

mn56:22.11

“Evaṁ, bhante”ti kho dovāriko nigaṇṭhassa nāṭaputtassa paṭissutvā yena upāli gahapati tenupasaṅkami; upasaṅkamitvā upāliṁ gahapatiṁ etadavoca:

守门人答应尼乾陀若提子：“是，尊者。”随后来到优波离居士处，对优波离居士说：

mn56:22.12

“nigaṇṭho, bhante, nāṭaputto mahatiyā nigaṇṭhaparisāya saddhiṁ bahidvārakoṭṭhake ṭhito;

“主人，尼乾陀若提子与大群尼乾陀众一起，正站在外门廊处；

mn56:22.13

so te dassanakāmo”ti.

他想见你。”

mn56:22.14

“Tena hi, samma dovārika, majjhimāya dvārasālāya āsanāni paññapehī”ti.

“那么，好守门人，请在中门厅布置座位。”

mn56:22.15

“Evaṁ, bhante”ti kho dovāriko upālissa gahapatissa paṭissutvā majjhimāya dvārasālāya āsanāni paññapetvā yena upāli gahapati tenupasaṅkami; upasaṅkamitvā upāliṁ gahapatiṁ etadavoca:

守门人答应优波离居士：“是，主人。”在中门厅布置好座位后，来到优波离居士处，对他说：

mn56:22.16

“paññattāni kho, bhante, majjhimāya dvārasālāya āsanāni.

“主人，中门厅的座位已经布置好了。

mn56:22.17

Yassadāni kālaṁ maññasī”ti.

现在请按你认为合宜的时机行事。”

mn56:23.1

Atha kho upāli gahapati yena majjhimā dvārasālā tenupasaṅkami; upasaṅkamitvā yaṁ tattha āsanaṁ aggañca seṭṭhañca uttamañca paṇītañca tattha sāmaṁ nisīditvā dovārikaṁ āmantesi:

于是，优波离居士来到中门厅，在那里最上、最胜、最高、最好的座位上亲自坐下，然后召唤守门人：

mn56:23.2

“tena hi, samma dovārika, yena nigaṇṭho nāṭaputto tenupasaṅkama; upasaṅkamitvā nigaṇṭhaṁ nāṭaputtaṁ evaṁ vadehi:

“那么，好守门人，请你到尼乾陀若提子那里，对他说：

mn56:23.3

‘upāli, bhante, gahapati evamāha—

‘尊者，优波离居士这样说：

mn56:23.4

pavisa kira, bhante, sace ākaṅkhasī’”ti.

尊者，你若愿意，就请进来。’”

mn56:23.5

“Evaṁ, bhante”ti kho dovāriko upālissa gahapatissa paṭissutvā yena nigaṇṭho nāṭaputto tenupasaṅkami; upasaṅkamitvā nigaṇṭhaṁ nāṭaputtaṁ etadavoca:

守门人答应优波离居士：“是，主人。”随后来到尼乾陀若提子处，对尼乾陀若提子说：

mn56:23.6

“upāli, bhante, gahapati evamāha:

“尊者，优波离居士这样说：

mn56:23.7

‘pavisa kira, bhante, sace ākaṅkhasī’”ti.

‘尊者，你若愿意，就请进来。’”

mn56:23.8

Atha kho nigaṇṭho nāṭaputto mahatiyā nigaṇṭhaparisāya saddhiṁ yena majjhimā dvārasālā tenupasaṅkami.

于是，尼乾陀若提子与大群尼乾陀众一起，来到中门厅。

mn56:24.1

Atha kho upāli gahapati—

优波离居士——

mn56:24.2

yaṁ sudaṁ pubbe yato passati nigaṇṭhaṁ nāṭaputtaṁ dūratova āgacchantaṁ disvāna tato paccuggantvā yaṁ tattha āsanaṁ aggañca seṭṭhañca uttamañca paṇītañca taṁ uttarāsaṅgena sammajjitvā pariggahetvā nisīdāpeti so—

过去，只要他远远看见尼乾陀若提子走来，就会上前迎接，用自己的上衣擦拭那里最上、最胜、最高、最好的座位，扶着他请他坐下——

mn56:24.3

dāni yaṁ tattha āsanaṁ aggañca seṭṭhañca uttamañca paṇītañca tattha sāmaṁ nisīditvā nigaṇṭhaṁ nāṭaputtaṁ etadavoca:

现在，却自己坐在那个最上、最胜、最高、最好的座位上，对尼乾陀若提子说：

mn56:24.4

“saṁvijjanti kho, bhante, āsanāni;

“尊者，这里有座位；

mn56:24.5

sace ākaṅkhasi, nisīdā”ti.

你若愿意，请坐。”

mn56:25.1

Evaṁ vutte, nigaṇṭho nāṭaputto upāliṁ gahapatiṁ etadavoca:

听到这话，尼乾陀若提子对优波离居士说：

mn56:25.2

“ummattosi tvaṁ, gahapati, dattosi tvaṁ, gahapati.

“居士，你疯了，你昏了！

mn56:25.3

‘Gacchāmahaṁ, bhante, samaṇassa gotamassa vādaṁ āropessāmī’ti gantvā mahatāsi vādasaṅghāṭena paṭimukko āgato.

你说‘大德，我要去驳倒沙门乔达摩的主张’，去了之后，却套上他一大束论说回来了。

mn56:25.4

Seyyathāpi, gahapati, puriso aṇḍahārako gantvā ubbhatehi aṇḍehi āgaccheyya, seyyathā vā pana gahapati puriso akkhikahārako gantvā ubbhatehi akkhīhi āgaccheyya;

居士，譬如一个人去割取别人的睾丸，回来时自己的睾丸却被割掉；又譬如一个人去挖取别人的眼睛，回来时自己的眼睛却被挖掉。

mn56:25.5

evameva kho tvaṁ, gahapati, ‘gacchāmahaṁ, bhante, samaṇassa gotamassa vādaṁ āropessāmī’ti gantvā mahatāsi vādasaṅghāṭena paṭimukko āgato.

同样，居士，你说‘大德，我要去驳倒沙门乔达摩的主张’，去了之后，却套上他一大束论说回来了。

mn56:25.6

Āvaṭṭosi kho tvaṁ, gahapati, samaṇena gotamena āvaṭṭaniyā māyāyā”ti.

居士，你已被沙门乔达摩用转向的幻术转走了。”

mn56:26.1

“Bhaddikā, bhante, āvaṭṭanī māyā;

“尊者，这转向的幻术是好的！

mn56:26.2

kalyāṇī, bhante, āvaṭṭanī māyā;

尊者，这转向的幻术是善妙的！

mn56:26.3

piyā me, bhante, ñātisālohitā imāya āvaṭṭaniyā āvaṭṭeyyuṁ; piyānampi me assa ñātisālohitānaṁ dīgharattaṁ hitāya sukhāya;

愿我亲爱的亲族、血亲也被这转向的幻术转变；那会给他们带来长久的利益与安乐。

mn56:26.4

sabbe cepi, bhante, khattiyā imāya āvaṭṭaniyā āvaṭṭeyyuṁ; sabbesānampissa khattiyānaṁ dīgharattaṁ hitāya sukhāya; sabbe cepi, bhante, brāhmaṇā …pe… vessā …pe… suddā imāya āvaṭṭaniyā āvaṭṭeyyuṁ; sabbesānampissa suddānaṁ dīgharattaṁ hitāya sukhāya;

尊者，即使所有刹帝利都被这转向的幻术转变，也会给所有刹帝利带来长久的利益与安乐；即使所有婆罗门……吠舍……首陀罗都被这转向的幻术转变，也会给所有首陀罗带来长久的利益与安乐。

mn56:26.5

sadevako cepi, bhante, loko samārako sabrahmako sassamaṇabrāhmaṇī pajā sadevamanussā imāya āvaṭṭaniyā āvaṭṭeyyuṁ; sadevakassapissa lokassa samārakassa sabrahmakassa sassamaṇabrāhmaṇiyā pajāya sadevamanussāya dīgharattaṁ hitāya sukhāyāti.

尊者，即使有天、魔、梵的世界，有沙门、婆罗门、天与人的众生，都被这转向的幻术转变，也会给这有天、魔、梵的世界，有沙门、婆罗门、天与人的众生，带来长久的利益与安乐。

mn56:26.6

Tena hi, bhante, upamaṁ te karissāmi.

那么，尊者，我给你作个譬喻。

mn56:26.7

Upamāyapidhekacce viññū purisā bhāsitassa atthaṁ ājānanti.

有些有智之人，也能通过譬喻理解所说的意思。

mn56:27.1

Bhūtapubbaṁ, bhante, aññatarassa brāhmaṇassa jiṇṇassa vuḍḍhassa mahallakassa daharā māṇavikā pajāpatī ahosi gabbhinī upavijaññā.

尊者，从前有一位衰老、年长、高龄的婆罗门，娶了一位年轻妻子；她已有身孕，即将分娩。

mn56:27.2

Atha kho, bhante, sā māṇavikā taṁ brāhmaṇaṁ etadavoca,

尊者，那位年轻妻子对婆罗门说：

mn56:27.3

‘gaccha tvaṁ, brāhmaṇa, āpaṇā makkaṭacchāpakaṁ kiṇitvā ānehi, yo me kumārakassa kīḷāpanako bhavissatī’ti.

‘婆罗门，你去市场买一只小公猴回来，给我的小儿子作玩伴。’

mn56:27.4

Evaṁ vutte, so brāhmaṇo taṁ māṇavikaṁ etadavoca:

听到这话，婆罗门对年轻妻子说：

mn56:27.5

‘āgamehi tāva, bhoti, yāva vijāyati.

‘夫人，先等等，等你生下来再说。

mn56:27.6

Sace tvaṁ, bhoti, kumārakaṁ vijāyissasi, tassā te ahaṁ āpaṇā makkaṭacchāpakaṁ kiṇitvā ānessāmi, yo te kumārakassa kīḷāpanako bhavissati.

夫人，如果你生了男孩，我就去市场买一只小公猴回来，给你的小儿子作玩伴。

mn56:27.7

Sace pana tvaṁ, bhoti, kumārikaṁ vijāyissasi, tassā te ahaṁ āpaṇā makkaṭacchāpikaṁ kiṇitvā ānessāmi, yā te kumārikāya kīḷāpanikā bhavissatī’ti.

夫人，如果你生了女孩，我就去市场买一只小母猴回来，给你的小女儿作玩伴。’

mn56:27.8

Dutiyampi kho, bhante, sā māṇavikā …pe…

尊者，第二次，那年轻妻子也这样说……〔中略〕。

mn56:27.9

tatiyampi kho, bhante, sā māṇavikā taṁ brāhmaṇaṁ etadavoca:

尊者，第三次，那年轻妻子对婆罗门说：

mn56:27.10

‘gaccha tvaṁ, brāhmaṇa, āpaṇā makkaṭacchāpakaṁ kiṇitvā ānehi, yo me kumārakassa kīḷāpanako bhavissatī’ti.

‘婆罗门，你去市场买一只小公猴回来，给我的小儿子作玩伴。’

mn56:27.11

Atha kho, bhante, so brāhmaṇo tassā māṇavikāya sāratto paṭibaddhacitto āpaṇā makkaṭacchāpakaṁ kiṇitvā ānetvā taṁ māṇavikaṁ etadavoca:

尊者，那婆罗门染著这位年轻妻子，心被她系缚，就从市场买了一只小公猴回来，对年轻妻子说：

mn56:27.12

‘ayaṁ te, bhoti, āpaṇā makkaṭacchāpako kiṇitvā ānīto, yo te kumārakassa kīḷāpanako bhavissatī’ti.

‘夫人，这是从市场给你买回的小公猴，给你的小儿子作玩伴。’

mn56:27.13

Evaṁ vutte, bhante, sā māṇavikā taṁ brāhmaṇaṁ etadavoca:

尊者，听到这话，年轻妻子对婆罗门说：

mn56:27.14

‘gaccha tvaṁ, brāhmaṇa, imaṁ makkaṭacchāpakaṁ ādāya yena rattapāṇi rajakaputto tenupasaṅkama; upasaṅkamitvā rattapāṇiṁ rajakaputtaṁ evaṁ vadehi—

‘婆罗门，你带这只小公猴到染匠之子赤手那里，对赤手说：

mn56:27.15

icchāmahaṁ, samma rattapāṇi, imaṁ makkaṭacchāpakaṁ pītāvalepanaṁ nāma raṅgajātaṁ rajitaṁ ākoṭitapaccākoṭitaṁ ubhatobhāgavimaṭṭhan’ti.

“赤手朋友，我要把这只小公猴染成名为黄涂的颜色，反复捶打，把两面都磨平。”’

mn56:27.16

Atha kho, bhante, so brāhmaṇo tassā māṇavikāya sāratto paṭibaddhacitto taṁ makkaṭacchāpakaṁ ādāya yena rattapāṇi rajakaputto tenupasaṅkami; upasaṅkamitvā rattapāṇiṁ rajakaputtaṁ etadavoca:

尊者，那婆罗门染著这位年轻妻子，心被她系缚，就带着小公猴来到染匠之子赤手那里，对赤手说：

mn56:27.17

‘icchāmahaṁ, samma rattapāṇi, imaṁ makkaṭacchāpakaṁ pītāvalepanaṁ nāma raṅgajātaṁ rajitaṁ ākoṭitapaccākoṭitaṁ ubhatobhāgavimaṭṭhan’ti.

‘赤手朋友，我要把这只小公猴染成名为黄涂的颜色，反复捶打，把两面都磨平。’

mn56:27.18

Evaṁ vutte, bhante, rattapāṇi rajakaputto taṁ brāhmaṇaṁ etadavoca:

尊者，听到这话，染匠之子赤手对婆罗门说：

mn56:27.19

‘ayaṁ kho te, bhante, makkaṭacchāpako raṅgakkhamo hi kho, no ākoṭanakkhamo, no vimajjanakkhamo’ti.

‘尊者，你这只小公猴倒经得起染色，却经不起捶打，经不起磨平。’

mn56:27.20

Evameva kho, bhante, bālānaṁ nigaṇṭhānaṁ vādo raṅgakkhamo hi kho bālānaṁ no paṇḍitānaṁ, no anuyogakkhamo, no vimajjanakkhamo.

同样，尊者，愚痴尼乾陀的主张，只能取悦愚者，不能取悦智者；经不起追问，经不起推敲。

mn56:27.21

Atha kho, bhante, so brāhmaṇo aparena samayena navaṁ dussayugaṁ ādāya yena rattapāṇi rajakaputto tenupasaṅkami; upasaṅkamitvā rattapāṇiṁ rajakaputtaṁ etadavoca:

尊者，后来，那婆罗门带着一套两件新衣来到染匠之子赤手那里，对赤手说：

mn56:27.22

‘icchāmahaṁ, samma rattapāṇi, imaṁ navaṁ dussayugaṁ pītāvalepanaṁ nāma raṅgajātaṁ rajitaṁ ākoṭitapaccākoṭitaṁ ubhatobhāgavimaṭṭhan’ti.

‘赤手朋友，我要把这套两件新衣染成名为黄涂的颜色，反复捶打，把两面都磨平。’

mn56:27.23

Evaṁ vutte, bhante, rattapāṇi rajakaputto taṁ brāhmaṇaṁ etadavoca:

尊者，听到这话，染匠之子赤手对婆罗门说：

mn56:27.24

‘idaṁ kho te, bhante, navaṁ dussayugaṁ raṅgakkhamañceva ākoṭanakkhamañca vimajjanakkhamañcā’ti.

‘尊者，你这套两件新衣既经得起染色，也经得起捶打，还经得起磨平。’

mn56:27.25

Evameva kho, bhante, tassa bhagavato vādo arahato sammāsambuddhassa raṅgakkhamo ceva paṇḍitānaṁ no bālānaṁ, anuyogakkhamo ca vimajjanakkhamo cā”ti.

同样，尊者，那位世尊、阿罗汉、正等觉者的主张，能取悦智者，而非愚者；也经得起追问，经得起推敲。”

mn56:28.1

“Sarājikā kho, gahapati, parisā evaṁ jānāti:

“居士，包括国王在内的众人都这样知道：

mn56:28.2

‘upāli gahapati nigaṇṭhassa nāṭaputtassa sāvako’ti.

‘优波离居士是尼乾陀若提子的弟子。’

mn56:28.3

Kassa taṁ, gahapati, sāvakaṁ dhāremā”ti?

居士，我们应当记住你是谁的弟子？”

mn56:29.1

Evaṁ vutte, upāli gahapati uṭṭhāyāsanā ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā nigaṇṭhaṁ nāṭaputtaṁ etadavoca:

听到这话，优波离居士从座位起身，把上衣整向一肩，向世尊所在的方向合掌，对尼乾陀若提子说：

mn56:29.2

“tena hi, bhante, suṇohi yassāhaṁ sāvako”ti:

“那么，尊者，请听我是谁的弟子：

mn56:29.3

“Dhīrassa vigatamohassa,

贤智者、离痴者，

mn56:29.4

Pabhinnakhīlassa vijitavijayassa;

破除心荒芜者、赢得胜利者，

mn56:29.5

Anīghassa susamacittassa,

无忧恼者、心善平等者，

mn56:29.6

Vuddhasīlassa sādhupaññassa;

戒德成熟者、善慧者，

mn56:29.7

Vesamantarassa vimalassa,

越过不正者、无垢者，

mn56:29.8

Bhagavato tassa sāvakohamasmi.

我是那位世尊的弟子。

mn56:29.9

Akathaṅkathissa tusitassa,

无犹疑者、知足者，

mn56:29.10

Vantalokāmisassa muditassa;

舍弃世间诱饵者、喜悦者，

mn56:29.11

Katasamaṇassa manujassa,

完成沙门之事的人，

mn56:29.12

Antimasārīrassa narassa;

具有最后身的人，

mn56:29.13

Anopamassa virajassa,

无可比拟者、离尘者，

mn56:29.14

Bhagavato tassa sāvakohamasmi.

我是那位世尊的弟子。

mn56:29.15

Asaṁsayassa kusalassa,

无疑者、善巧者，

mn56:29.16

Venayikassa sārathivarassa;

调伏者、最胜御者，

mn56:29.17

Anuttarassa ruciradhammassa,

无上者、法光明者，

mn56:29.18

Nikkaṅkhassa pabhāsakassa;

无疑虑者、照耀者，

mn56:29.19

Mānacchidassa vīrassa,

断慢者、勇者，

mn56:29.20

Bhagavato tassa sāvakohamasmi.

我是那位世尊的弟子。

mn56:29.21

Nisabhassa appameyyassa,

牛王、不可量者，

mn56:29.22

Gambhīrassa monapattassa;

甚深者、达到牟尼智慧者，

mn56:29.23

Khemaṅkarassa vedassa,

带来安稳者、有知者，

mn56:29.24

Dhammaṭṭhassa saṁvutattassa;

住法者、自我约束者，

mn56:29.25

Saṅgātigassa muttassa,

越过系著者、解脱者，

mn56:29.26

Bhagavato tassa sāvakohamasmi.

我是那位世尊的弟子。

mn56:29.27

Nāgassa pantasenassa,

龙象、住于偏远处者，

mn56:29.28

Khīṇasaṁyojanassa muttassa;

诸结已尽者、解脱者，

mn56:29.29

Paṭimantakassa dhonassa,

善于论说者、洗净者，

mn56:29.30

Pannadhajassa vītarāgassa;

降旗者、离染者，

mn56:29.31

Dantassa nippapañcassa,

已调伏者、无戏论者，

mn56:29.32

Bhagavato tassa sāvakohamasmi.

我是那位世尊的弟子。

mn56:29.33

Isisattamassa akuhassa,

最胜仙人、不欺诳者，

mn56:29.34

Tevijjassa brahmapattassa;

具三明者、达到梵境者，

mn56:29.35

Nhātakassa padakassa,

已沐浴者、通达文句者，

mn56:29.36

Passaddhassa viditavedassa;

寂静者、了知明智者，

mn56:29.37

Purindadassa sakkassa,

最先施与者、有能者，

mn56:29.38

Bhagavato tassa sāvakohamasmi.

我是那位世尊的弟子。

mn56:29.39

Ariyassa bhāvitattassa,

圣者、已修习自身者，

mn56:29.40

Pattipattassa veyyākaraṇassa;

已得所应得者、善于解说者，

mn56:29.41

Satimato vipassissa,

有念者、有观者，

mn56:29.42

Anabhinatassa no apanatassa;

不趋向者、不背离者，

mn56:29.43

Anejassa vasippattassa,

不动者、达到自在者，

mn56:29.44

Bhagavato tassa sāvakohamasmi.

我是那位世尊的弟子。

mn56:29.45

Samuggatassa jhāyissa,

高超者、禅修者，

mn56:29.46

Ananugatantarassa suddhassa;

内心不受侵扰者、清净者，

mn56:29.47

Asitassa hitassa,

无所依者、有益者，

mn56:29.48

Pavivittassa aggappattassa;

远离者、达到至上者，

mn56:29.49

Tiṇṇassa tārayantassa,

已渡者、令他人渡者，

mn56:29.50

Bhagavato tassa sāvakohamasmi.

我是那位世尊的弟子。

mn56:29.51

Santassa bhūripaññassa,

寂止者、广慧者，

mn56:29.52

Mahāpaññassa vītalobhassa;

大慧者、离贪求者，

mn56:29.53

Tathāgatassa sugatassa,

如来、善逝，

mn56:29.54

Appaṭipuggalassa asamassa;

无可匹敌者、无等者，

mn56:29.55

Visāradassa nipuṇassa,

无畏者、精微者，

mn56:29.56

Bhagavato tassa sāvakohamasmi.

我是那位世尊的弟子。

mn56:29.57

Taṇhacchidassa buddhassa,

断渴爱者、觉醒者，

mn56:29.58

Vītadhūmassa anupalittassa;

离烟者、不染著者，

mn56:29.59

Āhuneyyassa yakkhassa,

应受供养者、夜叉，

mn56:29.60

Uttamapuggalassa atulassa;

最上人、无可衡量者，

mn56:29.61

Mahato yasaggapattassa,

伟大者、达到声誉之巅者，

mn56:29.62

Bhagavato tassa sāvakohamasmī”ti.

我是那位世尊的弟子。”

mn56:30.1

“Kadā saññūḷhā pana te, gahapati, ime samaṇassa gotamassa vaṇṇā”ti?

“居士，你是什么时候编成这些赞颂沙门乔达摩的话的？”

mn56:30.2

“Seyyathāpi, bhante, nānāpupphānaṁ mahāpuppharāsi, tamenaṁ dakkho mālākāro vā mālākārantevāsī vā vicittaṁ mālaṁ gantheyya;

“尊者，譬如有一大堆各色花朵，熟练的花鬘师或他的弟子，会将它们编成缤纷的花鬘。

mn56:30.3

evameva kho, bhante, so bhagavā anekavaṇṇo anekasatavaṇṇo.

同样，尊者，那位世尊有许多可赞叹的德行，有数百种可赞叹的德行。

mn56:30.4

Ko hi, bhante, vaṇṇārahassa vaṇṇaṁ na karissatī”ti?

尊者，谁会不赞叹值得赞叹的人呢？”

mn56:31.1

Atha kho nigaṇṭhassa nāṭaputtassa bhagavato sakkāraṁ asahamānassa tattheva uṇhaṁ lohitaṁ mukhato uggacchīti.

那时，尼乾陀若提子不能忍受对世尊的尊崇，当场从口中涌出热血。